For Quick Alerts
ALLOW NOTIFICATIONS  
For Daily Alerts

ಕೊರೊನಾ ವೈರಸ್‌ ಸೋಂಕಿ ಆಸ್ಪತ್ರೆ ಬೆಡ್‌ನಲ್ಲಿದ್ದರೂ ಕೈಕೈ ಬಿಡದ ವೃದ್ಧ ದಂಪತಿ

|

ಕೊರೊನಾ ವೈರಸ್ ಎಂಬ ಮಾರಾಣಾಂತಿಕ ಸೋಂಕು ಚೀನಾವನ್ನು ಅಕ್ಷರಶಃ ನರಕವಾಗಿಸಿದೆ. ತಮ್ಮವರು ನರಳಿ-ನರಳಿ ಸಾಯುತ್ತಿದ್ದರೆ ಏನೂ ಮಾಡಲಾಗದೆ, ಅವರನ್ನು ಮುಟ್ಟಲೂ ಆಗದೆ ಅಲ್ಲಿಯ ಜನರು ಅಸಹಾಯಕರಾಗಿ ನಿಂತಿದ್ದಾರೆ.

ಚೀನಾದ ಹಲವಾರು ವೀಡಿಯೋಗಳು ಸೋಷಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿವೆ. ಅವುಗಳನ್ನು ನೋಡುವಾಗ ಪ್ರತಿಯೊಬ್ಬರ ಮನಸ್ಸು ಕರಗುತ್ತದೆ. ಅದರಲ್ಲೂ ವೃದ್ಧ ದಂಪತಿಯ ಪ್ರೀತಿಯ ವೀಡಿಯೋ ನೋಡಿದವರ ಕಣ್ತುಂಬಿ ಬರುವುದು.

Coronavirus

ಯಾವ ಕೊರೊನಾ ವೈರಸ್‌ಗೂ ನಮ್ಮನ್ನು ದೂರ ಮಾಡಲು ಸಾಧ್ಯವಿಲ್ಲ ಎಂದು ಅಜ್ಜ-ಅಜ್ಜಿ ಕೈ -ಕೈ ಹಿಡಿದು ಆಸ್ಪತ್ರೆಯ ಐಸಿಯುವಿನಲ್ಲಿ ಮಲಗಿರುವ ವೀಡಿಯೋ ನೋಡಿದಾಗ ಕರಳು ಚುರ್‌ ಅನ್ನದೆ ಇರಲ್ಲ.

80ರ ಪ್ರಾಯದ ವೃದ್ಧ ದಂಪತಿಗೆ ಕರೋನಾ ವೈರಸ್ ಸೋಂಕು ತಟ್ಟಿದೆ. ಅವರಿಬ್ಬರನ್ನು ಆಸ್ಪತ್ರೆಯ ಪ್ರತ್ಯೇಕ ಕೋಣೆಯಲ್ಲಿ, ಊ ಐಸಿಯುವಿನಲ್ಲಿರಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಸಾವು ಅವರ ಪಕ್ಕ ಕೂತು ಅಟ್ಟಹಾಸದಿಂದ ನಗುತ್ತಿದ್ದರೂ, ಅದನ್ನು ಲೆಕ್ಕಿಸದೆ ಒಬ್ಬರ-ಕೈ ಮತ್ತೊಬ್ಬರು ಹಿಡಿದು ಏನೇ ಬರಲಿ ನಿನ್ನ ಜೊತೆ ನಾನಿರುವೆ...ಸದಾ ನಾನಿರುವೆ ಎಂದು ಹೇಳುವಂತಿರುವ ಆ ವೀಡಿಯೋ ಪ್ರೀತಿಯ ಮಹತ್ವವನ್ನು ಸಾರುತ್ತದೆ.

ಪ್ರೀತಿಗೆ ಜಗತ್ತನ್ನು ಜಯಿಸುವ ಶಕ್ತಿ ಇದೆ, ಈ ಮಾರಕ ಕೊರೊನಾ ವೈರಸ್‌ ಸೋಲಿಸಿ ಆ ವೃದ್ಧ ದಂಪತಿ ಪ್ರೀತಿಯಿಂದ ಕೈ-ಕೈ ಹಿಡಿದು ನಡೆದಾಡುವಂತಾಗಲಿ ಎಂದು ಆ ವೀಡಿಯೋ ನೋಡಿದ ಪ್ರತಿಯೊಬ್ಬರು ಆಶಿಸುತ್ತಿದ್ದಾರೆ,

English summary

Coronavirus, People Wondering By Seeing This Old Couple Love

Coronavirus, In hospital bed old couple holding each other video melt your hear
X
Desktop Bottom Promotion