ಬೇಟೆ ಕಲೆ ಕಲಿಯುತ್ತಿರುವ ಚಿರತೆ ಮರಿಯ ಕ್ಯೂಟ್‌ ವೀಡಿಯೋ ವೈರಲ್

ಮನುಷ್ಯ ಇರಲಿ, ಪ್ರಾಣಿಗಳಿರಲಿ ಹುಟ್ಟಿದ ಮೇಲೆ ಬದುಕುವ ಕಲೆ ಕಲಿಯಬೇಕು, ಇಲ್ಲದಿದ್ದರೆ ಬದುಕುವುದು ಕಷ್ಟ. ಮನುಷ್ಯ ಮಾನವೀಯತೆಯಿಂದ ಬದುಕುವುದು ಕಲಿಯಬೇಕು, ಪಕ್ಷಿ ಹಾರುವುದು ಕಲಿಯಬೇಕು, ಪ್ರಾಣಿಗಳು ಆಹಾರವನ್ನು ಹುಡುಕುವ ಕಲೆ ಕಲಿಯಬೇಕು.

ಮಾಂಸಾಹಾರಿ ಪ್ರಾಣಿಗಳಾದರೆ ಮುಖ್ಯವಾಗಿ ಬೇಟೆಯಾಡುವುದು ಹೇಗೆ ಎಂದು ಕಲಿಯಬೇಕು. ಇಲ್ಲೊಂದು ಚಿರತೆ ಮರಿ ಬೇಟೆಯಾಡುವುದನ್ನು ಕಲಿಯುತ್ತಿರುವ ಮುದ್ದಾದ ವೀಡಿಯೋ ಸಕತ್ ವೈರಲ್ ಆಗಿದೆ. ಹದಿಮೂರು ಸೆಕೆಂಡ್‌ನ ಈ ವೀಡಿಯೋವನ್ನು ಸುಸಾಂತ ನಂದ ಎಂಬ ಅರಣ್ಯಾಧಿಕಾರಿ ಟ್ವಿಟರ್‌ನಲ್ಲಿ ಪೋಸ್ಟ್‌ ಮಾಡಿದ್ದು, ಚಿರತೆಯ ಮುದ್ದು ಭಾವ ವೀಕ್ಷಕರ ಮನಗೆದ್ದಿದೆ.

ಬೇಟೆಗೆ ಕಾಯುವಂತೆ ಪೋಸ್‌ ನೀಡುತ್ತಿರುವ ಚಿರತೆ ಮರಿಯ ಕಣ್ಣುಗಳು ನೆಟ್ಟಿಗರನ್ನು ಮೋಡಿ ಮಾಡಿದೆ. ಚಿರತೆ ಮರಿಗಳು ತುಂಬಾ ಚಿಕ್ಕ ವಯಸ್ಸಿನಲ್ಲಿಯೇ ಬೇಟೆ ಕಲಿಯುತ್ತವೆ. ಒಂದು ವರ್ಷದ ಮರಿ ತಾಯಿ ಜೊತೆ ಬೇಟೆಯಾಡಲು ಹೋಗುತ್ತದೆ. ಬದುಕಬೇಕು ಎಂದರೆ ಬದುಕವ ಕಲೆ ಕಲಿಯಲೇ ಬೇಕು ಅಲ್ವಾ?