ವಿದೇಶಿಗನ ಭಾಂಗ್ರಾ ಕುಣಿತಕ್ಕೆ ಭಾರತೀಯರು ಫಿದಾ..!

ಭಾರತದಲ್ಲಿ ನಾವು ಅನೇಕ ರೀತಿಯ ನೃತ್ಯ ಪ್ರಕಾರಗಳನ್ನು ಕಾಣಬಹುದು. ಒಂದೊಂದು ರಾಜ್ಯವು ಒಂದೊಂದು ನೃತ್ಯ ಶೈಲಿಯನ್ನು ಹೊಂದಿದೆ. ಅದೇ ರೀತಿ ಪಂಜಾಬ್‌ನ ಭಾಂಗ್ರಾ ನೃತ್ಯದ ಬಗ್ಗೆ ನಿಮಗೆಲ್ಲಾ ಗೊತ್ತಿರುತ್ತೆ. ದೇಶ-ವಿದೇಶಗಳಲ್ಲಿಯೂ ಈ ನೃತ್ಯ ಪ್ರಖ್ಯಾತಿಯನ್ನು ಪಡೆದಿದೆ.

ಇತ್ತೀಚಿನ ದಿನಗಳಲ್ಲಿ ಅನೇಕ ಜನ ವಿದೇಶಿಯರು ಭಾರತೀಯ ನೃತ್ಯ ಪ್ರಕಾರಗಳನ್ನು ಇಷ್ಟಪಟ್ಟು ಕಲಿತು ಡಾನ್ಸ್‌ ಮಾಡಿರೋ ವಿಡಿಯೋಗಳು ಸೋಶಿಯಲ್‌ ಮಿಡಿಯಾದಲ್ಲಿ ವೈರಲ್‌ ಆಗಿರೋದನ್ನ ನಾವು ನೋಡಿರ್ತಿವಿ. ಅದೇ ರೀತಿ ಇತ್ತೀಚಿಗೆ ಭಾಂಗ್ರಾ ನೃತ್ಯವೊಂದು ಸೋಶಿಯಲ್‌ ಮಿಡಿಯಾದಲ್ಲಿ ಟ್ರೆಂಡ್‌ ಆಗ್ತಿದೆ.

ಈ ವಿಡಿಯೋವನ್ನು Ed ಎಂಬುವವರು ತಮ್ಮ ಸೋಶಿಯಲ್‌ ಮಿಡಿಯಾ ಖಾತೆಯಲ್ಲಿ ಶೇರ್‌ ಮಾಡಿದ್ದಾರೆ. ವಿಡಿಯೋದಲ್ಲಿ ಮೊದಲಿಗೆ ಅವರು ನಿಮಗಿಷ್ಟವಾದ ಡಾನ್ಸ್‌ ಸ್ಟೆಪ್‌ಗಳನ್ನು ಕಲಿಸಿಕೊಡುವಂತೆ ಕೇಳುತ್ತಾರೆ. ನಂತರ ಪಂಜಾಬಿ ಶೈಲಿಯ ಉಡುಗೆಗಳನ್ನು ಧರಿಸಿ ಯೋ ಯೋ ಹನಿ ಸಿಂಗ್‌ ಹಾಗೂ ಜೆ-ಸ್ಟಾರ್‌ ಅವರ ಗರ್ಬು ಹಾಡಿಗೆ ನೃತ್ಯ ಮಾಡ್ತಾರೆ.

ವಿದೇಶಿಗನ ಈ ನೃತ್ಯವನ್ನು ಭಾರತೀಯರು ಮೆಚ್ಚಿಕೊಂಡು ಕಮೆಂಟ್‌ ಕೂಡ ಮಾಡಿದ್ದಾರೆ. ಈ ವಿಡಿಯೋಗೆ 40,000 ಕ್ಕೂ ಅಧಿಕ ಲೈಕ್‌ ಬಂದಿದ್ದು, ಮೂರು ಲಕ್ಷಕ್ಕೂ ಅಧಿಕ ಜನ ವೀಕ್ಷಣೆ ಮಾಡಿದ್ದಾರೆ.

ಭಾರತೀಯರೇ ನಮ್ಮ ಸಂಸ್ಕೃತಿಯನ್ನು ಮರೆಯುತ್ತಿರುವ ಈ ಕಾಲದಲ್ಲಿ ವಿದೇಶಿಗರು ನಮ್ಮ ಸಂಸ್ಕೃತಿಯನ್ನು ಮೆಚ್ಚಿಕೊಂಡು ಅದನ್ನು ಕಲಿತುಕೊಳ್ಳುತ್ತಿರುವುದು ನಿಜಕ್ಕೂ ವಿಶೇಷ ಅನ್ನಿಸುತ್ತೆ.