ಸೈನಿಕನಾಗುವ ಆಸೆ, ಮೆಕ್ಡೊಡೊನಾಲ್ಡ್‌ ಕೆಲಸ ಮುಗಿಸಿ 10 ಕಿ.ಮೀ ಓಡಿಕೊಂಡೇ ಮನೆ ಸೇರುವ 19ರ ಯುವಕ! ಇಂಥ ಯುವಕರೇ ದೇಶದ ಶಕ್ತಿ

ನಮ್ಮ ದೇಶದ ದೊಡ್ಡ ಆಸ್ತಿ ಯಾವುದೆಂದರೆ ದೇಶಭಕ್ತಿ ಮನದಲ್ಲಿ ತುಂಬಿರುವ ಯುವಕರು. ದೇಶವು ಅವರ ರಕ್ಷಣೆಯಲ್ಲಿ ತುಂಬಾನೇ ಸುರಕ್ಷಿತವಾಗಿರುತ್ತೆ. ಅಂಥ ಯುವಕನೊಬ್ಬನ ವೀಡಿಯೋ ಭಾರತೀಯರ ಮನ ಗೆದ್ದಿದೆ, ಅವನ ವೀಡಿಯೋ ಸಾಮಾಜಿಕ ತಾಣದಲ್ಲಿ ತುಂಬಾನೇ ಸದ್ದು ಮಾಡುತ್ತಿದೆ.

ಕಾರಿನಲ್ಲಿ ಹೋಗುತ್ತಿರುವಾಗ ವಿನೋದ್ ಕಪ್ರಿ ಎಂಬುವವರು ಈ ವೀಡಿಯೋ ಮಾಡಿದ್ದು ಈ ಹುಡುಗನನ್ನು ನೆಟ್ಟಿಗರು ಪ್ಯೂರ್ ಗೋಲ್ಡ್ (ಶುದ್ಧ ಚಿನ್ನವೆಂದು ಹೊಗಳುತ್ತಿದ್ದಾರೆ. ನ್ಯಾಷನಲ್‌ ಅವಾರ್ಡ್‌ ಫಿಲ್ಮಂ ಮೇಕರ್ ವಿನೋದ್‌ ಕಪ್ರಿ ಕಾರಿನಲ್ಲಿ ಹೋಗುತ್ತಿರುವಾಗ ಒಬ್ಬ ಹುಡುಗ ಓಡುತ್ತಾ ಹೋಗ್ತಾ ಇರುತ್ತಾನೆ, ಅದನ್ನು ನೋಡಿ ಇವರು ಬಾ ಡ್ರಾಪ್‌ ಕೊಡ್ತೀನಿ ಎಂದು ಹೇಳಿದಾಗ ಬೇಡ ಓಡಿಕೊಂಡೇ ಮನೆಗೆ ಹೋಗ್ತೀನಿ ಎನ್ನುತ್ತಾನೆ. ಇವರು ಏಕೆ ಎಂದು ಕೇಳಿದಾಗ ಸೇನೆಗೆ ಸೇರಬೇಕೆಂದ್ದೀನಿ, ಬೆಳಗ್ಗೆ ಓಡಲು ಸಮಯ ಸಿಗಲ್ಲ ಅದಕ್ಕೆ ಹೀಗೆ 10ಕಿ.ಮೀ ಓಡಿಕೊಂಡೇ ಮನೆಗೆ ಹೋಗ್ತೀನಿ ಎಂದಿದ್ದಾನೆ.

ಕಪ್ರಿಯವರು ಈ ವೀಡಿಯೋವನ್ನು ಸಾಮಾಜಿಕ ತಾಣದಲ್ಲಿ ಹಾಕಿ ಕೆಲವೇ ಗಂಟೆಗಳಲ್ಲಿ ವೀಡಿಯೋ ವೈರಲ್ ಆಗಿದೆ. ಅದಾ ನಂತರ ಅವರು ಅವನು ಕೆಲಸ ಮಾಡುತ್ತಿರುವ ಮೆಕ್‌ಡೊನಾಲ್ಡ್‌ಗೆ ಹೋಗಿ ಮಾತನಾಡಿಸಿರುವ ವೀಡಿಯೋವನ್ನು ಹಾಕಿದ್ದಾರೆ.

ಸೇನೆಗೆ ಸೇರಿ ದೇಶ ಸೇವೆ ಮಾಡಬೇಕೆಂಬ ಯುವಕನ ಕನಸು ನನಸಾಗಲಿ.....