ಇಂದಿನಿಂದ ರೈಲು ಟಿಕೆಟ್ ದರ ಏರಿಕೆ: ವಾರ್ಷಿಕ 600 ಕೋಟಿ ರೂ. ಹೆಚ್ಚುವರಿ ಆದಾಯ ಸಂಗ್ರಹ ಗುರಿ!

ಭಾರತೀಯ ರೈಲ್ವೆ ನಿತ್ಯವು ಲಕ್ಷಾಂತರ ಪ್ರಯಾಣಿಕರನ್ನು ಹೊತ್ತು ಸಾಗುವ ಸಂಪರ್ಕ ಸೇತುವೆಯಾಗಿದೆ. ಈಗ ವರ್ಷದಲ್ಲಿ ಇದು ಎರಡನೇ ಬಾರಿಗೆ ಟಿಕೆಟ್ ದರ ಏರಿಕೆ ಮಾಡಿದೆ. ಇಂದಿನಿಂದ ದೇಶದಾದ್ಯಂತ ಚಲಿಸುವ ರೈಲುಗಳ ಪರಿಷ್ಕೃತ ಟಿಕೆಟ್ ದರ ಜಾರಿಯಾಗುತ್ತಿದೆ. ಡಿಸೆಂಬರ್ 26 ರಿಂದ ರೈಲ್ವೇ ಟಿಕೆಟ್ ದರ ಏರಿಕೆ ಜಾರಿಗೆ ಬರಲಿದೆ.

ರೈಲ್ವೇ ಪ್ರಯಾಣಿಕರ ಸುರಕ್ಷತೆ, ರೈಲ್ವೇ ದಕ್ಷತೆ, ನಿರ್ವಹಣಾ ವೆಚ್ಚ ಭರಿಸಲು ಟಿಕೆಟ್ ದರ ಏರಿಕೆ ಮಾಡಲಾಗಿದೆ ಎಂದು ರೈಲ್ವೆ ಇಲಾಖೆ ತಿಳಿಸಿದೆ. ಹಾಗೆ ಇದು ಆರು ತಿಂಗಳ ಅವದಿಯಲ್ಲಿ 2ನೇ ಬಾರಿಗೆ ಟಿಕೆಟ್ ದರ ಏರಿಕೆ ಮಾಡಿದಂತಾಗಿದೆ. ಕಳೆದ ಜುಲೈನಲ್ಲಿಯೂ ಕೂಡ ಅಲ್ಪ ಪ್ರಮಾಣದ ಏರಿಕೆ ಮಾಡಿತ್ತು. ಈಗಲೂ ಸಹ ಪೈಸೆಗಳ ಲೆಕ್ಕದಲ್ಲಿ ಏರಿಕೆ ಮಾಡಲಾಗಿದೆ.

ಪರಿಷ್ಕೃತ ದರಗಳ ಅಡಿಯಲ್ಲಿ 500 ಕಿ.ಮೀ ವರೆಗೆ ಪ್ರಯಾಣಿಸುವ ಎಸಿ ಅಲ್ಲದ ಪ್ರಯಾಣಿಕರು ಹೆಚ್ಚುವರಿಯಾಗಿ 10 ರೂ. ಪಾವತಿಸಬೇಕಾಗುತ್ತದೆ. ಎಸಿ ಅಲ್ಲದ ಮೇಲ್ ಮತ್ತು ಎಕ್ಸ್‌ಪ್ರೆಸ್ ರೈಲುಗಳ ದರವನ್ನು ಪ್ರತಿ ಕಿ.ಮೀ.ಗೆ 2 ಪೈಸೆ ಹೆಚ್ಚಿಸಲಾಗಿದೆ, ಆದರೆ ಎಸಿ ವರ್ಗದ ದರಗಳು ಸಹ ಪ್ರತಿ ಕಿ.ಮೀ.ಗೆ 2 ಪೈಸೆ ಹೆಚ್ಚಿಸಲಾಗಿದೆ. 215 ಕಿ.ಮೀ. ಮೀರಿದ ಸಾಮಾನ್ಯ ವರ್ಗದ ಪ್ರಯಾಣಕ್ಕೆ, ಪ್ರತಿ ಕಿ.ಮೀ.ಗೆ 1 ಪೈಸೆ ಹೆಚ್ಚಿಸಲಾಗಿದೆ.

ಹಾಗೆ ಈ ದರಗಳು ಸಬರ್ಬನ್ ಸೇವೆಗಳು, ಸೀಸನ್ ಟಿಕೆಟ್‌ಗಳು ಮತ್ತು 215 ಕಿ.ಮೀ ವರೆಗಿನ ಎರಡನೇ ದರ್ಜೆಯ ಸಾಮಾನ್ಯ ಪ್ರಯಾಣಗಳಿಗೆ ಅನ್ವಯವಾಗುವುದಿಲ್ಲ ಎಂದು ತಿಳಿಸಿದೆ.

ಹಾಗೆ ಉಪನಗರ ಸೇವೆಗಳು, ಮಾಸಿಕ ಸೀಸನ್ ಟಿಕೆಟ್‌ಗಳು ಅಥವಾ 215 ಕಿ.ಮೀ ವರೆಗಿನ ಎರಡನೇ ದರ್ಜೆಯ ಸಾಮಾನ್ಯ ಪ್ರಯಾಣಗಳಿಗೆ ದರದಲ್ಲಿ ಯಾವುದೇ ಹೆಚ್ಚಳವಿಲ್ಲ. ಮೀಸಲಾತಿ ಶುಲ್ಕಗಳು, ಸೂಪರ್‌ಫಾಸ್ಟ್ ಸರ್‌ಚಾರ್ಜ್‌ಗಳು ಮತ್ತು ಇತರ ಪೂರಕ ಶುಲ್ಕಗಳು ಬದಲಾಗದೆ ಉಳಿದಿವೆ ಮತ್ತು ಪ್ರತ್ಯೇಕವಾಗಿ ವಿಧಿಸಲಾಗುವುದು ಎಂದು ರೈಲ್ವೆಗಳು ಸ್ಪಷ್ಟಪಡಿಸಿವೆ. ಜಿಎಸ್‌ಟಿ, ಅನ್ವಯವಾಗುವಲ್ಲೆಲ್ಲಾ ಅಸ್ತಿತ್ವದಲ್ಲಿರುವ ನಿಯಮಗಳ ಪ್ರಕಾರ ಮುಂದುವರಿಯುತ್ತದೆ ಮತ್ತು ದರ ಸುತ್ತುವರಿದ ಮಾನದಂಡಗಳು ಒಂದೇ ಆಗಿರುತ್ತವೆ.

ಈ ಟಿಕೆಟ್ ದರ ಏರಿಕೆಯಿಂದ ರೈಲ್ವೆ ಇಲಾಖೆಗೆ ವರ್ಷಕ್ಕೆ 600 ಕೋಟಿ ರೂಪಾಯಿ ಹೆಚ್ಚುವರಿ ಆದಾಯ ಬರಲಿದೆ ಎಂದು ತಿಳಿದುಬಂದಿದೆ. ರೈಲ್ವೆ ನೆಟ್ ವರ್ಕ್ ವಿಸ್ತರಣೆ, ರೈಲ್ವೆ ಆಪರೇಷನ್ ವೆಚ್ಚ ಹೆಚ್ಚಳ, ರೈಲ್ವೆ ಸುರಕ್ಷತೆ, ದಕ್ಷತೆಯ ಹೆಚ್ಚಳದ ಕಾರಣದಿಂದ ರೈಲ್ವೆ ಟಿಕೆಟ್ ದರವನ್ನು ಪೈಸೆಗಳ ಲೆಕ್ಕದಲ್ಲಿ ಏರಿಸುವ ತೀರ್ಮಾನ ಕೈಗೊಳ್ಳಲಾಗಿದೆ ಎಂದು ರೈಲ್ವೆ ಈ ನಿರ್ಧಾರವನ್ನು ಸಮರ್ಥಿಸಿಕೊಂಡಿದೆ.

ರೈಲ್ವೆ ಇಲಾಖೆಯ ಅಧಿಕಾರಿ, ಸಿಬ್ಬಂದಿಯ ವೇತನ ಸುಮಾರು 1.15 ಲಕ್ಷ ಕೋಟಿ ರೂಪಾಯಿಗೆ ಏರಿಕೆಯಾಗಿದೆ. ಹಾಗೆ ನಿವೃತ್ತ ಸಿಬ್ಬಂದಿಯ ನಿರ್ವಾಹಣ ವೆಚ್ಚ ವರ್ಷಕ್ಕೆ 2.60 ಲಕ್ಷ ಕೋಟಿ ರೂಪಾಯಿ ದಾಟಿದೆ. ಈ ಎಲ್ಲಾ ಉದ್ದೇಶದಿಂದ ಟಿಕೆಟ್ ದರ ಏರಿಕೆ ಮಾಡಲಾಗಿದೆ ಎಂದು ತಿಳಿದುಬಂದಿದೆ.

ಪರಿಷ್ಕೃತ ದರಗಳು ರಾಜಧಾನಿ, ಶತಾಬ್ದಿ, ಡುರೊಂಟೊ, ವಂದೇ ಭಾರತ್, ತೇಜಸ್, ಹಮ್‌ಸಫರ್, ಗರೀಬ್ ರಥ, ಜನ ಶತಾಬ್ದಿ ಮತ್ತು ಇತರ ಮೇಲ್/ಎಕ್ಸ್‌ಪ್ರೆಸ್ ಮತ್ತು ಸಾಮಾನ್ಯ ಉಪನಗರವಲ್ಲದ ಸೇವೆಗಳು ಸೇರಿದಂತೆ ಪ್ರಮುಖ ರೈಲು ಸೇವೆಗಳಲ್ಲಿ ಏಕರೂಪವಾಗಿ ಅನ್ವಯಿಸುತ್ತವೆ ಎಂದು ಪ್ರಕಟಣೆಯಲ್ಲಿ ತಿಳಿಸಲಾಗಿದೆ. ಹಾಗೆ ಈ ನವೀಕರಿಸಿದ ಟಿಕೆಟ್‌ ವ್ಯವಸ್ಥೆ ಎಲ್ಲಾ ಕೇಂದ್ರದಲ್ಲೂ ಜಾರಿಯಾಗುತ್ತಿದೆ. ಹಾಗೆ ಮುಂಬರುವ ದಿನಗಳಲ್ಲಿ ಹೊಸ ರೈಲು ಮಾರ್ಗಗಳು ಸೇರಿದಂತೆ ಹೊಸ ರೈಲು ಸೇವೆಯು ಸಹ ರೈಲ್ವೆ ಇಲಾಖೆ ನೀಲ ನಕ್ಷೆಯಲ್ಲಿದೆ.