ದುಬಾರಿ ಟೊಮೆಟೊ: ಈ ಮೀಮ್ಸ್‌ಗಳ ನೋಡಿದರೆ ಪಕ್ಕಾ ನೀವು ನಗುವಿರಿ!

ಅತ್ತೆಗೊಂದು ಕಾಲ ಸೊಸೆಗೊಂದು ಕಾಲ ಎಂಬಂತೆ ಈಗ ಟೊಮೆಟೊದ್ದೇ ಕಾಲ, ಕೆಂಪಗೆ ಕಾಣುವ ಟೊಮೆಟೊ ಈ ಹಿಂದಿಗಿಂತಲೂ ಹೆಚ್ಚು ಸುಂದರವಾಗಿ ಕಾಣುತ್ತಿದೆ, ಬಡವನ ಕೈಗೆಟುಕದ್ದೇ ಲಕ ಲಕ ಅಂತ ಹೊಳೆಯುತ್ತಿದೆ, ಚಿನ್ನವನ್ನು ಕಾಯುವಂತೆ ಟೊಮೆಟೊ ಕಾಯಬೇಕಾದ ಪರಿಸ್ಥಿತಿ ರೈತರಿಗೆ, ಟೊಮೆಟೊ ವ್ಯಾಪಾರಿಗಳಿಗೆ ಬಂದಿದೆ.

ಟೊಮೆಟೊ ಕದ್ದ ಕೇಸ್‌ ಈ ಹಿಂದೆ ಎಂದೂ ಕೇಳಿರಲಿಲ್ಲ, ಆದರೆ ಟೊಮೆಟೊ ಕಳ್ಳತನವಾಗಿದೆ, ಅಲ್ಲದೆ ಒಡಿಸ್ಸಾದಲ್ಲಿ ವ್ಯಾಪಾರಿಯೊಬ್ಬರು ಬೌನ್ಸರ್‌ಗಳನ್ನು ಇಟ್ಟು ಟೊಮೆಟೊ ವ್ಯಾಪಾರ ಮಾಡಿರುವ ಘಟನೆಯೂ ನಡೆದಿದೆ, ಟೊಮೆಟೊ ದುಬಾರಿಯಾದ ಬಳಿಕ ಟೊಮೆಟೊ ಕುರಿತು ಹಲವಾರು ಮೀಮ್ಸ್‌ಗಳು ಸೋಷಿಯಲ್‌ ಮೀಡಿಯಾದಲ್ಲಿ ಹರಿದಾಡುತ್ತಿದೆ, ಒಂದೊಂದು ಮೀಮ್ಸ್‌ ನಿಮ್ಮ ತುಟಿಯಂಚಿನಲ್ಲಿ ನಗು ಮೂಡಿಸುವಂತಿದೆ ನೋಡಿ:

ಆ್ಯಪಲ್‌ ಫೋನ್‌ ಜೊತೆ ಟೊಮೆಟೊ ಹೋಲಿಕೆ ಮಾಡಿ ಮೀಮ್ಸ್‌ ಮಾಡಿ ಸೋಷಿಯಲ್‌ ಮೀಡಿಯಾದಲ್ಲಿ ಶೇರ್ ಮಾಡಲಾಗುತ್ತಿದೆ.

ಪೆಟ್ರೋಲ್‌ ದುಬಾರಿ ಎಂದು ಎಲ್ಲರೂ ಬೊಬ್ಬೆ ಹಾಕುತ್ತಿದ್ದರು, ಆದರೆ ಈಗ ಟೊಮೆಟೊ ಮುಂದೆ ಪೆಟ್ರೋಲ್ ಏನೂ ಅಲ್ಲ ಎಂಬ ಮೀಮ್ಸ್ ಹರಿದಾಡುತ್ತಿದೆ.

ಒಂದು ಕೆಜಿ ಟೊಮೆಟೊ ಕಮ್ಮತ್ತು ನಿಮಗೇನು ಗೊತ್ತು ರಮೇಶ್‌ ಬಾಬು... ಎಂಬರ್ಥದ ಈ ಮೀಮ್ಸ್ ನೋಡಿ ಸಕತ್‌ ಫನ್ನಿಯಾಗಿದೆ ಅಲ್ವಾ?

ಇನ್ನು ಫೇಮಸ್‌ ಪುಷ್ಪ ಚಿತ್ರ ಬಳಸಿ ಕೂಡ ಟೊಮೆಟೊ ಮೀಮ್ಸ್ ಮಾಡಲಾಗಿದೆ ನೋಡಿ.

ಹುಡುಗ ಏನು ಮಾಡುತ್ತಿದ್ದಾನೆ ಎಂದರೆ ಟೊಮೆಟೊ ವ್ಯಾಪಾರಿ ಎಂದರೆ ಡಿಮ್ಯಾಂಡಪ್ಪೋ ಡಿಮ್ಯಾಂಡ್‌
ಹೀಗೆ ಟೊಮೆಟೊ ಕುರಿತ ಲವಾರು ಮೀಮ್ಸ್ ಸಾಮಾಜಿಕ ತಾಣದಲ್ಲಿ ಹರಿದಾಡುತ್ತಿದ್ದು ಈ ಮೀಮ್ಸ್ ನೋಡುವಾಗ ನಗು ಬಂದರೂ ಟೊಮೆಟೊ ಖರೀದಿಸಲು ಹೋದಾಗ ಕಣ್ಣಿನಲ್ಲಿ ನೀರು ಬರುವಂತಾಗಿದೆ.

ಬರೀ ಮೀಮ್ಸ್ ಅಷ್ಟೇ ಅಲ್ಲ ಟೊಮೆಟೊ ಕುರಿತ ಫನ್ನಿ ವೀಡಿಯೋಗಳು ಕೂಡ ಸಕತ್ ಸದ್ದು ಮಾಡುತ್ತಿದೆ. ಈಗ ಕೆಂಪಗೆ ಹೊಳೆಯುವ ಟೊಮೆಟೊ ಕೈಗೆಟುಕದ ನಕ್ಷತ್ರದಂತೆ ಬಡವರಿಗೆ ಭಾಸವಾಗುತ್ತಿದೆ.... ಎಲ್ಲರಿಗೂ ಒಂದು ಕಾಲ ಬರುತ್ತದೆ ಎಂದು ಇದಕ್ಕೆ ಹೇಳುವುದು ಇರಬಹುದು ಅಲ್ವಾ?