ಸಮುದ್ರದಿಂದ 650 ಅಡಿ ಮೇಲಕ್ಕೆ ಹಾರುವ ಈ ಮೀನಿನ ಬಗ್ಗೆ ಗೊತ್ತೇ?

ಈ ಪ್ರಪಂಚದಲ್ಲಿರುವ ಕೆಲವೊಂದು ಜೀವಿಗಳ ಬಗ್ಗೆ ನಮಗೆ ಗೊತ್ತೇ ಇರಲ್ಲ, ಅಪರೂಪಕ್ಕೆ ಕಾಣ ಸಿಕ್ಕಾಗ ಇಂಥದ್ದೂ ಒಂದು ಜೀವ ಇರುತ್ತೆ ಎಂದು ಗೊತ್ತಾಗುವುದು. ಅಂಥದ್ದೊಂದು ಜೀವ ಜಲದಲ್ಲಿ ಪತ್ತೆಯಾಗಿದ್ದು ಅದರ ವೀಡಿಯೋ ವೈರಲ್ ಆಗಿದೆ.

ಸಮುದ್ರ ಜೀವಿಗಳಲ್ಲಿ ತಿಮ್ಮಿಂಗಲದಂಥ ದೈತ್ಯ ಜೀವಿಯೂ ಇದೆ, ತುಂಬಾ ಕಿರು ಗಾತ್ರದ ಜೀವಿಯೂ ಇದೆ. ಜಲದಲ್ಲಿ ಬದುಕುವ ಜೀವಿಗಳಲ್ಲಿ ಅಪರೂಪಕ್ಕೆ ಕಾಣ ಸಿಗುವ ಪ್ರಾಣಿಯೆಂದರೆ ಅದು ಹಾರುವ ಮೀನು. ಇದನ್ನು ಫ್ಲೈಯಿಂಗ್ ಕಾಡ್ ಎಂದು ಕರೆಯಲಾಗುವುದು.

ಮೀನುಗಳು ಸ್ವಲ್ಪ ದೂರ ಹಾರುವುದನ್ನು ಕಾಣುತ್ತೇವೆ, ಆದರೆ ಈ ಮೀನು ಆಕಾಶದಲ್ಲಿ ಪಕ್ಷಿ ರಿತಿ ಹಾರುವುದು, ಸುಮಾರು ನೂರು ಮೀಟರ್ ದೂರ ಹಾರುತ್ತದೆ, ಅಲ್ಲದೆ ಪಕ್ಷಿಗಳಿಗೆ ಇರುವಂತೆ ರೆಕ್ಕೆ ಕೂಡ ಈ ಮೀನಿಗಿದೆ. ಈ ಬಗೆಯ ಮೀನುಗಳು ಆಳವಾದ ಸಮಯದ್ರದಲ್ಲಿ ಕಂಡು ಬರುವುದು. ಸುಮಾರು 650 ಅಡಿ ಎತ್ತರಕ್ಕೆ ಈ ಮೀನು ಹಾರುತ್ತದೆ. ಅಲ್ಲದೆ ಈ ಮೀನು ಎಷ್ಟು ಎತ್ತರಕ್ಕೆ ಹಾರುವುದೋ ಅಷ್ಟೇ ವೇಗವಾಗಿ ನೀರಿಗಿಳಿದು ಈಜುವುದು.

ತುಂಬಾ ಆಕರ್ಷಕವಾದ ಮೀನು?
ಈ ಮೀನು ನೋಡಲು ತುಂಬಾ ಆಕರ್ಷಕವಾದ ಮೀನಾಗಿದೆ. ಈ ಮೀನು ನೀಲಿ, ಕಪ್ಪು, ಬಿಳಿ, ಸಿಲ್ವರ್ ಬಣ್ಣದಲ್ಲಿ ಇರುತ್ತದೆ. ಈ ಮೀನು 15 ಸೆ. ಮೀನಿಂದ 51 ಸೆ.ಮೀ ಮೀನು ಇದಾಗಿದ್ದು ಸುಮಾರು 900 ಗ್ರಾಂ ತೂಕವಿರುತ್ತದೆ.

ಈ ಮೀನು ಪ್ರತಿಸೆಕೆಂಡ್‌ಗೆ ಮೂರು ಅಡಿ ಈಜುವುದು, ಈ ಮೀನು ಈಜುವ ಮೊದಲು ಅದರ ಬಾಲವನ್ನು ನೀರಿನ ಮೇಲೆ ತಂದು ನಂತರ ಮೇಲಕ್ಕೆ ಹಾರುತ್ತಿದ್ದಂತೆ ರೆಕ್ಕೆಗಳನ್ನು ಬಿಚ್ಚಿ ಹಾರಲಾರಂಭಿಸುತ್ತದೆ.