1582ರ ಅಕ್ಟೋಬರ್‌ನಲ್ಲಿ 10 ದಿನ ಮಿಸ್ಸಿಂಗ್‌.! ಮೊಬೈಲ್‌ನಲ್ಲಿ ನೀವೆ ಚೆಕ್ ಮಾಡಿ..! ಹೀಗಾಗಿದ್ಯಾಕೆ ಗೊತ್ತಾ?

ನಾವು ದಿನ, ವಾರ, ರಜೆ, ನಕ್ಷತ್ರ, ಅಮಾವಾಸ್ಯೆ, ಹುಣ್ಣಿಮೆ ಸೇರಿ ಹಬ್ಬಗಳ ತಿಳಿದುಕೊಳ್ಳಲು ಕ್ಯಾಲೆಂಡರ್ ನೋಡುತ್ತೇವೆ. ಒಬ್ಬೊಬ್ಬರ ಮನೆಯಲ್ಲಿ ಒಂದೊಂದು ರೀತಿಯ ಕ್ಯಾಲೆಂಡರ್ ಇರುವುದು ಸಾಮಾನ್ಯ. ಆದ್ರೆ ಎಲ್ಲರದಲ್ಲೂ ಒಂದೇ ರೀತಿಯ ಮಾಹಿತಿ ಇರಲಿದೆ. ಆದ್ರೆ ಯಾವುದಾದ್ರು ಕ್ಯಾಲೆಂಡರ್‌ನಲ್ಲಿ ಕೆಲವೊಮ್ಮ ಮುದ್ರಣ ಸಮಸ್ಯೆಯಿಂದ ದಿನಗಳಲ್ಲಿ ಹೆಚ್ಚು ಕಡಿಮೆಯಾಗಿರುವುದನ್ನು ನಾವು ಗಮನಿಸಿರಬಹುದು.

ಆದ್ರೆ ನಾವಿಂದು ನೋಡುತ್ತಿರುವ ಕ್ಯಾಲೆಂಡರ್ ತಪ್ಪು ಎಂಬುದು ನಿಮಗೆ ಗೊತ್ತಾ? ಹೌದು ಇದು ಅಚ್ಚರಿ ಎನಿಸಬಹುದು. ನಾವಿಂದು ನೋಡುತ್ತಿರುವ ಕ್ಯಾಲೆಂಡರ್‌ಗಳು 10 ದಿನಗಳನ್ನು ತಪ್ಪಾಗಿ ತೋರಿಸುತ್ತಿವೆಯಂತೆ. ಇದಕ್ಕೆ ಸಾಕ್ಷಿಯೂ ಇದೆ. ಅದೇನಂದರೆ 1582 ಅಕ್ಟೋಬರ್ ತಿಂಗಳಲ್ಲಿ 10 ದಿನಗಳ ಮುದ್ರಣವೇ ಇಲ್ಲವಂತೆ.

ಈ ರೀತಿಯ ವಿಚಾರವೊಂದು ಆನ್‌ಲೈನ್‌ನಲ್ಲಿ ಸಿಕ್ಕಾಪಟ್ಟೆ ಸುದ್ದಿಯಾಗುತ್ತಿದೆ. 1582ರಲ್ಲಿ 10 ದಿನಗಳ ಮುದ್ರಣವೇ ಇರಲಿಲ್ಲ. ಅಕ್ಟೋಬರ್ ತಿಂಗಳಲ್ಲಿ 5ನೇ ತಾರಿಖು ಮುಗಿದ ಬಳಿಕ 15ನೇ ದಿನ ಮುದ್ರಣವಾಗುತ್ತದೆ. ಈ ನಡುವಿನ 10 ದಿನಗಳು ಇಲ್ಲವೇ ಇಲ್ಲ ಎಂದು ಹೇಳಲಾಗಿದೆ. ಇದನ್ನು ನೀವು ಸಹ ನಿಮ್ಮ ಮೊಬೈಲ್‌ ಬಳಸಿ ಪರೀಕ್ಷಿಸಬಹುದಂತೆ.

ನಿಮ್ಮ ಮೊಬೈಲ್‌ನಲ್ಲಿರುವ ಕ್ಯಾಲೆಂಡರ್ ತೆರೆದು 1582ರ ಅಕ್ಟೋಬರ್ ತಿಂಗಳು ತೆರೆದರೆ ಅಲ್ಲಿ ಕೇವಲ 21 ದಿನಗಳು ಮಾತ್ರ ಇವೆಯಂತೆ. ಹೀಗಾಗಿ ಅಂದಿನಿಂದ ಇಂದಿನವರೆಗೆ ನಾವು ದಿನಗಳನ್ನು ತಪ್ಪಾಗಿ ಲೆಕ್ಕ ಹಾಕಿದ್ದೇವೆ ಎಂದು ವರದಿಯಾಗಿದೆ. ಇದು ಎಲ್ಲರ ಅಚ್ಚರಿಗೂ ಕಾರಣವಾಗಿದೆ. ಹೀಗೆ 10 ದಿನಗಳು ತಪ್ಪಾಗಿ ನಾವು ಲೆಕ್ಕ ಹಾಕುತ್ತಿರುವುದೇಕೆ ಎಂಬ ಕುತೂಹಲವು ಮೂಡಿದೆ.

ಹಾಗಾದ್ರೆ ಕ್ಯಾಲೆಂಡರ್‌ನಲ್ಲಿ ಈ ತಪ್ಪು ಆಗಿರೋದು ಯಾಕೆ? 1582ರಲ್ಲಿ ಆ 10 ದಿನಗಳು ಎಲ್ಲಿ ಹೋದವು? ಈ ಕುರಿತ ಅಚ್ಚರಿಯ ಮಾಹಿತಿಯನ್ನು ನಾವಿಂದು ಹೇಳುತ್ತೇವೆ ಕೇಳಿ.

1582ರ ಅಕ್ಟೋಬರ್‌ನಲ್ಲಿ 10 ದಿನಗಳು ಕಡಿಮೆ ಇರಲು ಯಾವುದೇ ಮುದ್ರಣದ ಕಾರಣ ಅಥವಾ ಕಣ್ತಪ್ಪಿನಿಂದ ಉಂಟಾದ ತಪ್ಪಲ್ಲ. ಬದಲಿಗೆ, ಅಧಿಕ ವರ್ಷದ ದಿನಗಳನ್ನು ಸರಿದೂಗಿಸಲು ಆ ವರ್ಷ ಮಾಡಿರುವ ಒಂದು ತಂತ್ರವಾಗಿದೆ. ಹೇಗೆ ಎಂಬುದನ್ನು ವಿವರಿಸುತ್ತೇವೆ ನೋಡಿ. 1582 ರ ಹೊತ್ತಿಗೆ ಜೂಲಿಯನ್ ಕ್ಯಾಲೆಂಡರ್, ಪ್ರತಿ ನಾಲ್ಕು ವರ್ಷಗಳಿಗೊಮ್ಮೆ ಅಧಿಕ ವರ್ಷ ಬರುವುದನ್ನು ಲೆಕ್ಕ ಹಾಕುತ್ತಿರಲಿಲ್ಲ. ಈಗಿನಂತೆ ಫೆಬ್ರವರಿಯಲ್ಲಿ 29 ದಿನಗಳು ಇರಲಿಲ್ಲ. ಆದ್ರೆ ಇದು ದೊಡ್ಡ ತಲೆನೋವಾಗಿ ಪರಿಣಮಿಸಿತ್ತು. ಹೇಗೆ ಲೆಕ್ಕ ಹಾಕಿದರೂ ದಿನಗಳು ಹೆಚ್ಚಿಗೆ ಬರುತ್ತಿದ್ದವು. ಇದು ಕ್ಯಾಲೆಂಡರ್ ರಚನೆಯಲ್ಲಿ ಹಾಗೂ ದಿನಗಳ ಲೆಕ್ಕ ಹಾಕಲು ಸಮಸ್ಯೆ ತಂದೊಡ್ಡಿತ್ತು.

ಹೀಗಾಗಿ 1582ರ ಅಕ್ಟೋಬರ್‌ನಲ್ಲಿ ಎಲ್ಲಾ ಅಧಿಕ ವರ್ಷಗಳ ದಿನಗಳನ್ನು ಕಳೆಯಲು ನಿರ್ಧರಿಸಲಾಗಿತ್ತು. ಅಂದರೆ ಎಲ್ಲಾ ಅಧಿಕ ವರ್ಷದಿಂದ ಒಂದೊಂದು ದಿನ ತೆಗೆದು ಒಟ್ಟು 10 ದಿನಗಳನ್ನು ಒಂದೇ ತಿಂಗಳಿನಲ್ಲಿ ಅಳಿಸಲಾಗಿತ್ತು. ಹೀಗಾಗಿ ಅಕ್ಟೋಬರ್‌ನಲ್ಲಿ ಕೇವಲ 21 ದಿನಗಳು ಮಾತ್ರ ಇದ್ದವು. ಆದ್ರೆ ಈ ರೀತಿ ಮಾಡಿದ್ದು ಸಹ ಮುಂದೆ ಸಮಸ್ಯೆಯ ಗೂಡಾಯಿತು. ಒಂದೇ ವರ್ಷದಲ್ಲಿ ಅದ್ರಲ್ಲೂ ಒಂದೇ ತಿಂಗಳಲ್ಲಿ ಕಡಿಮೆ ದಿನಗಳು ಬಂದ ಕಾರಣ ಹೊಸ ಸಮಸ್ಯೆ ಎದುರಾಗಿತ್ತು, ಮತ್ತೆ ಈ ರೀತಿ ಆಗಬಾರದು ಎಂಬ ಕಾರಣಕ್ಕೆ ಅಧಿಕ ವರ್ಷದ ಫೆಬ್ರವರಿಯಲ್ಲಿ ಹೆಚ್ಚುವರಿಯಾಗಿ 1 ದಿನ ಸೇರಿಸಿ ನಾಲ್ಕು ವರ್ಷಕ್ಕೊಮ್ಮೆ 29ನೇ ದಿನ ಬರುವಂತೆ ಮಾಡಲಾಗಿತ್ತು.

ಆದ್ರೆ ಈ ವಿದ್ಯಮಾನ ತಿಳಿಯದೆ ಮಂದಿ ಸಾಮಾಜಿಕ ಜಾಲತಾಣದಲ್ಲಿ 1582ರಲ್ಲಿ 10 ದಿನ ಕಡಿಮೆ ಮಾಡಲಾಗಿದೆ. ಹೀಗಾಗಿ ನಾವು ತಪ್ಪಾದ ದಿನಾಂಕ ಲೆಕ್ಕೆ ಮಾಡುತ್ತಿದ್ದೇವೆ ಎನ್ನುತ್ತಿದ್ದಾರೆ. ಆದರೆ ತಾಂತ್ರಿಕವಾಗಿ ನಾವು ಸರಿಯಾದ ದಿನಾಂಕ ಲೆಕ್ಕ ಮಾಡುತ್ತೇವೆ. ಅಂದು 10 ದಿನ ಕಳೆಯದಿದ್ದರೆ ನಾವು ತಪ್ಪು ದಿನಾಂಕದಲ್ಲಿರಬೇಕಾಗುತ್ತಿತ್ತು.