ಕಾಶ್ಮೀರದಲ್ಲಿ ಅಪರೂಪಕ್ಕೆ ಬೀಳುವ ಹಿಮದ ಸೌಂದರ್ಯ ವರ್ಣಿಸಿದ ದೇವತೆಗಳು: ವೀಡಿಯೋ ವೈರಲ್

ಕಾಶ್ಮೀರ ಎಷ್ಟೊಂದು ಪ್ರಕೃತಿ ರಮಣೀಯ ಸ್ಥಳ ಎಂಬುವುದು ಅಲ್ಲಿದ್ದವರಿಗೆ, ಅಲ್ಲಿಗೆ ಹೋಗಿ ಬಂದವರಿಗೆ ತಿಳಿದಿರುತ್ತದೆ, ಅಲ್ಲದೆ ಫೋಟೋ, ವೀಡಿಯೋಗಳನ್ನು ನೋಡುವಾಗಂತೂ ಭೂಲೋಕದ ಸ್ವರ್ಗ ಎಂದನಿಸವಷ್ಟು ಸುಂದರವಾಗಿದೆ. ಇದೀಗ ಅಲ್ಲಿ ಮಂಜುಗಡ್ಡೆ ಬೀಳುವ ಸಮಯ, ಈ ಬಾರಿ ಸ್ವಲ್ಪ ತಡವಾಗಿ ಬಂದಿದೆ.

ಮಂಜುಗಡ್ಡೆಯಿಂದ ಆವೃತವಾಗಿರುವ ಕಾಶ್ಮೀರವನ್ನು ನೋಡುವುದೇ ಕಣ್ಣಿಗೆ ಆನಂದ, ಸ್ವಲ್ಪ ಚಳಿ ಅಧಿಕ ಅನಿಸಿದರೂ ಕಣ್ಣಿಗೆ ಹಿತ ತುಂಬುವ ಆ ದೃಶ್ಯವನ್ನು ಕಣ್ತುಂಬಿಕೊಳ್ಳಲು ಅಲ್ಲಿಯ ನಿವಾಸಿಗಳು ಕಾಯುತ್ತಿರುತ್ತಾರೆ. ಪ್ರವಾಸಿಗರು ಈ ಸುಂದರ ದೃಶ್ಯ ನೋಡಲು ಹೋಗುತ್ತಾರೆ.

ಈ ಬಾರಿ ಮಂಜುಗಡ್ಡೆ ರಾಶಿ ಬಿದ್ದಿರುವ ಪ್ರಕೃತಿ ಸೌಂದರ್ಯವನ್ನು ವರ್ಣಿಸುತ್ತಿರುವ ಎರಡು ಪುಟಾಣಿ ಸಹೋದರಿಗಳ ವೀಡಿಯೋ ವೈರಲ್ ಆಗಿದೆ, ಆನಂದ್ ಮಹೇಂದ್ರರವರು ಕೂಡ ಈ ವೀಡಿಯೋ ಶೇರ್‌ ಮಾಡಿದ್ದಾರೆ, ಈ ಸುಂದರ ವೀಡಿಯೋ ಅದರಲ್ಲೂ ಈ ಪುಟಾಣಿಗಳ ಮಾತು ಕೇಳುತ್ತಿದ್ದಾರೆ ವಾವ್ ಕಾಶ್ಮೀರ.. ಎಷ್ಟೊಂದು ಸೊಗಸು ನೀನು ಎಂದನಿಸುವುದು.

ಇಬ್ಬರು ಪುಟಾಣಿ ಬಾಲಕಿಯರಲ್ಲಿ ಒಬ್ಬಳು ಆ ಮಂಜುಗಡ್ಡೆ ಬಗ್ಗೆ ಹೇಳುತ್ತಿದ್ದರೆ ಮತ್ತೊಬ್ಬಳು ಕ್ಯೂಟ್‌ ಎಕ್ಸ್‌ಪ್ರೆಷನ್ ನೀಡುತ್ತಿದ್ದಾಳೆ. ಆ ದೃಶ್ಯ ನೋಡಿ ಒಬ್ಬ ಹುಡುಗಿ ಜನ್ನತ್ತ್ ಎಂದರೆ ಮತ್ತೊಬ್ಬಳು ದೂದ್‌ ಕಿ ಲೆಹೆರೈನ್ ಎಂದು ಹೇಳುತ್ತಾ ಅಲ್ಲಿ ಮಂಜುಗಡ್ಡೆ ಬಿದ್ದಿರುವ ಸುಂದರ ದೃಶ್ಯವನ್ನು ವರ್ಣಿಸುತ್ತಿದ್ದಾಳೆ.

ಈ ವರ್ಷ ಕಾಶ್ಮೀರಿಗರು ಈ ಸುಂದರ ದೃಶ್ಯ ಕಣ್ತುಂಬಿಕೊಳ್ಳಲು ಸ್ವಲ್ಪ ಸಮಯ ಕಾಯಬೇಕಾಯ್ತು, ಸಾಮಾನ್ಯವಾಗಿ ಜನವರಿಯಲ್ಲಿ ಈ ರೀತಿಯ ದೃಶ್ಯ ಕಂಡು ಬರುತ್ತಿತ್ತು, ಆದರೆ ಈ ಬಾರಿ ಫೆಬ್ರವರಿಗೆ ಬಂದಿದೆ. ಅಲ್ಲಿಯ ಗಿಡಗಳು, ನೆಲ ಎಲ್ಲವೂ ಮಂಜುಗಡ್ಡೆಯಿಂದ ಆವೃತವಾಗಿರುತ್ತದೆ. ಐಸ್‌ನಲ್ಲಿ ಈ ಸಮಯದಲ್ಲಿ ಆಡಲು ತುಂಬಾನೇ ಇಷ್ಟಪಡುತ್ತಾರೆ.

ಚಿಕ್ಕ ಮಕ್ಕಳಂತೂ ಐಸ್‌ ಮೇಲೆ ಜಾರುಬಂಡಿ ಆಡಲು ಇಷ್ಟಪಡುತ್ತಾರೆ, ಸ್ನೋಮ್ಯಾನ್, ಸ್ನೋ ಬಾಲ್ ಅಂತೆಲ್ಲಾ ಆಡುತ್ತಾರೆ. ಅದು ನೋಡಲು ತುಂಬಾನೇ ಸುಂದರವಾಗಿರುತ್ತದೆ, ಇದೇ ದೃಶ್ಯವನ್ನು ಆ ಬಾಲಕಿಯರು ವರ್ಣಿಸಿರುವುದು, ಇದೀಗ ಆ ಬಾಲಕಿಯರ ವೀಡಿಯೋ ವೈರಲ್ ಆಗಿದ್ದು ಹಲವಾರು ಮಾಧ್ಯಮಗಳು ಕೂಡ ಈ ಬಾಲಕಿಯರ ಪ್ರಕೃತಿ ವರ್ಣನೆಯನ್ನು ಶ್ಲಾಘಿಸಿದ್ದಾರೆ.

ಅಂದ ಹಾಗೆ ನೀವು ಕಾಶ್ಮೀರದಲ್ಲಿ ಈ ರೀತಿ ಮಂಜು ಆವರಿಸಿರುವ ಸಮಯದಲ್ಲಿ ಹೋಗಿದ್ದೀರಾ? ಈ ಸೌಂದರ್ಯವನ್ನು ಎಷ್ಟು ವರ್ಣಿಸಿದರೂ ಸಾಲದು, ಆದರೆ ಆ ಸಮಯದಲ್ಲಿ ಅಲ್ಲಿಯ ಜನರು ಹಲವಾರು ತೊಂದರೆಗಳನ್ನು ಕೂಡ ಅನುಭವಿಸುತ್ತಾರೆ, ಏಕೆಂದರೆ ನೀರು ತುಂಬಿಟ್ಟರೆ ಅದು ಕೂಡ ಐಸ್‌ ಆಗಿರುತ್ತದೆ. ಆದರೂ ಅಪರೂಪದ ಈ ದೃಶ್ಯಕ್ಕೆ ಕಾಶ್ಮೀಗರು ಹಂಬಲಿಸುವುದಂತೂ ಅಷ್ಟೇ ನಿಜ.