ಶನಿಯು ಕುಂಭ ರಾಶಿಯಲ್ಲಿ ಹಿಮ್ಮುಖ ಚಲನೆಯಲ್ಲಿರುವ 138 ದಿನ ಈ 4 ರಾಶಿಯವರಿಗೆ ಬಂಪರ್ ಲಾಟರಿ!

ಶನಿದೇವ ಕುಂಭ ರಾಶಿಯಲ್ಲಿ ಜೂನ್‌ 17ರಿಂದ ಹಿಮ್ಮುಖ ಚಲನೆಯಲ್ಲಿದೆ. ಶನಿಯೂ ನವೆಂಬರ್‌ ನಾಲ್ಕವರೆಗೆ ಹಿಮ್ಮುಖ ಚಲನೆಯಲ್ಲಿ ಇರಲಿದೆ. ಆದ್ದರಿಂದ 137 ದಿನಗಳವರೆಗೆ ಶನಿಯು ಹಿಮ್ಮುಖ ಚಲನೆಯಲ್ಲಿಯೇ ಇರಲಿದೆ. ಈ ಹಿಮ್ಮುಖ ಚಲನೆಯ ಅವಧಿಯು ಕೆಲವೊಂದು ರಾಶಿಯವರಿಗೆ ಬಂಪರ್ ಟಾಟರಿ ಎಂದೇ ಹೇಳಬಹುದು. ಹೌದು ಶನಿಯ ಕೃಪೆಯಿದ್ದರೆ ಇದೆಯೆಲ್ಲಾ ಭಾಗ್ಯದ ಬಾಗಿಲು ತೆರೆದುಕೊಳ್ಳುತ್ತದೆ. ಶನಿ ಕೋಪಗೊಂಡರೆ ಎಷ್ಟು ಅನಾಹುತಕಾರಿಯೋ ಶನಿಯ ಕೃಪೆಯಿದ್ದರೆ ಅಷ್ಟೇ ಒಳ್ಳೆಯದಾಗುತ್ತದೆ. ಈ ಅವಧಿ ಈ 4 ರಾಶಿಯವರಿಗೆ ಬಂಪರ್ ಲಾಟರಿಯಾಗಲಿದೆ ನೋಡಿ:\

ಮೇಷ ರಾಶಿ
ವೈದಿಕ ಶಾಸ್ತ್ರದ ಪ್ರಕಾರ ಕುಂಭ ರಾಶಿಯಲ್ಲಿ ಶನಿಯ ಹಿಮ್ಮುಖ ಚಲನೆ ಮೇಷ ರಾಶಿಯವರಿಗೆ ತುಂಬಾ ಒಳ್ಳೆಯದಿದೆ. ಈ ಸಮಯದಲ್ಲಿ ಉದ್ಯೋಗಿಗಳಿಗೆ ಬಡ್ತಿ ಸಿಗಲಿದೆ. ಆದಾಯಕ್ಕಾಗಿ ಹೊಸ ಅವಕಾಶಗಳು ತೆರೆಯದೇ ಇರಬಹುದು, ಆದರೂ ಆರ್ಥಿಕ ಸ್ಥಿತಿ ಬಲವಾಗಿರುತ್ತದೆ, ಆರ್ಥಿಕವಾಗಿ ಯಾವುದೇ ಸಮಸ್ಯೆ ಇರಲ್ಲ. ಈ ಅವಧಿಯಲ್ಲಿ ನೀವು ರಿಲೋಕೇಷನ್ ಆಗುವ ಸಾಧ್ಯತೆ ಇದೆ. ಉದ್ಯೋಗಿಗಳು ಬಯಸಿದ ವರ್ಗಾವಣೆ ಪಡೆಯಬಹುದು.

ವೃಷಭ ರಾಶಿ
ಶನಿಯ ಹಿಮ್ಮುಖ ಚಲನೆಯು ವೃಷಭ ರಾಶಿಯವರಿಗೆ ವಿಶೇಷವಾಗಿರಲಿದೆ. ಈ ಅವಧಿ ಆರ್ಥಿಕವಾಗಿ ತುಂಬಾ ಒಳ್ಳೆಯದಿದೆ. ಈ ಅವಧಿಯಲ್ಲಿ ಆರ್ಥಿಕ ಸ್ಥಿತಿಯಲ್ಲಿ ತುಂಬಾನೇ ಪ್ರಗತಿ ಕಂಡು ಬರಲಿದೆ. ಕುಟುಂಬದ ಜೊತೆ ಉತ್ತಮ ಸಮಯ ಕಳೆಯಲು ಸಾಧ್ಯವಾಗುವುದು. ಶನಿಯ ಹಿಮ್ಮುಖ ಚಲನೆಯಲ್ಲಿ ನಿಮಗೆ ಹಣಕಾಸಿನ ತೊಂದರೆಯೇ ಇರಲ್ಲ.

ಮಿಥುನ ರಾಶಿ
ಮಿಥುನ ರಾಶಿಯವರಿಗೂ ಈ ಅವಧಿ ಅನುಕೂಲಕರವಾಗಿದೆ. ಉದ್ಯಮಿಗಳು, ವ್ಯಾಪಾರಸ್ಥರು ಈ ಅವಧಿಯಲ್ಲಿ ಉತ್ತಮ ಆರ್ಥಿಕ ಲಾಭ ಪಡೆಯುತ್ತೀರಿ. ಕುಟುಂಬದ ಜೊತೆಗೆ ಉತ್ತಮ ಸಮಯ ಕಳೆಯಲು ಸಾಧ್ಯವಾಗುವುದು. ಈ ಅವಧಿಯಲ್ಲಿ ಕೆಲವರು ಪೂರ್ವಜರ ಆಸ್ಥಿಯಿಂದ ಲಾಭ ಪಡೆಯಬಹುದು.

ಸಿಂಹ ರಾಶಿ
ಶನಿಯ ಹಿಮ್ಮುಖ ಚಲನೆಯ ಈ ಅವಧಿ ಸಿಂಹ ರಾಶಿಯವರಿಗೆ ಆರ್ಥಿಕವಾಗಿ ತುಂಬಾ ಒಳ್ಳೆಯದಿದೆ. ಹೊಸ ಆದಾಯ ಮೂಲಗಳು ತೆರೆಯಲಿವೆ. ಉದ್ಯಮದಲ್ಲಿ ಒಳ್ಳೆಯ ಲಾಭಗಳಿಸಲು ಸಾಧ್ಯವಾಗುವುದು. ನೀವು ನಿರೀಕ್ಷೆ ಮಾಡದೇ ಇರುವ ಮೂಲಗಳಿಂದ ಕೂಡ ಲಾಭ ದೊರೆಯಲಿದೆ.

ಈ ಶನಿ ಪರಿಹಾರ ಮಾಡಿದರೆ ಇನ್ನೂ ಒಳ್ಳೆಯದು:
* ಶನಿವಾರ ಸಾಸಿವೆಯೆಣ್ಣೆ, ಉದ್ದಿನ ಬೇಳೆ, ಕಪ್ಪು ಎಳ್ಳು, ಕಪ್ಪು ಬಟ್ಟೆ, ಆಹಾರ ಇವುಗಳನ್ನು ದಾನ ಮಾಡಿ.
* ಶನಿವಾರ ಶನಿ ದೇವಾಲಯಕ್ಕೆ ಭೇಟಿ ನೀಡಿ ಎಳ್ಳೆಣ್ಣೆ ಅಥವಾ ಸಾಸಿವೆಯೆಣ್ಣೆಯ ದೀಪ ಹಚ್ಚಿ
* ಸುಂದರಕಾಂಡ ಪಠಿಸಿ.
* ಹಿರಿಯರನ್ನು ಗೌರವಿಸಿ
* ಕಾಗೆಗಳಿಗೆ ಹಾಗೂ ಕಪ್ಪು ನಾಯಿಗೆ ಆಹಾರ ಹಾಕಿ.