7 ಗ್ರಹಗಳು ಒಂದೇ ರೇಖೆಯಲ್ಲಿ ಗೋಚರ..! ಯಾವಾಗ..? ಎಲ್ಲಿ ನೋಡಬಹುದು..!?

ಸೌರ ಮಂಡಲದಲ್ಲಿ ಎಷ್ಟೆಲ್ಲಾ ಕೌತುಕಗಳು, ಕುತೂಹಲ, ಅಚ್ಚರಿಯ ವಿಚಾರಗಳು ನಡೆಯುತ್ತವೆ ಅನ್ನೋದು ನಿಮಗೆಲ್ಲಾ ತಿಳಿದಿರಬಹುದು. ಕೆಲವೊಮ್ಮೆ ವಿಜ್ಞಾನಕ್ಕೂ ಸವಾಲು ಎಸೆಯುವ ಅದೆಷ್ಟೋ ಕೌತುಕಗಳು ನಡೆದಿವೆ. ಹಾಗೆ ಕೆಲವೊಮ್ಮೆ ನಮ್ಮನ್ನು ಮತ್ತಷ್ಟು ಯೋಚಿಸುವಂತೆ ಮಾಡುತ್ತವೆ. ಹಾಗೆ ಈ ವರ್ಷ ಆಗಸದಲ್ಲಿ ಕೆಲವೊಂದು ಅಚ್ಚರಿಯ ವಿಚಾರಗಳು ನಡೆಯುತ್ತಿವೆ.

ಈ ವರ್ಷ ಸೌರ ಮಂಡಲದಲ್ಲಿ ನಡೆಯಲಿರುವ ಅಚ್ಚರಿ ವಿಚಾರದಲ್ಲಿ ಈ ಬಾರಿ ಎಲ್ಲಾ 7 ಗ್ರಹಗಳು ಒಂದೇ ಸಾಲಿನಲ್ಲಿ ಬರುವಂತಹ ಅಪರೂಪದ ವಿದ್ಯಮಾನ ನಡೆಯುತ್ತದೆ. ಇದೇ ಫೆಬ್ರವರಿ 28ರಂದು ಸೌರಮಂಡದಲ್ಲಿ ಅಪರೂಪದ ಘಟನೆಗಳು ನಡೆಯಲಿದೆ. 7 ಗ್ರಹಗಳು ಒಂದೇ ಸಾಲಿನಲ್ಲಿ ಬಂದು ನಿಲ್ಲಲಿವೆ. ಶನಿ, ಬುಧ, ನೆಪ್ಚ್ಯೂನ್, ಶುಕ್ರ, ಯುರೇನೆಸ್, ಗುರು ಮತ್ತು ಮಂಗಳ ಎಲ್ಲವು ಒಂದೇ ಸಾಲಿನಲ್ಲಿ ಬಂದು ನಿಲ್ಲಲಿವೆ.

ಹೀಗಾಗಿ ಈ ವಿದ್ಯಮಾನ ಎಲ್ಲಾ ಖಗೋಳ ತಜ್ಞರಲ್ಲಿ ಕುತೂಹಲ ಮೂಡುವಂತೆ ಮಾಡಿದೆ. ಇನ್ನು ಇದಕ್ಕೂ ಮೊದಲು ಅಂದರೆ ಜನವರಿ 21ರಂದು
ಗ್ರಹಗಳು ಒಂದೇ ಸಾಲಿನಲ್ಲಿ ಕಾಣಿಸಿಕೊಳ್ಳಲಿದೆ. ಬುಧ ಗ್ರಹವನ್ನು ಹೊರತುಪಡಿಸಿ ಉಳಿದಂತೆ ಎಲ್ಲಾ ಗ್ರಹಗಳು ಒಂದೇ ಸಾಲಿನಲ್ಲಿ ಕಾಣಿಸಿಕೊಳ್ಳಲಿದೆ. ಇದು ಸಾಮಾನ್ಯ ಪ್ರಕ್ರಿಯೆ ಅಲ್ಲವೇ ಅಲ್ಲ.

ಸೂರ್ಯನ ಸಮನಾಂತರವಾಗಿ ಎಲ್ಲಾ ಗ್ರಹಗಳು ಸಾಲಿನಲ್ಲಿ ಕಾಣಿಸಿಕೊಳ್ಳುವುದು ಬಲು ಅಪರೂಪ. ಸಾಮಾನ್ಯವಾಗಿ ಮೂರರಿಂದ 8 ಗ್ರಹಗಳು ಒಂದೇ ಸಾಲಿನಲ್ಲಿ ಕಾಣಿಸುತ್ತವೆ. ಆದ್ರೆ ಎಲ್ಲಾ ಗ್ರಹಗಳು ಒಂದೇ ಸಾಲಿನಲ್ಲಿ ಬರುವುದು ಅಪರೂಪ. ಹಾಗೆ 5ರಿಂದ 6 ಗ್ರಹಗಳು ಒಂದೇ ಸಾಲಿಗೆ ಬರುವುದು ದೊಡ್ಡ ವಿದ್ಯಮಾನ ಎಂದು ಪರಿಗಣಿಸಲಾಗಿದೆ. 5ಕ್ಕಿಂತ ಕಡಿಮೆ ಸಂಖ್ಯೆಯ ಗ್ರಹಗಳು ಒಂದೇ ಸಾಲಿನಲ್ಲಿ ಬರುವ ಪ್ರಕ್ರಿಯೆ ನಡೆಯುವುದು ಸಾಮಾನ್ಯ ಎಂದು ವರ್ಗೀಕರಿಸಲಾಗಿದೆ.

ಈಗ ಜನವರಿ 21ರಂದು 6 ಗ್ರಹಗಳು ಒಂದೇ ಸಾಲಿನಲ್ಲಿ ಕಾಣಿಸಲಿದೆ. ಹಾಗೆ ಫೆಬ್ರವರಿ 28ರಂದು ಎಲ್ಲಾ ಗ್ರಹಗಳು ಒಂದೇ ಸಾಲಿನಲ್ಲಿ ಬರುತ್ತಿವೆ. ಹೀಗಾಗಿ ಇದೊಂದು ವಿಶೇಷ ವಿದ್ಯಮಾನವೆಂದು ಪರಿಗಣಿಸಲಾಗಿದೆ. ಆದ್ರೆ ನೀವು ಊಹಿಸಿದಂತೆ ಸೌರ ಮಂಡಲದ ಈ ಗ್ರಹಗಳು ಸಾಲುಗಟ್ಟಿ ಒಂದೇ ಸರಳ ರೇಖೆಯಲ್ಲಿ ಕಾಣಿಸಿಕೊಳ್ಳುವುದಿಲ್ಲ. ಬದಲಿಗೆ ಇದು ವಕ್ರ ರೇಖೆಯಲ್ಲಿ ಕಾಣಿಸಲಿದೆ. ನೇರವಾಗಿರದೆ ಸ್ವಲ್ಪ ಬಾಗಿದ ರೇಖೆಯಲ್ಲಿ ಇವು ಕಾಣಿಸಲಿದೆ.

ಸೌರವ್ಯೂಹದ ಎಲ್ಲಾ ಗ್ರಹಗಳು ಸೂರ್ಯನ ಸುತ್ತ ಎಕ್ಲಿಪ್ಟಿಕ್ ಎಂಬ ಸಮತಟ್ಟಾದ ಸಮತಲದಲ್ಲಿ ಸುತ್ತುವುದರಿಂದ ಈ ಪ್ರಕ್ರಿಯೆ ಸಂಭವಿಸುತ್ತದೆ. ಆದ್ರೆ ಎಲ್ಲಾ ಗ್ರಹಗಳು ಒಂದೇ ಕಕ್ಷೆಯಲ್ಲಿ ಕಾಣಿಸುವುದಿಲ್ಲ. ಕೆಲವೊಂದು ಸ್ವಲ್ಪ ಕೆಳಗೆ ಅಥವಾ ಬಾಗಿದ ಕಕ್ಷೆ ಹಾಗೆ ಇನ್ನು ಕೆಲವು ಮೇಲ್ಭಾಗದ ಕಕ್ಷೆಯಲ್ಲಿ ಕಾಣಿಸಲಿದೆ. ಆದ್ರೆ ಓರೆಯಾಗಿ ಎಲ್ಲವು ಒಂದೇ ರೇಖೆಯ ಮೇಲೆ ಮೂಡುತ್ತವೆ.

ವೀಕ್ಷಿಸುವುದು ಹೇಗೆ?

ನಾವಿಲ್ಲಿ ತಿಳಿಸಿರುವ ದಿನಾಂಕ ಅಂತಾರಾಷ್ಟ್ರೀಯ ಸಮಯಕ್ಕೆ ಹೊಂದಿಕೆಯಾಗುತ್ತಿದೆ. ಭಾರತದಲ್ಲಿ ಈ ಸಮಯ ಬದಲಾಗಬಹುದು. ಹಾಗೆ ಈ ವಿದ್ಯಮಾನ ವೀಕ್ಷಿಸಲು ಟೆಲಿಸ್ಕೋಪ್ ಸಾಧನ ಬಹಳ ಮುಖ್ಯ. ಹಾಗೆ ಆಕಾಶದಲ್ಲಿ ಮೋಡಗಳಿಲ್ಲದಿದ್ದರೆ ಬರಿಗಣ್ಣಿಗೆ ಈ ಹೊಳೆಯುವ ನಕ್ಷತ್ರಗಳ ನೋಡಬಹುದು, ಆದ್ರೆ ಯಾವ ಗ್ರಹವೆಂದು ಪತ್ತೆ ಮಾಡುವುದು ಕಷ್ಟವಾಗುತ್ತದೆ. ಹತ್ತಿರದಲ್ಲಿ ವಿಜ್ಞಾನ ಕೇಂದ್ರವಿದ್ದರೆ ಅಲ್ಲಿಗೆ ತೆರಳಿ ವೀಕ್ಷಿಸಬಹುದು.