ಮೇಷದಲ್ಲಿ ರಾಹು-ಗುರು-ಬುಧ ಸಂಯೋಗ: ತ್ರಿಗಹ ಯೋಗ ದ್ವಾದಶ ರಾಶಿಗಳ ಮೇಲೆ ಬೀರುವ ಪ್ರಭಾವ ಹೇಗಿದೆ?

ಜ್ಯೋತಿಷ್ಯ ಶಾಸ್ತ್ರದಲ್ಲಿ ರಾಹು, ಬುಧ, ಗುರು ಮೂರು ಶಕ್ತಿಶಾಲಿ ಗ್ರಹಗಳು ಮೇಷ ರಾಶಿಯಲ್ಲಿ ಸಂಯೋಗವಾಗಿರುವುದರಿಂದ ತುಂಬಾನೇ ಮಹತ್ವ ಪಡೆದಿದೆ. ಈ ಮೂರು ಗ್ರಹಗಳ ಸಂಯೋಗ ನಮ್ಮ ಮೇಲೆ ತುಂಬಾನೇ ಪ್ರಭಾವಬೀರಲಿದೆ ಎನ್ನುತ್ತದೆ ಜ್ಯೋತಿಷ್ಯಶಾಸ್ತ್ರ. ಈ ಪ್ರಮುಖ ತ್ರಿಗ್ರಹಗಳ ಸಂಯೋಗ ನಿಮ್ಮ ರಾಶಿಯ ಮೇಲೆ ಹೇಗೆ ಪ್ರಭಾವ ಬೀರಿದೆ ಎಂದು ನೋಡುವುದಾದರೆ:

ಮೇಷ ರಾಶಿ
ಮೇಷ ರಾಶಿಯವರ ಮೊದಲ ಮನೆಯಲ್ಲಿ ಈ ಸಂಯೋಗ ಏರ್ಪಟ್ಟಿದೆ. ಈ ಅವಧಿಯಲ್ಲಿ ತುಂಬಾ ಆಶಾದಾಯಕವಾಗಿರುತ್ತೀರಿ, ಕೆಲವೊಮ್ಮೆ ಎಲ್ಲಾ ಕೈ ಬಿಟ್ಟು ಹೋದಂತೆ ಅನಿಸಿದರೂ ನಂತರ ಎಲ್ಲವೂ ನೀವು ಬಯಸಿದಂತೆ ನೆರವೇರಲಿದೆ.
ವೃಷಭ ರಾಶಿ
ವೃಷಭ ರಾಶಿಯವರಲ್ಲಿ ರಾಹು-ಗುರು-ಬುಧ ಸಂಯೋಗ 12ನೇ ಮನೆಯಲ್ಲಿ ಏರ್ಪಟ್ಟಿದೆ. ಈ ಅವಧಿಯಲ್ಲಿ ಆತ್ಮಅವಲೋಕನ ಮಾಡಿಕೊಳ್ಳುತ್ತೀರಿ, ಅಲ್ಲದೆ ಈ ಸಮಯದಲ್ಲಿ ಆಧ್ಯಾತ್ಮದ ಕಡೆಯೂ ಒಲವು ಹೆಚ್ಚಾಗಲಿದೆ.
ಮಿಥುನ ರಾಶಿ
ರಾಹು-ಗುರು-ಬುಧ ಸಂಯೋಗ ನಿಮ್ಮ 11ನೇ ಮನೆಯಲ್ಲಿ ಉಂಟಾಗಿದೆ. ಇದರಿಂದ ಸಾಮಾಜಿಕವಾಗಿ ಖ್ಯಾತಿ ಹೆಚ್ಚಾಗಲಿದೆ, ಹೊಸ ಸ್ನೇಹಿತರ ಪರಿಚಯವಾಗಲಿದೆ. ಆದರೆ ಯಾವುದೇ ನಿರ್ಧಾರ ತೆಗೆದುಕೊಳ್ಳುವಾಗ ಎಚ್ಚರವಹಿಸಿ.

ಕರ್ಕ ರಾಶಿ
ರಾಹು-ಗುರು-ಬುಧ ಸಂಯೋಗ ನಿಮ್ಮ 10ನೇ ಮನೆಯಲ್ಲಿ ಉಂಟಾಗಿದೆ. ಈ ಅವಧಿ ವೃತ್ತಿ ಜೀವನಕ್ಕೆ ತುಂಬಾ ಒಳ್ಳೆಯದಿದೆ, ನೀವು ಗುರುತಿಸಿಕೊಳ್ಳುವಿರಿ. ನೀವು ಈ ಅವಧಿಯಲ್ಲಿ ಬಡ್ತಿಯನ್ನು ಪಡೆಯಬಹುದು, ಆದರೆ ಕೆಲಸದ ಜೊತೆಗೆ ವೈಯಕ್ತಿಕ ಬದುಕಿನ ಕಡೆಗೂ ಗಮನಹರಿಸಿದರೆ ಒಳ್ಳೆಯದು.
ಸಿಂಹ ರಾಶಿ
ರಾಹು-ಗುರು-ಬುಧ ಸಂಯೋಗ ನಿಮ್ಮ ರಾಶಿಯಲ್ಲಿ 9ನೇ ಮನೆಯಲ್ಲಿ ಏರ್ಪಟ್ಟಿದೆ. ಈ ಅವಧಿಯಲ್ಲಿ ಆಧ್ಯಾತ್ಮಿಕದ ಕಡೆಗೆ ಆಸಕ್ತಿ ಹೆಚ್ಚಾಗುವುದು, ಉನ್ನತ ಶಿಕ್ಷಣ ಬಯಸುವ ವಿದ್ಯಾರ್ಥಿಗಳಿಗೆ ಈ ಅವಧಿ ತುಂಬಾನೇ ಅನುಕೂಲಕರವಾಗಿದೆ. ಆದರೆ ಹಣವನ್ನು ಖರ್ಚು ಮಾಡುವಾಗ ಮಿತಿಯಲ್ಲಿ ಮಾಡಿದರೆ ಒಳ್ಳೆಯದು.
ಕನ್ಯಾ ರಾಶಿ
ರಾಹು-ಗುರು-ಬುಧ ಸಂಯೋಗ ಕನ್ಯಾ ರಾಶಿಯವರಲ್ಲಿ 8ನೇ ಮನೆಯಲ್ಲಿ ಆಗಿದೆ. ಈ ಅವಧಿಯಲ್ಲಿ ಹಲವಾರು ಬದಲಾವಣೆ ಕಾಣಬಹುದು, ಅದು ವೃತ್ತಿ ಬದುಕಿನಲ್ಲಿ ಇರಬಹುದು, ವೈಯಕ್ತಿಕ ಬದುಕಿನಲ್ಲಿ ಇರಬಹುದು. ಆದರೆ ಯಾವುದೇ ಸಮಸ್ಯೆಗೆ ಸಿಲುಕದಂತೆ ಎಚ್ಚರವಹಿಸಿ.

ತುಲಾ ರಾಶಿ
ರಾಹು-ಗುರು-ಬುಧ ಸಂಯೋಗ ತುಲಾ ರಾಶಿಯಲ್ಲಿ 7ನೇ ಮನೆಯಲ್ಲಿ ಸಂಭವಿಸಿದೆ. ಈ ಸಮಯದಲ್ಲಿ ಕುಟುಂಬ ಜೀವನಕ್ಕೆ ತುಂಬಾ ಅನುಕೂಲಕರವಾಗಿದೆ. ವೈವಾಹಿಕ ಜೀವನದಲ್ಲಿ ಸಾಮರಸ್ಯ ಹೆಚ್ಚಾಗಲಿದೆ. ಅವಾಹಿತರಿಗೆ ಸೂಕ್ತ ಸಂಗಾತಿ ಸಿಗಲಿದ್ದಾರೆ. ಕೆಲಸದ ವಿಷಯದಲ್ಲಿ ನೋಡುವುದಾದರೆ ಸರಾಸರಿಯಾಗಿರಲಿದೆ.
ವೃಶ್ಚಿಕ ರಾಶಿ
ರಾಹು-ಗುರು-ಬುಧ ಸಂಯೋಗ ವೃಶ್ಚಿಕ ರಾಶಿಯಲ್ಲಿ 6ನೇ ಮನೆಯಲ್ಲಿ ಸಂಭವಿಸಿದೆ. ಈ ಅವಧಿಯಲ್ಲಿ ಆರ್ಥಿಕವಾಗಿ ತುಂಬಾ ಒಳ್ಳೆಯದಿದೆ, ಆರ್ಥಿಕವಾಗಿ ಉತ್ತಮ ಪ್ರಯೋಜನ ಪಡೆಯುತ್ತೀರಿ. ಮಾನಸಿಕ ಆರೋಗ್ಯ ಕೂಡ ಚೆನ್ನಾಗಿರಲಿದೆ.
ಧನು ರಾಶಿ
ರಾಹು-ಗುರು-ಬುಧ ಸಂಯೋಗ ಧನು ರಾಶಿಯವರಲ್ಲಿ 5ನೇ ಮನೆಯಲ್ಲಿ ಉಂಟಾಗಿದೆ. ಈ ಸಮಯದಲ್ಲಿ ನಿಮ್ಮ ಕ್ರಿಯಾಶೀಲತೆ ಹೆಚ್ಚಾಗಲಿದೆ, ನಿಮ್ಮ ಹವ್ಯಾಸದ ಕಡೆಗೆ ಹೆಚ್ಚಿನ ಗಮನ ಹರಿಸುತ್ತೀರಿ, ಆದರೆ ಅತಿಯಾದ ಆತ್ಮವಿಶ್ವಾಸ ಒಳ್ಳೆಯದಲ್ಲ ಎಂಬ ಸಲಹೆ ನೀಡಲಾಗಿದೆ.

ಮಕರ ರಾಶಿ
ರಾಹು-ಗುರು-ಬುಧ ಸಂಯೋಗ ಮಕರ ರಾಶಿಯವರಲ್ಲಿ 4ನೇ ಮನೆಯಲ್ಲಿ ಸಂಭವಿಸಲಿದೆ. ಈ ಅವಧಿಯಲ್ಲಿ ಕುಟುಂಬ ಜೀವನದಲ್ಲಿ ಖುಷಿ ಇರಲಿದೆ. ನೀವು ಕುಟುಂಬ ಜೀವನ ತುಂಬಾ ಚೆನ್ನಾಗಿರಲಿದೆ.
ಕುಂಭ ರಾಶಿ
ರಾಹು-ಗುರು-ಬುಧ ಸಂಯೋಗ ಕುಂಭ ರಾಶಿಯಲ್ಲಿ 2ನೇ ಮನೆಯಲ್ಲಿ ಇರಲಿದೆ. ಈ ಅವಧಿಯಲ್ಲಿ ಹೊಸ ವಿಷಯ ಕಲಿಯುವುದರ ಬಗ್ಗೆ ಆಸಕ್ತಿ ತೋರಿಸುವುದು ಒಳ್ಳೆಯದು.
ಮೀನ ರಾಶಿ
ರಾಹು-ಗುರು-ಬುಧ ಸಂಯೋಗ ಮೀನ ರಾಶಿಯಲ್ಲಿ 2ನೇ ಮನೆಯಲ್ಲಿ ಸಂಭವಿಸಲಿದೆ. ಈ ಅವಧಿ ಆರ್ಥಿಕವಾಗಿ ತುಂಬಾ ಒಳ್ಳೆಯದಿದೆ. ಈ ಅವಧಿಯಲ್ಲಿ ಆರ್ಥಿಕವಾಗಿ ತುಂಬಾ ಉಳಿಸಲು ಸಾಧ್ಯವಾಗುವುದು, ಆದರೆ ಅತಿಯಾಗಿ ಖರ್ಚು ಮಾಡುವುದು ನಿಯಂತ್ರಿಸುವುದು ಒಳ್ಳೆಯದು.