ನಾಯಿಗಳಿಗೆ ಬಂದಿದೆ QR- ಕೋಡ್‌ ಅಧಾರ್‌ ಕಾರ್ಡ್: ಇದರಿಂದ ಪ್ರಯೋಜವೇನು?

ನಾಯಿಗಳಿಗೂ ಆಧಾರ್‌ ಕಾರ್ಡ್‌ ಬಂದಿದೆ ಇದರ ಬಗ್ಗೆ ನಿಮಗೆ ಗೊತ್ತೇ? ಹೌದು ಈ ಏಪ್ರಿಲ್ 27ಕ್ಕೆ ನೂರು ನಾಯಿಗಳಿಗೆ QR- ಕೋಡ್‌ ಇರುವ ಆಧಾರ್‌ ಕಾರ್ಡ್‌ ನೀಡಲಾಗಿದೆ. ದೆಹಲಿಯ ನಾಯಿಗಳಿಗೆ QR- ಕೋಡ್‌ ನೀಡಲಾಗುತ್ತಿದೆ. ನಾಯಿಗಳಿಗೆ ಸುರಕ್ಷತೆ ನೀಡುವ ಉದ್ದೇಶದಿಂದ ಈ ರೀತಿ ನಾಯಿಗಳಿಗೆ ಆಧಾರ್ ಕಾರ್ಡ್ ನೀಡಲಾಗುತ್ತಿದೆ.

ನಾಯಿಗಳಿಗೆ ಈ ಆಧಾರ್‌ ಕಾರ್ಡ್‌ ಹೇಗೆ ಪ್ರಯೋಜನಕಾರಿ?

ನಾಯಿಗಳಿಗೆ ಏನಾದರೂ ತೊಂದರೆಯಾದರೆ ಅವುಗಳನ್ನು ರಕ್ಷಣೆ ಮಾಡಲು ಈ ಆಧಾರ್‌ ಕಾರ್ಡ್‌ ಸಹಾಯ ಮಾಡುತ್ತದೆ. ಅದರಲ್ಲೂ ಬೀದಿ ನಾಯಿಗಳ ರಕ್ಷಣೆಗೆ ಈ QR-ಕೋಡ್‌ ಇರುವ ಆಧಾರ್‌ ಕಾರ್ಡ್ ತುಂಬಾನೇ ಪ್ರಯೋಜನಕಾರಿಯಾಗಿದೆ. ಇನ್ನು ಮನೆಯ ನಾಯಿಗಳು ಕಳೆದು ಹೋದರೆ ಅವುಗಳನ್ನು ಹುಡುಕುವುದು ಕೂಡ ಸುಲಭವಾಗುತ್ತದೆ. ಅವುಗಳಿಗೆ ಹಾಕಿರುವ
QR-ಕೋಡ್‌ನಿಂದಾಗಿ ಅವುಗಳು ಎಲ್ಲಿದೆ ಎಂದು ಸುಲಭವಾಗಿ ಕಂಡು ಹಿಡಿಯಬಹುದು.

Pawfriend.in ಎಂಬ NGO ನಾಯಿಗಳ ರಕ್ಷಣೆಗೆ ಆಧಾರ್‌ ಕಾರ್ಡ್‌ ಅಳವಡಿಸುತ್ತಿದೆ
Pawfriend.in ದೇಶದಲ್ಲಿರುವ ನಾಯಿಗಳ ರಕ್ಷಣೆಗೆ ಈ ಆಧಾರ್‌ ಕಾರ್ಡ್ ನಾಯಿಗಳ ಕುತ್ತಿಗೆಗೆ ಹಾಕಲು ಮುಂದಾಗಿದೆ. ಈ ಎನ್‌ಜಿಓನ ಕಾರ್ಯಕರ್ತರು ಏಪ್ರಿಲ್‌ನಿಂದ ನಾಯಿಗಳಿಗೆ ಆಧಾರ್‌ ಕಾರ್ಡ್ ಅಳವಡಿಸುವ ಕಾರ್ಯ ಪ್ರಾರಂಭಿಸಿದ್ದಾರೆ. ಈ ಆಧಾರ್‌ ಕಾರ್ಡ್‌ನಲ್ಲಿ ಮೈಕ್ರೋಚಿಪ್‌ ಇದ್ದು ಆ ನಾಯಿಯಲ್ಲಿರುವ QR-ಕೋಡ್‌ ಸ್ಕ್ಯಾನ್‌ ಮಾಡಿದರೆ ಸಾಕು ಇವುಗಳ ಬಗ್ಗೆ ಸಂಪೂರ್ಣ ಮಾಹಿತಿ ತಿಳಿಯುತ್ತದೆ.

ಬೀದಿ ನಾಯಿಗಳಿಗೆ ಬೇಕಿದೆ ಉತ್ತಮ ಆರೈಕೆ

ಬೀದಿ ಬೀದಿಯಲ್ಲಿ ಬೀದಿ ನಾಯಿಗಳು ಕಣ್ಣಿಗೆ ಬೀಳುತ್ತದೆ. ಬೀದಿಯಲ್ಲಿಯೇ ಹುಟ್ಟಿ ಬೆಳೆಯುವ ನಾಯಿಗಳಿಗಿಂತ, ಯಾರಾದರೂ ತಂದು ಬಿಟ್ಟ ನಾಯಿಗಳ ಸಂಖ್ಯೆ ಹೆಚ್ಚಿವೆ. ಅವುಗಳು ಚೆನ್ನಾಗಿ ಇದ್ದಾಗ ನಾಯಿಗಳನ್ನು ಸಾಕುತ್ತಿದ್ದೇವೆ ಎಂದು ತೋರಿಸಿಕೊಳ್ಳುತ್ತರೆ, ಆದರೆ ಅದೇ ನಾಯಿಗೆ ಕಜ್ಜಿಯಾದರೆ, ರೋಮ ಉದುರುತ್ತಿದ್ದರೆ, ವಯಸ್ಸಾದರೆ ರೋಡ್‌ನಲ್ಲಿ ತಂದು ಬಿಟ್ಟು ಹೋಗುತ್ತಾರೆ, ಇಂಥ ಎಷ್ಟೋ ನಾಯಿಗಳು ಬೀದಿಯಲ್ಲಿ ಇರುತ್ತವೆ. ಕಜ್ಜಿಯಾಗಿ, ಮೈ ರೋಮ ಹೋಗಿ ತುಮಬಾನೇ ಕಷ್ಟ ಪಡುತ್ತಿರುವ ನಾಯಿಗಳನ್ನು ರಕ್ಷಣೆ ಮಾಡಲು ಈ ರೀತಿಯ ಆಧಾರ್‌ ಕಾರ್ಡ್ ಸಹಾಯ ಮಾಡುತ್ತದೆ.

ನಾಯಿ ಕಾಣೆಯಾದರೆ ಹುಡುಕಲು ಸಹಕಾರಿ

ಸಾಮಾನ್ಯವಾಗಿ ನಾಯಿಗಳು ಕಾಣೆಯಾಗಲ್ಲ, ಅವುಗಳನ್ನು ಯಾರಾದರೂ ಎತ್ತಿಕೊಂಡು ಹೋದರೆ ಮಾತ್ರ ನಾಯಿಗಳು ಕಾಣೆಯಾಗುತ್ತವೆ, ಒಂದು ವೇಳೆ ಅವು ಕಾಣೆಯಾದರೆ ಹುಡುಕಲು ಈ QR-ಕೋಡ್‌ ಸಹಾಯ ಮಾಡುತ್ತದೆ.

ಈ QR-ಕೋಡ್‌ ಬೀದಿನಾಯಿಗಳಿಗೆ ವರವಾಗಲಿದೆ
ಯಾರಾದರೂ ಈ QR-ಕೋಡ್‌ ಸ್ಕ್ಯಾನ್ ಮಾಡಿ ನಾಯಿಯ ಸ್ಥಿತಿಯ ಬಗ್ಗೆ ಮಾಹಿತಿ ನೀಡಿದರೆ ಅವುಗಳ ರಕ್ಷಣೆ ಮಾಡಲು ಸುಲಭವಾಗುವುದು.