For Quick Alerts
ALLOW NOTIFICATIONS  
For Daily Alerts

ಈ ರಾಶಿಯವರು ಎಂದಿಗೂ ವಿಶ್ವಾಸಕ್ಕೆ ಅರ್ಹರಲ್ಲ!

|

ವಿಶ್ವಾಸ ಎನ್ನುವುದು ಬಹಳ ದೊಡ್ಡ ಪದ. ಇದರ ಗಳಿಕೆಗೆ ತ್ಯಾಗ, ಪ್ರೀತಿಯೆಂಬ ಆರೈಕೆ ಅತ್ಯಗತ್ಯ. ಆದರೆ ಈ ಅವಿಶ್ವಾಸಿಗಳು ಹಲವು ಬಾರಿ ಸ್ವಾರ್ಥ ಗುಣಗಳಿಂದ ಅಥವಾ ತಮ್ಮದೇ ಸ್ವಹಿತಸಾಧನೆಯಿಂದಾಗಿ ಇತರರ ನೆರವಿಗೆ ಎಂದಿಗೂ ಧಾವಿಸುವುದಿಲ್ಲ. ಮೇಲ್ನೋಟಕ್ಕೆ ಸಹಾಯ ಮಾಡುವ ಹಂಬಲ ಇರುವುದಾಗಿ ತೋರುತ್ತಾರೆಯೇ ವಿನಃ, ಇವರ ಪರಿಸ್ಥಿತಿಯಾಗಲಿ, ಮನಸ್ಥಿತಿಯಾಗಲೀ ಸಹಾಯ ಮಾಡುವ ಯಾವ ಸೂಚನೆಯನ್ನು ಹೊಂದಿರುವುದಿಲ್ಲ.

ಇನ್ನು ಇಂಥ ಅವಿಶ್ವಾಸಿಗಳನ್ನು ನಂಬಿ ಯಾವುದಾದರೂ ಕೆಲಸಗಳಿಗೆ ಕೈಹಾಕಿದರಂತೂ ಮುಗಿದೇ ಹೋಯಿತು. ತುರ್ತಾಗಿ ಸಹಾಯ ಕೇಳಿದಾಗಲೂ ನೆರವಿಗೆ ಬರದೇ ಇರುವುದು ಅವಿಶ್ವಾಸಿಗಳ ಲಕ್ಷಣ. ಇಂತಹ ಗುಣಗಳು ನಮಗೂ ಹಲವು ಬಾರಿ ಕಿರಿಕಿರಿ ಎನಿಸಿರುತ್ತದೆ. ನಿಮಗೂ ಇಂಥದ್ದೇ ಕಿರಿಕಿರಿ ಉಂಟಾಗಿದೆಯೇ?, ಇವರನ್ನು ಪತ್ತೆ ಮಾಡುವುದು ಹೇಗೆ ಎಂಬುದು ನಿಮ್ಮ ಪ್ರಶ್ನೆಯೇ?.

ರಾಶಿಗಳನ್ನು ಆಧರಿಸಿ ಸಹ ಅವಿಶ್ವಾಸ ಗುಣಗಳನ್ನು ಹೊಂದಿದ್ದಾರೆ ಎಂದು ಪತ್ತೆ ಮಾಡಬಹುದು. ರಾಶಿಭವಿಷ್ಯದ ಪ್ರಕಾರ ಕೆಳಗಿನ ಕೆಲವು ರಾಶಿಯವರು ವಿಶ್ವಾಸಕ್ಕೆ ಅರ್ಹರೇ ಅಲ್ಲ, ಎಂದಿಗೂ ಇವರನ್ನು ನಿಮ್ಮ ವಿಶ್ವಾಸಾರ್ಹರ ಪಟ್ಟಿಯಲ್ಲಿ ಇಡಲೇಬೇಡಿ ಎಂದು ಜ್ಯೋತಿಶಾಸ್ತ್ರ ಹೇಳುತ್ತದೆ.

ಮಿಥುನ ರಾಶಿ

ಮಿಥುನ ರಾಶಿ

ಅವಿಶ್ವಾಸಿಗಳು ಎಂಬ ಪಟ್ಟಿಯಲ್ಲಿ ಮಿಥುನ ರಾಶಿ ಮೊದಲನೇ ಸಾಲಿನಲ್ಲಿ ನಿಲ್ಲುತ್ತದೆ. ಇವರು ನಿಮ್ಮ ಜತೆ ಸಾಮಾಜಿಕ ಜಾಲತಾಣಗಳಲ್ಲಿ ಸಕ್ರಿಯರಾಗಿರಬಹುದು, ನಿಮ್ಮ ಎಲ್ಲಾ ಪೋಸ್ಟ್ ಗಳಿಗೆ ಲೈಕ್, ಕಮೆಂಟ್ ಗಳನ್ನೂ ಕೊಡಬಹುದು, ಆದರೆ ಮಿಥುನ ರಾಶಿಯವರು ನಿಮಗಾಗಿ ಇಷ್ಟನ್ನು ಮಾತ್ರ ಮಾಡುತ್ತಾರೆ. ಇದನ್ನು ಹೊರತುಪಡಿಸಿ ಅವರಿಂದ ಹೆಚ್ಚಿನ ಸಹಾಯ ನಿರೀಕ್ಷಿಸಲಾಗದು. ಇವರು ತಾವು ಹೆಚ್ಚು ಕಾರ್ಯನಿರತರಾಗಿದ್ದೇವೆಂದು ಆದ್ದರಿಂದ ಸಂಪರ್ಕಿಸಲು ಸಾಧ್ಯವಿಲ್ಲವೆಂದು ಹೇಳಿಕೊಳ್ಳುತ್ತಾರೆ. ನಿಮ್ಮೊಂದಿಗೆ ಸಣ್ಣ ಚಿಟ್ ಚಾಟ್ ಮಾಡಲು ಸಹ ಇವರು ಆಸಕ್ತಿ ಹೊಂದಿರುವುದಿಲ್ಲ. ಇನ್ನು ವಿಶೇಷವೆಂದರೆ ಇವರು ನಿಮಗಾಗಿ ಸಮಯ ಮೀಸಲಿಟ್ಟು ಆನ್‌ಲೈನ್ ಚಾಟ್ ಮಾಡುವುದಿಲ್ಲ, ಮತ್ತೊಂದು ಕೆಲಸದ ನಡುವೆ ಸುಮ್ಮನೆ ಸಂದೇಶಗಳ ವಿನಿಮಯ ಮಾಡುತ್ತಿರುತ್ತಾರೆ ಅಷ್ಟೇ.

ಧನು ರಾಶಿ

ಧನು ರಾಶಿ

ಬಿಲ್ಲಿನ ಸಂಕೇತವುಳ್ಳ ಧನು ರಾಶಿಯವರು ಹೊರಗೆ ಹೋಗಲು ಇಷ್ಟಪಡುವಷ್ಟು ನಾಲ್ಕು ಗೋಡೆಗಳ ನಡುವೆ ಮನೆಯಲ್ಲಿ ಇರಲು ಇಚ್ಚಿಸುವುದಿಲ್ಲ. ಆದ್ದರಿಂದಲೇ ಅವರು ನಿಮ್ಮನ್ನು ಭೇಟಿ ಮಾಡಲು ಅವರಿಗೆ ಸಮಯವೇ ಸಿಗುವುದಿಲ್ಲ. ಆದರೆ, ಇದರರ್ಥ ನೀವು ಅವರಿಗೆ ಏನೂ ಅಲ್ಲ ಏಂದೇನಲ್ಲ. ನೀವು ಅವರ ಪ್ರೀತಿಯ, ಆಪ್ತ ಸ್ನೇಹಿತರಿರಬಹುದು ಆದರೂ, ಅವರು ತಮ್ಮದೇ ಅದ ರೀತಿಯಲ್ಲಿ, ತಮಗೆ ಇಷ್ಟಬಂದತೆ ತಮ್ಮ ಸಮಯವನ್ನು ಕಳೆಯಲು ಇಷ್ಟಪಡುತ್ತಾರೆ. ಆದರೆ ಒಬ್ಬ ವಿಶ್ವಾಸಾರ್ಹ ಗೆಳೆಯ ಎಂದರೆ ಈ ಗುಣವಿದ್ದರೆ ಅವರನ್ನು ವಿಶ್ವಾಸದ ತೆಕ್ಕೆಗೆ ತೆಗೆದುಕೊಳ್ಳು ಸಾಧ್ಯವೆ?.

ಮಕರ

ಮಕರ

ಮಕರ ರಾಶಿಯವರು ಎಂದಿನಂತೆ ಯಾವಾಗಲೂ ಬ್ಯುಸಿ ಇರುತ್ತಾರೆ ಇದರಲ್ಲಿ ಸಂದೇಹ ಬೇಡ. ಇವರು ಎಷ್ಟು ಬ್ಯುಸಿ, ಕಾರ್ಯನಿರತರು ಎಂದರೆ ಇವರನ್ನು ಭೇಟಿ ಮಾಡಲು ನೀವು ಸಾಕಷ್ಟು ಪಡಬೇಕಾಗುತ್ತದೆ, ಇಷ್ಟಾದರೂ ಸಿಗುತ್ತಾರೆ ಎಂಬ ನಂಬಿಕೆ ಇರುವುದಿಲ್ಲ. ಆದರೆ ವಿಶೇಷವೆಂದರೆ ಮಕರ ರಾಶಿಯವರು ನೀವು ಸಹ ಇವರನ್ನು ಭೇಟಿ ಮಾಡಬೇಕೆಂದು ಬಯಸುವುದಿಲ್ಲ. ಪ್ರತಿ ಬಾರಿ ಕರೆ ಅಥವಾ ಆನ್ ಲೈನ್ ಚಾಟ್ ನಲ್ಲಿ ಸಿಕ್ಕಾಗ ನಿಮ್ಮನ್ನು ಭೇಟಿಯಾಗಬೇಕೆಂದು ಇಚ್ಚೆ ವ್ಯಕ್ತಪಡಿಸುತ್ತಾರೆ ಹಾಗೂ ಬಯಸುತ್ತಾರೆಯೇ ವಿನಃ ಭೇಟಿಯಾಗುವುದಿಲ್ಲ. ಇವರನ್ನು ನಂಬಿ ಎಂದಿಗೂ ಪ್ರಮುಖ ಕೆಲಸಕ್ಕೆ ಕೈಹಾಕಬೇಡಿ.

ಕುಂಭ ರಾಶಿ

ಕುಂಭ ರಾಶಿ

ಕುಂಭ ರಾಶಿಯವರ ವಿಷಯಕ್ಕೆ ಬಂದರೆ ಇವರ ಮರೆಗುಳಿತನವೇ ಇವರ ದೊಡ್ಡ ಶತ್ರು-ಮಿತ್ರ. ನೀವು ಇವರಿಗೆ ಕಳುಹಿಸಿರುವ ಪ್ರಮುಖ ಸಂದೇಶಗಳನ್ನು ಓದದೇ ಇರಬಹುದು ಅಥವಾ ಒಮ್ಮೆ ಓದಿದರೂ ಮತ್ತೆ ಅದಕ್ಕೆ ಪ್ರತ್ಯುತ್ತರ ನೀಡದಿರಬಹುದು ಅದ್ದರಿಂದಲೇ ಇವರ ಬೇಟಿ ಬಹಳ ದೂರದ ಮಾತು. ನಿಮ್ಮ ಸಂದೇಶದಲ್ಲಿರುವ ಪ್ರಮುಖ ವಿಷಯಗಳನ್ನು ಅವರು ಓದಿದರೆ ತಾನೇ ತಿಳಿಯಲು ಸಾಧ್ಯ. ಅತ್ಯಂತ ಆಸಕ್ತಿದಾಯಕ ಮತ್ತೊಂದು ಭಾಗವೆಂದರೆ ಅವರು ನಿಮಗೆ ಉತ್ತರಿಸಿದ್ದಾರೆ ಎಂಬುದನ್ನೆ ಹಲವು ಭಾರಿ ಮರೆತಿರುತ್ತಾರೆ!.

English summary

Which Zodiac Signs Are The Most Unreliable?

We often come across some people whom we approach for some help, but all we get is apologies from them for not being able to help on time. They claim of being too busy and unable to maintain long-term contacts. Or sometimes, they just do not get done the work assigned to them, and ultimately prove to be unreliable. Does that attitude of theirs irritate you? Does that confuse you on whom to rely on and whom not?.
Story first published: Friday, September 27, 2019, 15:39 [IST]
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more