Makara Rashi Ugadi Bhavishya 2022: ಯುಗಾದಿ ಪಂಚಾಂಗ 2022-23: ಹೇಗಿದೆ ಮಕರ ರಾಶಿಯ ಭವಿಷ್ಯ?

ಯುಗಾದಿ ಎಂದರೆ ಹೊಸ ಸಂವತ್ಸರ, ಯುಗಾದಿ ಪಂಚಾಂಗ ಪ್ರಕಾರ ದ್ವಾದಶಗಳ ರಾಶಿಫಲ ಹೇಳಲಾಗುವುದು. ನಾವು ಪ್ರತೀ ರಾಶಿಯ ವಾರ್ಷಿಕ ರಾಶಿಫಲ ವಿವರವಾಗಿ ನೀಡಿದ್ದೇವೆ. ಇಲ್ಲಿ ಮಕರ ರಾಶಿಯವರ ಉದ್ಯೋಗ, ವ್ಯಾಪಾರ, ಕುಟುಂಬ, ಶಿಕ್ಷಣ, ಆರೋಗ್ಯ ಯುಗಾದಿ ಪಂಚಾಂಗ ಪ್ರಕಾರ ಹೇಗಿರಲಿದೆ ಎಂದು ಹೇಳಲಾಗಿದೆ ನೋಡಿ:

ಯುಗಾದಿ ಪಂಚಾಂಗ ದ್ವಾದಶ ರಾಶಿಗಳಲ್ಲಿ ಮಕರ ರಾಶಿಯವರ ವಾರ್ಷಿಕ ಫಲ ನೋಡುವುದಾದರೆ ನಿಮಗೆ ಆದಾಯ 5 ವ್ಯಯ 2 ಇದೆ. ಆದ್ದರಿಂದ ಈ ವರ್ಷ ಒಳ್ಳೆಯದಿದೆ. ಉಳಿತಾಯ ಮಾಡಲು ಸಾಧ್ಯವಾಗುವುದು. ರಾಶಿ ಯೋಗ 2 ಇದೆ, ಅವಮಾನ 4 ಇದೆ. ವ್ಯಾಪಾರಸ್ಥರಿಗೆ ತಮ್ಮ ಕಠಿಣ ಪರಿಶ್ರಮಕ್ಕೆ ತಕ್ಕಂತೆ ಶುಭ ಫಲ ಪಡೆಯಲಿದ್ದಾರೆ.

ವೃತ್ತಿ ಜೀವನ ನೋಡುವುದಾದರೆ ಕೆಲಸದಲ್ಲಿ ಪ್ರಗತಿ ಕಾಣುವಿರಿ, ಬಯಸಿದ ವರ್ಗಾವಣೆ ಪಡೆಯಲು ಸಾಧ್ಯವಾಗುವುದು. ಕೆಲವರು ಪ್ರಮೋಷನ್ ಕೂಡ ಪಡೆಯಲಿದ್ದಾರೆ. ಸಹೋದ್ಯೋಗಿಗಳು ಹಾಗೂ ಉನ್ನತ ಅಧಿಕಾರಿಗಳೊಂದಿಗೆ ಸೌರ್ಹಾದಯುತ ಸಂಬಂಧ ಇರುತ್ತದೆ.

ಉನ್ನತ ಶಿಕ್ಷಣ ಮಾಡಬೇಕೆಂದು ಬಯಸುವ ವಿದ್ಯಾರ್ಥಿಗಳ ಆಸೆ ನೆರವೇರಲಿದೆ. ಸ್ಪರ್ಧಾತ್ಮಕ ಪರೀಕ್ಷೆಗೆ ತಯಾರಿ ನಡೆಸುತ್ತಿದ್ದರೆ ಈ ವರ್ಷ ತುಂಬಾನೇ ಒಳ್ಳೆಯದಿದೆ.

ಹಣಕಾಸು ಜೀವನ ಬಗ್ಗೆ ನೋಡುವುದಾದರೆ ಹಣದ ಯಾವುದೇ ತೊಂದರೆಯಿಲ್ಲ, ಉಳಿತಾಯ ಮಾಡಲು ಸಾಧ್ಯವಾಗುವುದು. 11ನೇ ಮನೆಯಲ್ಲಿ ಕೇತುವಿನ ಸ್ಥಾನ ಸ್ವಲ್ಪ ಸಮಸ್ಯೆ ತರಬಹುದು. ಕುಟುಂಬದ ಸದಸ್ಯರ ಜೊತೆ ಸಾಮರಸ್ಯ ಜೀವನಕ್ಕೆ ಪ್ರಯತ್ನಿಸಿ. ನಾಲ್ಕನೇ ಮನೆಯಲ್ಲಿ ಮಂಗಳ ಅಂಶವಿರುವುದರಿಂದ ಅದರ ಪ್ರಭಾವ ಕುಟುಂಬದ ಮೇಲೆ ಇರುತ್ತದೆ. ನಿಮ್ಮ ಕೋಪವನ್ನು ನಿಯಂತ್ರಿಸಿ. ವೈವಾಹಿಕ ಜೀವನ ಚೆನ್ನಾಗಿ ಇರುತ್ತದೆ. ಪ್ರೇಮಿಗಳಿಗೂ ಒಳ್ಳೆಯದಿದೆ.

ವ್ಯಾಪಾರಸ್ಥರಿಗೆ ಈ ವರ್ಷ ಅಧಿಕ ಲಾಭ ಗಳಿಸಲು ಸಾಧ್ಯವಾಗದಿದ್ದರೂ ನಷ್ಟವೇನೂ ಇಲ್ಲ. ಪಾಲುದಾರಿಕೆಯಲ್ಲಿ ವ್ಯಾಪಾರ ಮಾಡುತ್ತಿದ್ದರೆ ಉತ್ತಮವಾದ ಲಾಭ ಗಳಿಸಬಹುದು.

ಈ ವರ್ಷ ಭೂಮಿ ಖರೀದಿಸುವ ಸಾಧ್ಯತೆ ಇದೆ. ಕುಟುಂಬದಲ್ಲಿ ಶುಭ ಕಾರ್ಯಗಳು ನಡೆಯುವ ಸಾಧ್ಯತೆ ಇದೆ. ಶನಿ ಕೃಪೆಯಿಂದ ವೃತ್ತಿ ಅವಕಾಶಗಳು ಮತ್ತಷ್ಟು ಹೆಚ್ಚುವುದು.

ಅದೃಷ್ಟದ ಬಣ್ಣ: ನೀಲಿ
ಅದೃಷ್ಟದ ಸಂಖ್ಯೆ: 8
ಪರಿಹಾರ: ಪಂಚಮುಖ ಆಂಜನೇಯನನ್ನು ಪೂಜಿಸಿ.