Shani Sade Sati 2022ರಲ್ಲಿ ಈ 4 ರಾಶಿಗಳು ಶನಿದೋಷ, ಶನಿ ಧೆಯ್ಯದಿಂದ ಮುಕ್ತರಾಗಿದ್ದಾರೆ

Updated: Monday, March 7, 2022, 9:56 [IST]

ಶನಿಗ್ರಹ ಒಂದು ರಾಶಿಯಿಂದ ಮತ್ತೊಂದು ರಾಶಿಗೆ ಸಂಚರಿಸಲು ತುಂಬಾ ಸಮಯ ತೆಗೆದುಕೊಳ್ಳುತ್ತದೆ. ಇದೀಗ ಶನಿದೇವ ಮಕರ ರಾಶಿಯಲ್ಲಿದೆ. ಶನಿ ಧೆಯ್ಯ ಮಿಥುನ ಹಾಗೂ ತುಲಾ ರಾಶಿಯಲ್ಲಿದೆ. ಈಗ ಧನು, ಮಕರ, ಕುಂಭದಲ್ಲಿ ಶನಿ ಸಾಡೇಸಾತಿಯಿದೆ. ಒಟ್ಟು 5 ರಾಶಿಗಳ ಮೇಲೆ ಶನಿದೇವನ ಕೆಟ್ಟ ದೃಷ್ಟಿರುತ್ತದೆ.

ಆದರೆ ಇದೇ ಏಪ್ರಿಲ್‌ 29ರಂದು ಶನಿ ತನ್ನ ರಾಶಿ ಬದಲಾಯಿಸಲಿದೆ, ಆಗ ಇನ್ನೂ 3 ರಾಶಿಗಳ ಮೇಲೆ ಶನಿದೋಷವಿರುತ್ತದೆ. ಅದೇ ಸಮಯದಲ್ಲಿ4 ರಾಶಿಗಳು ಶನಿ ಕೋಪದಿಂದ ಅಂದರೆ ಶನಿಯ ಹಿಡಿತದಿಂದ ಮುಕ್ತರಾಗಲಿದ್ದಾರೆ.

ಆ ಅದೃಷ್ಟದ ರಾಶಿಗಳು ಯಾವುವು? ಯಾವ ರಾಶಿಗಳಲ್ಲಿ ಶನಿ ಸಾಡೇ ಸಾತಿಯಿಂದ ಮುಕ್ತರಾಗಿ ಇನ್ನು ನೆಮ್ಮದಿಯ ಜೀವನ ಕಾಣಬಹುದು ಎಂದು ನೋಡೋಣ ಬನ್ನಿ:

ಏಪ್ರಿಲ್ 29ರವರೆಗೆ ಮಕರದಲ್ಲಿ ಶನಿ ಸಂಚಾರ

ಈ ಸಂಕ್ರಮಣ ಸಮಯದಲ್ಲಿ ಮಿಥುನ ರಾಶಿ, ತುಲಾ ರಾಶಯವರಿಗೆ ಶನಿ ಧೆಯ್ಯದಿಂದ ಮುಕ್ತಿ ಸಿಗಲಿದೆ. ಆದ್ದರಿಂದ ಈ ಸಮಯದಲ್ಲಿ ಧನು ರಾಶಿ, ಮಕರ ರಾಶಿ ಹಾಗೂ ಕುಂಭ ರಾಶಿಯಲ್ಲಿ ಶನಿದೋಷವಿರುತ್ತದೆ.

ಏಪ್ರಿಲ್‌ 29ರಿಂದ ಜುಲೈ 12ರವರೆಗೆ ಕುಂಭದಲ್ಲಿ ಇರುವ ಶನಿ

ಈ ಸಮಯದಲ್ಲಿ ಮಿಥುನ ಹಾಗೂ ತುಲಾ ರಾಶಿಯವರು ಶನಿದೋಷದಿಂದ ಮುಕ್ತರಾಗಲಿದ್ದಾರೆ, ಆದರೆ ಕರ್ಕ ಮತ್ತು ವೃಶ್ಚಿಕ ಈ ಸಮಯದಲ್ಲಿ ಶನಿಯ ಹಿಡಿತದಲ್ಲಿರುತ್ತದೆ. ಈ ಸಮಯದಲ್ಲಿ ಧನು ರಾಶಿಯವರಿಗೆ ಶನಿ ಸಾಡೇಸಾತಿಯಿಂದ ಮುಕ್ತಿ ಸಿಗುವುದು, ಆದರೆ ಶನಿಯ ಕೆಟ್ಟ ದಷ್ಟಿ ಮೀನದಲ್ಲಿರುತ್ತದೆ. ಈ ಸಮಯದಲ್ಲಿ ಮಕರ ಹಾಗೂ ಕುಂಭ ರಾಶಿಯವರಿಗೆ ಶನಿ ಸಾಡೇಸಾತಿ ಪ್ರಭಾವವಿರುತ್ತದೆ.

ಜುಲೈ 12ರಿಂದ ಈವರ್ಷ ಕೊನೆಯವರೆಗೆ ಮಕರದಲ್ಲಿರುವ ಶನಿ

ಈ ಸಮಯದಲ್ಲಿ ಮಿಥುನ ಹಗೂ ತುಲಾ ರಾಶಿಯವರ ಮೇಲೆ ಶನಿ ಧೆಯ್ಯವಿರುತ್ತದೆ. ಧನು ರಾಶಿ, ಮಕರ ರಾಶಿ, ಕುಂಭ ರಾಶಿಯವರಿಗೆ ಶನಿ ಸಾಡೇಸಾತಿವಿರುತ್ತದೆ.

ಯಾವ ರಾಶಿಗಳಿಗೆ 2022ರಲ್ಲಿ ಶನಿದೋಷವಿಲ್ಲ

ಒಟ್ಟಿನಲ್ಲಿ ಈ ವರ್ಷ ಮೇಷ, ವೃಷಭ, ಸಿಂಹ ಹಾಗೂ ಕನ್ಯಾ ರಾಶಿಯವರ ಮೇಲೆ ಶನಿ ದೋಷವಿರುವುದಿಲ್ಲ. ಮೀನ, ಕರ್ಕ, ತುಲಾ, ವೃಶ್ಚಿಕ, ಧನು, ಮಕರ, ಕುಂಭ ಹಾಗೂ ಮೀನ ರಾಶಿಯಲ್ಲಿ ಶನಿಯ ಹಿಡಿತವಿರುತ್ತದೆ.