2021ರ ಮೊದಲ ಸೂರ್ಯಗ್ರಹಣ: ಯಾವಾಗ, ಎಲ್ಲೆಲ್ಲಿ ಗೋಚರಿಸುವುದು, ನೋಡುವುದು ಹೇಗೆ?

ಗೋಚರಿಸುವ ಸಮಯ

ಜೂನ್‌ 10 ವಾರ್ಷಿಕ ಸೂರ್ಯ ಗ್ರಹಣವು ಮಧ್ಯಾಹ್ನ 1:42ಕ್ಕೆ ಪ್ರಾರಂಭವಾಗಿ 6:41ಕ್ಕೆ ಮುಕ್ತಾಯವಾಗುತ್ತದೆ.

ಎಲ್ಲೆಲ್ಲಿ ಗೋಚರಿಸುವುದು?

ಯುರೋಪ್, ಏಷ್ಯಾದ ಅನೇಕ ಭಾಗಗಳಲ್ಲಿ, ಉತ್ತರ ಆಫ್ರಿಕಾ, ಪಶ್ಚಿಮ ಆಫ್ರಿಕಾ, ಉತ್ತರ ಅಮೆರಿಕ, ಅಂಟ್ಲಾಟಿಕ, ಆರ್ಕ್ಟಿಕ್ ಈ ಭಾಗಗಳಲ್ಲಿ ಗೋಚರಿಸಲಿದೆ. ಕೆನಡಾ, ಗ್ರೀನ್‌ಲ್ಯಾಂಡ್‌ ಮತ್ತು ರಷ್ಯಾದಲ್ಲಿ ಪೂರ್ಣ ಸೂರ್ಯಗ್ರಹಣ ಕಂಡು ಬರುವುದು.

ಜ್ಯೋತಿಷ್ಯ ದೃಷ್ಟಿಯಿಂದ ಈ ಗ್ರಹಣ ನೋಡುವುದಾದರೆ

ಸೂರ್ಯಗ್ರಹಣವು ವೃಷಭ ರಾಶಿ, ಮೃಗಶಿರಾ ನಕ್ಷತ್ರದಲ್ಲಿ ಸಂಭವಿಸಲಿದೆ. ಇದರ ಪ್ರಭಾವ ಪ್ರತಿಯೊಂದು ರಾಶಿಗಳ ಮೇಲೆ ಇರಲಿದೆ.

ಸೂರ್ಯಗ್ರಹಣ ದಿನದಂದು ಇರುವ ಮತ್ತೆರಡು ವಿಶೇಷ

ಹಿಂದೂ ಧರ್ಮದಲ್ಲಿ ಶನಿ ಜಯಂತಿ ಹಾಗೂ ವಟ ಸಾವಿತ್ರಿ ವ್ರತಕ್ಕೆ ತುಂಬಾನೇ ಮಹತ್ವವಿದೆ. ಮಹತ್ವವದ ಈ ಎರಡು ಆಚರಣೆಗಳು ಕೂಡ ಇದೇ ದಿನವಿದೆ.

ಹೇಗೆ ನೋಡುವುದು?

ಸೂರ್ಯಗ್ರಹಣವನ್ನು ಬರೀಗಣ್ಣಿನಲ್ಲಿ ನೋಡಬೇಡಿ, ಇದನ್ನು ಸೌರ ಕನ್ನಡಕ ಬಳಸಿ ನೋಡಬಹುದು, ತಜ್ಞರ ಮಾರ್ಗದರ್ಶನದಲ್ಲಿ ಸೋಲಾರ್ ಫಿಲ್ಟರ್‌ ಬಳಸಿ ನೋಡಲಾಗುವುದು. ಆದರೆ ಹಾಳಾದ ಸೋಲಾರ್ ಫಿಲ್ಟರ್ ಬಳಸಬಾರದು.

ಲಾಕ್‌ಡೌನ್‌ ಇರುವ ಕಾರಣ ಹೊರಗಡೆ ಹೋಗಲು ಸಾಧ್ಯವಿಲ್ಲ, ಹಳ್ಳಿ ಕಡೆ ಸೆಗಣಿ ನೀರು ಕಲೆಸಿ, ಅದರಲ್ಲಿ ನೋಡುತ್ತಾರೆ.