ಫೆ.12ಕ್ಕೆ ಮಕರದಲ್ಲಿ 6 ಗ್ರಹಗಳ ಸಂಯೋಗ: ಈ ದುರ್ಘಟನೆಗಳು ಸಂಭವಿಸಲಿದೆಯೇ?

ಮಕರ ರಾಶಿಯಲ್ಲಿ ಆರು ಗ್ರಹಗಳ ಸಂಯೋಗ

ಫೆಬ್ರವರಿ 12ಕ್ಕೆ ಮಕರ ರಾಶಿಯಲ್ಲಿ ಗುರು, ಶನಿ, ರವಿ, ಬುಧ, ಚಂದ್ರ ಹಾಗೂ ಶುಕ್ರ ಗ್ರಹಗಳ ಸಂಯೋಗ ಆಗಲಿವೆ. ಅಂದರೆ ಆ ದಿನ ಈ ಆರು ಗ್ರಹಗಳು ಮಕರ ರಾಶಿಯಲ್ಲೇ ಇರಲಿವೆ. ಈ ಆರು ಗ್ರಹಗಳು ಕಾಲ ಪುರುಷನ ಕರ್ಮ ಸ್ಥಾನವಾದ ಮಕರ ರಾಶಿಯಲ್ಲಿ ಇರುವುದರಿಂದ ಈ ದಿನ ತುಂಬಾ ಕುತೂಹಲಕಾರಿಯಾದ ದಿನವಾಗಿದೆ. ಈ ದಿನ ಅನೇಕ ಘಟನೆಗಳು ಸಂಭವಿಸುವ ಸಾಧ್ಯತೆ ಇವೆ. 59 ವರ್ಷಗಳ ಬಳಿಕ ಫೆಬ್ರವರಿಯಲ್ಲಿ ಇಂಥದ್ದೊಂದು ಘಟನೆ ಸಂಭವಿಸಲಿದೆ.

ಒಂದೇ ರಾಶಿಯಲ್ಲಿ 6 ಗ್ರಹಗಳು ಇರುವುದು ಇದೇ ಮೊದಲಲ್ಲ

1962ರಲ್ಲಿ ಮಕರ ರಾಶಿಯಲ್ಲಿ, 1979ರಲ್ಲಿ ಸಿಂಹ ರಾಶಿಯಲ್ಲಿ, 1982ರಲ್ಲಿ ತುಲಾ ರಾಶಿಯಲ್ಲಿ, 1993ರಲ್ಲಿ ವೃಶ್ಚಿಕ ರಾಶಿಯಲ್ಲಿ, 2019ರಲ್ಲಿ ಧನು ರಾಶಿಯಲ್ಲಿ ಈ ಗ್ರಹಗಳು ಸಂಯೋಗಗೊಂಡಿದ್ದೆವು.

ಶನಿಯ ಅಧಿಪತಿ ಇರುವ ಮಕರದಲ್ಲಿ 6 ಗ್ರಹಗಳ ಸಂಯೋಗ

6 ಗ್ರಹಗಳು ಜೊತೆಗೆ ಬಂದಾಗ ಏನಾದರೂ ತುರ್ತು ಪರಿಸ್ಥಿತಿ ಅಂದ್ರೆ ಯುದ್ಧ ಘೋಷಣೆ ಅಥವಾ ದೊಡ್ಡ ಹೋರಾಟ ಈ ರೀತಿಯ ಘಟನೆಗಳು ಸಂಭವಿಸುತ್ತದೆ ಎಂದು ಶತಕಗಳ ಹಿಂದೆಯೇ 'ಮಯೂರ್‌ ಚಿತ್ರಂ' ಎಂದು ಪುಸ್ತಕದಲ್ಲಿ ಹೇಳಲಾಗಿದೆ. ಈ ಪುಸ್ತಕವನ್ನು ನಾರದ ಮುನಿಗಳು ಬರೆದರು ಎಂದು ಹೇಳಲಾಗುತ್ತದೆ.

ಹಿಂದೆ ಈ ರೀತಿ ಗ್ರಹಗಳ ಸಂಯೋಗ ಆದಾಗ ಏನಾಗಿತ್ತು?

1962ರಲ್ಲಿ ಮಕರದಲ್ಲಿ 7 ಗ್ರಹಗಳು ಸಂಯೋಗವಾದಾಗ ಸೂಪರ್ ಪವರ್ ರಾಷ್ಟ್ರಗಳಾದ ರಷ್ಯಾ ಹಾಗೂ ಅಮೆರಿಕ ನಡುವೆ ಕ್ಯೂಬಾನ್ ಕ್ಷಿಪಣಿ ಬಿಕ್ಕಟ್ಟು ಉಂಟಾಯಿತು. ಇದು ಶೀತಲ ಸಮರಕ್ಕೆ ಕಾರಣವಾಯಿತು.

1979ರಲ್ಲಿ ಸಿಂಹ ರಾಶಿಯಲ್ಲಿ 5 ಗ್ರಹಗಳ ಸಂಯೋಗವಾದಾಗ ಇರಾನ್‌ ಕ್ರಾಂತಿಯ ಪ್ರಭಾವ ಮುಸ್ಲಿಂ ರಾಷ್ಟ್ರಗಳಲ್ಲಿ

ಪ್ರಕ್ಷುಬ್ಧತೆ ಉಂಟಾಗಿತ್ತು.

2019, ಡಿಸೆಂಬರ್‌ 26ರಲ್ಲಿ ಧನು ರಾಶಿಯಲ್ಲಿ ರಾಹು-ಕೇತು ಹೊರತು ಪಡಿಸಿ 5 ಗ್ರಹಗಳು ಸಂಯೋಗವಾದಾಗ ಜಗತ್ತಿಗೆ ಕೊರೊನಾವೈರಸ್ ಕಂಟಕ ಎದುರಾಯಿತು.

ಈ ಎಲ್ಲಾ ದೃಷ್ಟಿಯಿಂದ ಗ್ರಹಗಳ ಸಂಯೋಗವಾದಾಗ ಅಪಾಯ ತಪ್ಪಿದ್ದಲ್ಲ ಎನ್ನುತ್ತದೆ ವೈದಿಕ ಶಾಸ್ತ್ರ

ಮಕರ ರಾಶಿಯಲ್ಲಿ ಆರು ಗ್ರಹಗಳ ಸಂಯೋಗ, ಏನು ಸಂಭವಿಸಬಹುದು?

ಈ ಬಾರಿ ಫೆಬ್ರವರಿ 12ರಂದು ನಡೆಯಲಿರುವ ಗ್ರಹಗಳ ಸಂಯೋಗ ಬೀರುವ ಪ್ರಭಾವಗಳ ಬಗ್ಗೆ ವೈದಿಕ ಶಾಸ್ತ್ರ ಏನು ಹೇಳಿದೆ ಎಂದು ನೋಡೋಣ ಬನ್ನಿ:

* ಮಾಧ್ಯಮ ವಲಯದಲ್ಲಿ ದೊಡ್ಡ ಮಟ್ಟದ ಬದಲಾವಣೆ/ಅಪಘಾತ ಸಾಧ್ಯತೆ ಇದೆ.

* ಚೀನಾ, ಪಾಕಿಸ್ತಾನ ಸೇರಿದಂತೆ ನೆರೆಯ ರಾಷ್ಟ್ರಗಳ ಜಿತೆ ಸಂಬಂಧ ಹಾಳಾಗಿ ಯುದ್ಧದ ಸನ್ನಿವೇಶ ಬರಬಹುದು.

* ಮನರಂಜನೆ ಕ್ಷೇತ್ರದಲ್ಲಿ ದಿಗ್ಗಜರೊಬ್ಬರು ಮರಣವೊಂದಬಹುದು.

* ರಾಜಕೀಯ ವಲಯದಲ್ಲೂ ಮುಖಂಡರಿಗೆ ವಿಪತ್ತು ಸಂಭವಿಸಲಿದೆ.

* ಧರ್ಮದ ವಿಷಯದಲ್ಲಿ ಆತಂತರಿಕ ದಂಗೆ ಏಳಬಹುದು.

* ಷೇರು ಮಾರುಕಟ್ಟೆಯ ವ್ಯವಹಾರ ಮಾಡುವವರು ತುಂಬಾ ಜಾಗ್ರತೆ ಇರಬೇಕು.