ಕುಂಭ ರಾಶಿಗೆ ಶನಿ ಸಂಚಾರ: ಶನಿಕೃಪೆಯಿಂದ ಈ ರಾಶಿಯವರ ಸಂಪತ್ತು ಹೆಚ್ಚಿಸಲಿದೆ

ಮೇಷ ರಾಶಿ

ಶನಿಯು ಕುಂಭ ರಾಶಿಗೆ ಸಂಚರಿಸಿದಾಗ ಮೇಷ ರಾಶಿಯವರ 11ನೇ ಮನೆಯಲ್ಲಿ ಇರಲಿದೆ. ಈ ಮನೆಯಲ್ಲಿ ಇರುವ ಶನಿ ಶುಭ ಫಲಿತಾಂಶ ನೀಡಲಿದೆ. ನೀವೇನಾದರೂ ಸ್ವಂತ ಕೆಲಸ ಪ್ರಾರಂಭಿಸಲು ಬಯಸುವುದಾದರೆ ಈ ಅವಧಿ ಅನುಕೂಲಕರವಾಗಿದೆ. ಕೆಲಸದಲ್ಲಿ ಪ್ರಗತಿ ಕಾಣುವಿರಿ. ನಿಮ್ಮ ಯಾವುದಾದರೂ ಪ್ರಮುಖ ಕೆಲಸ ಬಾಕಿಯುಳಿದಿದ್ದರೆ ಈ ಅವಧಿಯಲ್ಲಿ ಅದು ಪೂರ್ಣವಾಗಲಿದೆ. ಶನಿಯು ಕುಂಭ ರಾಶಿಯಲ್ಲಿರುವುದರಿಂದ ವ್ಯಾಪಾರಸ್ಥರಿಗೆ ಒಳ್ಳೆಯದು. ಒಂದಕ್ಕಿಂತ ಹೆಚ್ಚು ಆದಾಯ ಮೂಲಗಳು ತೆರೆದುಕೊಳ್ಳಬಹುದು. ಮಕ್ಕಳ ಕಡೆಯಿಂದ ಖುಷಿ ಸಿಗಲಿದೆ.

ವೃಷಭ ರಾಶಿ

ವೃಷಭ ರಾಶಿಯವರ 10ನೇ ಮನೆಯಲ್ಲಿ ಶನಿ ಇರುವುದು ನಿಮಗೆ ಅನುಕೂಲಕರವಾಗಿದೆ. ಈ ಸಂಚಾರದಿಂದ ವೃಷಭ ರಾಶಿಯವರ ಭವಿಷ್ಯ ಬದಲಾಗಲಿದೆ. ಈ ಅವಧಿಯಲ್ಲಿ ನಿಮ್ಮ ಕೆಲಸ ಕಾರ್ಯಗಳಲ್ಲಿ ಪ್ರಗತಿಯನ್ನು ಕಾಣುತ್ತೀರಿ. ಮನೆಕಟ್ಟುವ ಕನಸು ಕಾಣುತ್ತರುವವರಿಗೆ ಈ ಅವಧಿಯಲ್ಲಿ ನೆರವೇರಲಿದೆ. ತೈಲ, ಗಣಿಗಾರಿಕೆ, ರಾಜಕೀಯ, ತತ್ವಶಾಸ್ತ್ರ, ಧರ್ಮ, ಜ್ಯೋತಿಷ್ಯಕ್ಕೆ ಸಂಬಂಧಿಸಿದವರಿಗೆ ಈ ಅವಧಿ ಒಳ್ಳೆಯದಿದೆ. ಸ್ವಂತ ಅಥವಾ ಪಾಲುದಾರಿಕೆಯ ಕೆಲಸಗಳಲ್ಲಿ ಲಾಭ ಸಿಗಲಿದೆ.

ಕನ್ಯಾ ರಾಶಿ:

ಶನಿ ಕುಂಭ ರಾಶಿಗೆ ಸಂಚರಿಸಿದಾಗ ಶನಿ ರಾಶಿಯವರ 6ನೇ ಮನೆಯಲ್ಲಿ ಇರಲಿದೆ. ಈ ಅವಧಿಯಲ್ಲಿ ಉದ್ಯೋಗದಲ್ಲಿ ಪ್ರಗತಿ ಕಾಣುವಿರಿ. ಈಗ ಏನಾದರೂ ಆರೋಗ್ಯ ಸಮಸ್ಯೆಯಿದ್ದರೆ ಈ ಅವಧಿಯಲ್ಲಿ ಸಾಕಷ್ಟು ಸುಧಾರಣೆ ಕಾಣುವುದು. ವಿದೇಶಕ್ಕೆ ಹೋಗ ಬಯಸುವವರಿಗೆ ಈ ಅವಧಿಯಲ್ಲಿ ಆಸೆ ನೆರವೇರಲಿದೆ. ಈ ಅವಧಿ ರಾಜಕಾರಣಿಗಳಿಗೆ ಒಳ್ಳೆಯದಿದೆ, ನೀವು ಸಾಕಷ್ಟು ಪ್ರಸಿದ್ಧಿ ಪಡೆಯುವಿರಿ.

ತುಲಾ ರಾಶಿ:

ಶನಿಯು ಕುಂಭ ರಾಶಿಯಲ್ಲಿ ಇರುವಾಗ ನಿಮ್ಮ ರಾಶಿಯ 5ನೇ ಮನೆಯಲ್ಲಿ ಇರಲಿದೆ. ತುಲಾ ರಾಶಿಯವರು ಈ ಅವಧಿಯಲ್ಲಿ ಶನಿಯ ಕೆಟ್ಟ ದೃಷ್ಟಿಯಿಂದ ಮುಕ್ತರಾಗುತ್ತೀರಿ, ಆದ್ದರಿಂದ ಈ ಅವಧಿಯಲ್ಲಿ ಇಷ್ಟು ದಿನ ಇದ್ದಂಥ ಕಷ್ಟಗಳು ದೂರಾಗುವುದು. ಏನಾದರೂ ಕೌಟುಂಬಿಕ ಸಮಸ್ಯೆಯಿದ್ದರೆ ಈ ಅವಧಿಯಲ್ಲಿ ಕೊನೆಯಾಗಲಿದೆ. ವಿದ್ಯಾರ್ಥಿಗಳು, ವ್ಯಾಪಾರಸ್ಥರು, ಉದ್ಯಮಿಗಳು ಈ ಅವಧಿಯಲ್ಲಿ ಪ್ರಗತಿ ಕಾಣುವಿರಿ. ಪಾಲುದಾರಿಕೆಯಲ್ಲಿ ವ್ಯವಹಾರ ಮಾಡುವವರು ಈ ಅವಧಿಯಲ್ಲಿ ಲಾಭ ಪಡೆಯಲಿದ್ದಾರೆ.

ಧನು ರಾಶಿ:

ಶನಿಯು ಕುಂಭ ರಾಶಿಗೆ ಪ್ರವೇಶಿಸಿದಾಗ ಶನಿ ರಾಶಿಯವರು ನಿಟ್ಟುಸಿರು ಬಿಡಬಹುದು, ಏಕೆಂದರೆ ಶನಿ ಸಾಡೇಸಾತಿ ಮುಕ್ತಾಯವಾಗಲಿದೆ. ಇಷ್ಟು ವರ್ಷ ಅನುಭವಿಸಿದ ಕಷ್ಟಗಳು ದೂರಾಗಲಿದೆ. ಧನು ರಾಶಿಯವರು ಸಾಡೇ ಸತಿಯಲ್ಲಿದ್ದರು, ಈಗ ನೀವು ಶನಿ ದೇವರ ಆಶೀರ್ವಾದವನ್ನು ಪಡೆಯಲಿದ್ದೀರಿ. ಈ ಅವಧಿಯಲ್ಲಿ ಹಣ ಗಳಿಸಲು ಸಾಧ್ಯವಾಗುವುದು. ನೀವು ಮಾಡುವ ಕೆಲಸ ಕಾರ್ಯಗಳಲ್ಲಿ ಯಶಸ್ಸು ದೊರೆಯಲಿದೆ. ಹೊಸ ಉದ್ಯೋಗ ಅಥವಾ ವ್ಯವಹಾರಕ್ಕೆ ಈ ಸಮಯ ಅನುಕೂಲಕರ. ಉನ್ನತ ವಿದ್ಯಾಭ್ಯಾಸಕ್ಕೆ ಪ್ರಯತ್ನಿಸುವ ವಿದ್ಯಾರ್ಥಿಗಳ ಕನಸು ನನಸಾಗಲಿದೆ.