ಎಲ್ಲಾ ಮಹಿಳೆಯರು ಹೋಳಿ ದಹನ ನೋಡುವಂತಿಲ್ಲ! ಏಕೆ

ಹೋಳಿಯು ತುಂಬಾ ಪವಿತ್ರವಾದ ಹಬ್ಬ. ಋಣಾತ್ಮಕತೆಯನ್ನು ತೊಲಗಿಸಿ ಒಳಿತನ್ನು ಸ್ವಾಗತಿಸುವುದೇ ಹೋಳಿಯ ವಿಶೇಷತೆ. ಹೋಳಿಯ ಹಬ್ಬದ ಮತ್ತೊಂದು ಭಾಗವೆಂದರೆ ಹೋಳಿಯ ದಹನ. ಇದನ್ನು ಪೂರ್ಣ ಚಂದಿರ ಕಾಣುವ ದಿನದಂದು ಅಂದರೆ ಈ ಬಾರಿ ಮಾರ್ಚ್‌ 7 ರಂದು ಈ ಬಾರಿ ಆಚರಣೆ ಮಾಡಲಾಗುತ್ತದೆ.

ಹೋಳಿಯ ದಹನ ಕಾರ್ಯಕ್ರಮ ಯಾವ ರೀತಿ ಇರುತ್ತದೆ? ಮಹಿಳೆಯರು ಹೋಳಿ ದಹನವನ್ನು ಯಾಕೆ ನೋಡಬಾರದು? ಹೋಳಿಯ ದಹನ ನೋಡುವುದರಿಂದ ಮಹಿಳೆಯರ ಮೇಲೆ ಯಾವ ರೀತಿ ಪರಿಣಾಮ ಬೀರುತ್ತದೆ ಅನ್ನೋದನ್ನ ಹೇಳ್ತೀವಿ.

ಹೋಳಿ ದಹನ ಹೀಗಿರುತ್ತೆ

ಮೊದಲಿಗೆ ಹೋಳಿ ಪೈರನ್ನು ತಯಾರಿಸಬೇಕು. ಹೋಳಿ ಪೈರು ತಯಾರಿಸಲು ಬೆರಣಿ, ಕೊಂಬೆ ಹಾಗೂ ಒಣ ಎಲೆ ಬೇಕಾಗುತ್ತದೆ. ನಂತರ ರಾತ್ರಿ ಎಲ್ಲರೂ ಸೇರಿ ಅದನ್ನು ಸುಟ್ಟು ಹಾಕಿ ದೇವರಿಗೆ ಭಕ್ತಿಯಿಂದ ಪ್ರಾರ್ಥನೆ ಸಲ್ಲಿಸುತ್ತಾರೆ. ಭಾರತದ ಉತ್ತರ ಭಾಗದಲ್ಲಿ ಈ ಆಚರಣೆ ಹೆಚ್ಚಾಗಿದ್ದು ದಕ್ಷಿಣ ಭಾರತದಲ್ಲೂ ಕೆಲವು ಕಡೆ ಈ ಪದ್ಧತಿ ಇದೆ. ಇನ್ನೂ ಕರ್ನಾಟಕದ ವಿಚಾರಕ್ಕೆ ಬಂದ್ರೆ ಕರ್ನಾಟಕದ ಕೆಲವೇ ಕೆಲವು ಭಾಗಗಳಲ್ಲಿ ಮಾತ್ರ ಈ ಆಚರಣೆ ಇದೆ.

ಹೋಳಿ ದಹನ ಒಂದು ಪವಿತ್ರ ಆಚರಣೆಯಾಗಿದ್ದು, ಇದು ಗ್ರಹಗಳ ಪರಿಸ್ಥಿತಿಯ ಮೇಲೆ ಪರಿಣಾಮ ಬೀರುತ್ತದೆ ಎಂದು ನಂಬಲಾಗಿದೆ. ಒಂದು ನಂಬಿಕೆಯ ಪ್ರಕಾರ ಹೋಳಿ ದಹನದ ದಿನ ದೇವತೆಗಳು ನಮಗೆ ಆಶೀರ್ವದಿಸುತ್ತಾರಂತೆ.

ಹೋಳಿ ದಹನವನ್ನು ಮಹಿಳೆಯರು ನೋಡಿದ್ರೆ ಏನಾಗುತ್ತೆ?

ಹೋಳಿ ದಹನ ಮಾಡುವ ಕಾರಣ ಏನೆಂದರೆ ಇದು ಒರ್ವ ವ್ಯಕ್ತಿಯ ಬಾಳನಲ್ಲಿರುವ ಋನಾತ್ಮಕತೆಯನ್ನು ತೆಗೆದು ಹಾಕುತ್ತೆ ಎಂದು ಪುರಾಣಗಳಲ್ಲಿ ಉಲ್ಲೇಖವಾಗಿದೆ. ಆದ್ರೆ ಅನೇಕ ಜನರಿಗೆ ಗೊತ್ತಿಲ್ಲದ ವಿಚಾರ ಅಂದ್ರೆ ಎಲ್ಲಾ ಮಹಿಳೆಯರು ಹೋಳಿ ದಹನ ಅಥವಾ ಪರಿಕ್ರಮದಲ್ಲಿ ಭಾಗವಹಿಸುವಂತಿಲ್ಲ. ಒಂದು ವೇಳೆ ಭಾಗವಹಿಸಿದ್ದೇ ಆದರೆ ಅದರಿಂದಾಗುವ ಕೆಟ್ಟ ಪರಿಣಾಮವನ್ನು ಎದುರಿಸಬೇಕಾಗುತ್ತಂತೆ.

ನವ ವಿವಾಹಿತೆ ಹೋಳಿಯ ದಹನ ಕಾರ್ಯಕ್ರಮದಲ್ಲಿ ಭಾಗವಹಿಸೋ ಹಾಗಿಲ್ಲ. ಒಂದು ವೇಳೆ ಹೋಳಿ ದಹನವನ್ನು ನೋಡಿದ್ರೆ ಆದ್ರೆ ಇದು ಅವರ ಕುಟುಂಬದ ಮೇಲೆ ಪರಿಣಾಮ ಬೀರುತ್ತಂತೆ. ಗರ್ಭಿಣಿ ಮಹಿಳೆಯರು ಕೂಡ ಹೋಳಿ ದಹನ ಕಾರ್ಯಕ್ರಮದಲ್ಲಿ ಭಾಗವಹಿಸಬೇಡಿ. ಇದರ ಪರಿಣಾಮವನ್ನು ಹೊಟ್ಟೆಯಲ್ಲಿರುವ ಮಗು ಅನುಭವಿಸಬೇಕಾಗುತ್ತಂತೆ. ಇಷ್ಟೆ ಅಲ್ಲದೇ ಅತ್ತೆ-ಸೊಸೆ ಜೊತೆಯಾಗಿ ಹೋಳಿ ದಹನ ಕಾರ್ಯಕ್ರಮ ನೋಡಬಾರದಂತೆ. ಒಂದು ವೇಳೆ ಒಟ್ಟಿಗೆ ಬೆಂಕಿ ಉರಿಯೋದನ್ನ ನೋಡಿದ್ರೆ ಇದು ಅವರಿಬ್ಬರ ಸಂಬಂಧದ ಮೇಲೆ ನೇರ ಪರಿಣಾಮ ಬೀರುತ್ತಂತೆ.

ಆದ್ದರಿಂದ ಯಾರೆಲ್ಲಾ ಈ ಗುಂಪಿಗೆ ಸೇರುತ್ತಿರೋ ಖಂಡಿತ ಅಂತಹ ಮಹಿಳೆಯರು ಹೋಳಿ ದಹನ ಕಾರ್ಯಕ್ರಮದಲ್ಲಿ ಭಾಗವಹಿಸಲೇಬೇಡಿ.