ಶುಕ್ರವಾರ ಲಕ್ಷ್ಮಿ ಪೂಜೆ ಮಾಡುವಾಗ ಈ ತಪ್ಪುಗಳಾಗದಂತೆ ಎಚ್ಚರವಹಿಸಿ

Add as a preferred source on Google

ಶುಕ್ರವಾರ ಲಕ್ಷ್ಮಿಯನ್ನು ಆರಾಧಿಸುವುದರಿಂದ ಲಕ್ಷ್ಮಿ ಕೃಪೆ ಸಿಗುವುದು. ಈ ದಿನದಂದು ಲಕ್ಷ್ಮಿಯನ್ನು ನಿಯಮಗಳ ಪ್ರಕಾರ ಪೂಜಿಸಬೇಕು. ಲಕ್ಷ್ಮಿಯನ್ನು ಪೂಜಿಸುವುದರಿಂದ ಜೀವನದಲ್ಲಿ ಆರ್ಥಿಕ ಸಮಸ್ಯೆಗಳು ದೂರವಾಗುತ್ತವೆ. ಕುಟುಂಬದಲ್ಲಿ ಶಾಂತಿ ನೆಲೆಸುತ್ತದೆ.

ಲಕ್ಷ್ಮಿ ಪೂಜೆಯಲ್ಲಿ ತಪ್ಪಾದರೆ ಲಕ್ಷ್ಮಿಗೆ ಕೋಪ ಬರುತ್ತದೆ, ಇದರಿಂದ ಪೂಜೆಯ ಫಲ ಸಿಗುವಿದಿಲ್ಲ ಎಂದು ಹೇಳಲಾಗುವುದು.

ಲಕ್ಷ್ಮಿ ಪೂಜೆ ಮಾಡುವಾಗ ಯಾವ ತಪ್ಪುಗಳನ್ನು ಮಾಡಬಾರದು? ಲಕ್ಷ್ಮಿಯ ಪೂಜೆಯ ವಿಧಗಳೇನು ಎಂದು ನೋಡೋಣ:

ಲಕ್ಷ್ಮಿ ಪೂಜೆಯಲ್ಲಿ ಈ ತಪ್ಪುಗಳನ್ನು ಮಾಡಬೇಡಿ:

* ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಅಡುಗೆ ಮನೆಯನ್ನು ಒಪ್ಪವಾಗಿ ಇಟ್ಟುಕೊಳ್ಳಬೇಕು. ಅಡುಗೆ ಮನೆಯನ್ನು ಸ್ವಚ್ಛವಾಗಿಡಬೇಕು, ಒಡೆದ ಪಾತ್ರೆಗಳು ಅಡುಗೆ ಮನೆಯಲ್ಲಿ ಇರಬಾರದು. ಇಲ್ಲದಿದ್ದರೆ ಸಂಪತ್ತಿನ ಅಧಿದೇವತೆ ಲಕ್ಷ್ಮಿ ಕೃಪೆ ಸಿಗಲ್ಲ.

* ನಡೆಯುವಾಗ ಜೋರು ಪಾದ ಶಬ್ದ ಮಾಡಿ ನಡೆಯಬಾರದು. ಹೀಗೆ ನಡೆಯುವುದು ಶುಭವಲ್ಲ. ಇನ್ನು ಕೆಲವರಿಗೆ ಉಗುರು ಕಚ್ಚುವ ಅಭ್ಯಾಸವಿರುತ್ತದೆ, ಈ ಕೆಟ್ಟ ಅಭ್ಯಾಸದಿಂದ ವ್ಯಕ್ತಿಯ ಗೌರವ ಕಡಿಮೆಯಾಗುತ್ತದೆ ಎಂದು ಹೇಳಲಾಗುತ್ತದೆ. ಇದರಿಂದ ಆರೋಗ್ಯ ಸಮಸ್ಯೆ ಉಂಟಾಗುವುದು.

* ಮನೆಯಲ್ಲಿ ಅಲ್ಲಲ್ಲಿ ಬೂಟು, ಚಪ್ಪಲಿ ಇಟ್ಟುಕೊಳ್ಳುವುದರಿಂದ ನಕಾರಾತ್ಮಕ ಶಕ್ತಿ ಮನೆಗೆ ನುಗ್ಗುತ್ತದೆ. ಈ ಕಾರಣದಿಂದಾಗಿ, ಮಾಡಿದ ಕೆಲಸವು ಹಾಳಾಗಲು ಪ್ರಾರಂಭಿಸುತ್ತದೆ.

ಶುಕ್ರವಾರ ಲಕ್ಷ್ಮಿ ಪೂಜೆ ಹೇಗೆ ಮಾಡಬೇಕು?

* ಶುಕ್ರವಾರದಂದು ಸ್ತ್ರೀಯರು ಬ್ರಹ್ಮಮುಹೂರ್ತದಲ್ಲಿ ಎದ್ದು ಸ್ನಾನ ಮಾಡಬೇಕು.

* ದೇವರ ಕೋಣೆ ಮತ್ತು ಇಡೀ ಮನೆಯನ್ನು ಸ್ವಚ್ಛಗೊಳಿಸಿ. ಇದರ ನಂತರ, ಲಕ್ಷ್ಮಿ ದೇವಿಯನ್ನು ಧ್ಯಾನಿಸುವಾಗ, ಉಪವಾಸ ಮಾಡಬೇಕು.

* ದೇವರಿಗೆ ಹಣ್ಣುಗಳನ್ನು ಅರ್ಪಿಸಿ, ನೈವೇದ್ಯ ಅರ್ಪಿಸಿ.

* ಸಂಜೆ ಮತ್ತೆ ಸ್ನಾನ ಮಾಡಿ ಪೂರ್ವಾಭಿಮುಖವಾಗಿ ಕುಳಿತು ಪೂಜೆ ಮಾಡಿ.

* ಹಲಗೆ ಮೇಲೆ ಕೆಂಪು ಬಟ್ಟೆ ಹಾಸಿ ಅದರಲ್ಲಿ ಲಕ್ಷ್ಮಿ ಫೋಟೋ ಇಟ್ಟು ಅವಳನ್ನು ಪ್ರತಿಷ್ಠಾಪಿಸಿ ನಂತರ ಪೂಜೆ ಪ್ರಾರಂಭಿಸಿ.

* ಕಳಸ ಇಟ್ಟು ಪೂಜಿಸಿ.

* ಲಕ್ಷ್ಮಿ ಮಂತ್ರಗಳನ್ನು ಪಠಿಸಿ.