ಈದ್‌ ಮಿಲಾದ್‌ 2022: ಈ ಆಚರಣೆಯ ಮಹತ್ವವೇನು?

ಮುಸ್ಲಿಂರ ಪ್ರಮುಖ ಹಬ್ಬಗಳಲ್ಲಿ ಈದ್‌ ಮಿಲಾದ್‌ ಉನ್ ನಬಿ ಕೂಡ ಒಂದು. ಗ್ರೆಗೋರಿಯನ್ ಕ್ಯಾಲೆಂಡರ್ ಪ್ರಕಾರ ಅಕ್ಟೋಬರ್ 8ರಂದು ಸಂಜೆ ಈದ್ ಮಿಲಾದ್ ಆಚರಣೆ ಶುರುವಾಗಿ ಅಕ್ಟೋಬರ್ 9ರಂದು ಸಂಜೆ ಮುಕ್ತಾಯವಾಗಲಿದೆ.

ಇಸ್ಲಾಮಿಕ್ ಕ್ಯಾಲೆಂಡರ್‌ನ ಮೂರನೇ ತಿಂಗಳಾದ ರಬಿ ಯಲ್ ಅವ್ವಲ್‌ ತಿಂಗಳಿನಲ್ಲಿ ಪ್ರವಾದಿ ಮೊಹಮದ್‌ರ ಜನ್ಮ ದಿನವನ್ನು ಆಚರಿಸಲಾಗುವುದು. ಈ ದಿನ ನಿರ್ಬಂಧಿತ ಆಚರಣೆಗಳೊಂದಿಗೆ ಗುರುತಿಸಿಕೊಂಡಿದೆ ಏಕೆಂದರೆ ಈ ದಿನ ಪ್ರವಾದಿ ಮೊಹಮದ್‌ರ ಸಾವಿನ ವಾರ್ಷಿಕೋತ್ಸವ ಕೂಡ ಆಗಿದೆ.

ಪ್ರವಾದಿ ಮೊಹಮ್ಮದ್ ಸೌದಿ ಅರೇಬಿಯಾದ ಮಕ್ಕಾದಲ್ಲಿ 570 CE ಯಲ್ಲಿ ಜನಿಸಿದರು ಎಂದು ಹೇಳಲಾಗುವುದು. ಇವರು ಮನುಷ್ಯರಿಗೆ ಪ್ರೀತಿ ಮತ್ತು ಏಕತೆಯ ಸಂದೇಶವನ್ನ ಸಾರಲು ಅಲ್ಲಾನ ಸಂದೇಶ ವಾಹಕರಾಗಿ ಭೂಮಿಗೆ ಬಂದರು ಎಂದು ಹೇಳಲಾಗುವುದು.

ಈದ್‌ ಮಿಲಾದ್‌ ಕುರಾನ್ ಪಠಣೆ ಹಾಗೂ ಪ್ರಾರ್ಥನೆಗಳನ್ನು ಮಾಡುತ್ತಾ ಆಚರಿಸಲಾಗುವುದು. ದರ್ಗಾ ಹಾಗೂ ಮಸೀದಿಗಳಲ್ಲಿ ಸಂಜೆ ಜುಲೂಸ್(ಮೆರವಣಿಗೆ) ಇರುತ್ತದೆ.

ಈದ್‌ ಮಿಲಾದ್‌ ಎಂಬುವುದು ಪ್ರವಾದಿಯವರ ಜನ್ಮದಿನವನ್ನಾಗಿ ಆಚರಿಸಲಾಗುವುದಾದರೂ ಕುರಾನ್‌ ಸಂದೇಶಗಳ ಪುನಸ್ಮರಣೆ ಈ ಆಚರಣೆಯ ಪ್ರಮುಖ ಉದ್ದೇಶವಾಗಿದೆ.