ಕಾರ್ತಿಕ ಪೂರ್ಣಿಮೆಯಂದು ಚಂದ್ರಗ್ರಹಣ: ಈ ದಿನ ಇವುಗಳನ್ನು ಮಾಡಲೇಬೇಡಿ

ವಿಶ್ರಾಂತಿ ತೆಗೆದುಕೊಳ್ಳಬೇಡಿ

ಗ್ರಹಣ ಸಮಯದಲ್ಲಿ ಮಲಗುವುದು, ವಿಶ್ರಾಂತಿ ಮಾಡುವುದು ಮಾಡಬಾರದು ಅಂತಾರೆ. ಈ ಸಮಯದಲ್ಲಿ ದೇವರ ಮಂತ್ರಗಳನ್ನು ಹೇಳುತ್ತಾ ದೇವರ ಜಪ ಮಾಡಿದರೆ ಒಳ್ಳೆಯದು ಎಂದು ಹೇಳಲಾಗುವುದು.

ಈ ಸಮಯದಲ್ಲಿ ಆಹಾರ ಸೇವಿಸಬೇಡಿ

ಗ್ರಹಣ ಸಮಯದಲ್ಲಿ ಆಹಾರ ಸೇವಿಸಬಾರದು. ಗ್ರಹಣದ ಸಮಯದಲ್ಲಿ ನೀರು ಕೂಡ ಕುಡಿಯಬಾರದು. ರೋಗಿಗಳು, ಗರ್ಭಿಣಿಯರು, ಮಕ್ಕಳಿಗೆ ಇದು ಅನ್ವಯಿಸುವುದಿಲ್ಲ.

ಪ್ರಯಾಣ ಮಾಡಬಾರದು

ಗ್ರಹಣದ ಸಮಯದಲ್ಲಿ ಪ್ರಯಾಣ ಮಾಡಬಾರದು ಎಂದು ಹೇಳಲಾಗುವುದು. ಗರ್ಭಿಣಿಯರು ಈ ಸಮಯದಲ್ಲಿ ಮನೆಯಿಂದ ಹೊರಗಡೆ ಹೋಗಬಾರದು. ಮನೆಯ ದೇವರ ಕೋಣೆಯ ಬಾಗಿಲು ಹಾಕಿ ಅಥವಾ ಫೋಟೋಗಳನ್ನು ಬಟ್ಟೆ ಹಾಕಿ ಮುಚ್ಚಿಡಬೇಕು, ಗ್ರಹಣವಾದ ಬಳಿಕ ದೇವರ ಕೋಣೆ ಹಾಗೂ ಮನೆಯ ಎಲ್ಲಾ ಕಡೆ ಗಂಗಾಜಲ ಚಿಮುಕಿಸಿ.

ಗಿಡಗಳನ್ನು ಮುಟ್ಟಬೇಡಿ

ಗ್ರಹಣದ ಸಮಯದಲ್ಲಿ ಗಿಡಗಳನ್ನು ಕೂಡ ಮುಟ್ಟಬಾರದು, ಅಲ್ಲದೆ ಈ ಅವಧಿಯಲ್ಲಿ ಗಿಡಕ್ಕೆ ನೀರು ಹಾಕುವುದು, ಹೂಗಳನ್ನು ಕೀಳುವುದು ಮಾಡಬಾರದು.

ಚಂದ್ರಗ್ರಹಣದ ಸಮಯ

ಚಂದ್ರಗ್ರಹಣ ನವೆಂಬರ್ 8 ಮಧ್ಯಾಹ್ನ 2:41ಕ್ಕೆ ಪ್ರಾರಂಭವಾಗಿ ಸಂಜೆ 06:20ಕ್ಕೆ ಮುಕ್ತಾಯವಾಗುತ್ತದೆ. ಗ್ರಹಣದ ಸೂತಕ ಸಮಯ ಬೆಳಗ್ಗೆ 09:21ರಿಂದ ಪ್ರಾರಂಭ. ಚಂದ್ರಗ್ರಹಣದ ಸೂತಕದ ಸಮಯದಲ್ಲಿ ಕಾರ್ತಿಕ ಪೂರ್ಣಿಮೆಯ ಸ್ನಾನ ಮತ್ತು ದೀಪ ದಾನ ಇರುವುದಿಲ್ಲ. ಸೂತಕ ಕಾಲದ ಮೊದಲು ಮತ್ತು ಚಂದ್ರಗ್ರಹಣ ಮುಗಿದ ನಂತರವೇ ದೀಪವನ್ನು ದಾನ ಮಾಡಲಾಗುವುದು.