2023ರ ಕುರಿತು ಬಾಬಾ ವಂಗಾ ನುಡಿದಿರುವ 5 ಭಯಂಕರ ಭವಿಷ್ಯಗಳಿವು

ಭೂಮಿಯ ಕಕ್ಷೆ ಬದಲಾಗಲಿದೆ

2023ರ ಭವಿಷ್ಯದಲ್ಲಿ ಈ ವರ್ಷ ಭೂಮಿಯ ಕಕ್ಷೆ ಬದಲಾಗಲಿದೆ ಎಂದು ಹೇಳಿದ್ದಾರೆ. ಇದರಿಂದಾಗಿ ವಾತಾವರಣದಲ್ಲಿ ತುಂಬಾನೇ ಬದಲಾವಣೆ ಆಗಲಿದೆ. ಒಂದು ವೇಳೆ ಈ ಭವಿಷ್ಯ ನಿಜವಾದರೆ ತುಂಬಾನೇ ತೊಂದರೆ ಎದುರಾಗಬಹುದು.

ಒಂದುವೇಳೆ ಭೂಮಿ ಸೂರ್ಯನ ಸಮೀಪಕ್ಕೆ ಚಲಿಸಿದರೆ ವಿಕಿರಣಗಳಲ್ಲಿ ಬದಲಾವಣೆಯಾಗಲಿದೆ. ಇದರಿಂದ ತಾಪಮಾನ ಹೆಚ್ಚಾಗಲಿದೆ. ಅದಲ್ಲದೆ ಸೂರ್ಯನಿಂದ ಸ್ವಲ್ಪ ದೂರ ಸರಿದರೆ ಕತ್ತಲೆ ಹೆಚ್ಚಾಗಲಿದೆ, ಪರಿಸರ ಮಂಜುಗಡ್ಡೆಯಿಂದ ಆವೃತವಾಗುತ್ತೆ.

ಸೌರ ಸುನಾಮಿ

ಬಾಬಾ ವಂಗಾ ಭವಿಷ್ಯದ ಪ್ರಕಾರ 2023ರಲ್ಲಿ ಸೌರ ಸುನಾಮಿ ಉಂಟಾಗಲಿದೆ. ಸೂರ್ಯನಲ್ಲಿ ಭಾರೀ ಸ್ಫೋಟ ಸಂಭವಿಸಿದಾಗ ಸೌರ ಸುನಾಮಿ ಉಂಟಾಗುವುದು. ಈ ಮಹಾಸ್ಫೊ ಟದಿಂದ ಹೊರಟ ಸೌರ ಶಕ್ತಿಯು ಸೆಕೆಂಡಿಗೆ 93 ಮಿಲಿಯ ಮೈಲು ವೇಗದಲ್ಲಿ ಭೂಮಿಯತ್ತ ಧಾವಿಸುತ್ತಿದೆ. ಇದರಿಂದ ಭೂಮಿಗೆ ಹೆಚ್ಚಿನ ಹಾನಿ ಸಂಭವಿಸಬಹುದು. ಮುಖ್ಯವಾಗಿ ಭೂಮಿಯ ಸುತ್ತ ಇರುವ ಕೃತಕ ಉಪಗ್ರಹಗಳಿಗೆ ಇದು ಭಾರೀ ಹಾನಿಮಾಡಬಹುದು. ಭೂಮಿಯಲ್ಲಿನ ವಿದ್ಯುತ್‌, ನೆಟ್‌ವರ್ಕ್‌ ಸಂಪರ್ಕ ವ್ಯವಸ್ಥೆಯೆಲ್ಲವೂ ಹಾಳಾಗಬಹುದು.

ಜೈವಿಕ ದಾಳಿಯಾಗಬಹುದು

ಈಗಾಗಲೇ ಕೆಲವು ರಾಷ್ಟ್ರಗಳು ಜೈವಿಕ ದಾಳಿ ನಡೆಸಬಹುದೆಂಬ ಭಯ ಜಗತ್ತಿಗಿದೆ. ಜೈವಿಕ ದಾಳಿಯಲ್ಲಿ ಯಾವುದಾದರೂ ವೈರಸ್‌ ಸೃಷ್ಟಿಸಿ ದಾಳಿ ಮಾಡುವುದು.

ನ್ಯೂಕ್ಲಿಯರ್ ಸ್ಪೋಟ

2023ರಲ್ಲಿ ನ್ಯೂಕ್ಲಿಯರ್ ಸ್ಪೋಟ ಉಂಟಾಗುವ ಸಾಧ್ಯತೆ ಇದೆ ಎಂದು ಬಾಬಾ ವಂಗಾ ಹೇಳಿದ್ದಾರೆ. ಈಗಾಗಲೇ ಉಕ್ರೇನ್‌-ರಷ್ಯಾ ಯುದ್ಧ ನಡೆಯುತ್ತಿದೆ, ಇದು ಮೂರನೇ ಮಹಾಯುದ್ಧಕ್ಕೆ ಕಾರಣವಾಗಬಹುದು ಎಂದೆಲ್ಲಾ ಹೇಳಲಾಗುತ್ತದೆ.

ನೈಸರ್ಗಿಕ ಜನನ ನಿಂತು ಹೋಗುವುದು

ಬಾಬಾ ವಂಗಾ ತಮ್ಮ ಭವಿಷ್ಯವಾಣಿಯಲ್ಲಿ ನೈಸರ್ಗಿಕವಾಗಿ ಜನನವಾಗುವುದು ನಿಂತು ಹೋಗುತ್ತೆ, ವೈದ್ಯಕೀಯ ಸಹಾಯದಿಂದ ಮಕ್ಕಳ ಜನನವಾಗುತ್ತೆ, ಮಕ್ಕಳನ್ನು ಲ್ಯಾಬ್‌ಗಳಲ್ಲಿ ಮಾಡಲಾಗುವುದು, ಅವರ ಬುದ್ಧಿಶಕ್ತಿ, ಬಣ್ಣ, ಕೂದಲಿನ ಬಣ್ಣ ಎಲ್ಲವನ್ನೂ ಮೊದಲೇ ನಿಶ್ಚಿಯಿಸಲಾಗುವುದು ಎಂದು ಹೇಳಿದ್ದಾರೆ.

ಆ ಕಾಲದಲ್ಲಿ ಟೆಸ್ಟ್‌ ಟ್ಯೂಬ್‌ ಮಗುವಿನ ಬಗ್ಗೆ ಭವಿಷ್ಯ ನುಡಿದಿದ್ದಾರೆ ಎಂದ ಮೇಲೆ ಈ ಭವಿಷ್ಯವೂ ನಿಜವಾಗಬಹುದು, ಏಕೆಂದರೆ ಈಗ ಟೆಸ್ಟ್‌ ಟ್ಯೂಬ್‌ ಬೇಬಿ ತಂತ್ರಜ್ಞಾನ ಬಂದಿದೆ.

ಬಾಬಾ ವಂಗಾ ಕುರಿತು

ಬಾಬಾ ವಂಗಾ ಬಲ್ಗೇರಿಯಾದ ನಿವಾಸಿ, 1911ರಲ್ಲಿ ಜನಿಸಿದ ಇವರು 12ನೇ ವಯಸ್ಸಿನಲ್ಲಿ ದೃಷ್ಟಿ ಕಳೆದುಕೊಳ್ಳುತ್ತಾರೆ, ಅಲ್ಲಿಂದ ದಿವ್ಯದೃಷ್ಟಿ ಬಂತು ಹೇಳಲಾಗುವುದು. ಇವರು ನುಡಿದ ಹಲವು ಭವಿಷ್ಯಗಳು ನಿಜವಾಗಿದೆ. ಅಮೆರಿಕದ ಎರಡು ಸ್ಟೀಲ್ ಬರ್ಡ್‌ಗಳು ನಾಶವಾಗಲಿದೆ (9/11 ದಾಳಿ) ಪ್ರಿನ್ಸೆಸ್ ಡಯಾನಾ ಸಾವು, ಬರಾಕ್‌ ಒಬಾಮಾ ಅಧ್ಯಕ್ಷರಾಗುವ ಬಗ್ಗೆ, ಥೈಲ್ಯಾಂಡ್ ಸುನಾಮಿ ಇವೆಲ್ಲದರ ಬಗ್ಗೆ ಅವರು ನುಡಿದಿರುವ ಭವಿಷ್ಯ ನಿಜವಾಗಿದೆ. ಇವರು 1996ರಲ್ಲಿ ಸ್ತನ ಕ್ಯಾನ್ಸರ್‌ನಿಂದಾಗಿ ಸಾವನ್ನಪ್ಪಿದರು.

2023ರ ಬಗ್ಗೆ ಆತಂಕ ಬೇಡ, ಒಳ್ಳೆಯದಾಗಲಿ ಎಂದು 2023ರನ್ನು ಸ್ವಾಗತಿಸೋಣ ಏನಂತೀರಿ?