ಜನವರಿಯಲ್ಲಿ ಹುಟ್ಟಿದವರಲ್ಲಿ ಇರುತ್ತೆ ಈ 10 ಆಸಕ್ತಿಕರ ಗುಣಗಳು

1. ಆರೋಗ್ಯವಂತರು

ಸಾಮಾನ್ಯವಾಗಿ ಜನವರಿಯಲ್ಲಿ ಜನಿಸಿದ ಬಹುತೇಕರು ಆರೋಗ್ಯವಂತರು ಎಂದು ಸಂಶೋಧನೆಯೊಂದು ತಿಳಿಸಿದೆ. ಕೊಲಂಬಿಯಾ ಯೂನಿವರ್ಸಿಟಿ ಡಿಪಾರ್ಟ್ಮೆಂಟ್ ಆಫ್ ಮೆಡಿಸಿನ್ ಸಂಶೋಧಕರು ಜನವರಿ ಶಿಶುಗಳಿಗೆ ಕಾಯಿಲೆಗಳು ಬಂದಾಗ ಯಾವುದೇ ದೊಡ್ಡ ಅನಾನುಕೂಲತೆ ಆಗುವುದಿಲ್ಲ ಎಂದು ಕಂಡುಹಿಡಿದಿದ್ದಾರೆ. ಆದರೂ, ಈ ಮಾಸದಲ್ಲಿ ಗರ್ಭಧಾರಣೆಯ ಕೊನೆಯ ಹಂತಗಳಲ್ಲಿರುವವರು ಕಡಿಮೆ ಮಟ್ಟದ ಸೂರ್ಯನ ಬೆಳಕು ಮತ್ತು ಟೈಪ್ 2 ಡಯಾಬಿಟಿಸ್‌ನ ಹೆಚ್ಚಿನ ಅಪಾಯದ ನಡುವೆ ಹೆರಿಗೆ ಆಗುವುದರಿಂದ ಗರ್ಭಿಣಿಯ ಮೇಲೆ ಹೆಚ್ಚು ನಿಗಾ ಇಡಬೇಕಾಗುತ್ತದೆ ಎನ್ನಲಾಗಿದೆ.

2. ಹಾಸ್ಯಪ್ರಜ್ಞೆ ಉಳ್ಳವರು

ಜನವರಿ ತಿಂಗಳಲ್ಲಿ ಜನಿಸಿದ ಜನರು ಸಹಜವಾಗಿ ಹಾಸ್ಯಪ್ರಜ್ಞೆಯನ್ನು ಹೊಂದಿರುತ್ತಾರೆ. ಇದು ಸ್ವಾಭಾವಿಕವಾಗಿಯೇ ಇವರಿಗೆ ಬಂದದ್ದಾದ್ದರಿಂದ ಹಾಸ್ಯ ಸಹಜವಾಗಿಯೇ ಬರುತ್ತದೆ. ವಿಶೇಷವಾಗಿ ಬಹಳಷ್ಟು ಸ್ನೇಹಿತರು ಮತ್ತು ಕೆಲವು ಪರಿಚಯಸ್ಥರೊಂದಿಗೆ ಸುತ್ತುವರೆದಿದ್ದಾಗ ಇವರ ಹಾಸ್ಯಪ್ರಜ್ಞೆ ಇನ್ನಷ್ಟು ಹೆಚ್ಚುತ್ತದೆ. ಅವರು ಅತ್ಯುತ್ತಮ ಹಾಸ್ಯಗಳನ್ನು ಹೇಳುವ ಮೂಲಕ ತಮ್ಮ ಸುತ್ತಮುತ್ತ ಸ್ಥಳವನ್ನು ಸದಾ ಹಾಸ್ಯಮಯವಾಗಿ ಇರಿಸುತ್ತಾರೆ. ಕೆಲವು ಇವರನ್ನು ತಪ್ಪಾಗಿ ಗ್ರಹಿಸುತ್ತಾರೆ, ಆದರೆ ಅವರ ಉದ್ದೇಶವು ಯಾರನ್ನೂ ನೋಯಿಸುವುದಾಗಿರುವುದಿಲ್ಲ.

3. ಪ್ರಭಾವ ಬೀರುವಂಥವರು

ಜನವರಿಯಲ್ಲಿ ಜನಿಸಿದವರು ತುಂಬಾ ವರ್ಚಸ್ವಿಗಳಾಗಿರುತ್ತಾರೆ, ನೀವು ಇವರ ವರ್ತನೆ, ಗುಣಗಳನ್ನು ನೋಡಿದಾಕ್ಷಣ ಅವರಂತೆ ಇರಲು ಬಯಸುತ್ತೀರಿ. ಜನವರಿಯಲ್ಲಿ ಜನಿಸಿದವರ ಅತ್ಯುತ್ತಮ ಗುಣಲಕ್ಷಣಗಳಲ್ಲಿ ಇದು ಒಂದು. ಇವರ ಮಾನಸಿಕ ಶಕ್ತಿ ಸಾಕಷ್ಟು ದೊಡ್ಡದಾಗಿದೆ, ದಾರ್ಶನಿಕ ಮತ್ತು ವೈಜ್ಞಾನಿಕ ಸ್ವರೂಪದಲ್ಲಿರುತ್ತದೆ. ಈ ಮಾಸದಲ್ಲಿ ಜನಿಸಿದವರು ಚಿಂತಕರು ಮತ್ತು ಗಣ್ಯರಾಗಿರುತ್ತಾರೆ. ಜನವರಿಯಲ್ಲಿ ಜನಿಸಿದವರು ತಮ್ಮದೇ ಆದ ರೀತಿಯಲ್ಲಿ ಎಲ್ಲರ ಮೇಲೂ ಒಂದಲ್ಲ ಒಂದು ರೀತಿ ಗಮನಾರ್ಹ ಪ್ರಭಾವ ಬೀರಿ, ತಮ್ಮ ಛಾಪನ್ನು ಇತರರ ಮೇಲೆ ಒತ್ತಿರುತ್ತಾರೆ. ಕೆಲವೊಮ್ಮೆ, ಇವರ ವರ್ತನೆಯು ತಮ್ಮನ್ನು ಆಳುವವರಂತೆ, ತಮ್ಮ ಮೇಲೆ ಅಧಿಕಾರ ಸಾಧಿಸುವಂತೆಯೂ ತಪ್ಪಾಗಿ ಅರ್ಥೈಸಬಹುದು. ಅವರು ಯಾವಾಗಲೂ ಗುಂಪಿನಲ್ಲಿರುವ ಅತ್ಯುತ್ತಮ ವ್ಯಕ್ತಿಯಾಗಿರುತ್ತಾರೆ ಮತ್ತು ಅವರ ಸುತ್ತಲಿನ ಜನರು ಇವರ ಗಮನ ಸೆಳೆಯಲು ಹೆಚ್ಚು ಕಾತುರರಾಗಿರುತ್ತಾರೆ.

4. ದಿಟ್ಟ ಹಾಗೂ ಜಾಗೃತ ಸ್ವಭಾವದವರು

ಅವರು ಯಾವುದೇ ರೀತಿಯ ಕೆಲಸವನ್ನು ಸ್ವತಃ ತಾವೇ ನಿಭಾಯಿಸಬಹುದೆಂದು ಅವರು ಬಲವಾಗಿ ನಂಬುತ್ತಾರೆ. ಅವರು ಎಲ್ಲಾ ಜವಾಬ್ದಾರಿಗಳನ್ನು ತಾವೇ ತೆಗೆದುಕೊಳ್ಳಲು ಬಯಸುತ್ತಾರೆ ಮತ್ತು ಎಲ್ಲಾ ಸಮಸ್ಯೆಗಳನ್ನೂ ತಾವೇ ನಿಭಾಯಿಸಲು ಪ್ರಯತ್ನಿಸುತ್ತಾರೆ. ತಮ್ಮನ್ನು ಮೀರಿ ಯಾರನ್ನಾದರೂ ನಂಬಲು ಅವರು ತುಂಬಾ ಹೆದರುತ್ತಾರೆ ಎಂಬುದೂ ಇದಕ್ಕೆ ಕಾರಣ. ಯಾವುದೇ ಕೆಲಸವನ್ನು ಅತ್ಯುತ್ತಮವಾಗಿ ಮಾಡಲು ಪ್ರಯತ್ನಿಸುತ್ತಾರೆ, ಅಲ್ಲದೇ, ಈ ಕೆಲಸವನ್ನು ಇವರಿಗಿಂತ ಉತ್ತಮವಾಗಿ ಯಾರೂ ಮಾಡಲು ಸಾಧ್ಯವಿಲ್ಲ ಎಂದು ಅವರು ನಂಬುತ್ತಾರೆ. ಆದ್ದರಿಂದ ಅವರು ಎಲ್ಲವನ್ನೂ ಮುಂದಾಳತ್ವ ವಹಿಸಿಕೊಂಡು ಮಾಡಲು ಪ್ರಯತ್ನಿಸುತ್ತಾರೆ.

5. ಪ್ರೌಢ ಮನಸ್ಥಿತಿ

ಜನವರಿಯಲ್ಲಿ ಜನಿಸಿದವರಲ್ಲಿ ಹೃದಯ ಯುವಕರಂತೆ ಇದ್ದರೂ, ಅವರ ಮನಸ್ಸು ಮಾತ್ರ ಕಾಳಜಿಯಿಂದಿರುವ ಹಿರಿಯರಂತೆ ಇರುತ್ತದೆ. ಇವರ ಮತ್ತೊಂದು ವಿಶೇಷತೆ ಎಂದರೆ, ಚಿಕ್ಕ ವಯಸ್ಸಿನಲ್ಲೇ ಅಥವಾ ಜೀವನವನ್ನು ಅರ್ಥ ಮಾಡಿಕೊಳ್ಳುವ ಸಮಯದಲ್ಲೇ ಬಹಳ ಬುದ್ಧಿವಂತಿಕೆಯಿಂದ ಮತ್ತು ಪ್ರಬುದ್ಧವಾಗಿ ವರ್ತಿಸುತ್ತಾರೆ, ಇದು ಎಂಥವರನ್ನು ಆಕರ್ಷಿಸುತ್ತದೆ. ವರ್ಷಗಳು ಕಳೆದಂತೆ ತಮ್ಮ ಭವಿಷ್ಯ ನೆಮ್ಮದಿಯಾಗಿ, ಸುಂದರವಾದ ಬದುಕನ್ನು ಕಟ್ಟಿಕೊಳ್ಳಲು ಅಗತ್ಯವಾದಷ್ಟು ಆರ್ಥಿಕ ಭದ್ರತೆಯನ್ನು ಇವರು ಮಾಡಿಕೊಳ್ಳಲು ತುಂಬಾ ಶ್ರಮಿಸುತ್ತಾರೆ. ಇವರು ವರ್ಷ ಕಳೆದಂತೆ ಇನ್ನೂ ಹೆಚ್ಚು ಯುವಕರಂತೆ ಕಾಣುತ್ತಾರೆ ಎಂದು ಸಂಶೋಧನೆಗಳು ಹೇಳುತ್ತದೆ.

6. ಒಳ್ಳೆಯ ಪ್ರೇಮಿ

ಜನವರಿಯಲ್ಲಿ ಜನಿಸಿದವರು ತಮ್ಮ ಭಾವನೆಗಳನ್ನು ವ್ಯಕ್ತಪಡಿಸಲು ಇಷ್ಟಪಡುವುದಿಲ್ಲ, ಇಂಥಾ ನಿರೀಕ್ಷೆಗಳನ್ನು ನೀವು ಇಟ್ಟುಕೊಂಡಿದ್ದೇ ಆದರೆ ಖಂಡಿತವಾಗಿಯೂ ನಿಮ್ಮ ಸಂಬಂಧದ ಆರಂಭಿಕ ದಿನಗಳಲ್ಲೇ ನಿಮಗೆ ನಿರಾಶೆ ಆಗುವುದು ಖಂಡಿತಾ. ಏಕೆಂದರೆ ಇವರು ನಿಮ್ಮನ್ನು ಎಷ್ಟೇ ಗಾಢವಾಗಿ ಇಷ್ಟಪಟ್ಟರೂ ನಿಮ್ಮ ಮೇಲಿನ ಪ್ರೀತಿಯನ್ನು ಎಂದಿಗೂ ವ್ಯಕ್ತಪಡಿಸುವುದಿಲ್ಲ. ನೀವು ಇಂಥಾ ನಿರೀಕ್ಷೆಗಳನ್ನು ಇಟ್ಟುಕೊಳ್ಳುವುದು ಇವರಿಗೆ ಅನವಶ್ಯಕ ಅಥವಾ ಸಿಲ್ಲಿ ಎನಿಸದಿರದು. ಅಲ್ಲದೇ ಇವರಿಗೆ ನಿಮ್ಮ ಮೇಲೆ ನಿಜವಾಗಿಯೂ ಪ್ರೀತಿ ಇದೆಯೇ ಎಂದು ಕಂಡುಹಿಡಿಯಲು ಪ್ರಯತ್ನಿಸುತ್ತಿರುತ್ತಾರೆ, ಜತೆಗೇ, ಅವರು ತಮ್ಮ ಸ್ವಂತ ಭಾವನೆಗಳನ್ನು ಅರ್ಥಮಾಡಿಕೊಳ್ಳಲು ಮತ್ತು ಅದನ್ನು ನಂಬಲು ಸಮಯ ತೆಗೆದುಕೊಳ್ಳುತ್ತಾರೆ. ಒಮ್ಮೆ ಅವರಿಗೆ ನಿಮ್ಮ ಮೇಲಿನ ಪ್ರೀತಿ ನೈಜ ಎಂದು ಅರಿವಾದರೆ ಅವರು ನೀಡುವ ಪ್ರೀತಿಯನ್ನು ತಡೆಯಲು ಯಾರಿಂದಲೂ ಸಾಧ್ಯವಿಲ್ಲ. ನೀವು ಒಮ್ಮೆ ಅವರಿಗೆ ಹತ್ತಿರಾವದರೆ ಅತ್ಯುತ್ತಮ ಪ್ರೇಮಿಯಾಗಿರುತ್ತಾರೆ, ಬಹಳ ರೋಮ್ಯಾಂಟಿಕ್ ಆಗಿ ಇರುತ್ತಾರೆ. ಬಹಳ ಸುಲಭವಾಗಿ ಇವರೊಂದಿಗೆ ಜೀನನ ನಡೆಸಬಹುದು ಮತ್ತು ಇದರಲ್ಲಿ ಯಾವುದೇ ನಾಟಕ ಇರುವುದಿಲ್ಲ.

7. ಮೂರ್ಖತನಕ್ಕೆ ಪ್ರತಿಕ್ರಿಯಿಸುವುದಿಲ್ಲ

ಅವಿವೇಕಿ ಪ್ರಶ್ನೆಗಳನ್ನು ನಿರ್ವಹಿಸುವಾಗ ಇವರು ದಿ ಬೆಸ್ಟ ಎನ್ನಬಹುದು. ಯಾರದ್ದೇ ತಪ್ಪನ್ನು ಇತರರಿಗೆ ನೋಯಿಸದೇ ಅವರಿಗೆ ಹೇಗೆ ಮನವರಿಕೆ ಮಾಡಬೇಕು ಅಥವಾ ಅವರ ತಪ್ಪುಗಳನ್ನು ಅರಿತುಕೊಳ್ಳುವಂತೆ ಮಾಡುವುದು ಹೇಗೆ ಎಂದು ಅವರಿಗೆ ತಿಳಿದಿದೆ. ಯಾರಾದರೂ ಅವಿವೇಕಿ ಪ್ರಶ್ನೆಯನ್ನು ಕೇಳಿದಾಗ, ಅವರು ಅದನ್ನು ಮೌನವಾಗಿ ಉತ್ತರಿಸುತ್ತಾರೆ. ಅವರು ಮೂರ್ಖತನವನ್ನು ಮನರಂಜಿಸಲು ನಿರಾಕರಿಸುತ್ತಾರೆ. ಅವರ ನಗು ಕೆಲವೊಮ್ಮೆ ಅವರ ಮನಸ್ಸಿನಲ್ಲಿ ಏನು ನಡೆಯುತ್ತಿದೆ ಎಂಬುದರ ಬಗ್ಗೆ ನೀವು ಊಹಿಸಲು ಕಷ್ಟವಾಗಬಹುದು ಎನಿಸುವಂತಿರುತ್ತದೆ.

8. ಸನ್ನಿವೇಶ ಏನೇ ಇರಲಿ ಮುನ್ನಡೆಸಲು ಇಷ್ಟಪಡುತ್ತಾರೆ

ಜನವರಿಯವರು ಹುಟ್ಟು ನಾಯಕರು, ಅಷ್ಟು ಸುಲಭವಾಗಿ ಇವರನ್ನು ತಳ್ಳಿಹಾಕಲು ಸಾಧ್ಯವಿಲ್ಲ. ಅವರು ಯಾವಾಗಲೂ ಎಲ್ಲದರ ಬಗ್ಗೆ ತಮ್ಮದೇ ಆದ ನಿರ್ಧಾರವನ್ನು ಹೊಂದಿರುತ್ತಾರೆ. ಅವರಲ್ಲಿ ಯಾವಾಗಲೂ ಒಬ್ಬ ನಾಯಕನಿರುತ್ತಾನೆ, ನೀವು ಎಂದಿಗೂ ಅವರನ್ನು ನಿರ್ಲಕ್ಷಿಸಬೇಡಿ. ಇವರು ಯಾವಾಗಲೂ ಜವಾಬ್ದಾರಿಯನ್ನು ಹೊರಲು ಮತ್ತು ಮುನ್ನಡೆಸಲು ಮುಂದೆ ಬರುವ ಸ್ವಭಾವದವರಾಗಿರುತ್ತಾರೆ, ಎಲ್ಲರ ನಡುವೆ ತಾವೊಬ್ಬರಾಗಿರಲು ಇವರಿಗೆ ಇಷ್ಟವಿಲ್ಲ.

9. ನಿರ್ಬಂಧ ಸಲ್ಲದು; ಸಂಪ್ರದಾಯಕ್ಕೆ ಗೌರವ

ಎಲ್ಲ ಗುಣಗಳಿಗಿಂತ ಹೆಚ್ಚಾಗಿ ಅವರು ಬುದ್ಧಿವಂತಿಕೆಗೆ ಆದ್ಯತೆ ನೀಡುತ್ತಾರೆ. ಇವರ ಸ್ನೇಹಿತರು ಅಸಾಮಾನ್ಯ, ಬುದ್ಧಿವಂತ ಮತ್ತು ಪ್ರತಿಭಾವಂತರಾಗಿದ್ದರೆ ಯಾವುದನ್ನೂ ಸಹ ಕ್ಷಮಿಸುತ್ತಾರೆ. ಪ್ರೀತಿ, ಕರ್ತವ್ಯ ಮತ್ತು ಸಾಮಾಜಿಕ ಜೀವನ ಕುರಿತ ದೃಷ್ಟಿಕೋನ ಯಾವಾಗಲೂ ಅನನ್ಯವಾಗಿರುತ್ತವೆ. ತಾವು ಮುನ್ನಡೆಸದ ಕೆಲಸದ ಬಗ್ಗೆ ಇವರು ಆಸಕ್ತಿಯನ್ನೇ ಕಳೆದುಕೊಳ್ಳುತ್ತಾರೆ. ಅವರು ಯಾವುದೇ ರೀತಿಯ ನಿರ್ಬಂಧಗಳನ್ನು ದ್ವೇಷಿಸುತ್ತಾರೆ ಮತ್ತು ಬಂಧಿಸುವ ಸ್ವಭಾವದ ವಿರುದ್ಧ ತಮ್ಮ ಆಕ್ರೋಷಗೊಳ್ಲುತ್ತಾರೆ. ಆದರೆ, ಸಂಪ್ರದಾಯದ ವಿಷಯ ಬಂದಾಗ ಮತ್ತು ಅಧಿಕಾರವನ್ನು ಗೌರವಿಸುವ ಸಂದರ್ಭಗಳಲ್ಲಿ ಅದಕ್ಕೆ ತಕ್ಕ ಗೌರವ, ಒಲವು ತೋರುತ್ತಾರೆ.

10. ಇವರ ರಹಸ್ಯ ಬೇಧಿಸಲು ಸಾಧ್ಯವಿಲ್ಲ

ರಹಸ್ಯಗಳನ್ನು ಕಾಪಾಡುವ ವಿಷಯದಲ್ಲಿ ಇವರು ಅಗಾಧರು ಎನ್ನಬಹುದು. ಇವರ ಬಳಿ ಇರುವ ಯಾವುದೇ ಗಾಢ ರಹಸ್ಯಗಳನ್ನು ನೀವು ಎಂದಿಗೂ ಕಂಡುಹಿಡಿಯಲು ಸಾಧ್ಯವಾಗುವುದಿಲ್ಲ. ಇವರು ತಮ್ಮ ಸುತ್ತಮುತ್ತಲಿನ ಜನರ ವರ್ತನೆ ಹಾಗೂ ಗುಣಗಳನ್ನು ಆಧರಿಸಿ ತಮ್ಮ ಸ್ವಭಾವ ಮತ್ತು ಅಭ್ಯಾಸಗಳನ್ನು ನಿರ್ವಹಿಸುತ್ತಾರೆ. ಅವರು ಯಾವಾಗಲೂ ಕಾರಣಗಳಿಗಾಗಿ ಹುಡುಕುವ ಸ್ವಭಾವದವರು.

ಒಟ್ಟಾರೆ ಜನವರಿಯಲ್ಲಿ ಜನಿಸಿದವರು ಉತ್ತಮ ಸ್ನೇಹಿತರು ಅಥವಾ ಬೆಸ್ಟ ಸಂಗಾತಿ, ನಾಯಕರು ಆಗಿರುತ್ತಾರೆ. ಎಲ್ಲಾ ಸಂದರ್ಭದಲ್ಲೂ ನಿಮಗೆ ಹಿತ ಎನಿಸುವ ಮತ್ತು ನಿಮ್ಮ ಜೀವನವನ್ನು ನಗುವಿನೊಂದಿಗೆ ಬೆಳಗಿಸಬಹುದಾದ ಗುಣ ಇವರದ್ದಾಗಿರುತ್ತದೆ.