ವಿಮಾನ ನಿಲ್ದಾಣದಲ್ಲೇ ಮಗುವನ್ನು ಬಿಟ್ಟು ತೆರಳಿದ ಮಹಿಳೆ! ಕೊನೆಗೆ ಏನಾಯಿತು ಗೊತ್ತೇ?

ಅರ್ಧ ದಾರಿಯಲ್ಲಿ ಮಗುವನ್ನು ಬಿಟ್ಟು ಬಂದಿರುವುದು ನೆನಪಾಯಿತು!

ಸೌದಿ ಅರೇಬಿಯಾದ ಜೆದ್ದಾದಿಂದ ಮಲೇಷಿಯಾದ ಕೌಲಲಾಂಪುರಕ್ಕೆ ತೆರಳುತ್ತಿದ್ದ ವಿಮಾನದಲ್ಲಿ ಈ ವಿಚಿತ್ರ ಘಟನೆಯು ನಡೆದಿದೆ. ಈ ವಿಮಾನವೇರಿದ್ದ ಮಹಿಳೆಯು ತನ್ನ ಮಗುವನ್ನು ವಿಮಾನ ನಿಲ್ದಾಣದಲ್ಲೇ ಬಿಟ್ಟಿದ್ದರು.

ವಿಮಾನ ನಿಯಂತ್ರಕರ ಮಾತಿನ ಆಡಿಯೋದ ವಿಡಿಯೋ ಬಿಡುಗಡೆ

ವಾಯು ನಿಯಂತ್ರಕ ನಿರ್ವಾಹಕರು ಅರೇಬಿಕ್ ಭಾಷೆಯಲ್ಲಿ ಮಾತನಾಡುತ್ತಿರುವಂತಹ ಆಡಿಯೋ ರೆಕಾರ್ಡಿಂಗ್ ನ ವಿಡಿಯೋವನ್ನು ಬಿಡುಗಡೆ ಮಾಡಲಾಗಿದೆ. ಈ ಸಂಭಾಷಣೆಯಲ್ಲಿ ವಾಯು ನಿಯಂತ್ರಕ ನಿರ್ವಾಹಕರು ವಿಮಾನವನ್ನು ಮರಳಿ ತರುವುದು ಯಾಕೆ ಎಂದು ಪೈಲಟ್ ಗೆ ಕಾರಣ ಕೇಳುವರು. ಇಂತಹ ಸನ್ನಿವೇಶಗಳಲ್ಲಿ ವಿಮಾನ ನಿಲ್ದಾಣ ಸಿಬ್ಬಂದಿ ನಿಯಮಾವಳಿ ರೂಪಿಸಲು ಪ್ರಯತ್ನ ಮಾಡುವರು.

ವಾಯು ನಿಯಂತ್ರಕ ಸಿಬ್ಬಂದಿ ಈ ಕಥೆಯನ್ನು ದೃಢಪಡಿಸಿಕೊಳ್ಳಲು ಹೇಳುವರು

ಇದು ನಿಜವೇ ಎನ್ನುವುದನ್ನು ದೃಢಪಡಿಸಿಕೊಳ್ಳಬೇಕು ಎಂದು ವಾಯು ನಿಯಂತ್ರಕ ಸಿಬ್ಬಂದಿಯು ಪೈಲಟ್ ಗೆ ಸೂಚಿಸುವರು. ಈ ವೇಳೆ ಪೈಲಟ್ ಹೀಗೆ ಉತ್ತರಿಸುವರು, ``ನಾವು ನಿಮಗೆ ಹೇಳುತ್ತಿದ್ದೇವೆ, ಪ್ರಯಾಣಿಕರೊಬ್ಬರು ತಮ್ಮ ಮಗುವನ್ನು ನಿಲ್ದಾಣದಲ್ಲೇ ಬಿಟ್ಟಿದ್ದಾರೆ ಮತ್ತು ವಿಮಾನದಲ್ಲಿ ಮುಂದೆ ಸಾಗಲು ನಿರಾಕರಿಸುತ್ತಿದ್ದಾರೆ.''

ವಿಮಾಣವು ಮರಳಿ ಬಂತು!

ಈ ಬಗ್ಗೆ ದೃಢಪಟ್ಟ ಬಳಿಕ ವಿಮಾನವನ್ನು ಮರಳಿ ಕಿಂಗ್ ಅಬ್ದುಲ್ ಅಝೀಜ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣಕ್ಕೆ ತರಲಾಯಿತು. ಇಲ್ಲಿ ತಾಯಿ ತನ್ನ ಮಗುವನ್ನು ಮತ್ತೆ ಸೇರಿಕೊಂಡರು.