ಈತನನ್ನು ಎಲ್ಲರೂ 'ಏಲಿಯನ್' ಎಂದು ಕರೆಯುತ್ತಾರಂತೆ! ಯಾಕೆ ಗೊತ್ತೇ?

ಆತ ನಮ್ಮದೇ ದೇಶದವನು

ಭಾರತದ ಜಗತ್ಪುರ ಎನ್ನುವ ಪ್ರದೇಶದ 21 ಹರೆಯದ ಅಂಶು ಕುಮಾರ್ ಎಂಬಾತನೇ ಈ ವ್ಯಕ್ತಿ. ಈತ ಹಲವಾರು ರೀತಿಯ ಕಾಯಿಲೆಗಳಿಂದ ಬಳಲುತ್ತಿದ್ದಾನೆ. ಇದನ್ನು ವೈದ್ಯಕೀಯ ಲೋಕವು ಪತ್ತೆ ಹಚ್ಚಲು ವಿಫಲವಾಗಿದೆ. ಇದರಿಂದಾಗಿ ಈತನ ತಲೆಯು ದೊಡ್ಡದಾಗಿದೆ ಮತ್ತು ಕಣ್ಣುಗಳು ವಿಚಿತ್ರವಾಗಿದೆ.

Most Read: ನೀವು ಎಷ್ಟು ಸಂಪತ್ತನ್ನು ಹೊಂದುವಿರಿ ಎನ್ನುವುದನ್ನು ನಿಮ್ಮ ಅಂಗೈ ಹೇಳುತ್ತದೆ

ವೈದ್ಯಕೀಯ ಲೋಕದ ಪ್ರಕಾರ ಆತನ ಪರಿಸ್ಥಿತಿ

ವೈದ್ಯರ ಪ್ರಕಾರ ಆತನ ಪರಿಸ್ಥಿತಿಯನ್ನು ಜಾಕಬ್ಸೆನ್ ಸಿಂಡ್ರೊಮ್ ಎಂದು ವಿವರಿಸಬಹುದು. ಇದರಿಂದಾಗಿ ಆತ ತುಂಬಾ ಅಸಾಮಾನ್ಯವಾಗಿ ನಡೆದಾಡುವಂತಾಗಿದೆ. ಈ ಪರಿಸ್ಥಿತಿಯಿಂದಾಗಿ ಆತನಿಗೆ ನಡೆದಾಡಲು ಕಷ್ಟವಾಗಿರುವುದು ಮಾತ್ರವಲ್ಲದೆ ನಿಲ್ಲಲು ಸಾಧ್ಯವಾಗುತ್ತಿಲ್ಲ. ಆತನ ತಲೆಯಲ್ಲಿ ಒಂದು ತೆಳುವಾಗಿರುವ ಸ್ವಲ್ಪ ಕೂದಲು ಬಿಟ್ಟರೆ ಬೇರೆ ಕೂದಲುಗಳೇ ಬೆಳೆದಿಲ್ಲ.

ಆತ ಕೂಲಿ ಕಾರ್ಮಿಕನಾಗಿ ದುಡಿಯುತ್ತಾನೆ

ಕಡು ಬಡ ಕುಟುಂಬದಿಂದ ಬಂದಿರುವ ಅಂಶು ಕುಮಾರ್ ತನ್ನ ಜೀವನ ನಿರ್ವಹಣೆ ಮಾಡಲು ಕೂಲಿ ಕೆಲಸ ಮಾಡುತ್ತಾನೆ. ಇದರಿಂದ ಆತ ತಿಂಗಳಿಗೆ ಕೇವಲ 3800 ರೂ. ಮಾತ್ರ ದುಡಿಯುತ್ತಿದ್ದಾನೆ. ತನ್ನ ಆರ್ಥಿಕ ಪರಿಸ್ಥಿತಿ ತುಂಬಾ ಕೆಟ್ಟದಾಗಿರುವ ಕಾರಣದಿಂದಾಗಿ ತಜ್ಞ ವೈದ್ಯರನ್ನು ಭೇಟಿಯಾಗಲು ಆತನಿಗೆ ಸಾಧ್ಯವಾಗುತ್ತಿಲ್ಲ.

ಜನರು ಆತನನ್ನು ನೋಡಿ ತಮಾಷೆ ಮಾಡುವರು

ಆತನ ವಿಚಿತ್ರ ಹಾಗೂ ದೊಡ್ಡ ತಲೆಯಿಂದಾಗಿ ಎಲಿಯನ್ ಎಂದು ಜನರು ತಮಾಷೆ ಮಾಡಿ ಅಡ್ಡ ಹೆಸರಿನಿಂದ ಕರೆಯುತ್ತಾರೆ. ಆತನ ಈ ರೂಪದಿಂದ ಹೆಚ್ಚಿನ ಜನರಿಗೆ ಆತ ಇಷ್ಟವಾಗುತ್ತಿಲ್ಲ. ಹೆಚ್ಚಿನ ಸಮಯ ಆತ ನಕಾರಾತ್ಮಕತೆ ಕಡೆ ಗಮನ ನೀಡುವುದಿಲ್ಲ. ಆದರೆ ಜನರು ಕಟು ಮಾತುಗಳು ಆತನಿಗೆ ನೋವುಂಟು ಮಾಡುತ್ತದೆ ಎಂದು ಹೇಳುತ್ತಾನೆ.

Most Read: ಮಂಗನ ಕಾಯಿಲೆ ಎಂದರೇನು? ಈ ಕಾಯಿಲೆಯ ಲಕ್ಷಣಗಳೇನು?

ಅಂಶು ಕುಮಾರ್ ಗೆ ಸಾಮಾನ್ಯ ಜೀವನ ಸಾಗಿಸಬೇಕೆಂಬ ಆಸೆಯಿದೆ

ಸರ್ಕಾರ ಅಥವಾ ಜನರು ತನ್ನ ಚಿಕಿತ್ಸೆಗೆ ನೆರವು ನೀಡಿದರೆ ತಾನು ಕೂಡ ಸಾಮಾನ್ಯ ಜೀವನ ಸಾಗಿಸಬಹುದು ಎಂದು ಆತ ಇಚ್ಛಿಸಿದ್ದಾನೆ. ಭವಿಷ್ಯದಲ್ಲಿ ಮದುವೆಯಾಗಿ ತನ್ನದೇ ಆಗಿರುವ ಕುಟುಂಬ ಹೊಂದಬೇಕು ಎಂದು ಆತ ಬಯಸಿದ್ದಾನೆ. ಆತ ಬೇಗನೆ ಚೇತರಿಸಿಕೊಳ್ಳಲಿ ಎಂದು ನಾವು ಹಾರೈಸುತ್ತೇವೆ. ಈ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕಮೆಂಟ್ ಬಾಕ್ಸ್ ನಲ್ಲಿ ಬರೆಯಿರಿ.