ಕುಡಿದ ಮತ್ತಿನಲ್ಲಿ ಮನೆಯ ಬೀಗದ ಕೈ ನುಂಗಿಬಿಟ್ಟ!

ಮದ್ಯಪಾನ ಮಾಡುವುದು ತುಂಬಾ ಹಾನಿಕಾರಕ ಎಂದು ತಿಳಿದಿದ್ದರೂ ಸಹಿತ ಕೆಲವು ಮಂದಿ ತಪ್ಪದೆ ಇದನ್ನು ಸೇವಿಸುತ್ತಾರೆ. ಇದರಿಂದಾಗಿ ಹಲವಾರು ಸಮಸ್ಯೆಗಳು ಕಾಣಿಸಿಕೊಳ್ಳುವುದು. ಮದ್ಯಪಾನವು ಕೆಲವು ಸಂದರ್ಭಗಳಲ್ಲಿ ಇದು ಅನಾಹುತ ಸೃಷ್ಟಿಸುವುದು. ತಾವು ಏನು ಮಾಡುತ್ತಿದ್ದೇವೆ ಎಂದು ಮದ್ಯಪಾನ ಮಾಡಿದವರಿಗೆ ತಿಳಿದಿರುವುದಿಲ್ಲ. ಅವರು ಈ ಲೋಕದಲ್ಲೇ ಇರುವುದಿಲ್ಲ. ತಮ್ಮ ವರ್ತನೆ ಬಗ್ಗೆ ಅವರಿಗೆ ನಿಯಂತ್ರಣವೇ ಇರದು. ಹೀಗೆ ಇಲ್ಲೊಬ್ಬ ವ್ಯಕ್ತಿ ಅತಿಯಾಗಿ ಮದ್ಯಪಾನ ಮಾಡಿದ ಬಳಿಕ ಮನೆಯ ಬೀಗದ ಕೈಯನ್ನೇ ನುಂಗಿರುವಂತಹ ವಿಚಿತ್ರ ಘಟನೆಯು ನಡೆದಿದೆ.

ಈ ವ್ಯಕ್ತಿಯು ಅತಿಯಾಗಿ ಮದ್ಯಪಾನ ಮಾಡಿದ ಬಳಿಕ ತನ್ನ ಮನೆಯ ಬೀಗದ ಕೈ ಕಳೆದುಕೊಂಡಿದ್ದಾನೆ ಎಂದು ಅದನ್ನು ಹುಡುಕಲು ಆರಂಭಿಸಿದ. ತನ್ನ ಹೊಟ್ಟೆಯಲ್ಲಿ ಏನೋ ತೊಂದರೆ ಕಾಣಿಸುತ್ತಿದ್ದ ಕಾರಣದಿಂದಾಗಿ ಆತ ಹೋಗಿ ವೈದ್ಯರಲ್ಲಿಗೆ ಭೇಟಿ ನೀಡಿದ ಮತ್ತು ಈ ವೇಳೆ ಆತನಿಗೆ ತನ್ನ ತಪ್ಪಿನ ಅರಿವಾಗಿದೆ.

ಇದರ ಬಗ್ಗೆ ನೀವು ಇನ್ನಷ್ಟು ಮಾಹಿತಿ ತಿಳಿಯಿರಿ.
ಚೀನಾದ 26ರ ಹರೆಯದ ಚಾಂಗ್ ಎಂಬ ಹೆಸರಿನ ವ್ಯಕ್ತಿಯೊಬ್ಬ ವಾರಾಂತ್ಯವನ್ನು ತನ್ನ ಸ್ನೇಹಿತರೊಂದಿಗೆ ಕಳೆದಯಲು ಹೋಗಿ ಅತಿಯಾಗಿ ಮದ್ಯಪಾನ ಸೇವಿಸಿದ್ದಾನೆ. ಪಾರ್ಟಿ ಮುಗಿಸಿಕೊಂಡು ಮನೆಗೆ ಬಂದ ವೇಳೆ ಆತನಿಗೆ ಮನೆಯ ಬೀಗದ ಕೈ ಕಳೆದುಕೊಂಡಿರುವ ಬಗ್ಗೆ ಅರಿವಾಗಿದೆ. ಆತ ಮನೆಯ ಒಳಗಡೆ ಇರುವ ಜನರಿಗೆ ಕರೆ ಮಾಡಿ ತಾನು ಬೀಗದ ಕೈ ಕಳೆದುಕೊಂಡಿರುವ ಬಗ್ಗೆ ತಿಳಿಸಿದ್ದಾನೆ.

ಮರುದಿನ ಬೆಳಗ್ಗೆ ಆಲ್ಕೋಹಾಲ್ ನ ನಶೆಯು ಇಳಿದ ಬಳಿಕ ಆತನಿಗೆ ಎದೆಯಲ್ಲಿ ಒಂದು ರೀತಿಯ ನೋವು ಕಾಣಿಸಿಕೊಂಡಿದೆ. ಈ ವೇಳೆ ಆತ ತಕ್ಷಣವೇ ಸಮೀಪದ ಆಸ್ಪತ್ರೆಗೆ ಹೋಗಿ ಪರೀಕ್ಷೆ ಮಾಡಿಸಿಕೊಂಡಿದ್ದಾನೆ.

Most Read: ಚಾಣಕ್ಯ ನೀತಿ: ಹೊಸದನ್ನು ಪ್ರಾರಂಭಿಸುವ ಮುನ್ನ ನೀವು ಮಾಡಬೇಕಾದ ಕೆಲಸಗಳು

ವೈದ್ಯರು ಎಕ್ಸ್ ರೇ ಮಾಡಿಸಿದ ಬಳಿಕ ಅವರಿಗೆ ಇದನ್ನು ನೋಡಿ ಒಂದು ಕ್ಷಣ ಆಘಾತವಾಗಿದೆ. ಯಾಕೆಂದರೆ ಚಾಂಗ್ ನ ಅನ್ನನಾಳದಲ್ಲಿ ಬೀಗದ ಕೈ ಸಿಲುಕಿಕೊಂಡಿತ್ತು. ರಾತ್ರಿ ಆತ ತನ್ನ ಮನೆಯ ಬೀಗದ ಕೈ ಕಳೆದುಕೊಂಡಿದ್ದಾಗಿ ಈ ವೇಳೆ ತಿಳಿಸಿದ್ದಾನೆ. ಆದರೆ ಇದು ಆತನ ದೇಹದೊಳಗೆ ಹೇಗೆ ಹೋಯಿತು ಎನ್ನುವ ಬಗ್ಗೆ ಮಾತ್ರ ಆತನಿಗೆ ತಿಳಿದಿರಲಿಲ್ಲ.

ಚಾಂಗ್ ಗೆ ತಾನು ಕೀಯನ್ನು ಹೇಗೆ ನುಂಗಿದ್ದೇನೆ ಎಂದು ತಿಳಿಯದೆ ಇದ್ದ ಕಾರಣದಿಂದಾಗಿ ಇದು ವೈದ್ಯರಿಗೆ ಕೂಡ ದೊಡ್ಡ ರಹಸ್ಯವಾಗಿತ್ತು. ಚಾಂಗ್ ಅತಿಯಾಗಿ ಮದ್ಯಪಾನ ಮಾಡಿದ್ದ ಕಾರಣದಿಂದಾಗಿ ಆತನಿಗೆ ಏನೊಂದು ನೆನಪು ಇರಲಿಲ್ಲ.
ತಕ್ಷಣವೇ ವೈದ್ಯರು ಶಸ್ತ್ರಚಿಕಿತ್ಸೆ ನಡೆಸಿದರು ಮತ್ತು ಕೀಯನ್ನು ನೈಸರ್ಗಿಕ ತಂತ್ರ ಬಳಸಿಕೊಂಡು ತೆಗೆದರೆ ಅದರಿಂದ ಕರುಳಿಗೆ ಹಾನಿಯಾಗುತ್ತಿತ್ತು. ಎಂಡೋಸ್ಕೋಪಿ ಮಾಡಿದರೂ ಅದರಿಂದ ಅನ್ನನಾಳಕ್ಕೆ ಹಾನಿಯಾಗುತ್ತಿತ್ತು. ಇದರಿಂದ ಅವರು ತಕ್ಷಣವೇ ಶಸ್ತ್ರಚಿಕಿತ್ಸೆ ಮಾಡಿ ತೆಗೆಯಲು ಬಯಸಿದರು.

Most Read: ಎರಡು ವರ್ಷಗಳಲ್ಲಿ 300 ನಾಯಿಗಳನ್ನು ದತ್ತು ಪಡೆದ ವ್ಯಕ್ತಿಯ ಬಗ್ಗೆ ಒಂದು ನೋಟ...

ಸರಿಯಾದ ಸಮಯದಲ್ಲಿ ಕೀಯನ್ನು ಹೊರಗೆ ತೆಗೆದ ಪರಿಣಾಮವಾಗಿ ಚಾಂಗ್ ತುಂಬಾ ಅದೃಷ್ಟವಂತರು ಎಂದು ಪರಿಗಣಿಸಲಾಗಿದೆ. ಆದರೆ ಇದು ದೇಹದ ಒಳಗಡೆ ಹೇಗೆ ಹೋಯಿತು ಎನ್ನುವುದು ಮಾತ್ರ ಈಗಲೂ ದೊಡ್ಡ ರಹಸ್ಯವಾಗಿಯೇ ಇದೆ.