ಅಯ್ಯೋ! ಆಕೆ ಆತ್ಯಹತ್ಯೆ ಮಾಡಿಕೊಂಡಳೇ? ತಾಳಿ, ಪ್ರತ್ಯಕ್ಷ ಕಂಡರೂ ಪ್ರಮಾಣಿಸಿ ನೋಡಿ

ಮೊದಲಿಗೆ ಈಕೆ ಸತ್ತಿರಬಹುದು ಎಂದೇ ಎಲ್ಲರೂ ಭಾವಿಸಿದ್ದರು!

ಈಕೆ ಹೀಗೆ ಬಿದ್ದಿರುವುದನ್ನು ನೋಡಿದ ಪುರುಷನೊಬ್ಬನಿಗೆ ಮೊದಲಿಗೆ ಈಕೆ ಸತ್ತಿರಬಹುದು ಎಂದೇ ಅನುಮಾನ ಮೂಡಿ ಗಾಬರಿಯಾಗಿತ್ತು. ಕೆಂಪು ಸೀರೆಯನ್ನುಟ್ಟ ಈ ಮಹಿಳೆ ಅಂಗಾತ ಬಿದ್ದಿರುವ ಪರಿ ಯಾರಿಗಾದರೂ ಆಕೆ ಪಕ್ಕದಲ್ಲಿದ್ದ ಹೌಸಿಂಗ್ ಡೆವಲಪ್ ಮೆಂಟ್ ಬೋರ್ಡ್ ಸಂಸ್ಥೆಯ ಬ್ಲಾಕ್ ಒಂದರ ಫ್ಲ್ಯಾಟ್ ಒಂದರಿಂದ ಬಿದ್ದಿರುವ ಅನುಮಾನ ಬಂದೇ ಬರುತ್ತದೆ. ಈ ಪುರುಷ ಆಕೆಯ ಚಿತ್ರವನ್ನು ತೆಗೆದು ಜಾಲತಾಣದಲ್ಲಿ ಪ್ರಕಟಿಸಿ ಈ ರೀತಿಯಾಗಿ ಬರೆದ: "ಈ ಆಂಟಿ ಆತ್ಮಹತ್ಯೆ ಮಾಡಿ ಕೊಂಡಿರ ಬಹುದು ಎಂದು ನನಗೆ ಅನ್ನಿಸುತ್ತದೆ, ಏಕೆಂದರೆ ಅದುವರೆಗೂ ಆಕೆ ಬಟ್ಟೆ ಒಣಗಿಸುತ್ತಿದ್ದುದನ್ನು ನಾನು ಗಮನಿಸಿದ್ದೆ" ಆದರೆ ಯಾವುದೋ ಕಾರಣಕ್ಕೆ ಈ ಪ್ರಕಟಣೆಯನ್ನು ಹಿಂದೆ ತೆಗೆದುಕೊಳ್ಳಲಾಯ್ತು. ಆದರೆ ಅಷ್ಟರಲ್ಲಿಯೇ ಈ ವಾರ್ತೆಯನ್ನು ಗಮನಿಸಿದ ಕೆಲವರು ತಮ್ಮ ಬೆರಳುಗಳಿಂದ ಈ ವಾರ್ತೆಯನ್ನು ಹಲವರಿಗೆ, ಅವರಿಂದ ಇನ್ನೂ ಹಲವರಿಗೆ ದಾಟಿಸಿ ಆಗಿತ್ತು.

ಈ ಬಗ್ಗೆ ಜನರ ಪ್ರತಿಕ್ರಿಯೆ

ಯಾವಾಗ ಈ ಪ್ರಕಟಣೆ ವ್ಯಾಪಕವಾಯ್ತೋ, ಆಗ ಈ ಮಹಿಳೆಯ ಆತ್ಮಹತ್ಯೆಯ ಬಗ್ಗೆ ಭಾರೀ ಚರ್ಚೆ ಪ್ರಾರಂಭವಾಯ್ತು. ಒಬ್ಬರಾದರೂ ಇದು ಆತ್ಮಹತ್ಯೆ ಇರಲಿಕ್ಕಿಲ್ಲ, ಹೋಗಿ ನೋಡಿ ಎಂದು ಚಕಾರವೆತ್ತಲಿಲ್ಲ. ಪ್ರತಿಯೊಬ್ಬರೂ ಈಕೆ ಮೇಲಿನಿಂದ ಬಿದ್ದು ಆತ್ಮಹತ್ಯೆ ಮಾಡಿಕೊಂಡಳು ಎಂದು ತಮಗೆ ಬಂದ ವಾರ್ತೆಯನ್ನೇ ನಂಬಿ ಮುಂದಿನವರಿಗೆ ತಲುಪಿಸುವುದು ತಮ್ಮ ಕರ್ತವ್ಯವೆಂಬಂತೆ ಅತ್ಯಂತ ತನ್ಮಯತೆಯಿಂದ ತಮ್ಮ ಕೆಲಸ ನಿರ್ವಹಿಸಿದ್ದರು. ಆದರೆ ನಿಜಾಂಶವೇನೆಂದರೆ, ಬಟ್ಟೆ ಒಗೆದು, ಒಣಗಿಸಿ ಸುಸ್ತಾಗಿದ್ದ ಆಕೆ, ಆ ಬಳಿಕ ನೆಲದ ಮೇಲೆ ಸಂಡಿಗೆಯನ್ನೋ ಹಪ್ಪಳವನ್ನೋ ಒಣಗಿಸಿದ ಬಳಿಕ ಹೈರಾಣಾಗಿ ಅಲ್ಲಿಯೇ ಕೊಂಚ ಹೊತ್ತು ವಿಶ್ರಮಿಸಲು ಪವಡಿಸಿದ್ದಳಷ್ಟೇ!

Most Read:2019ರಲ್ಲಿ ಗುರು ಗ್ರಹದ ಪ್ರಯಾಣ-ರಾಶಿಚಕ್ರದ ಮೇಲೆ ಹೇಗೆ ಪ್ರಭಾವ ಬೀರಲಿದೆ? ಇಲ್ಲಿದೆ ಡಿಟೇಲ್ಸ್

ಇದೇ ಮೊದಲ ಸಲವಲ್ಲ

ತಪ್ಪು ಕಲ್ಪನೆಗೆ ಗ್ರಾಸವಾಗಿಸುವ ಚಿತ್ರಗಳು ಪ್ರಕಟಗೊಂಡಿರುವುದು ಇದೇನೂ ಮೊದಲ ಸಲವಲ್ಲ. ಆದರೆ ಇಂತಹ ಚಿತ್ರಗಳು ಅಥವಾ ಬೇರಾವುದಾದರೂ ಸಂಗತಿ ಎದುರಾದರೆ ಮಾತ್ರ ಜನರು ಹುಚ್ಚೆದ್ದವರಂತೆ ಈ ಸಂಗತಿಯನ್ನು ಕಾಳ್ಗಿಚ್ಚಿನಂತೆ ಹಬ್ಬಿಸಿ ಎಲ್ಲರಲ್ಲಿಯೂ ದಿಗಿಲು ಹುಟ್ಟಿಸುತ್ತಾರೆ. ಹಿಂದೊಮ್ಮೆ, ರಕ್ತದ ಮಡುವಿನ ನಡುವೆ ಮಲಗಿದ್ದ ಬೆಕ್ಕಿನ ಚಿತ್ರವೂ ಹೀಗೇ ಸಂಚಲನೆ ಮೂಡಿಸಿತ್ತು. ಬೆಕ್ಕು ಬಿದ್ದಿದ್ದ ಪರಿ, ಪಕ್ಕದಲ್ಲಿ ಚೆಲ್ಲಿದ್ದ ರಕ್ತ ನೋಡಿದವರು ಯಾರೋ ಬೆಕ್ಕಿನ ಕೊಲೆ ಮಾಡಿದ್ದಾರೆಂದೇ ಈ ನೆಟಿಜನ್ನರು ಪ್ರಕಟಿಸಿಬಿಟ್ಟಿದ್ದರು

ಇದೇ ಮೊದಲ ಸಲವಲ್ಲ

ವಾಸ್ತವವಾಗಿ ಅಲ್ಲಿ ಬಿದ್ದಿದ್ದ ಕೆಂಪು ಬಣ್ಣದ ದ್ರವ ರಕ್ತ ಅಲ್ಲವೇ ಬಲ್ಲ, ಬದಲಿಗೆ ಹಿಂದೆಂದೋ ಯಾರೋ ಚೆಲ್ಲಿದ್ದ ಕೆಂಪು ಬಣ್ಣದ ಪೇಂಟ್ ಆಗಿತ್ತು. ನಿಮ್ಮ ಅನುಭವದಲ್ಲಿ ಇಂತಹ ಪ್ರಸಂಗಗಳಾವುದಾದರೂ ಸಂಭವಿಸಿವೆಯೇ? ಹೌದೆಂದಾದರೆ ಕೆಳಗಿನ ಕಮೆಂಟ್ಸ್ ಭಾಗದಲ್ಲಿ ಬರೆದು ಇತರರೊಂದಿಗೆ ನೀವೇಕೆ ಹಂಚಿಕೊಳ್ಳಬಾರದು?