For Quick Alerts
ALLOW NOTIFICATIONS  
For Daily Alerts

ಕುಡಿದ ಮತ್ತಿನಲ್ಲಿ ರಸ್ತೆ ಮಧ್ಯೆ ನಿಂತುಕೊಂಡು ಪತ್ನಿಯ ಪ್ರೀತಿ ಪರೀಕ್ಷಿಸಿದ ಪತಿ!

|

ಕುಡಿದ ಮತ್ತಿನಲ್ಲಿ ಜನರು ಏನು ಮಾಡುತ್ತಾರೆ ಎಂದೇ ಕೆಲವೊಮ್ಮೆ ತಿಳಿಯುವುದಿಲ್ಲ. ಯಾಕೆಂದರೆ ನಶೆ ತಲೆಗೆ ಏರಿದ ಬಳಿಕ ಜನರಿಗೆ ತನ್ನ ಸುತ್ತಲಿನ ಜಗತ್ತಿನ ಅರಿವು ಇರುವುದಿಲ್ಲ. ಹೀಗಾಗಿ ಕೆಲವೊಂದು ಸಲ ಮದ್ಯ ಹೊಟ್ಟೆಗೆ ಇಳಿದ ಬಳಿಕ ಕೋತಿ ಚೇಷ್ಠೆಗಳು ಶುರುವಾಗುವುದು. ಇದು ಕೆಲವೊಮ್ಮೆ ತುಂಬಾ ಅಪಾಯಕಾರಿ ಹಾಗೂ ಜೀವಕ್ಕೆ ಹಾನಿ ಉಂಟು ಮಾಡಬಹುದು. ಕುಡಿದ ವೇಳೆ ಭಾವನೆಗಳು ಕೂಡ ತಮ್ಮ ಉನ್ನತ ಮಟ್ಟದಲ್ಲಿ ಇರುವುದು ಎಂದು ಹೇಳಲಾಗುತ್ತದೆ. ಅದೇ ರೀತಿಯಲ್ಲಿ ಇಲ್ಲೊಂದು ಘಟನೆಯು ನಡೆದಿದೆ. ಕುಡಿದ ಮತ್ತಿನಲ್ಲಿ ವ್ಯಕ್ತಿಯೊಬ್ಬ ತನ್ನ ಪತ್ನಿಯ ಪ್ರೀತಿಯನ್ನೇ ಪ್ರಶ್ನಿಸಲು ಹೊರಟಿದ್ದಾನೆ. ಅದು ಕೂಡ ತುಂಬಾ ವಾಹನ ಸಂಚಾರವಿರುವಂತಹ ರಸ್ತೆಯ ಮಧ್ಯ ಭಾಗದಲ್ಲಿ ನಿಂತುಕೊಂಡು. ದುರಾದೃಷ್ಟವೆಂದರೆ ಆ ವ್ಯಕ್ತಿಗೆ ವಾಹನವೊಂದು ಬಡಿಯಿತು. ಮುಂದೇನಾಯಿತು ಎಂದು ನೀವು ತಿಳಿಯಲು ಓದುತ್ತಾ ಸಾಗಿರಿ...

ಆ ವ್ಯಕ್ತಿಯು ರಸ್ತೆ ಮಧ್ಯದಲ್ಲಿ ಜಗಳ ಮಾಡಲು ಶುರು ಮಾಡಿದ!

ಆ ವ್ಯಕ್ತಿಯು ರಸ್ತೆ ಮಧ್ಯದಲ್ಲಿ ಜಗಳ ಮಾಡಲು ಶುರು ಮಾಡಿದ!

ತುಂಬಾ ವಾಹನ ಸಂಚಾರವಿರುಂತಹ ರಸ್ತೆ ಮಧ್ಯದಲ್ಲಿ ನಿಂತ 30ರ ಹರೆಯದ ವ್ಯಕ್ತಿಯೊಬ್ಬ ತನ್ನ ಪತ್ನಿ ಜತೆಗೆ ಜಗಳವಾಡಲು ಆರಂಭ ಮಾಡಿದ. ಕೆಲವೊಂದು ಕಾರಿನವರು ಈತನನ್ನು ತಪ್ಪಿಸಿಕೊಂಡು ಮುಂದಕ್ಕೆ ಹೋದರು. ರಸ್ತೆ ಮಧ್ಯೆ ನಿಂತಿರುವ ವ್ಯಕ್ತಿಯನ್ನು ಮಹಿಳೆಯು ಎಳೆಯುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ.

Most Read: ಐಫೋನ್ ಖರೀದಿಗೆ ಅಂಡಾಣು ಮಾರಲು ಮುಂದಾದಳು! ಕೊನೆಗೆ ಏನಾಯಿತು ಗೊತ್ತೇ?

40 ನಿಮಿಷ ಕಾಲ ಜಗಳವು ಮುಂದುವರಿಯಿತು!

40 ನಿಮಿಷ ಕಾಲ ಜಗಳವು ಮುಂದುವರಿಯಿತು!

ರಸ್ತೆ ಮಧ್ಯದಲ್ಲಿ ನಿಂತಿದ್ದ ತನ್ನ ಪತ್ನಿಯನ್ನು ಸುರಕ್ಷಿತವಾಗಿ ಬದಿಗೆ ಸರಿಸಲು ಮಹಿಳೆಯು ತುಂಬಾ ಪ್ರಯತ್ನಿಸುತ್ತಿದ್ದಳು. ಆದರೆ ಇದರಿಂದ ಯಾವುದೇ ಪ್ರಯೋಜನವಾಗಲಿಲ್ಲ. 40 ನಿಮಿಷ ದಂಪತಿಯು ಜಗಳವಾಡಿ ಬಳಿಕ ಈ ದುರ್ಘಟನೆಯು ನಡೆದೇ ಹೋಯಿತು.

ವ್ಯಾನ್ ಒಂದು ಆ ವ್ಯಕ್ತಿಗೆ ಬಡಿಯಿತು

ವ್ಯಾನ್ ಒಂದು ಆ ವ್ಯಕ್ತಿಗೆ ಬಡಿಯಿತು

ಕುಡಿದ ಮತ್ತಿನಲ್ಲಿದ್ದ ಆ ವ್ಯಕ್ತಿಯ ಮನವೊಲಿಸಲು ಮಹಿಳೆಯು ತುಂಬಾ ಪ್ರಯತ್ನ ಮಾಡುತ್ತಲಿದ್ದರು. ಆಕೆ ತನ್ನ ಪತಿಯನ್ನು ಎಳೆಯುತ್ತಾ ಮಾತನಾಡುತ್ತಿರುವುದು ಕಾಣಿಸುತ್ತಿದೆ. ಆದರೆ ಇದೇ ವೇಳೆ ವೇಗವಾಗಿ ಬಂದ ವ್ಯಾನ್ ಒಂದು ಆ ವ್ಯಕ್ತಿಗೆ ಬಡಿದಿದೆ. ಅಪಘಾತದ ರಭಸಕ್ಕೆ ಆತ ಒಮ್ಮೆ ಗಾಳಿಯಲ್ಲಿ ಮೇಲಕ್ಕೇರಿ ನೆಲಕ್ಕುರುಳಿದ್ದಾನೆ. ಇದರಿಂದ ಆತನಿಗೆ ಗಂಭೀರವಾದ ಗಾಯಗಳು ಆಗಿವೆ.

Most Read: ವಿಮಾನ ನಿಲ್ದಾಣದಲ್ಲೇ ಮಗುವನ್ನು ಬಿಟ್ಟು ತೆರಳಿದ ಮಹಿಳೆ! ಕೊನೆಗೆ ಏನಾಯಿತು ಗೊತ್ತೇ?

ಈ ಜಗಳಕ್ಕೆ ಕಾರಣ…

ಆ ವ್ಯಕ್ತಿ ತನ್ನ ಪತ್ನಿಯ ನಿಜವಾದ ಪ್ರೀತಿಯನ್ನು ಪರೀಕ್ಷೆ ಮಾಡಲು ಬಯಸಿದ್ದ. ಇದಕ್ಕಾಗಿ ಆತ ರಸ್ತೆ ಮಧ್ಯದಲ್ಲಿ ನಿಂತುಕೊಂಡು, ತನ್ನನ್ನು ರಕ್ಷಿಸಿದರೆ ಮಾತ್ರ ನಿನಗೆ ನನ್ನ ಮೇಲೆ ಪ್ರೀತಿ ಎಂದು ಅರ್ಥ ಎಂದು ಹೇಳುತ್ತಲಿದ್ದ. ಆತನನ್ನು ಪ್ರೀತಿಸುತ್ತಿದ್ದೇನೆ ಎಂದು ಆಕೆ ಹೇಳಿದರೂ ಅದನ್ನು ಅರ್ಥ ಮಾಡಿಕೊಳ್ಳುವ ಪರಿಸ್ಥಿತಿಯಲ್ಲಿ ಆತನಿರಲಿಲ್ಲ. ವ್ಯಾನ್ ಬಡಿಯುವ ತನಕವೂ ಆಕೆ ಆತನ ಮನವೊಲಿಕೆಗೆ ಪ್ರಯತ್ನ ಮಾಡುತ್ತಲೇ ಇದ್ದಳು. ಈ ಘಟನೆಯ ವಿಡಿಯೋ ನೋಡಿ-ಆ ವ್ಯಕ್ತಿ ಈಗ ಚೇತರಿಸಿಕೊಳ್ಳುತ್ತಿದ್ದಾನೆ ಎಂದು ತಿಳಿದುಬಂದಿದೆ. ಈ ಘಟನೆ ಬಗ್ಗೆ ನಿಮ್ಮ ಅನಿಸಿಕೆ ಏನು? ಕಮೆಂಟ್ ಬಾಕ್ಸ್ ನಲ್ಲಿ ಅಭಿಪ್ರಾಯ ಮರೆಯಲು ಮರೆಯಬೇಡಿ.

English summary

He Stood On The Mid Road To Test If His Wife Really Loved Him!

A man in China was trying to test his wife's love by standing in the middle of a road. The woman, who was his wife, was seen trying to drag him to safety but the man shrugged her off. The struggle went on for 40 minutes before a van suddenly crashed into him. He was left with serious head injuries and fractures in his chest according to reports.
X
Desktop Bottom Promotion