ದಂಪತಿಗಳು ಈಜುಕೊಳದ ಅಂಚಿನಲ್ಲಿ ನಿಂತುಕೊಂಡು ಚುಂಬಿಸುತ್ತಿರುವ ಫೋಟೋ ನೆಟ್ಟಿಗರನ್ನು ರೊಚ್ಚಿಗೆಬ್ಬಿಸಿದೆ!

ಈ ಫೋಟೊವನ್ನು ಅವರು ಸಾಮಾಜಿಕ ಜಾಲತಾಣಗಳಿಗೆ ಹಾಕಿದರು

ಇನ್ ಸ್ಟಾಗ್ರಾಮ್ ನಲ್ಲಿ ತುಂಬಾ ಜನಪ್ರಿಯವಾಗಿರುವಂತಹ ಕೆಲ್ಲಿ ಕಾಸ್ಟಿಲ್ಲೆ ಮತ್ತು ಕೊಡಿ ವರ್ಕ್ ಮ್ಯಾನ್ ಎತ್ತರದ ಈಜುಕೊಳದ ಅಂಚಿನಲ್ಲಿ ತೆಗೆದಿರುವಂತ ಫೋಟೊವನ್ನು ಆನ್ ಲೈನ್ ನಲ್ಲಿ ಹರಿಯಬಿಟ್ಟರು. ಈ ಎತ್ತರದ ಈಜುಕೊಳದಲ್ಲಿ ಕೆಲ್ಲಿ ನೇತಾಡುತ್ತಿರುವುದು ಕಂಡು ಬಂದಿದೆ ಮತ್ತು ಕೊಡಿ ಆಕೆಯನ್ನು ಹಿಡಿದುಕೊಂಡಿದ್ದಾನೆ ಮತ್ತು ನೀರಿನ ಭಾಗದಲ್ಲಿ ಆತ ನಿಂತುಕೊಂಡಿದ್ದಾನೆ. ಉಬುಡ್ ನ ಕಯೊನ್ ಜಂಗಲ್ ರೆಸಾರ್ಟ್ ನಲ್ಲಿ ಈ ಫೋಟೊ ತೆಗೆಯಲಾಗಿದೆ.

ಈ ಫೋಟ ವೈರಲ್ ಆಯಿತು

ಈ ಫೋಟೊವನ್ನು ಆನ್ ಲೈನ್ ನಲ್ಲಿ ಹರಿಯಬಿಟ್ಟ ಬಳಿಕ ಇದು ತುಂಬಾ ವೈರಲ್ ಆಗಿದೆ ಮತ್ತು ಇದಕ್ಕೆ ನೆಟ್ಟಿಗರು ತುಂಬಾ ಖಾರವಾಗಿ ಪ್ರತಿಕ್ರಿಯೆ ಕೂಡ ನೀಡಿರುವರು. ತಮ್ಮ ಸುರಕ್ಷತೆಯ ಬಗ್ಗೆ ಚಿಂತೆ ಮಾಡುವ ಬದಲು ಇನ್ ಸ್ಟಾ ಗ್ರಾಮ್ ನಲ್ಲಿ ಸಿಗುವ ಲೈಕ್ ಗೆ ಹಪಹಪಿಸಿರುವುದು ಸರಿಯಲ್ಲ ಎಂದು ಕೆಲವು ನೆಟ್ಟಿಗರು ನೇರವಾಗಿ ಹೇಳಿದ್ದಾರೆ. ಇನ್ನು ಕೆಲವು ಮಂದಿ ಈ ದಂಪತಿಯನ್ನು ಬೇಜವಾಬ್ದಾರಿಯವರು ಮತ್ತು ಸಾಹಸ ಮಾಡಲು ಬೇರೆಯವರಿಗೆ ಪ್ರೇರೇಪಿಸುತ್ತಿದ್ದಾರೆ ಎಂದು ಆರೋಪ ಕೂಡ ಮಾಡಿರುವರು.

ದಂಪತಿಯು ನಿಜ ಸಂಗತಿ ಹೇಳಬೇಕಾಯಿತು

ಈ ಫೋಟೊಗೆ ಅತಿಯಾಗಿ ಕಮೆಂಟ್ ಬರಲು ಆರಂಭಿಸಿದ ಬಳಿಕ ದಂಪತಿಯು ಇದಕ್ಕೆ ಸ್ಪಷ್ಟನೆ ನೀಡಬೇಕಾಯಿತು. ಈ ಫೋಟೊವನ್ನು ಎಡಿಟ್ ಮಾಡಲಾಗಿದೆ ಮತ್ತು ಅದು ಚಿತ್ರದಲ್ಲಿ ಕಾಣಿಸುತ್ತಿರುವಂತೆ ಎತ್ತರವಾಗಿ ಇಲ್ಲ ಎಂದು ಹೇಳಿರುವರು. ಇದರ ಬಳಿಕ ಅವರು ಎಡಿಟ್ ಮಾಡದೆ ಇರುವಂತಹ ಫೋಟೊ ಕೂಡ ಶೇರ್ ಮಾಡಿದರು. ನಾಟಕೀಯವಾಗಿರುವಂತಹ ಫೋಟೊವನ್ನು ನಾವು ಹಾಕಿದ್ದೆವು ಎಂದು ದಂಪತಿ ಹೇಳಿದೆ.

ಇದು ಮೊದಲ ಸಲವಲ್ಲ

ವರದಿಗಳು ಹೇಳುವ ಪ್ರಕಾರ ಸಾಮಾಜಿಕ ಜಾಲತಾಣಗಳಲ್ಲಿ ಜನಪ್ರಿಯತೆ ಪಡೆಯಲು ಈ ರೀತಿಯ ಸ್ಟಂಟ್ ಮಾಡುವುದು ಇದು ಮೊದಲ ಸಲವಲ್ಲ. ಕೆಲವು ಜನರು ನಕಲಿ ಫೋಟೊಗಳನ್ನು ಹಾಕಿ ತಮ್ಮ ಬೆಂಬಲಿಗರನ್ನು ಮೋಸ ಮಾಡುವುದು ಇದೆ ಎಂದು ಹೇಳಲಾಗುತ್ತದೆ.

ಈ ಸುದ್ದಿ ಬಗ್ಗೆ ನಿಮ್ಮ ಅಭಿಪ್ರಾಯ ಏನು? ನಿಮ್ಮ ಅನಿಸಿಕೆಯನ್ನು ಕಮೆಂಟ್ ಬಾಕ್ಸ್ ಗೆ ಹಾಕಿ.