ಬೋಳು ತಲೆ ನಿವಾರಣೆ ಮಾಡಲು ಕೆಲವು ವಿಲಕ್ಷಣ ವಿಧಾನಗಳು!

ಪ್ರಾಣಿಗಳ ಕೊಬ್ಬು ಬಳಸುವುದು

ಇತಿಹಾಸಜ್ಞರ ಪ್ರಕಾರ ಹಿಂದಿನ ಕಾಲದಲ್ಲಿ ಈಜಿಪ್ಟಿಯನ್ನರು ಕೂದಲು ಉದುರುವಿಕೆ ಸಮಸ್ಯೆಗೆ ಪರಿಹಾರ ಕಂಡುಕೊಳ್ಳಲು ತುಂಬಾ ಒದ್ದಾಡುತ್ತಿದ್ದರು. ಜನರು ಹಲವಾರು ವಿಧದ ತಂತ್ರಗಳನ್ನು ಬಳಸಿಕೊಳ್ಳುತ್ತಿರುವಂತೆ ಪ್ರಾಣಿಯ ಕೊಬ್ಬು ತುಂಬಾ ಜನಪ್ರಿಯವಾಯಿತು. ಈ ಮದ್ದಿಗೆ ಬಳಸುತ್ತಿದ್ದ ಕೆಲವೊಂದು ಮಿಶ್ರಣಗಳೆಂದರೆ ಸಿಂಹ, ಬೆಕ್ಕು, ಸರ್ಪ, ಹಿಪ್ಪೋ ಮತ್ತು ಹೆಬ್ಬೆಕ್ಕಿನ ಕೊಬ್ಬು. ಅಂದಿನ ದಿನಗಳಲ್ಲಿ ಸೌಂದರ್ಯವೆನ್ನುವುದು ತುಂಬಾ ಪ್ರಾಮುಖ್ಯತೆ ಪಡೆದಿದ್ದ ಕಾರಣದಿಂದಾಗಿ ಈಜಿಪ್ಟಿನ ಪುರುಷರು ಯಾವುದೇ ರೀತಿಯ ಔಷಧಿಯನ್ನು ಬಳಸಲು ಹಿಂಜರಿಯುತ್ತಿರಲಿಲ್ಲ.

ಇಲಿ

ಜೂಲಿಯಸ್ ಸೀಸರ್ ಗೆ ಕ್ಲಿಯೋಪಾಟ್ರ ಸಲಹೆ ನೀಡಿರುವ ಪ್ರಕಾರ ಇಲಿ ಮತ್ತು ಕುದುರೆ ಹಲ್ಲನ್ನು ತಲೆಗೆ ಉಜ್ಜಿಕೊಂಡರೆ ಅದರಿಂದ ಬೋಳು ತಲೆ ಸಮಸ್ಯೆಯು ನಿವಾರಣೆ ಆಗುವುದು. ರೋಮನ್ ಸಾಮ್ರಾಜ್ಯದಲ್ಲಿ ಬೋಳು ತಲೆಯನ್ನು ತುಂಬಾ ಕೊಳಕು ಎಂದು ಪರಗಣಿಸಲಾಗುತ್ತಿತ್ತು. ಇದರಿಂದಾಗಿ ಸೀಸರ್ ಕೂಡ ತನ್ನ ಬೋಳು ತಲೆ ನಿವಾರಣೆ ಮಾಡಲು ಏನಾದರೂ ಚಿಕಿತ್ಸೆ ಮಾಡಲೇಬೇಕಿತ್ತು. ಆದರೆ ದುರಾದೃಷ್ಟದಿಂದಾಗಿ ಈ ಮದ್ದು ಫಲಿಸಲಿಲ್ಲ. ಇದರಿಂದಾಗಿ ಸೀಸರ್ ತಲೆಗೆ ಲಾರೆಲ್ ಮಾಲೆ ಧರಿಸಲು ನಿರ್ಧರಿಸಿದ.

ಎತ್ತಿನ ವೀರ್ಯ

ಬೋಳು ತಲೆ ನಿವಾರಣೆ ಮಾಡಲು ಜನರು ಕಂಡುಕೊಂಡಿರುವ ಅತ್ಯಂತ ವಿಚಿತ್ರ ಔಷಧಿಯು ಇದಾಗಿದೆ. ವಿಜ್ಞಾನಿಗಳು ಕಂಡುಕೊಂಡಿರುವ ಪ್ರಕಾರ ಎತ್ತಿನ ವೀರ್ಯದಲ್ಲಿ ಹೆಚ್ಚಿನ ಮಟ್ಟದ ಪ್ರೋಟೀನ್ ಇದೆ ಮತ್ತು ಇದು ಕೂದಲಿನ ಬೆಳವಣಿಗೆಗೆ ತುಂಬಾ ನೆರವಾಗಲಿದೆ ಎಂದು ಪರಿಗಣಿಸಲಾಗಿದೆ. ಉತ್ತಮ ಫಲಿತಾಂಶ ಬರಲು ತಲೆಗೆ ಸಾಕಷ್ಟು ಮಟ್ಟದಲ್ಲಿ ಎತ್ತಿನ ವೀರ್ಯವನ್ನು ತಲೆಗೆ ಉಜ್ಜಬೇಕಿತ್ತು.

ಶಿರ್ಸಾಸನ

ಯೋಗದಿಂದ ಇದನ್ನು ಪಡೆಯಲಾಗಿದೆ. ಶಿರ್ಸಾಸನ ಮಾಡಿದರೆ ಆಗ ಕೂದಲಿನ ಬೆಳವಣಿಗೆಗೆ ಇದು ನೆರವಾಗುವುದು. ಇದನ್ನು ಶತಮಾನಗಳ ಹಿಂದೆಯೇ ಯೋಗವು ಕಲಿಸಿಕೊಟ್ಟಿದೆ. ಕೂದಲು ಉದುರುವಿಕೆ ತಡೆಯಲು ಕೂಡ ಇದು ನೆರವಾಗುವುದು ಎಂದು ಪರಿಗಣಿಸಲಾಗಿದೆ.