ಈ ರಾಶಿಚಕ್ರದ ಜನರು ಸಂಬಂಧದ ವಿಚಾರದಲ್ಲಿ ಹೆಚ್ಚು ನಿಷ್ಠಾವಂತ ಸಂಗಾತಿಗಳಾಗಿರುತ್ತಾರೆ

Subscribe to Boldsky

ಸಂಬಂಧ ಎನ್ನುವುದು ಅತ್ಯಂತ ಸೂಕ್ಷ್ಮ ಹಾಗೂ ಭಾವನಾತ್ಮಕವಾದದ್ದು. ಇಲ್ಲಿ ಒಮ್ಮೆ ನಂಬಿಕೆಗೆ ದ್ರೋಹ ಉಂಟಾದರೆ ಸಂಬಂಧ ಬಹುಬೇಗ ಹಾಳಾಗುವುದು. ಸಂಗಾತಿಗಳಾಗಿ ಅಥವಾ ಪಾಲುದಾರರ ನಡುವೆ ಪರಸ್ಪರ ಪ್ರೀತಿ ವಿಶ್ವಾಸ ಇದ್ದಾಗ ಜೀವನ ಬಹು ಸಂತೋಷದಿಂದ ಕೂಡಿರುವುದು. ಸಂಗಾತಿಗಳ ನಡುವೆ ಗಟ್ಟಿಯಾದ ಬಾಂಧವ್ಯ ಹಾಗೂ ಪ್ರೀತಿ ಇರಬೇಕು ಎಂದಾದರೆ ಅಲ್ಲಿ ನಂಬಿಕೆ ಎನ್ನುವುದು ಪ್ರಭಲವಾಗಿ ಇರಬೇಕು. ಯಾವ ಸಂಬಂಧದಲ್ಲಿ ನಂಬಿಕೆ ಇರುವುದಿಲ್ಲವೋ ಅಲ್ಲಿ ಅನುರಾಗ ಅಥವಾ ಪ್ರೀತಿ ಹುಟ್ಟಲು ಸಾಧ್ಯವಿಲ್ಲ. ನಿಸ್ವಾರ್ಥ ಪ್ರೀತಿ, ಸಂಗಾತಿಗಾಗಿ ತ್ಯಾಗದ ಮನೋಭಾವ ಮೂಡಬೇಕು ಎಂದಾದರೆ ಅಲ್ಲಿ ನಂಬಿಕೆ ಎನ್ನುವುದು ಆಳವಾಗಿ ಇರಬೇಕು.

ಸಂಸಾರ ಅಥವಾ ಸಂಬಂಧಗಳು ಶಾಶ್ವತವಾಗಿ ಇರಬೇಕಾದರೆ ಹೊಂದಾಣಿಕೆಯ ಗುಣವು ಪ್ರಮುಖವಾದದ್ದು. ನಮಗಾಗಿ ಇನ್ನೊಂದು ಜೀವ ಜೀವನಪರ್ಯಂತ ಜೊತೆಯಲ್ಲಿ ಇರುವುದು, ನಮ್ಮ ಕಷ್ಟ ಸುಖಗಳಿಗೆ ಸಹಕಾರ ನೀಡುತ್ತಾ ಜೀವನ ನಡೆಸುವುದು ಎಂದರೆ ಅದೊಂದು ಅದ್ಭುತ. ನಮಗಾಗಿಯೇ ನಿಷ್ಠಾವಂತರಾಗಿ ಇರುವುದು, ತಮ್ಮ ಕನಸುಗಳನ್ನು ಬದಿಗೊತ್ತಿ ಸಂಗಾತಿಗೆ ಸಹಕಾರ ನೀಡುವುದೇ ನಿಸ್ವಾರ್ಥ ಪ್ರೀತಿ. ತ್ಯಾಗ ಎನ್ನುವುದನ್ನು ತಮ್ಮಲ್ಲಿ ಅರಗಿಸಿಕೊಂಡು ಸಂಸಾರ ಹಾಗೂ ಸಂಗಾತಿಗಾಗಿ ಜೀವನ ನಡೆಸಿದಾಗ ತೃಪ್ತಿಯ ಭಾವ ಮೂಡುವುದು.

ಆದರೆ ಕೆಲವರು ಸಂಗಾತಿಗಾಗಿ ನಿಷ್ಠೆ ಅಥವಾ ತ್ಯಾಗವನ್ನು ತೋರಿಸುವುದಿಲ್ಲ. ಕೇವಲ ಸ್ವಾರ್ಥ ಮತ್ತು ತಮ್ಮ ಇಚ್ಛೆಗೆ ಅನುಗುಣವಾಗಿ ನಡೆದುಕೊಳ್ಳುತ್ತಾರೆ. ಅಂತಹ ಸಂದರ್ಭದಲ್ಲಿ ಸಂಗಾತಿಗಳಿಗೆ ಹೊಂದಾಣಿಕೆಯ ಸಮಸ್ಯೆ ಹೆಚ್ಚಾಗುವುದು. ಸಂಬಂಧಗಳ ಬಗ್ಗೆ ಯಾವುದೇ ನಂಬಿಕೆ ಇರದು. ಜೊತೆಗೆ ಜೀವನದಲ್ಲಿ ಯಾವುದೇ ಕೆಲಸ ಕೈಗೊಳ್ಳಲು ಹುಮ್ಮಸ್ಸು ಅಥವಾ ಉತ್ಸಾಹ ಇರದು. ಬೇಸರದಲ್ಲಿಯೇ ಜೀವನ ಮುಂದೆಸಾಗುವುದು.

ಜ್ಯೋತಿಷ್ಯ ಶಾಸ್ತ್ರದ ಪ್ರಕಾರ ಕೆಲವು ರಾಶಿಚಕ್ರದವರು ಅತ್ಯಂತ ತ್ಯಾಗದ ಭಾವನೆಯನ್ನು ಹೊಂದಿರುತ್ತಾರೆ. ತಮ್ಮ ಸಂಗಾತಿಗಾಗಿ ಸಾಕಷ್ಟು ಪ್ರೀತಿ ಹಾಗೂ ಸಹಕಾರವನ್ನು ನೀಡುವರು. ಅವರು ತಮ್ಮ ಪಾಲುದಾರರೊಂದಿಗೆ ಬಹಳ ನಿಷ್ಠಾವಂತರಾಗಿ ಇರುವರು ಎನ್ನಲಾಗುವುದು. ಹಾಗಾದರೆ ಆ ರಾಶಿಚಕ್ರದವರು ಯಾರು? ನೀವು ಆ ಪಟ್ಟಿಯಲ್ಲಿ ಇದ್ದೀರಾ? ಅಥವಾ ನಿಮ್ಮ ಸಂಗಾತಿಯು ನಿಷ್ಠಾವಂತ ರಾಶಿಚಕ್ರದವರೇ? ಎನ್ನುವುದನ್ನು ತಿಳಿಯುವ ಕುತೂಹಲವಿದ್ದರೆ ಲೇಖನದ ಮುಂದಿನ ಭಾಗವನ್ನು ಪರಿಶೀಲಿಸಿ.

ಕರ್ಕ

ಕರ್ಕ

ಈ ರಾಶಿಯವರು ಅತ್ಯಂತ ಭಾವನಾತ್ಮಕ ವ್ಯಕ್ತಿಗಳಾಗಿರುತ್ತಾರೆ. ಇವರು ತಮ್ಮ ಸಂಗಾತಿ ಅಥವಾ ಪಾಲುದಾರರಿಗಾಗಿ ಎಂತಹ ಸಾಹಸ ಕಾರ್ಯಗಳನ್ನಾದರೂ ಕೈಗೊಳ್ಳುವರು. ಸಾಕಷ್ಟು ತ್ಯಾಗದ ಮೂಲಕ ಸಂಗಾತಿಯ ಪ್ರೀತಿಯನ್ನು ಗಳಿಸುವರು. ಸದಾ ರಕ್ಷಣೆಯ ಭಾವವನ್ನು ನೀಡುವ ಇವರು ಸಂಬಂಧದಲ್ಲಿ ನಿಷ್ಠಾವಂತರಾಗಿರುತ್ತಾರೆ. ಜೀವನದಲ್ಲಿ ಪ್ರೀತಿಗೆ ಅತ್ಯಂತ ಮಹತ್ವದ ಸ್ಥಾನವನ್ನು ನೀಡುವ ಇವರು ಸಂಸಾರ ಸಂತೋಷದಿಂದ ಹಾಗೂ ಸಂಗಾತಿಯನ್ನು ಖುಷಿಯಲ್ಲಿ ಇಡಲು ಬಯಸುತ್ತಾರೆ. ಇವರ ನಿಷ್ಠೆಗೆ ಯಾವುದೇ ಗಡಿಯಿಲ್ಲ ಎಂದು ಹೇಳಲಾಗುವುದು.

Most Read: ಮೀನು ಫ್ರೆಶ್ ಆಗಿದೆ ಎಂದು ತೋರಿಸಲು ಕೃತಕ ಕಣ್ಣು ಅಂಟಿಸಿ ಮೋಸ ಮಾಡಿದ ವ್ಯಾಪಾರಿ!

ವೃಶ್ಚಿಕ

ವೃಶ್ಚಿಕ

ಈ ರಾಶಿಯ ವ್ಯಕ್ತಿಗಳು ಸ್ವಭಾವತಃ ಅತ್ಯಂತ ಸೂಕ್ಷ್ಮ ವ್ಯಕ್ತಿಗಳಾಗಿರುತ್ತಾರೆ. ಇವರು ಸಂಬಂಧಕ್ಕೆ ಬದ್ಧರಾಗಿರಲು ತಮ್ಮದೇ ಆದ ಸಮಯವನ್ನು ತೆಗೆದುಕೊಳ್ಳುವರು. ಸಂಬಂಧಗಳ ಆರಂಭದಲ್ಲಿ ಇವರಿಗೆ ನಂಬಿಕೆಯಲ್ಲಿ ಕೊಂಚ ಸಮಸ್ಯೆ ಕಾಣಿಸಿಕೊಳ್ಳಬಹುದು. ಆದರೆ ನಿಧಾನವಾಗಿ ಭರವಸೆ ಗಟ್ಟಿಯಾಗುತ್ತಾ ಸಾಗುವುದು. ಸಂಬಂಧಗಳಲ್ಲಿ ಹಾಗೂ ಸಂಗಾತಿಗಾಗಿ ಅತ್ಯಂತ ತಾಳ್ಮೆಯ ಪ್ರವೃತ್ತಿಯನ್ನು ತೋರುವುದರ ಮೂಲಕ ಪ್ರೀತಿಯನ್ನು ಗಳಿಸುವರು. ಇವರು ಒಮ್ಮೆ ಸಂಗಾತಿಯ ಬಗ್ಗೆ ನಂಬಿಕೆ ಹಾಗೂ ಪ್ರೀತಿಯನ್ನು ಪಡೆದುಕೊಂಡರು ಎಂದರೆ ಅದನ್ನು ಸುರಕ್ಷಿತವಾಗಿರಿಸಿಕೊಳ್ಳಲು ನೋಡುವರು. ಜೊತೆಗೆ ಅತ್ಯಂತ ಭಾವೋದ್ರಿಕ್ತ ಭಾವನೆಯನ್ನು ತೋರುವರು. ಇವರು ಅತ್ಯಂತ ಆರೈಕೆಯನ್ನು ಮಾಡುವ ಮತ್ತು ವಿಶ್ವಾಸಾರ್ಹ ಪಾಲುದಾರರು ಎನಿಸಿಕೊಳ್ಳುವರು.

ವೃಷಭ

ವೃಷಭ

ಈ ರಾಶಿಯ ವ್ಯಕ್ತಿಗಳು ಸಂಬಂಧಗಳಿಗೆ ಅಥವಾ ಸಂಗಾತಿಗೆ ಅತ್ಯಂತ ಪ್ರೀತಿ ತೋರುವುದರ ಮೂಲಕ ಶರಣಾಗುತ್ತಾರೆ. ಇವರು ಸಂಬಂಧದಲ್ಲಿ ಒಮ್ಮೆ ನಿರ್ಣಯ ತೆಗೆದುಕೊಂಡರೆ ಅದನ್ನು ಅಷ್ಟು ಸುಲಭವಾಗಿ ಹಿಂತೆಗೆದುಕೊಳ್ಳುವುದಿಲ್ಲ. ಈ ರಾಶಿಚಕ್ರದವರು ಸ್ವಭಾವತಃ ಬಹಳ ಸ್ಥಿರ ಮತ್ತು ಪ್ರಾಯೋಗಿಕವಾಗಿ ಇರುತ್ತಾರೆ. ದೀರ್ಘಾವಧಿಯ ಸಂಬಂಧವನ್ನು ಕಾಪಾಡಿಕೊಳ್ಳಲು ಮುಂದಾಗುತ್ತಾರೆ. ಇವರು ಸಂಗಾತಿಗೆ ಸಹಕಾರ ಹಾಗೂ ಪ್ರೀತಿ-ರಕ್ಷಣೆಯನ್ನು ನೀಡುವ ವ್ಯಕ್ತಿಗಳಾಗಿರುತ್ತಾರೆ.

ತುಲಾ

ತುಲಾ

ಇವರು ಸಂಬಂಧಗಳಲ್ಲಿ ಸಮತೋಲನವನ್ನು ಕಾಯ್ದುಕೊಳ್ಳಲು ಮುಂದಾಗುತ್ತಾರೆ. ಶಾಂತಿ ಪ್ರಿಯರಾದ ಇವರು ಸಂಬಂಧದಲ್ಲಿ ಪ್ರೀತಿ ವಿಶ್ವಾಸವನ್ನು ಬಯಸುತ್ತಾರೆ. ಜೊತೆಗೆ ತಮ್ಮ ವರ್ತನೆಯನ್ನು ಹಾಗೆಯೇ ಇರಿಸಿಕೊಳ್ಳುವರು. ಉತ್ತಮ ಭವಿಷ್ಯದ ಯೋಜನೆಯನ್ನು ಕೈಗೊಳ್ಳುವುದರ ಮೂಲಕ ಸಂಗಾತಿಗೆ ಉತ್ತಮ ಸ್ಥಿತಿಯನ್ನು ಕಲ್ಪಿಸಿಕೊಡುವರು.

Most Read: ಈ ರಾಶಿಯವರೊಂದಿಗೆ ಡೇಟಿಂಗ್ ಮಾಡುವಾಗ ಎರಡೆರಡು ಬಾರಿ ಆಲೋಚಿಸಿ

ಮಕರ

ಮಕರ

ಇವರು ಸಾಮೂಹಿಕ ಡೇಟಿಂಗ್ ಹಾಗೂ ತೋರ್ಪಡಿಕೆಯ ಪ್ರೀತಿಯನ್ನು ಇಷ್ಟಪಡುವುದಿಲ್ಲ. ಇವರು ಪ್ರೀತಿಯನ್ನು ಆಂತರಿಕ ಭಾವನೆಯಲ್ಲಿಯೂ ಇರಬೇಕು ಎಂದು ಬಯಸುವ ವ್ಯಕ್ತಿಗಳು. ತಾವು ತೋರಿಸುವ ಪ್ರೀತಿಯು ನಿಷ್ಠಾವಂತವಾಗಿರಬೇಕು ಹಾಗೂ ಸಂಗಾತಿ ತೋರುವ ಪ್ರೀತಿಯು ಶುದ್ಧವಾಗಿರಬೇಕು ಎಂದು ಬಯಸುವರು. ಸಹಾನುಭೂತಿಯ ವ್ಯಕ್ತಿಗಳಾದ ಇವರು ಸಂಬಂಧಗಳ ವಿಚಾರದಲ್ಲಿ ಗಂಭೀರತೆಯನ್ನು ತೋರುವರು. ಇವರು ತಮ್ಮ ಸಂಗಾತಿಗೆ ಯಾವುದೇ ರೀತಿಯ ಮೋಸವನ್ನು ಮಾಡಲಾರರು.

ಸಿಂಹ

ಸಿಂಹ

ಇವರು ತಮ್ಮವರು ಅಥವಾ ಸಂಗಾತಿ ಎಂದಾದರೆ ಅತ್ಯಂತ ಪ್ರೀತಿಯನ್ನು ತೋರುವರು. ಸುಂದರವಾದ ಕುಟುಂಬ ಹಾಗೂ ನಿಸ್ವಾರ್ಥ ಪ್ರೀತಿಯನ್ನು ತೋರುವುದರ ಮೂಲಕ ಸುಂದರ ಜೀವನವನ್ನು ನಡೆಸುವರು. ಸಾಹಸಿಗಳು ಹಾಗೂ ಧೈರ್ಯವಂತರಾದ ಇವರು ಸಂಗಾತಿಯೊಂದಿಗೆ ಸದಾ ಪ್ರೀತಿಯಿಂದ ಇರುವರು. ಅಲ್ಲದೆ ಉತ್ತಮ ವಿನೋದವನ್ನು ಮಾಡುವುದರ ಮೂಲಕ ಹೆಚ್ಚು ಸಂತೋಷವನ್ನು ನೀಡುವರು.

For Quick Alerts
ALLOW NOTIFICATIONS
For Daily Alerts

    English summary

    zodiac signs make the most loyal partners in a relationship

    Won’t it be great if we could have an idea about how loyal our partner would be before entering into a relationship? Although, everyone has their own definition of loyalty and there are no sure-shot signs to decide how loyal a person is, but we can always turn to astrology for some help. Here are the zodiac signs that are most loyal in a relationship.
    Story first published: Wednesday, November 21, 2018, 13:00 [IST]
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more