ಹಾವುಗಳೇ ಈಕೆಯ ಸ್ನೇಹಿತೆಯರು! ವಿಡಿಯೋ ನೋಡಿ

ಹಾವುಗಳನ್ನು ಕಂಡು ಬೆಚ್ಚಿ ಬೀಳುವವರೇ ಹೆಚ್ಚು. ಯಾಕೆಂದರೆ ಅವುಗಳಲ್ಲಿ ಇರುವಂತಹ ವಿಷವು ಪ್ರಾಣಕ್ಕೆ ಕುತ್ತು ತರಬಹುದು ಎನ್ನುವ ಭೀತಿ. ಆದರೆ ಕೆಲವರು ಹಾವುಗಳನ್ನು ಕೂಡ ಪ್ರೀತಿಸುವರು. ಲಂಡನ್ ನಲ್ಲಿ ಹುಡುಗಿಯೊಬ್ಬಳು ತನ್ನ ಮನೆಯಲ್ಲಿ ಹಾವುಗಳ ದೊಡ್ಡ ಸಂಗ್ರಹವನ್ನೇ ಮಾಡಿದ್ದಾಳೆ. ಇದರಲ್ಲಿ ಆಕೆ ಹಲವಾರು ರೀತಿಯ ಹಾವುಗಳನ್ನು ಸಾಕಿದ್ದಾರೆ. ಬರ್ಮಾದ ಸುಮಾರು 16 ಅಡಿ ಉದ್ದದ ಹೆಬ್ಬಾವು ಕೂಡ ಈಕೆಯ ಸಂಗ್ರಹದಲ್ಲಿದೆ. ಈ ಪ್ರಾಣಿ ಪ್ರಿಯೆಗೆ ಕೇವಲ 21ರ ಹರೆಯ. ಪಶುವೈದ್ಯ ನರ್ಸ್ ಆಗಿರುವ ಝೀ ಎಂಬಾಕೆ ತನ್ನ ಆರನೇ ವಯಸ್ಸಿನಲ್ಲಿ ಹಾವುಗಳ ಕಡೆ ಆಕರ್ಷಣೆಗೆ ಒಳಗಾಗಿದ್ದಾಳೆ.

14ನೇ ವಯಸ್ಸಿನಲ್ಲಿ ಈಕೆ ತನ್ನ ಸೋದರನ ಜತೆಗೆ ಒಂದು ಹಾವನ್ನು ಹಿಡಿದುಕೊಂಡು ಮನೆಗೆ ಬಂದು, ತನ್ನ ಹಾವುಗಳ ಕೊಠಡಿಯಲ್ಲಿಟ್ಟು ಸಾಕಲು ಆರಂಭಿಸಿದಳು. ಈಗ ಝೀ ಬಳಿಯಲ್ಲಿ ಸುಮಾರು 16 ಹಾವುಗಳು ಇವೆ. ಇದರಲ್ಲಿ 16 ಅಡಿ ಉದ್ದದ ಬರ್ಮಾದ ಹೆಬ್ಬಾವು ಕೂಡ ಸೇರಿದೆ. ಇದು ಅಲ್ಲೇ ಲಾಬಿಯಲ್ಲಿ ಸುತ್ತಲು ಓಡಾಡುತ್ತಾ ಇರುತ್ತದೆ.

ಸಂದರ್ಶನವೊಂದರಲ್ಲಿ ಮಾತನಾಡಿದ ಆಕೆ, ನಾನು ಲೆಕ್ಕಹಾಕಲಾಗದ ಸಂದರ್ಭಗಳಲ್ಲಿ ಕಡಿತಕ್ಕೆ ಒಳಗಾಗಿದ್ದೇನೆ. ಕೆಲವೊಂದು ಸಲ ಲಘು, ಇನ್ನು ಕೆಲವು ಅದರ ಗಂಭೀರತೆಯನ್ನು ಅವಲಂಬಿಸಿದೆ.

ಹಾವು ಕಚ್ಚಿದರೆ ಆಗ ನೀವು ಅದರಿಂದ ಬಿಡಿಸಿಕೊಳ್ಳಬೇಕಾದರೆ ನೀವು ಮದ್ಯದಲ್ಲಿ ಹಾವಿನ ತಲೆಯನ್ನು ಮುಳಗಿಸುವುದು ಸೂಕ್ತ. ಹಾವುಗಳು ನಿಮ್ಮ ಪ್ರಾಣಕ್ಕೆ ಹಾನಿಯುಂಟು ಮಾಡಲು ಬಯಸುವುದಿಲ್ಲ. ಅವುಗಳು ತುಂಬಾ ಆತಂಕದ ಜೀವಿಗಳಾಗಿರುವ ಕಾರಣ ಕಚ್ಚುತ್ತವೆ' ಎಂದು ಹೇಳಿದ್ದಾರೆ.

ಆಕೆಯ ಸಂಗ್ರಹದಲ್ಲಿರುವ ಬರ್ಮಾದ ದೊಡ್ಡ ಹೆಬ್ಬಾವು ಸುಮಾರು 28 ಕೆಜಿ ಭಾರವಿದೆ. ಇದನ್ನು ಎತ್ತಲು ಇಬ್ಬರು ಬೇಕಂತೆ!

ಹಾವುಗಳ ಆಹಾರದ ಬಗ್ಗೆ ಮಾತನಾಡಿರುವ ಆಕೆ, ಹೆಬ್ಬಾವಿಗೆ ತಿಂಗಳಲ್ಲಿ ಒಂದು ಸಲ ದೊಡ್ಡ ಗಾತ್ರದ ಮೊಲ ನೀಡುತ್ತದೆ. ಇದು ಮೂರರಿಂದ ಆರು ಕಿ.ಲೋ. ಇರುತ್ತದೆ. ಸಣ್ಣ ಹಾವುಗಳಿಗೆ ಇಲಿಗಳು ಮತ್ತು ಅದರ ಮರಿಗಳನ್ನು ನೀಡಲಾಗುತ್ತದೆ. 16 ಅಡಿ ಉದ್ದದ ಹೆಬ್ಬಾವಿನ ಜತೆಗೆ ಮಲಗುವುದು ತನಗೆ ತುಂಬಾ ಆರಾಮ ನೀಡುತ್ತದೆ ಎಂದು ಆಕೆ ತಿಳಿಸಿದ್ದಾರೆ. ಇದರ ಬಗ್ಗೆ ನಿಮ್ಮ ಅನಿಸಿಕೆಯೇನು? ಅನಿಸಿಕೆಗಳನ್ನು ಕಮೆಂಟ್ ಬಾಕ್ಸ್ ನಲ್ಲಿ ಬರೆಯಲು ಮರೆಯದಿರಿ.