Just In
Don't Miss
- News Siddaramaiah: ಹುಬ್ಬಳ್ಳಿಯ ನೇಹಾ ಹಿರೇಮಠ ನಿವಾಸಕ್ಕೆ ಸಿಎಂ ಭೇಟಿ: ಸಿದ್ದರಾಮಯ್ಯ ಕೊಟ್ಟ ಭರವಸೆ ಏನು?
- Movies ''ಹೆಣ್ಮಕ್ಕಳು ಎಲ್ಲೆಲ್ಲೋ ಹೋದರು'' ಎಂದ ಶ್ರುತಿಗೆ ಮಹಿಳಾ ಆಯೋಗ ನೋಟಿಸ್ ; 07 ದಿನದ ಗಡುವು..!
- Sports IPL 2024: ಹೈದರಾಬಾದ್ ಅಂಗಳದಲ್ಲಿ ಗೆಲ್ಲುವುದೆ ಆರ್ಸಿಬಿ: ಟಾಸ್ ವರದಿ ಹೀಗಿದೆ
- Automobiles Honda: ಬಡವರ ಕನಸು ನನಸು.. ಕಡಿಮೆ ಬೆಲೆಗೆ ಸಿಗುತ್ತವೆ ಈ ಬೈಕ್ಗಳು
- Technology Sennheiser: ಭಾರತದಲ್ಲಿ ಸೆನ್ಹೈಸರ್ ಮೊಮೆಂಟಮ್ ಟ್ರೂ ವೈರ್ಲೆಸ್ 4 ಲಾಂಚ್! ಬೆಲೆ 20 ಸಾವಿರ
- Finance ಒಂದೆರಡಲ್ಲ ಒಂಬತ್ತು ಬಾರಿ ಉದ್ಯಮದಲ್ಲಿ ವಿಫಲತೆ, ಮಾನಸಿಕ ಖಿನ್ನತೆ ಸವಾಲುಗಳನ್ನು ಮೆಟ್ಟಿ ನಿಂತ ಉದ್ಯಮಿ
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಭವಿಷ್ಯದಲ್ಲಿ ನಿಮ್ಮದು ಪ್ರೇಮ-ವಿವಾಹವಾಗಲಿದೆಯೇ? ಹಸ್ತರೇಖೆಗಳು ಈ ಸತ್ಯವನ್ನು ಬಿಚ್ಚಿ ಡಬಲ್ಲವು!
ಪ್ರತಿ ವ್ಯಕ್ತಿಯ ಬದುಕಿನಲ್ಲಿಯೂ ಪ್ರೇಮ ಮತ್ತು ವಿವಾಹ ಇವೆರಡೂ ಅತಿ ಮಹತ್ವವಾದ ಘಟ್ಟಗಳಾಗಿವೆ. ಪ್ರೀತಿಸಿದ ವ್ಯಕ್ತಿಯೊಂದಿಗೇ ವಿವಾಹವಾಗುವುದಾದರೆ ಇದು ಪ್ರೀತಿಗೂ ವಿವಾಹಕ್ಕೂ ಹೆಚ್ಚಿನ ಮೆರುಗು ನೀಡುತ್ತದೆ. ಒಂದು ವೇಳೆ ನೀವಿನ್ನೂ ಅವಿವಾಹಿತರಾಗಿದ್ದರೆ, ನಿಮ್ಮ ವಿವಾಹ ಪ್ರೇಮವಿವಾಹವಾಗುವುದೇ ಎಂಬುದನ್ನು ನಿಮ್ಮ ಹಸ್ತದ ರೇಖೆಗಳು ಪ್ರಚುರಗೊಳಿಸಬಲ್ಲವು. ಹಸ್ತದಲ್ಲಿರುವ ಉದ್ಯೋಗ, ನಡವಳಿಕೆ ಮೊದಲಾದವುಗಳನ್ನು ವ್ಯಕ್ತಗೊಳಿಸುವ ರೇಖೆಗಳಂತೆಯೇ ಕೆಲವು ರೇಖೆಗಳು ಭವಿಷ್ಯದಲ್ಲಿ ನಿಮ್ಮ ವಿವಾಹ ಪ್ರೇಮವಿವಾಹವೇ ಎಂಬುದನ್ನು ಸ್ಪಷ್ಟಗೊಳಿಸಲಿವೆ.
ವಿವಾಹ ರೇಖೆ:
ಮೊದಲಿಗೆ ವಿವಾಹ ರೇಖೆ ಎಂದರೇನು ಎಂಬುದನ್ನು ನೋಡೋಣ. ಹಸ್ತದ ಕಿರುಬೆರಳಿನ ಕೆಳಗೆ, ಹಸ್ತದ ಹಿಂಭಾಗದಿಂದ ಪ್ರಾರಂಭವಾಗುವಂತೆ ತೋರುವ ಸ್ಪಷ್ಟವಾದ, ಆದರೆ ಕಿರಿದಾಗಿದ್ದು ಆಳವಾಗಿಯೂ ಇರುತ್ತದೆ. ಆದರೆ ಪ್ರತಿ ವ್ಯಕ್ತಿಯಲ್ಲಿಯೂ ಈ ರೇಖೆ ಚಿಕ್ಕ ಪುಟ್ಟ ವ್ಯತ್ಯಾಸಗಳನ್ನು ಹೊಂದಿರುತ್ತದೆ. ಈ ಚಿಕ್ಕ ವ್ಯತ್ಯಾಸಗಳೇ ಭಿನ್ನವಾದ ಸೂಚನೆಗಳನ್ನು ನೀಡುತ್ತವೆ.
ಹೃದಯ ರೇಖೆ:
ವಿವಾಹ ರೇಖೆಯನ್ನು ಅರಿಯುವ ಮುನ್ನ ಇನ್ನೊಂದು ರೇಖೆಯನ್ನು ಅರಿಯುವುದು ಅಗತ್ಯವಾಗಿದೆ, ಇದೇ ಹೃದಯ ರೇಖೆ. ಹಸ್ತದಲ್ಲಿ ಆಳವಾಗಿ, ಸ್ಪಷ್ಟವಾಗಿ ಕಾಣುವ ರೇಖೆಗಳಲ್ಲಿ ಈ ರೇಖೆಯೂ ಒಂದಾಗಿದೆ.
ಈ ರೇಖೆ ವ್ಯಕ್ತಿಯ ನಡವಳಿಕೆಯನ್ನು ತಿಳಿಸುವ ಜೊತೆಗೇ ಆ ವ್ಯಕ್ತಿಯ ಪ್ರೇಮಜೀವನದ ಬಗ್ಗೆಯೂ ವಿವರಗಳನ್ನು ನೀಡುತ್ತದೆ. ಅಷ್ಟಕ್ಕೂ, ಪ್ರೀತಿಗೂ ಹೃದಯಕ್ಕೂ ಆಳವಾದ ಮತ್ತು ನಿಕಟವಾದ ಸಂಬಂಧವಿರುವುದು ನಮಗೆಲ್ಲಾ ತಿಳಿದಿದೆ. ಭವಿಷ್ಯದಲ್ಲಿ ನೀವು ಪ್ರೀತಿಸಿದ ವ್ಯಕ್ತಿಯನ್ನು ವರಿಸಲು ಸಾಧ್ಯವೇ? ಈ ವ್ಯಕ್ತಿಯೊಂದಿಗೆ ಜಗತ್ತನ್ನು ಜೊತೆಯಾಗಿ ವಿಹರಿಸಲು ಸಾಧ್ಯವೇ? ಪರಸ್ಪರರ ಸಾಂಗತ್ಯದಲ್ಲಿ ಜೀವನದಲ್ಲಿ ಮುಂದೆ ಬರಲು ಸಾಧ್ಯವೇ, ಮೊದಲಾದವು ನಿಮ್ಮ ಮನದಲ್ಲಿ ಈಗಾಗಲೇ ಮೂಡಿರಬಹುದು. ಈ ಎಲ್ಲಾ ಪ್ರಶ್ನೆಗಳಿಗೆ ನಿಮ್ಮ ಹಸ್ತದ ಹೃದಯ ಹಾಗೂ ಜೀವನ ರೇಖೆಗಳೇ ಉತ್ತರ ನೀಡಲಿವೆ.
ನಿಮ್ಮ ಜೀವನದ ಯಶಸ್ಸು ಹಾಗೂ ಪ್ರೀತಿಯ ಸಾಫಲ್ಯವನ್ನು ಈ ರೇಖೆಗಳು ವಿವರಿಸುತ್ತವೆ. ಬನ್ನಿ, ನಿಮ್ಮ ಪ್ರೀತಿಯ ಜೀವನ ಹೇಗೆ ಮುಂದುವರೆಯಲಿದೆ ಹಾಗೂ ಯಾವ ಗುರಿಯನ್ನು ತಲುಪಲಿದೆ ಎಂಬುದನ್ನು ಅರಿಯೋಣ. ಹಸ್ತಸಾಮುದ್ರಿಕಾಶಾಸ್ತ್ರದಲ್ಲಿ ಈ ಬಗ್ಗೆ ಹೆಚ್ಚಿನ ವಿವರಗಳನ್ನು ನೀಡಲಾಗಿದ್ದು ಇವುಗಳಲ್ಲಿ ಪ್ರಮುಖವಾದುದನ್ನು ಅರಿಯೋಣ:
1
ಒಂದು ವೇಳೆ ಹೃದಯ ಮತ್ತು ವಿವಾಹ ರೇಖೆಗಳೆರಡೂ ಪರಸ್ಪರ ತೀರಾ ದೂರವಿದ್ದರೆ, ಈ ವ್ಯಕ್ತಿ ಶೀಘ್ರವೇ ಅಂದರೆ ಇಪ್ಪತ್ತು ತುಂಬುವ ಮುನ್ನವೇ ವಿವಾಹವಾಗುವ ಯೋಗ ಹೊಂದಿರುತ್ತಾರೆ. ಅಲ್ಲದೇ ಈ ವ್ಯಕ್ತಿಗಳು ತಮ್ಮ ಜೀವನಸಂಗಾತಿಯನ್ನು ತಾವೇ ಹುಡುಕಿಕೊಳ್ಳುತ್ತಾರೆ ಹಾಗೂ ಬಹುತೇಕ ಈ ವಿವಾಹ ಪ್ರೇಮವಿವಾಹವೇ ಆಗಿರುತ್ತದೆ.
2
ಒಂದು ವೇಳೆ ವಿವಾಹರೇಖೆ ಪ್ರಾರಂಭವಾಗುವಲ್ಲಿ ಚಿಕ್ಕ ದಿಬ್ಬದಂತೆ ರೇಖೆ ವಕ್ರವಾಗಿದ್ದರೆ ವಿವಾಹವಾಗುತ್ತಿರುವ ಯುವತಿ ಯಾವುದೋ ತಪ್ಪು ತಿಳಿವಳಿಕೆಗೆ ಗುರಿಯಾಗಿರುವ ಸಾಧ್ಯತೆಗಳು ಹೆಚ್ಚಾಗಿರುತ್ತವೆ.
3
ಇದೇ ಪ್ರಕಾರ, ಒಂದು ವೇಳೆ ಹೃದಯ ರೇಖೆ ಮುಂದುವರೆಯುತ್ತಾ ಕೆಳಕ್ಕಿಳಿಯುತ್ತಾ ವಿವಾಹರೇಖೆಯನ್ನು ಹಾದು ಹೋಗುತ್ತಿದ್ದರೆ ಇದು ದುರಾದೃಷ್ಟಕರ ಎಂದು ಪರಿಗಣಿಸಲಾಗುತ್ತದೆ. ಈ ವ್ಯಕ್ತಿಗಳು ಪ್ರೇಮವಿವಾಹವಾಗಿದ್ದರೂ ಈ ಮದುವೆಯ ಬಳಿಕ ಜೀವನದಲ್ಲಿ ಹಲವಾರು ಕಷ್ಟಗಳನ್ನು ಎದುರಿಸಬೇಕಾಗುತ್ತದೆ.
4
ಒಂದು ವೇಳೆ ವಿವಾಹರೇಖೆಯ ಬಳಿ ತ್ರಿಶೂಲದಂತಹ ಚಿಹ್ನೆ ಕಂಡುಬಂದರೆ ಇದು ತುಂಬಾ ಅದೃಷ್ಟಕರ ಎಂದು ಪರಿಗಣಿಸಲ್ಪಡುತ್ತದೆ. ಈ ವ್ಯಕ್ತಿಗಳು ತಾವು ಪ್ರೀತಿಸಿದ ವ್ಯಕ್ತಿಯನ್ನೇ ಜೀವನಸಂಗಾತಿಯನ್ನಾಗಿ ಪಡೆಯಲಿದ್ದಾರೆ ಹಾಗೂ ಜೀವನವಿಡೀ ಇವರು ಸಂತಸದಿಂದ ಜೀವನ ಕಳೆಯಲಿದ್ದಾರೆ.
5
ಒಂದು ವೇಳೆ ವಿವಾಹರೇಖೆಯ ಬಳಿ ಚಿಕ್ಕ ಚೌಕಾಕಾರದ ಗುರುತೇನಾದರೂ ಕಂಡು ಬಂದರೆ ಈ ವ್ಯಕ್ತಿಗಳು ಜೀವನದ ಮುಂದಿನ ವರ್ಷಗಳಲ್ಲಿ ಆರೋಗ್ಯ ಸಂಬಂಧಿ ತೊಂದರೆಗಳು ಎದುರಾಗುವ ಸಾಧ್ಯತೆಗಳು ಹೆಚ್ಚಾಗಿವೆ. ಹಸ್ತಸಾಮುದ್ರಿಕೆಯ ಪ್ರಕಾರ ನಿಮಗೆ ಇಷ್ಟವಾಗದಿದ್ದರೂ ಸರಿ ಈ ಮಾಹಿತಿಯನ್ನು ಒಪ್ಪಿಕೊಳ್ಳಲೇಬೇಕಾಗುತ್ತದೆ.