ಇವು ಅಂಗೈ ಮೇಲಿರುವ ದುರಾದೃಷ್ಟದ ರೇಖೆಗಳು! ನಿಮ್ಮ ಕೈಯಲ್ಲಿಯೂ ಇದೆಯಾ?

ಮುಖ್ಯ ರೇಖೆಯು ತುಂಡಾಗಿದ್ದರೆ…

ನಿಮ್ಮ ಅಂಗೈ ಮೇಲಿನ ರೇಖೆಗಳು ತುಂಡಾಗಿದ್ದರೆ ಅದರಲ್ಲೂ ಮುಖ್ಯ ರೇಖೆಯು ತುಂಡಾಗಿದ್ದರೆ ಇದನ್ನು ತುಂಬಾ ಕೆಟ್ಟದು ಎಂದು ಪರಿಗಣಿಸಲಾಗಿದೆ. ತಜ್ಞರ ಪ್ರಕಾರ ರೇಖೆಯು ತುಂಡಾಗಿದ್ದರೆ ಆಗ ಆ ವ್ಯಕ್ತಿಗೆ ಸಮಸ್ಯೆಗಳು ಕಾಣಿಸಿಕೊಳ್ಳುವುದು. ಉದಾಹರಣೆಗೆ ಮದುವೆಯ ಗೆರೆಯು ತುಂಡಾಗಿದ್ದರೆ ಆಗ ವೈವಾಹಿಕ ಜೀವನದಲ್ಲಿ ಸಮಸ್ಯೆಗಳು ಬರಬಹುದು ಮತ್ತು ಜೀವನದಲ್ಲಿ ಇಂತಹ ವ್ಯಕ್ತಿಗಳು ವಿಚ್ಛೇದನಕ್ಕೆ ಒಳಗಾಗುವ ಸಾಧ್ಯತೆಯು ಹೆಚ್ಚಾಗಿರುವುದು.

ಜೀವನದ ರೇಖೆಯು ತುಂಡಾಗಿದ್ದರೆ ಆಗ ನೀವು ತುಂಬಾ ಅನಿರೀಕ್ಷಿತ ವಾಗಿರುವಂತಹ ಅಪಘಾತಕ್ಕೆ, ತುಂಬಾ ಅಪಾಯಕಾರಿ ಪರಿಸ್ಥಿತಿ ಅಥವಾ ತೊಂದರೆ ಅಥವಾ ಅನಾರೋಗ್ಯಕ್ಕೆ ಒಳಗಾಗಲಿದ್ದೀರಿ ಎಂದು ತಜ್ಞರು ಹೇಳುತ್ತಾರೆ. ಅಂಗೈಯಲ್ಲಿ ಇರುವಂತಹ ಹೃದಯ ಗೆರೆಯು ತುಂಡಾಗಿದ್ದರೆ ಆಗ ಇದು ನಿಮ್ಮ ಭಾವನಾತ್ಮಕ ಜೀವನದಲ್ಲಿ ದೊಡ್ಡ ಮಟ್ಟದ ಹಿನ್ನಡೆ ಎಂದು ಹೇಳಲಾಗುತ್ತದೆ.

ಸರಪಳಿಯಂತಹ ವಿನ್ಯಾಸ ಇದ್ದರೆ…

ಸಣ್ಣ ಸಣ್ಣ ದ್ವೀಪಗಳಂತೆ ಇರುವಂತಹ ಚುಕ್ಕಿಗಳು ಒಂದಕ್ಕೊಂದು ಅಂಟಿಕೊಂಡಿದ್ದರೆ ಆಗ ಇದನ್ನು ನೀವು ಸರಪಳಿ ವಿನ್ಯಾಸ ಎಂದು ಹೇಳಬಹುದು. ಸರಪಳಿಯಂತಹ ವಿನ್ಯಾಸವು ಅಂಗೈಯ ಯಾವುದೇ ಭಾಗದಲ್ಲಿ ಇದ್ದರೂ ಇದು ತುಂಬಾ ದುರಾದೃಷ್ಟ ಎಂದು ತಜ್ಞರು ಹೇಳುತ್ತಾರೆ. ಇಂತಹ ಸರಪಳಿಯಿಂದ ನಿಮ್ಮ ಜೀವನದಲ್ಲಿ ತುಂಬಾ ಕೆಟ್ಟ ಘಟನೆಗಳು ನಡೆಯಲಿದೆ ಎಂದು ಹೇಳಬಹುದು. ಉದಾಹರಣೆಗೆ ತಲೆಯ ಗೆರೆಯು ಆರಂಭದಿಂದ ಅಂತ್ಯದ ತನಕ ಸರಪಳಿ ಆಗಿದ್ದರೆ ಆಗ ನಿಮಗೆ ಮೆದುಳಿಗೆ ಸಂಬಂಧಿಸಿದಂತಹ ಆರೋಗ್ಯ ಸಮಸ್ಯೆಯು ಕಾಣಿಸಿಕೊಳ್ಳಬಹುದು.

Most Read:ಅಂಗೈ ಶಾಸ್ತ್ರ: ಅಂಗೈ ಮೇಲಿನ ರೇಖೆಗಳು ಸಂತಾನಫಲದ ಬಗ್ಗೆ ತಿಳಿಸುತ್ತದೆಯಂತೆ!

ಒಂದು ದ್ವೀಪವಿದ್ದರೆ…

ಅಂಗೈಶಾಸ್ತ್ರದಲ್ಲಿ ದ್ವೀಪವನ್ನು ಅಡೆತಡೆ ಮತ್ತು ಧ್ವಂಸದ ಸಂಕೇತ ಎಂದು ಪರಿಗಣಿಸಲಾಗಿದೆ. ಅಂಗೈಯ ಮುಖ್ಯ ರೇಖೆಯಲ್ಲಿ ಕಾಣಿಸಿಕೊಳ್ಳುವಂತಹ ದ್ವೀಪವು ದುರಾದೃಷ್ಟದ ಸಂಕೇತ ಎಂದು ತಜ್ಞರು ಬಹಿರಂಗಪಡಿಸುವರು. ಉದಾಹರಣೆಗೆ, ತಲೆಯ ರೇಖೆಯಲ್ಲಿ ದ್ವೀಪವಿದ್ದರೆ ಆಗ ಇದು ದುರಾದೃಷ್ಟದ ಸಂಕೇತ. ನೀವು ತುಂಬಾ ತೊಂದರೆಗೊಳಗಾಗುವ ವ್ಯಕ್ತಿ ಎಂದು ಇದು ಹೇಳುತ್ತದೆ. ನಿಮಗೆ ಸ್ವಲ್ಪ ಕಾಲ ನೆನಪಿನ ಶಕ್ತಿಯು ಕುಂದುವ ಸಮಸ್ಯೆಯು ಕಾಣಿಸುವುದು. ಇನ್ನೊಂದು ಕಡೆ ವಿಧಿ ರೇಖೆ ಮೇಲೆ ಏನಾದರೂ ದ್ವೀಪವಿದ್ದರೆ ಆಗ ನಿಮ್ಮ ವೃತ್ತಿ ಜೀವನದಲ್ಲಿ ಎದುರಿಸುವಂತಹ ಸಮಸ್ಯೆಗಳನ್ನು ಇದು ಹೇಳುತ್ತದೆ ಎಂದು ತಜ್ಞರು ವಿವರಿಸುತ್ತಾರೆ. ಸೂಚನೆ: ಅಂಗೈ ಮೇಲೆ ಇರುವಂತಹ ನಿಖರವಾದ ದ್ವೀಪದಂತೆ ನೀವು ತೀವ್ರವಾಗಿರುವ ಸಮಸ್ಯೆಗಳನ್ನು ಎದುರಿಸಲಿರುವಿರಿ.

ಅಂಗೈ ಮೇಲೆ ಮಚ್ಚೆಗಳು

ಅಂಗೈ ಮೇಲೆ ಮಚ್ಚೆಗಳು ಅಥವಾ ಯಾವುದೇ ರೀತಿಯ ಕಲೆಗಳು ಇದ್ದರೆ ಆಗ ನಿಮ್ಮ ಶಕ್ತಿಯ ಹರಿವಿನಲ್ಲಿ ತೊಂದರೆ ಕಾಣಿಸಿಕೊಳ್ಳುವುದು ಎಂದು ತಜ್ಞರು ಅಭಿಪ್ರಾಯಪಟ್ಟಿದ್ದಾರೆ. ಅಂಗೈ ಮೇಲೆ ಇರುವಂತಹ ಮಚ್ಚೆಗಳು ಅಥವಾ ಬಿಂದುಗಳು ಯಾವುದೇ ದೊಡ್ಡ ಸಂಕಷ್ಟ, ಅನಾರೋಗ್ಯ ಮತ್ತು ಅಪಘಾತದ ಸೂಚನೆಯಾಗಿದೆ. ಉದಾಹರಣೆಗೆ, ಹೃದಯ ರೇಖೆಯ ಮೇಲೆ ಮಚ್ಚೆಯು ಇದ್ದರೆ ಆಗ ಜೀವನದಲ್ಲಿ ದೊಡ್ಡ ಮಟ್ಟದ ಭಾವನಾತ್ಮಕ ಸಮಸ್ಯೆ ಎದುರಿಸಲಿದ್ದೀರಿ.

ಕೆಳಮುಖವಾಗಿರುವ ರೇಖೆಗಳು

ಮುಖ್ಯ ರೇಖೆಯಿಂದ ಕೆಲವು ರೇಖೆಗಳು ಒಡೆದು ಶಾಖೆಗಳಾಗಿ ಕೆಳಮುಖವಾಗಿ ಇದ್ದರೆ ಇದು ತುಂಬಾ ದುರಾದೃಷ್ಟ ಎಂದು ಹೇಳಲಾಗುತ್ತದೆ. ತಜ್ಞರು ಹೇಳುವ ಪ್ರಕಾರ ಮುಖ್ಯ ರೇಖೆ ಮೇಲೆ ಶಾಖೆಗಳು ಕಾಣಿಸಿಕೊಂಡರೆ ಅದು ಆ ವ್ಯಕ್ತಿಗೆ ದೊಡ್ಡ ಮಟ್ಟದ ಸಮಸ್ಯೆಯನ್ನು ಉಂಟು ಮಾಡಲಿದೆ ಎಂದು ಹೇಳಬಹುದು. ಉದಾಹರಣೆಗೆ ಜೀವರೇಖೆಯ ಮಧ್ಯಭಾಗದಿಂದ ಆರಂಭವಾದ ಶಾಖೆಗಳು ಕೆಳಮುಖವಾಗಿ ಇದ್ದರೆ ಆಗ ಇದು ನೀವು ಸುಲಭವಾಗಿ ಆರಾಮದಾಯಕ ವಲಯದಿಂದ ಹೊರಗೆ ಹೋಗಲಾರಿರಿ ಎನ್ನುವುದರ ಸೂಚನೆಯಾಗಿದೆ. ನಿಮಗೆ ಮಧ್ಯ ವಯಸ್ಸಿನಲ್ಲಿ ಆರೋಗ್ಯ ಸಮಸ್ಯೆಗಳು ಕಂಡು ಬರಬಹುದು ಎಂದು ತಜ್ಞರು ತಿಳಿಸುತ್ತಾರೆ.

Most Read:ಅಂಗೈ ಮೇಲಿರುವ ರೇಖೆಯಿಂದ ನಿಮ್ಮ ವೃತ್ತಿ ಯಾವುದೆಂದು ತಿಳಿಯಿರಿ

ಶನಿಯ ಉಂಗುರ

ಶನಿಯ ಪವರ್ತದ ಮೂಲದಲ್ಲಿ ನಿಮಗೆ ಉಂಗುರವು ಕಾಣಿಸಿಕೊಂಡರೆ ಮತ್ತು ಇದು ಮಧ್ಯದ ಬೆರಳನ್ನು ಕೆಳಭಾಗದಲ್ಲಿ ಸುತ್ತಿಕೊಂಡಿದ್ದರೆ ಆಗ ಇದು ತುಂಬಾ ದುರಾದೃಷ್ಟ ಎಂದು ಪರಿಗಣಿಸಲಾಗಿದೆ ಮತ್ತು ಅಶುಭ ಕೂಡ. ಇಂತಹ ರೇಖೆಯು ಕಾಣಿಸಿ ಕೊಂಡರೆ ಆಗ ಅದನ್ನು ಸೆರೆವಾಸ, ನಿರ್ಬಂಧ, ಅಡೆತಡೆಗಳು, ಹತಾಶೆ ಎಂದು ಪರಿಗಣಿಸಲಾಗಿದೆ. ಇಂತಹ ರೇಖೆಗಳು ನಿಮ್ಮ ಅಂಗೈ ಮೇಲೆ ಇದ್ದರೆ ಆಗ ನೀವು ಬೇರೆಯವರ ನಿರ್ಧಾರಕ್ಕೆ ಕಟ್ಟುಬೀಳುವವರು ಎಂದು ಹೇಳಲಾಗಿದೆ. ನಿಮಗೆ ಜೀವನವನ್ನು ಹೇಗೆ ಆನಂದಿಸಬೇಕು ಎಂದು ತಿಳಿದಿರುವುದಿಲ್ಲ.

Most Read:ಜೀವನದಲ್ಲಿ ಶಾಂತಿ ಸಂಪತ್ತು ಮತ್ತು ಸಮೃದ್ಧಿ ಹೆಚ್ಚಿಸಲು, ದೇವರ ಕೋಣೆಯ ಎದುರು ತೆಂಗಿನಕಾಯಿ ಇಟ್ಟು ಪೂಜೆ ಮಾಡಿ!

ತೆಂಗಿನ ಗರಿಯಂತೆ…

ರೇಖೆಯು ಛೇದನಗೊಂಡು ಹಲವಾರು ಶಾಖೆಗಳಾಗಿ ಮೂಡುವುದನ್ನು ತಲೆಗರಿಯಂತೆ ಎಂದು ಕರೆಯಲಾಗುತ್ತದೆ. ಇಂತಹ ಪರಿಸ್ಥಿತಿಯು ರೇಖೆಯ ಅಂತ್ಯದಲ್ಲಿ ಕಾಣಿಸಿಕೊಳ್ಳುವುದು ಮತ್ತು ಅಂಗೈಶಾಸ್ತ್ರಜ್ಞರ ಪ್ರಕಾರ ಇದು ತುಂಬಾ ದುರಾದೃಷ್ಟ ಎಂದು ಹೇಳಲಾಗುತ್ತದೆ. ಉದಾಹರಣೆಗೆ ಜೀವ ರೇಖೆ ಮೇಲೆ ತೆಂಗಿನ ಗರಿಯ ಆಕಾರ ಇದ್ದರೆ ಆಗ ನಿಮ್ಮ ಆರೋಗ್ಯವು ಕ್ಷೀಣಿಸುತ್ತಿದೆ ಎಂದು ಹೇಳಬಹುದು. ಇನ್ನೊಂದು ಬದಿಯಲ್ಲಿ ನಿಮ್ಮಲ್ಲಿ ಯಾವಾಗಲೂ ತುಂಬಾ ಬಳಲಿದವರಂತೆ ಮತ್ತು ಏಕಾಂಗಿ ಭಾವನೆಯು ಮೂಡುವುದು.

ಅಂಗೈ ಮೇಲೆ ಮೆಶ್

ಅಂಗೈ ಮೇಲೆ ಗ್ರಿಲ್ ಅಥವಾ ಮೆಶ್ ಆಕಾರದಲ್ಲಿ ರೇಖೆಗಳು ಇರುವುದನ್ನು ಹೀಗೆ ಕರೆಯಲಾಗುತ್ತದೆ. ಒಂದೊಂದು ರೇಖೆಗಳು ಪರಸ್ಪರ ಒಂದನ್ನೊಂದು ದಾಟಿದಾಗ ಇಂತಹ ಆಕಾರವು ಮೂಡುವುದು. ಇಂತಹ ವಿನ್ಯಾಸವು ಅಂಗೈ ಮೇಲೆ ಮೂಡಿದರೆ ಇದನ್ನು ತುಂಬಾ ನಕಾರಾತ್ಮಕ ಎಂದು ಹೇಳಲಾಗುತ್ತದೆ. ಇದು ಜೀವನದ ಮೇಲೆ ನಕಾರಾತ್ಮಕ ಪರಿಣಾಮ ಬೀರುವುದು. ಇದು ಯಾವುದೇ ಒಂದು ಭಾಗದಲ್ಲಿ ಕಾಣಿಸಿಕೊಂಡರೆ ದುರಾದೃಷ್ಟವೆಂದು ಹೇಳಲಾಗದು. ಯಾಕೆಂದರೆ ಇದು ಅಂಗೈಯ ಯಾವುದೇ ಭಾಗದಲ್ಲೂ ಕಾಣಿಸಿಕೊಂಡರೂ ಅದನ್ನು ದುರಾದೃಷ್ಟ ಎಂದು ಹೇಳಲಾಗುತ್ತದೆ.

ಅಂಗೈ ಮೇಲೆ ಮೆಶ್

ಅಂಗೈ ಮೇಲೆ ಇಂತಹ ಮೆಶ್ ಆಕೃತಿಯು ಇರುವಂತಹ ವ್ಯಕ್ತಿಗಳ ಜೀವನದಲ್ಲಿ ಅಡೆತಡೆಗಳು ಮತ್ತು ಸಮಸ್ಯೆಗಳು ಕಾಣಿಸಿಕೊಳ್ಳುತ್ತದೆ ಎನ್ನುವುದರ ಸೂಚನೆ ಇದಾಗಿದೆ. ಉದಾಹರಣೆಗೆ, ಅಂಗೈ ಮೇಲೆ ಇಂತಹ ಆಕಾರವು ಬುಧನ ಪವರ್ತದ ಮೇಲೆ ಕಾಣಿಸಿಕೊಂಡರೆ ಆಗ ಆ ವ್ಯಕ್ತಿಯ ವೈಯಕ್ತಿಕ ಜೀವನದಲ್ಲಿ ಹಲವಾರು ರೀತಿಯ ಏಳುಬೀಳುಗಳನ್ನು ಎದುರಿಸಬೇಕಾಗುತ್ತದೆ ಎಂದು ಹೇಳಲಾಗುತ್ತದೆ. ಈ ಚಿಹ್ನೆಯ ಮತ್ತೊಂದು ಸಂಕೇತವೆಂದರೆ ಈ ವ್ಯಕ್ತಿಯು ಅಸಾಮಾನ್ಯ ಲೈಂಗಿಕತೆ ಹೊಂದಿರುವನು.ನಿಮ್ಮ ಅಂಗೈ ಮೇಲೆ ಯಾವ ರೀತಿಯ ಚಿಹ್ನೆಗಳು ಇದೆ ಎಂದು ತಿಳಿಯಿರಿ. ನಿಮ್ಮ ಅಂಗೈ ರೇಖೆಯ ಅನುಭವದ ಬಗ್ಗೆ ನಮಗೆ ಕಮೆಂಟ್ ಬಾಕ್ಸ್ ನಲ್ಲಿ ತಿಳಿಸಿ. ಅಂಗೈ ಶಾಸ್ತ್ರದ ಬಗ್ಗೆ ಇಂತಹ ಹಲವಾರು ರೀತಿಯ ಲೇಖನಗಳನ್ನು ಓದಲು ನೀವು ಇದೇ ವಿಭಾಗದಲ್ಲಿ ಯಾವಾಗಲೂ ಓದುತ್ತಲಿರಿ. ಇನ್ನಷ್ಟು ಅಂಗೈಶಾಸ್ತ್ರದ ಲೇಖನಗಳನ್ನು ನಾವು ನಿಮ್ಮ ಮುಂದಿಡಲಿದ್ದೇವೆ.