ಶಿಶ್ನದ ಬಗ್ಗೆ ನೀವು ತಿಳಿದಿರದ ಕೆಲವೊಂದು ಆಸಕ್ತಿಕರ ಸಂಗತಿಗಳು

ನಿಮ್ಮ ಮೊದಲ ಉದ್ರೇಕ

ನಿಮಗೆ ಮೊದಲು ಯಾವಾಗ ಉದ್ರೇಕವಾಗಿತ್ತು ಎಂದು ತಲೆ ತುರಿಸಲು ಹೋಗಬೇಡಿ, ಏಕೆಂದರೆ ಈ ಸಹಜಗುಣಗಳನ್ನು ಮಗುವಿನ್ನೂ ತಾಯಿಯ ಗರ್ಭದಲ್ಲಿದ್ದಾಗಲೇ ಪ್ರಕಟಿಸ ತೊಡಗುತ್ತದೆ. ಹೆರಿಗೆಗೂ ಮುನ್ನ ನಡೆಸಿದ ಅಲ್ಟ್ರಾಸೌಂಡ್ ಸ್ಕ್ಯಾನ್ ಮೂಲಕ ಶಿಶುವಿನ ಬೆಳವಣಿಗೆಯನ್ನು ಗಮನಿಸಿದಾಗ ಮಗುವಿನ ಗಾತ್ರದ ಅನುಪಾತದಲ್ಲಿ ಮಗುವಿನ ಶಿಶ್ನವೂ ಪೂರ್ಣ ಪ್ರಮಾಣದ ಉದ್ರೇಕ ಸ್ಥಿತಿ ಪಡೆದಿರುವುದನ್ನು ಗಮನಿಸಲಾಗಿದೆ. 1991ರಲ್ಲಿ ನಡೆಸಿದ ಒಂದು ಅಧ್ಯಯನದ ಪ್ರಕಾರ ಮಗು ಗರ್ಭದಲ್ಲಿಯೇ ಗಾಢ ನಿದ್ದೆ ಹೊಂದಿದ್ದು ಕಣ್ಣುಗುಡ್ಡೆಗಳು ತೀವ್ರ ಚಲನೆಯನ್ನು ತೋರಿದಾಗ (andom eye movement (REM)ಗರಿಷ್ಟ ಉದ್ರೇಕತೆಯನ್ನು ಪಡೆಯುತ್ತದೆ. ಅಲ್ಲದೇ ಒಂದು ಬಾರಿ ಮಾತ್ರವಲ್ಲ, ಪ್ರತಿಘಂಟೆಯಲ್ಲಿ ಹಲವಾರು ಬಾರಿ ಕಾಣಿಸಿಕೊಳ್ಳಬಹುದು. ಇದು ಏಕೆ ಹೀಗೆ ಎಂಬ ಪ್ರಶ್ನೆಗೆ ಯಾರಲ್ಲಿಯೂ ಉತ್ತರವಿಲ್ಲ. ಆದರೆ ವೈದ್ಯರು ಸ್ಥೂಲವಾಗಿ ಅಂದಾಜಿಸುವಂತೆ ಮಗುವಿನ ದೇಹ ಜನ್ಮತಳೆಯುವುದಕ್ಕೂ ಮುನ್ನ ಎಲ್ಲಾ ಅಂಗಗಳು ಸರಿಯಾಗಿದೆಯೇ ಎಂದು ಪರೀಕ್ಷಿಸಿ ನೋಡಿಕೊಳ್ಳುವ ಒಂದು ನಿಸರ್ಗದ ವ್ಯವಸ್ಥೆಯೇ ಆಗಿರಬಹುದು.

ನಿಮ್ಮ ಶಿಶ್ನ ನೀವು ಊಹಿಸಿದ್ದಕ್ಕೂ ಎರಡರಷ್ಟು ಉದ್ದವಿದೆ!

ಸಾಮಾನ್ಯವಾಗಿ ಕಣ್ಣಿಗೆ ಕಾಣುವ ಭಾಗವನ್ನೇ ಪುರುಷರು ನಿಜವಾದ ಉದ್ದವೆಂದು ಪರಿಗಣಿಸುತ್ತಾರೆ. ವಾಸ್ತವವಾಗಿ ಸುಮಾರು ಅರ್ಧದಷ್ಟು ಭಾಗ ದೇಹದ ಒಳಗೇ ಇದ್ದು ಉಳಿದ ಭಾಗಕ್ಕೆ ಅಗತ್ಯವಾದ ಆಧಾರವನ್ನು ಒದಗಿಸುತ್ತದೆ.

ಶೂ ಗಾತ್ರದ ಮಿಧ್ಯೆ

ಶೂ ಗಾತ್ರ ಎಷ್ಟಿದೆಯೋ ಅಷ್ಟೇ ಉದ್ದದ ಶಿಶ್ನವಿರುತ್ತದೆ ಎಂದು ಕೆಲವರು ನಂಬಿದ್ದಾರೆ. ಈ ನಂಬಿಕೆ ಎಲ್ಲಿಂದ ಬಂತೋ ಗೊತ್ತಿಲ್ಲ, ಆದರೆ BJU International ಎಂಬ ವೈದ್ಯಕೀಯ ನಿಯತ ಕಾಲಿಕೆಯಲ್ಲಿ ಪ್ರಕಟವಾದ ವರದಿಯ ಪ್ರಕಾರ ಈ ಹೋಲಿಕೆಯಲ್ಲಿ ಯಾವುದೇ ಹುರುಳಿಲ್ಲ. ಇದಕ್ಕೂ ಹಿಂದೆ, ಅಂದರೆ 1993ರಲ್ಲಿ ಪ್ರಕಟವಾದ ವರದಿಯಲ್ಲಿ ಪಾದದ ಉದ್ದಕ್ಕೂ ಶಿಶ್ನದ ಉದ್ದಕ್ಕೂ ತಾಳಮೇಳವಿರುವ ಬಗ್ಗೆ ಕೆಲವು ಮಾಹಿತಿಗಳನ್ನು ನೀಡಲಾಗಿತ್ತು. ಆದರೆ ಈ ತಾಳಮೇಳ ಕೇವಲ ಕಾಕತಾಳೀಯವೇ ಹೊರತು ಎಲ್ಲಾ ಸಂದರ್ಭಗಳಲ್ಲಿ ಈ ಮಾನದಂಡ ಉಪಯೋಗಕ್ಕೆ ಬರುವುದಿಲ್ಲ ಎಂದು ಲೇಖಕರು ಜಾರಿಕೊಂಡಿದ್ದರು.

ಅಂತಿಮ ಉದ್ರೇಕ

ತಾಯಿಯ ಗರ್ಭದಲ್ಲಿರುವಾಗಲೂ, ನಿದ್ದೆಯಲ್ಲಿರುವಾಗಲೂ ಉದ್ರೇಕ ಸಂಭವಿಸುತ್ತದೆ ಎಂಬುದನ್ನು ಈಗಾಗಲೇ ನೋಡಿದ್ದೇವೆ. ಆದರೆ ನಿಮಗೆ ಅಚ್ಚರಿಯಾಗಬಹುದಾದರೂ, ಇದು ನಿಜ, ಅದೇ ಅಂತಿಮ ಉದ್ರೇಕ, ಅಥವಾ ಸಾವಿನ ಸಮಯದ ಉದ್ರೇಕ. ಈ ಉದ್ರೇಕವನ್ನು angel lust ಅಥವಾ terminal erection ಎಂದೂ ಕರೆಯಲಾಗುತ್ತದೆ. ಸಾವು ಸಂಭವಿಸಿದ ಕೆಲವು ಕ್ಷಣಗಳ ಬಳಿಕ ಈ ಉದ್ರೇಕ ಸಂಭವಿಸುತ್ತದೆ. ವಿಶೇಷವಾಗಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಪುರುಷ ದೇಹಗಳಲ್ಲಿ ಈ ಪರಿ ಹೆಚ್ಚಾಗಿ ಕಂಡುಬರುತ್ತದೆ. ಬಿಗಿತದ ಕಾರಣ ಮೆದುಳಿನ ಮೇಲೆ ಬೀಳುವ ಒತ್ತಡದಿಂದಾಗಿ ಈ ಸಂಕೇತ ಹೊರಟಿರಬಹುದು ಎಂದು ಅಂದಾಜಿಲಾಗಿದೆ. ಆದರೆ ಬಂದೂಕಿನ ಗುಂಡು ತಲೆಗೆ ಬಿದ್ದ, ನರಗಳಿಗೆ ಜಜ್ಜಿದ ಪೆಟ್ಟಾಗಿ ಹಾಗೂ ವಿಶಪ್ರಾಶನದಿಂದ ಸಂಭವಿಸಿರುವ ಸಾವುಗಳಲ್ಲಿಯೂ ಈ ಬಗೆಯ ಉದ್ರೇಕವಾಗಿರುವುದನ್ನು ಗಮನಿಸಲಾಗಿದೆ.

ಸ್ಖಲನದ ಮೇಲೆ ಇಲ್ಲದ ನಿಯಂತ್ರಣ

ಸ್ಖಲನದ ಮೇಲೆ ನಿಯಂತ್ರಣ ಸಾಧಿಸಿರುವ ಪುರುಷರೇ ಈ ಜಗತ್ತಿನಲ್ಲಿಲ್ಲ ಎನ್ನಬಹುದು. ಏಕೆಂದರೆ ಇದು ಮೆದುಳನ್ನು ಅವಲಂಬಿಸಿಲ್ಲ. ವಾಸ್ತವವಾಗಿ ಸ್ಖಲನದ ಸೂಚನೆಯನ್ನು ಮೆದುಳುಬಳ್ಳಿ ನೀಡುತ್ತದೆ. ಮೆದುಳುಬಳ್ಳಿಯ ಕೆಲವು ನಿರ್ದಿಷ್ಟ ಭಾಗವೇ ಸ್ಖಲನವನ್ನು ನಿರ್ಧರಿಸುತ್ತದೆ. ಸ್ಖಲನವಾಗುವ ಸಮಯದಲ್ಲಿ ಮೆದುಳು ಬೇರೆ ವಿಷಯದತ್ತ ಹೊರಳಿಸುವ ಮೂಲಕ ಸ್ಖಲನವನ್ನು ಮುಂದೂಡಬಹುದಾದರೂ ಇದರಿಂದಲೇ ಸ್ಖಲನವನ್ನು ನಿಯಂತ್ರಿಸಲು ಸಾಧ್ಯವಿಲ್ಲ.

ಅನುದ್ರೇಕದ ಸ್ಥಿತಿಗೂ ಉದ್ರೇಕಿತ ಸ್ಥಿತಿಗೂ ಸಂಬಂಧವಿಲ್ಲ

ಸುಮಾರು 274 ಪುರುಷರ ಮೇಲೆ ಈ ವಿಷಯದ ಮೇಲೆ ನಡೆಸಿದ ಅಧ್ಯಯನದ ಬಳಿಕ ಅನುದ್ರೇಕ ಸ್ಥಿತಿಯಲ್ಲಿರುವ (ಅಂದರೆ ದಿನದ ಹೆಚ್ಚಿನ ಹೊತ್ತಿನಲ್ಲಿ ಯವುದೇ ಉದ್ರೇಕವಿಲ್ಲದಿದ್ದಾಗ) ಶಿಶ್ನದ ಗಾತ್ರ ಬೇರೆ ಬೇರೆಯದ್ದಾಗಿರುತ್ತದೆ, ಆದರೆ ಉದ್ರೇಕಗೊಂಡಾಗ ಹೆಚ್ಚೂ ಕಡಿಮೆ ಒಂದೇ ಗಾತ್ರ ಪಡೆಯುತ್ತವೆ. ಅಂದರೆ ಅನುದ್ರೇಕ ಸ್ಥಿತಿಯಲ್ಲಿ ತೀರಾ ಚಿಕ್ಕದಿದ್ದ ಶಿಶ್ನ ತೀರಾ ಹೆಚ್ಚು ಉದ್ರೇಕವನ್ನೂ, ಅನುದ್ರೇಕದ ಸ್ಥಿತಿಯಲ್ಲಿಯೂ ಹೆಚ್ಚು ಕಡಿಮೆ ಗಾತ್ರ ಪಡೆಯದ ಶಿಶ್ನ ಕೊಂಚವೇ ಉದ್ರೇಕವನ್ನು ಪಡೆಯುತ್ತವೆ. ಅಂತಿಮ ಗಾತ್ರ ಪಡೆಯುವ ಬಗ್ಗೆ ಯಾವುದೇ ತರ್ಕ ಅಥವಾ ನಿಯಮ ಕಂಡುಬಂದಿಲ್ಲ.

ಜೋಳದ ಹುರಿ (Cornflakes) ತಿನ್ನುವುದರಿಂದ ಹಸ್ತಮೈಥುನ ತಡೆಗಟ್ಟಬಹುದೇ?

ಇದು ಮಿಧ್ಯೆ ಎಂದು ಕೆಲ್ಲಾಗ್ಸ್ ಎಂಬ ಸಿದ್ದ ಉಪಾಹಾರ ಸಿದ್ಧ ಆಹಾರಗಳ ಸಂಸ್ಥೆಗಳ ಸ್ಥಾಪಕರಾದ ಡಾ. ಹಾರ್ವೇ ಕೆಲ್ಲಾಗ್ ತಿಳಿಸುತ್ತಾರೆ. ಆದರೆ ಇದು ಹೀಗೆ ಮಾಡಿದ್ದರೆ ಒಳ್ಳೆಯದಿತ್ತು ಎಂಬ ಅಭಿಪ್ರಾಯವನ್ನೂ ಮಂಡಿಸುತ್ತಾರೆ. ಸಾಮಾನ್ಯ ಆಹಾರಗಳನ್ನು ತಿನ್ನುವ ಬದಲು ಜೋಳದ ಹುರಿಯನ್ನು ಆಧರಿಸಿದ ಆಹಾರಗಳನ್ನು ಸೇವಿಸುವ ಮೂಲಕ ಹಸ್ತಮೈಥುನವೆಂಬ 'ಪಾಪ'ಕ್ರಿಯೆಯನ್ನು ನಿಲ್ಲಿಸಲು ಸಾಧ್ಯ ಎಂಬ ಅಮೇರಿಕನ್ನರ ನಂಬಿಕೆಯನ್ನೇ ಬಂಡವಾಳವಾಗಿಸಿ ಈ ಉತ್ಪನ್ನಗಳನ್ನು ಸಿದ್ದಪಡಿಸಲಾಗಿದೆ.

ಜೋಳದ ಹುರಿ (Cornflakes) ತಿನ್ನುವುದರಿಂದ ಹಸ್ತಮೈಥುನ ತಡೆಗಟ್ಟಬಹುದೇ?

ಆದರೆ ವಿಜ್ಞಾನ ಇದು ಮಿಥ್ಯೆ ಎಂದು ಸಾಬೀತುಪಡಿಸಿರುವ ಕಾರಣ ಆಹಾರ ಸಂಸ್ಥೆಗಳು ಯುವಕರನ್ನು ಈ ಮಿಥ್ಯೆಯ ಮೂಲಕ ಸೆಳೆಯುವ ಪ್ರಯತ್ನಗಳನ್ನು ಕೈಬಿಡುತ್ತಿವೆ. ಒಂದು ವೇಳೆ ಇದರ ಬಗ್ಗೆ ಅನುಮಾನವಿದ್ದರೆ ಈ ಬಗ್ಗೆ ಕುರುಡರಾಗಬೇಕಾಗಿಲ್ಲ, ಬದಲಿಗೆ ಇಂದು ಸ್ಪಷ್ಟ ಹಾಗೂ ವೈಜ್ಞಾನಿಕ ಮಾಹಿತಿಗಳಿವೆ, ಇವುಗಳನ್ನೇ ನಂಬಿದರೆ ಸಾಕು.