ಊರಿನ ಹೆಸರು ದ್ವಂದ್ವಾರ್ಥ ಹೊಂದಿದೆಯೇ? ಈ ತಾಣಕ್ಕೆ ಹೆಸರು ಒದಗಿಸಿ!

ವ್ಯಾಲೈಂಟೈನ್ ದಿವಸದ ಕೊಡುಗೆ

ಪಾರ್ನ್ ಹಬ್ ಎಂದಿಗೂ ತನ್ನ ವಿಶಿಷ್ಟ ಹಾಗೂ ಕಚಗುಳಿ ಇಡುವಂತಹ ಕೊಡುಗೆಗಳಿಂದ ಸದಾ ಪ್ರಚಲಿತವಾಗಿದ್ದು ಅತ್ಯುತ್ತಮ ಮಾರುಕಟ್ಟೆ ತಂತ್ರಗಳನ್ನು ಬಳಸುತ್ತದೆ. ವ್ಯಾಲೈಂಟೈನ್ ದಿನದಂದು ಸಾಮಾನ್ಯವಾಗಿ ಹಣ ಕೊಟ್ಟು ಸಂದರ್ಶಿಸಬೇಕಾದ ಈ ತಾಣವನ್ನು ಇಡಿಯ ದಿನ ಪುಕ್ಕಟೆಯಾಗಿ ನೋಡಬಹುದು. ಇಂತಹ ಕೊಡುಗೆಗಳು ಕಾಲಕ್ಕೆ ತಕ್ಕಂತೆ, ಸಂದರ್ಭಾನುಸಾರ ಬದಲಾಗುತ್ತಲೂ ಇರುತ್ತವೆ.

ಈಗ ಈ ತಾಣ ’ಒಬ್ಬ ಸಂರಕ್ಷಕ’ ಎಂಬ ಆಟ ಆಡಲು ಹೊರಟಿದೆ

ವ್ಯಾಲಂಟೈನ್ಸ್ ದಿನಾಚರಣೆಯಲ್ಲಿ ಈ ತಾಣವನ್ನು ಸಂದರ್ಶಿರುವ ಒಂಟಿ ಜೀವಿಗಳನ್ನು ಜೋಡಿಯಾಗಿಸುವ ಪುಣ್ಯದ ಕಾರ್ಯವನ್ನು ಮಾಡುವ ಜೊತೆಗೇ ಇನ್ನೊಂದು ವರ್ಗದ ಜನತೆಗೂ ಬೇರೆಯೇ ವಿಧದ ಕೊಡುಗೆಯನ್ನು ನೀಡ ಹೊರಟಿದೆ. ಅದೆಂದರೆ, ಉದ್ದೇಶರಹಿತವಾಗಿ ಪಡೆದಿರುವ ದ್ವಂದ್ವಾರ್ಥದ ಹೆಸರುಳ್ಳ ಊರಿನ ನಿವಾಸಿಗಳು ತಮ್ಮ ಊರಿನ ಹೆಸರನ್ನು ಹೆಸರಿಸಿ ಈ ತಾಣದ ಸ್ಪರ್ಧೆಯಲ್ಲಿ ಪಾಲ್ಗೊಳ್ಳಬಹುದು.

ಈ ಪಟ್ಟಿಯಲ್ಲಿ ಭಾರತದ ಊರುಗಳೂ ಇವೆ

ಈಗಾಗಲೇ ಹಲವಾರು ಭಾರತೀಯರೂ ತಮ್ಮ ಊರುಗಳ ಹೆಸರನ್ನು ದಾಖಲಿಸಿಕೊಂಡಿದ್ದಾರೆ. ಈ ಸ್ಪರ್ಧೆಗೆ ಲಾಯಕ್ಕು ಎನಿಸಿರುವ ವಿಶ್ವದ ಒಟ್ಟು ಐವತ್ತು ಊರುಗಳನ್ನು ಸ್ಪರ್ಧೆಗೆ ಅರ್ಹ ಎಂದು ತಾಣ ಸ್ವೀಕರಿಸಿಯೂ ಆಗಿದೆ. ಇದರಲ್ಲಿ ಭಾರತ ಕೇವಲ ಒಂದು ಊರು ಸ್ಪರ್ಧೆಗೆ ಸ್ವೀಕೃತವಾಗಿದೆ.

ಭಾರತದ ಈ ಊರೆಂದರೆ...

ತಮಿಳುನಾಡಿನಲ್ಲಿರುವ 'ಕಂಬಂ' ಎಂಬ ಊರಿನ ಹೆಸರು ತಮಿಳಿನ 'ಧೃವ' ಎಂಬ ಅರ್ಥವನ್ನು ಪಡೆದಿದೆ. ಆದರೆ ಈ ಹೆಸರನ್ನು ಇಂಗ್ಲಿಷಿನಲ್ಲಿ ಬರೆದಾಗ "Cumbum" ಎಂದಾಗುತ್ತದೆ. ಇಂಗ್ಲಿಷಿನಲ್ಲಿ ಎರಡೂ ಪದಗಳಿಗೆ ಬೇರೆಯೇ ದ್ವಂದ್ವಾರ್ಥಗಳಿವೆ. ಇದೇ ಹೆಸರಿನ ಇನ್ನೊಂದು ಊರು ಆಂಧ್ರಪ್ರದೇಶದಲ್ಲಿಯೂ ಇದೆ. ಆದರೆ ಸ್ಪರ್ಧೆಗೆ ತಮಿಳುನಾಡಿನ ಊರನ್ನೇ ಆಯ್ಕೆ ಮಾಡಿಕೊಳ್ಳಲಾಗಿದೆ. ಹಾಗಾಗಿ ಈ ಊರಿನ ಜನರು ವಿಶ್ವದ ಈ ತಾಣದಲ್ಲಿ ತಮ್ಮ ಊರಿನ ಹೆಸರಿದೆ ಎಂದು ಸಂಭ್ರಮಿಸಬಹುದು.