ನಿಮ್ಮ ಭವಿಷ್ಯವನ್ನೇ ಬಿಚ್ಚಿಡುತ್ತದೆ, ಎಡಗೈ ಹಸ್ತದಲ್ಲಿ ಮೂಡುವ ರೇಖೆ!

By Hemanth
Subscribe to Boldsky
Palmistry in Kannada : ನಿಮ್ಮ ಎಡಗೈ ಹಸ್ತದಲ್ಲಿನ ಈ ರೇಖೆಗಳು ನಿಮ್ಮ ಭವಿಷ್ಯ ಹೇಳುತ್ತೆ | Oneindia Kannada

ಸಾವಿರಾರು ವರ್ಷಗಳಿಂದಲೂ ಜ್ಯೋತಿಷ್ಯವೆನ್ನುವುದು ಭಾರತದಲ್ಲಿ ಇತ್ತು. ಇದನ್ನು ಆಗಿನ ರಾಜರು ಕೂಡ ಬಳಸಿಕೊಳ್ಳುತ್ತಿದ್ದರು. ಅದರಲ್ಲೂ ಹಸ್ತರೇಖೆಗಳನ್ನು ನೋಡಿಕೊಂಡು ನಿಮ್ಮ ಭವಿಷ್ಯ, ನಡವಳಿಕೆ, ಆರೋಗ್ಯ ಮತ್ತು ಪ್ರತಿಭೆಯನ್ನು ಹೇಳಬಹುದಾಗಿದೆ. ಇದು ಅಂಗೈ ಮೇಲಿರುವ ರೇಖೆಗಳು ಮತ್ತು ಅದು ಎಲ್ಲಿ ಆರಂಭವಾಗಿ, ಎಲ್ಲಿ ಅಂತ್ಯವಾಗುವುದು ಎನ್ನುವುದನ್ನು ಅವಲಂಬಿಸಿದೆ.

ಜೀವನ ರೇಖೆಯನ್ನು ಮೊದಲಿಗೆ ನೋಡಿಕೊಂಡು ಸಂಪೂರ್ಣ ಭವಿಷ್ಯ ನುಡಿಯಲಾಗುತ್ತದೆ. ಬಲಗೈಯನ್ನು ಬಳಸುವವರ ಎಡಗೈಯನ್ನು ನೋಡಿಕೊಂಡು ಇದನ್ನು ಹೇಳಲಾಗುತ್ತದೆ. ಅದೇ ರೀತಿ ಎಡಗೈ ಬಳಸುವವರ ಬಲಗೈ ನೋಡಲಾಗುವುದು. ಹಸ್ತ ನೋಡುವಂತಹ ಕಲೆಯು ಇಂದು ಭಾರತ, ಚೀನಾ, ಈಜಿಪ್ಟ್, ಅರಬ್ ಮತ್ತು ಗ್ರೀಕ್ ನಲ್ಲಿ ತುಂಬಾ ಜನಪ್ರಿಯವಾಗಿದೆ. ಆದರೆ ಹೆಚ್ಚಿನವರು ಕೇಳುವಂತಹ ಪ್ರಶ್ನೆಯೆಂದರೆ ಅಂಗೈ ಮೇಲಿನ ರೇಖೆಗಳು ಮಾಯವಾಗುವುದೇ ಮತ್ತು ಬದಲಾಗುವುದೇ ಎಂದು.

ಇದಕ್ಕೆ ಉತ್ತರ ಹೌದು. ಅಂಗೈಯ ಮೇಲಿನ ರೇಖೆಗಳು ಸಮಯ ಮತ್ತು ಪರಿಸ್ಥಿತಿಗೆ ಅನುಗುಣವಾಗಿ ನಿರಂತರವಾಗಿ ಬದಲಾಗುತ್ತಲೇ ಇರುವುದು. ಗೆರೆಗಳು ಮೂಡಿ, ಮಾಯವಾಗುವುದಕ್ಕೆ ಗುರುತು' ಎಂದು ಕರೆಯಲಾಗುತ್ತದೆ. ನಿಮ್ಮ ಎಡ ಅಂಗೈಯ ಮೇಲಿರುವಂತಹ ಪ್ರಮುಖ ರೇಖೆಗಳ ಬಗ್ಗೆ ತಿಳಿಯಿರಿ. ಇದು ನಿಮಗೆ ಅಚ್ಚರಿಯನ್ನುಂಟು ಮಾಡಲಿದೆ....

ಜೀವನ ರೇಖೆ

ಜೀವನ ರೇಖೆ

ಈ ರೇಖೆಯು ವ್ಯಕ್ತಿ ಜೀವಶಕ್ತಿ ಮತ್ತು ದೈಹಿಕ ಶಕ್ತಿ ತೋರಿಸುವುದು. ಇದು ಆರೋಗ್ಯ ಪರಿಸ್ಥಿತಿ ಮತ್ತು ಜೀವನದಲ್ಲಿ ಬದಲಾಗುವ ಪರಿಸ್ಥಿತಿಯನ್ನು ತೋರಿಸುವುದು. ದಪ್ಪಗಿನ ಗೆರೆಯು ಒಳ್ಳೆಯ ಆರೋಗ್ಯ ಸೂಚಿಸುವುದು. ತುಂಡಾಗಿರುವ ರೇಖೆಯು ನೀವು ಒತ್ತಡ, ಗಾಯ ಮತ್ತು ರೋಗಕ್ಕೆ ತುಂಬಾ ಸೂಕ್ಷ್ಮವಾಗಿದ್ದೀರಿ ಎಂದು ಹೇಳುವುದು.

ಮದುವೆ ರೇಖೆ

ಮದುವೆ ರೇಖೆ

ಅಂಗೈಯ ರೇಖೆಯಲ್ಲಿ ಇದು ತುಂಬಾ ಪ್ರಮುಖವಾಗಿರುವುದು. ನಿಮ್ಮ ಪ್ರೀತಿಯ ಜೀವನದ ಬಗ್ಗೆ ಈ ರೇಖೆಯು ನಿಮಗೆ ಉತ್ತರ ನೀಡುವುದು. ಸಣ್ಣ ರೇಖೆಯು ನಿಮ್ಮ ಏಕಮುಕ ಪ್ರೀತಿ ತೋರಿಸುವುದು. ಅಂತ್ಯದಲ್ಲಿ ವಿಚ್ಛೇದಿತವಾಗಿರುವಂತಹ ರೇಖೆಯು ನಿಮ್ಮ ವೈವಾಹಿಕ ಜೀವನವು ವಿಚ್ಛೇದನದಲ್ಲಿ ಕೊನೆಗೊಳ್ಳಲಿದೆ ಎಂದು ಹೇಳುತ್ತದೆ. ರೇಖೆಗಳು ಪರಸ್ಪರ ದಾಟಿಕೊಂಡು ಹೋಗಿದ್ದರೆ ಇದು ನೀವು ಸರಿಯಾದ ಸಂಗಾತಿಯ ಹುಡುಕಾಟದಲ್ಲಿದ್ದೀರಿ ಎಂದು ತೋರಿಸುವುದು. ನಿಮ್ಮಲ್ಲಿ ಯಾವುದೇ ಮದುವೆ ಗೆರೆಗಳು ಇಲ್ಲದೆ ಇದ್ದರೆ ಆಗ ಚಿಂತೆ ಮಾಡಬೇಡಿ, ಮದುವೆ ವಿಚಾರವು ಈಗ ನಿಮ್ಮ ತಲೆಯಲ್ಲಿಲ್ಲ ಎನ್ನುವುದು.

ತಲೆಯ ರೇಖೆ

ತಲೆಯ ರೇಖೆ

ಈ ತಲೆ ರೇಖೆಯು ಬುದ್ಧಿವಂತಿಕೆ ಮತ್ತು ಆಲೋಚನಾ ಕ್ರಮದ ಕುರಿತಾಗಿ ತಿಳಿಸಿಕೊಡುತ್ತದೆ. ಇದು ಕಲ್ಪನೆಯನ್ನು ಸಹ ಒಳಗೊಂಡಿರುತ್ತದೆ. ಒಂದು ವೇಳೆ ಈ ರೇಖೆಯು ಜೀವನ ರೇಖೆಯ ಮೇಲೆ ಇದ್ದಲ್ಲಿ, ಅದು ನಿಮ್ಮ ಆಲೋಚನೆಯಲ್ಲಿ ಒಳ್ಳೆಯ ಸಮತೋಲನ ಇದೆ ಎಂದು ಸೂಚಿಸುತ್ತದೆ. ಉದ್ದವಾದ ಮತ್ತು ವಿಸ್ತರಿಸಲ್ಪಟ್ಟ ತಲೆ ಗೆರೆಯು ನಿಮ್ಮ ಮನಸ್ಸನ್ನು ಇತರರು ನಿಯಂತ್ರಿಸುತ್ತಾರೆ ಎಂದು ಸೂಚಿಸುತ್ತದೆ. ನಿಮ್ಮ ಜೀವನದಲ್ಲಿ ಅವರೇ ನಿರ್ಧಾರಗಳನ್ನು ತೆಗೆದುಕೊಳ್ಳುವವರು ಎಂದು ಸಹ ಸೂಚಿಸುತ್ತದೆ. ಈ ರೇಖೆಗಳು ಎರಡು ಅಥವಾ ಅದಕ್ಕಿಂತ ಹೆಚ್ಚಾಗಿ ಇದ್ದಲ್ಲಿ, ನೀವು ನಿಮಗೆ ನೀವೇ ಸಾಟಿ ಎನ್ನುವಂತಹ ಒಬ್ಬ ವ್ಯಕ್ತಿ ಎಂದು ಸೂಚಿಸುತ್ತದೆ. ನಿಮ್ಮ ಆಲೋಚನೆಗಳು, ಸೃಜನಶೀಲತೆ ಇತ್ಯಾದಿಗಳಲ್ಲಿ ನಿಮಗೆ ನೀವೇ ಸಾಟಿ.

ವಿಧಿ ರೇಖೆ

ವಿಧಿ ರೇಖೆ

ಈ ವಿಧಿ ರೇಖೆಯು ನಿಮ್ಮ ಪ್ರಸ್ತುತ ವಿಧಿಯ ಕುರಿತಾಗಿ ತಿಳಿಸುತ್ತದೆ. ದಪ್ಪಗಿರುವ ರೇಖೆಯು ನಿಮ್ಮ ಜೀವನದಲ್ಲಿ ಉಂಟಾಗುತ್ತಿರುವ ನಾಟಕೀಯ ಬದಲಾವಣೆಗಳನ್ನು ಸೂಚಿಸುತ್ತದೆ. ತೆಳುವಾದ ರೇಖೆಯು ನಿಮ್ಮ ಜೀವನವನ್ನು ಇತರರು ನಿಯಂತ್ರಿಸುತ್ತಿದ್ದಾರೆ ಎಂದು ಸೂಚಿಸುತ್ತದೆ. ಎರಡು ಅಥವಾ ಹೆಚ್ಚಿನ ರೇಖೆಗಳು ನಿಮ್ಮ ಜೀವನದಲ್ಲಿ ನೀವು ಬುದ್ಧಿವಂತರು ಮತ್ತು ಜನಪ್ರಿಯರು ಸಹ ಆಗಿದ್ದೀರಿ ಎಂದು ತಿಳಿಸುತ್ತದೆ.

ಸಂಪತ್ತಿನ ಗೆರೆ

ಸಂಪತ್ತಿನ ಗೆರೆ

ನಿಮ್ಮ ಉಂಗುರದ ಬೆರಳಿನಿಂದ ಕೆಳಗೆ ಸಾಗುವ ಈ ರೇಖೆಯು ಹಣದ ರೇಖೆಯೆಂದು ಗುರುತಿಸಲ್ಪಟ್ಟಿದೆ. ಸಣ್ಣ ರೇಖೆಗಳು ನೀವು ಹಣದ ಜೊತೆಗೆ ಆಳವಾದ ಸಂಬಂಧವನ್ನು ಹೊಂದಿದ್ದೀರಿ ಎಂದು ತೋರಿಸುತ್ತದೆ. ಉದ್ದವಾದ ರೇಖೆಗಳು ನಿಮಗೆ ಹಣ ಮುಖ್ಯ ಮತ್ತು ನೀವು ಸಮಯವನ್ನು ಸಹ ಉಳಿಸುತ್ತೀರಿ ಎಂದು ಸೂಚಿಸುತ್ತದೆ. ಹಣದ ರೇಖೆಗಳು ಹೆಚ್ಚಾಗಿದ್ದಲ್ಲಿ ನೀವು ಹಣವನ್ನು ಸಿಕ್ಕಾಪಟ್ಟೆ ಖರ್ಚು ಮಾಡುತ್ತೀರಿ ಎಂದು ತಿಳಿಸುತ್ತದೆ.

ಕೈಬಳೆಗಳು

ಕೈಬಳೆಗಳು

ನಿಮ್ಮ ಕೈ ಮಣಿಕಟ್ಟಿನ ಬಳಿ ಕಂಕಣದಂತೆ ಕಾಣುವ ರೇಖೆಗಳು, ನೀವು ಹೊಂದಿರುವ ಹಣದ ಪ್ರಮಾಣವನ್ನು ಸೂಚಿಸುತ್ತವೆ. ಜೊತೆಗೆ ನೀವು ಎಷ್ಟು ಪ್ರಮಾಣದ ಹಣವನ್ನು ಪಡೆಯುವಿರಿ ಎಂದು ಸಹ ಇದರಿಂದ ತಿಳಿಯಬಹುದು. ಹೆಚ್ಚಿನ ರೇಖೆಗಳು ಹೆಚ್ಚಿನ ಹಣವನ್ನು ತಿಳಿಸುತ್ತವೆ.

ಸಂತೋಷದ ಗೆರೆ

ಸಂತೋಷದ ಗೆರೆ

ಇದು ತುಂಬಾ ಅಪರೂಪವಾಗಿರುವ, ಅಂಗೈ ಮೇಲೆ ಮೀನಿನ ಆಕಾರದಲ್ಲಿ ಕಾಣಿಸಿಕೊಳ್ಳುವ ರೇಖೆಯಾಗಿದೆ. ಎಡಗೈ ಮೇಲೆ ಇರುವಂತಹ ಈ ರೇಖೆಯು ನಿಮ್ಮ ಯಶಸ್ಸು ಮತ್ತು ಸಂತೋಷವನ್ನು ಹೇಳುವುದು.

 
For Quick Alerts
ALLOW NOTIFICATIONS
For Daily Alerts

    English summary

    Know your future by looking at your Left Palm

    Divination method to see your characteristics, talents, health and fortunes by observing your hand's lines and their thickness. A lot of people who get absorbed in palm reading depend their entire life on the lines drawn on the palm. So, take a look at these important lines on your left palm that tell you more about your life. It will leave you amazed!
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Boldsky sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Boldsky website. However, you can change your cookie settings at any time. Learn more