ಮೀನು ಫ್ರೆಶ್ ಆಗಿದೆ ಎಂದು ತೋರಿಸಲು, ಮೀನಿಗೆ ಕೃತಕ ಕಣ್ಣು ಅಂಟಿಸಿ ಮೋಸ ಮಾಡಿದ ವ್ಯಾಪಾರಿ!

ಕುವೈಟ್ ನಲ್ಲಿ ಈ ಘಟನೆ ನಡೆದಿದೆ...

ಈ ಘಟನೆಯು ಕುವೈಟ್ ನ ಸ್ಥಳೀಯ ಮಾರುಕಟ್ಟೆಯಲ್ಲಿ ನಡೆದಿರುವುದು. ಇಲ್ಲಿನ ವ್ಯಾಪಾರಿಯೊಬ್ಬ ಗ್ರಾಹಕರನ್ನು ವಂಚಿಸಲು ನಕಲಿ ಪ್ಲಾಸ್ಟಿಕ್ ಕಣ್ಣುಗಳನ್ನು ಮೀನಿಗೆ ಅಂಟಿಸಿ ಅದು ತಾಜಾ ಇದೆ ಎಂದು ತೋರಿಸಲು ಯತ್ನಿಸಿದ್ದಾನೆ.

ಅಂಗಡಿ ಮುಚ್ಚಲಾಗಿದೆ

ಗ್ರಾಹಕರಿಗೆ ವ್ಯಾಪಾರಿಯು ವಂಚಿಸುತ್ತಿದ್ದಾನೆ ಎಂದು ಅಲ್ಲಿನ ಆರೋಗ್ಯ ಅಧಿಕಾರಿಗಳಿಗೆ ತಿಳಿದ ಬಳಿಕ ಈ ಅಂಗಡಿ ಮುಚ್ಚಲಾಗಿದೆ. ಕಣ್ಣಿಗೆ ಅಂಟಿಸಿರುವಂತಹ ಪ್ಲಾಸ್ಟಿಕ್ ಕಣ್ಣುಗಳು ಕಿತ್ತು ಬರಲು ಆರಂಭಿಸಿದ ಚಿತ್ರಗಳು ಪ್ರಸಾರಗೊಂಡ ಬಳಿಕ ಕ್ರಮ ತೆಗೆದುಕೊಳ್ಳಲಾಗಿದೆ. ಮೀನಿನ ಹಳದಿ ಕಣ್ಣು ಮತ್ತು ವಿಡಿಯೋ ವೈರಲ್ ಆಗಿದೆ.

ಮಿಶ್ರ ಪ್ರತಿಕ್ರಿಯೆ

ಈ ಘಟನೆ ನಡೆದು ಕೆಲವು ದಿನಗಳು ಕಳೆದಿದೆ. ಆದರೆ ಇಂಟರ್ನೆಟ್ ನಲ್ಲಿ ಇದರ ಬಗ್ಗೆ ಮಿಶ್ರ ಪ್ರತಿಕ್ರಿಯೆಗಳು ವ್ಯಕ್ತವಾಗುತ್ತಿದೆ. ಸಾಮಾಜಿಕ ಜಾಲತಾಣದಲ್ಲಿ ಇದನ್ನು ನೋಡಿದ ನೆಟ್ಟಿಗರು ದಂಗಾಗಿದ್ದಾರೆ. ಗ್ರಾಹಕರನ್ನು ವಂಚಿಸಿರುವುದಕ್ಕೆ ದೊಡ್ಡ ಮಟ್ಟದ ದಂಡ ಕಟ್ಟಬೇಕು ಎಂದು ಅವರು ಆಗ್ರಹಿಸಿದ್ದಾರೆ. ಆದರೆ ಕೆಲವರು ವ್ಯಾಪಾರಿಯ ಕ್ರಿಯಾತ್ಮಕ ಚಿಂತನೆಯಿಂದ ತುಂಬಾ ಆಕರ್ಷಿತರಾಗಿದ್ದಾರೆ.

ನೆಟ್ಟಿಗರ ಪ್ರತಿಕ್ರಿಯೆ

ವ್ಯಾಪಾರಿಯ ವಂಚನೆಯಿಂದ ಆಕ್ರೋಶಿತಗೊಂಡಿರುವ ನೆಟ್ಟಿಗರು ಹೀಗೆ ಬರೆದಿದ್ದಾರೆ. ನೀವು ಯಾಕೆ ಅಷ್ಟು ಗಡಿಬಿಡಿ ಮಾಡುತ್ತಲಿದ್ದೀರಿ? ಮೀನಿನ ಕಣ್ಣು ತುಂಬಾ ದುರ್ಬಲವಾಗಿದೆ. ಅದು ಅಷ್ಟೇ. ಕುವೈಟ್ ನಲ್ಲಿರುವ ಇತರ ಮೀನು ವ್ಯಾಪಾರಿಗಳು ತಮ್ಮ ಅಂಗಡಿಗಳಲ್ಲಿ ಸಿಗುವಂತಹ ``ಮೀನುಗಳಿಗೆ ಯಾವುದೇ ರೀತಿಯ ಕಾಸ್ಮೆಟಿಕ್ ವರ್ಧಕ ಅಳವಡಿಸದೆ ತಾಜಾವಾಗಿದೆ'' ಮತ್ತು ಯಾವುದೇ ಬಣ್ಣದ ಲೆನ್ಸ್ ಅಳವಡಿಸಿಲ್ಲ ಎಂದು ಸಾಮಾಜಿಕ ಜಾಲತಾಣದಲ್ಲಿ ಬರೆದಿದ್ದಾರೆ. ಈ ಬಗ್ಗೆ ನಿಮ್ಮ ಅಭಿಪ್ರಾಯ ಏನು ಎಂದು ನಮಗೆ ಕಮೆಂಟ್ ಬಾಕ್ಸ್ ನಲ್ಲಿ ಬರೆದು ಕಳುಹಿಸಿ.