ಮಾನವ ಕಳ್ಳ ಸಾಗಣೆಗೆ ಕುಖ್ಯಾತಿಗಳಿಸಿರುವ ರಾಷ್ಟ್ರಗಳು

ಚೀನಾ

ಚೀನಾ ಸಹಾ ಭಾರತದಂತೆಯೇ ಅಭಿವೃದ್ಧಿಶೀಲ ರಾಷ್ಟವಾಗಿದ್ದು ಇಲ್ಲಿಂದ ಮಾನವ ಕಳ್ಳ ಸಾಗಣೆ ಪ್ರಾರಂಭವಾಗುವುದು ಮಾತ್ರವಲ್ಲ, ಕೆಲವು ಮಾನವ ಕಳ್ಳ ಸಾಗಣೆಗಳೂ ಚೀನಾದತ್ತ ಸಾಗುತ್ತವೆ. ಚೀನಾದಲ್ಲಿ ಇಂದಿಗೂ ಎಷ್ಟೋ ನಗರಗಳು ಅಭಿವೃದ್ದಿ ಪಥದಲ್ಲಿ ಹಿಂದುಳಿದಿವೆ. ಕಳ್ಳಸಾಗಣೆದಾರರಿಗೆ ಈ ನಗರಗಳು ಅಥವಾ ಮಹಾನಗರಗಳ ಕತ್ತಲ ಗಲ್ಲಿಗಳಲ್ಲಿ ಈ ಕೃತ್ಯ ನಡೆಯುತ್ತಾ ಬಂದಿದೆ. ಈ ಕೃತ್ಯವನ್ನು ಮಟ್ಟ ಹಾಕಲು ಚೀನಾ ಸರ್ಕಾರ ಕಠಿಣ ಕ್ರಮಗಳನ್ನು ಕೈಗೊಳ್ಳುವ ಅಗತ್ಯವಿದೆ.

ಉಗಾಂಡ

ಈ ದೇಶದಲ್ಲಿ ಜೀವನವೇ ದುರ್ಭರವಾಗಿದ್ದು ಕಾನೂನನ್ನು ಚಿಂದಿ ಉಡಾಯಿಸಲಾಗುತ್ತದೆ. ನಾಗರಿಕರು ಇಲ್ಲಿ ನಿತ್ಯವೂ ಹಿಂಸೆಯನ್ನು ಎದುರಿಸುತ್ತಾರೆ. ಯುವ ಜನತೆ ಕಡ್ಡಾಯವಾಗಿ ಸೇನೆಯನ್ನು ಸೇರಲೇಬೇಕಾಗುತ್ತದೆ. ಎಲ್ಲಾ ವಯಸ್ಸಿನ ಮಕ್ಕಳು ಕಡ್ಡಾಯವಾಗಿ ಕಾವಲು ಕಾಯಬೇಕಾಗುತ್ತದೆ. ಇವರಿಗೆ ಸ್ಲೇಟು ಬಳಪದ ಬದಲು ಬಂದೂಕುಗಳ ಬಳಕೆಯನ್ನು ಕಲಿಸಲಾಗುತ್ತದೆ. ಕೆಲವು ಮಕ್ಕಳಿಗೆ ನೀಡುವ ಬಂದೂಕುಗಳು ಅವರ ತೂಕಕ್ಕಿಂತಲೂ ಹೆಚ್ಚು ಭಾರವಾಗಿರುತ್ತವೆ.

ಘಾನಾ

ಇತ್ತೀಚಿನ ಬಹಳಷ್ಟು ಮಾನವ ಕಳ್ಳಸಾಗಣೆಯನ್ನು ಈ ದೇಶದಿಂದ ಹಾಗೂ ಈ ದೇಶಕ್ಕೆ ಸಾಗಿಸಿರುವುದು ಪತ್ತೆಯಾಗಿದೆ. ಇಲ್ಲಿನ ಚಿನ್ನದ ಗಣಿಗಳಲ್ಲಿ ಮಕ್ಕಳನ್ನು ಬಲವಂತವಾಗಿ ಕಾರ್ಮಿಕರಾಗಿ ಕೆಲಸ ಮಾಡಿಸಲಾಗುತ್ತದೆ ಹಾಗೂ ಯುವತಿಯರನ್ನು ವೇಶ್ಯಾವಾಟಿಕೆಗೆ ತಳ್ಳಲಾಗುತ್ತದೆ. ಇತರರನ್ನು ಬಲವಂತವಾಗಿ ಭಿಕ್ಷೆ, ಮೀನುಗಾರಿಕೆ ಹಾಗೂ ಇತರ ಕೆಲಸಗಳಲ್ಲಿ ತೊಡಗಿಸಲಾಗುತ್ತದೆ.

ಭಾರತ

ಭಾರತದ ಕಾನೂನಿನಲ್ಲಿ ಮಾನವ ಕಳ್ಳ ಸಾಗಣೆಯನ್ನು ಅಕ್ರಮವೆಂದು ಸಾರಲಾಗಿದೆ. ಆದರೆ ಜನರೇ ಈ ಕಾನೂನಿಗೆ ಹೆಚ್ಚಿನ ಮನ್ನಣೆ ನೀಡುತ್ತಿಲ್ಲ. ಬಲವಂತವಾಗಿ ಕೆಲಸ ಮಾಡಿಸುವುದು, ವೇಶ್ಯಾವಾಟಿಕೆ, ಅಂಗಾಂಗ ಕಳ್ಳಸಾಗಣೆ ಮೊದಲಾದವು ಇಲ್ಲಿ ಸಾಮಾನ್ಯವಾಗಿವೆ. ಕಾರ್ಖಾನೆಗಳಲ್ಲಿ ಕೆಲಸ ಮಾಡಲು ಮಕ್ಕಳನ್ನು ಬಲವಂತವಾಗಿ ಕಳ್ಳಸಾಗಣೆ ಮಾಡಲಾಗುತ್ತದೆ.

ಪಾಕಿಸ್ತಾನ

ಈ ದೇಶದಿಂದಲೂ ಮಾನವ ಕಳ್ಳಸಾಗಣೆ ನಡೆಯುತ್ತದೆ ಹಾಗೂ ಈ ದೇಶಕ್ಕೆ ಹೊರಗಿನಿಂದಲೂ ಆಗಮಿಸುತ್ತಾರೆ. ಈ ದೇಶದಾದ್ಯಂತ ಒಂದು ಕೆಲಸಕ್ಕೆ ನಿಗದಿಪಡಿಸುವ ಕಾರ್ಮಿಕರು ಲಕ್ಷಾಂತರ ಸಂಖ್ಯೆಯಲ್ಲಿದ್ದಾರೆ. ದೇಶದ ನೂರಾರು ಕಾರ್ಖಾನೆಗಳಲ್ಲಿಯೂ, ಮನೆಗೆಲಸದಲ್ಲಿಯೂ ಅಲ್ಪವೇತನದಲ್ಲಿ ಇವರು ದುಡಿಯುತ್ತಾರೆ.

ನೇಪಾಳ

ಈ ದೇಶದಿಂದ ಮಹಿಳೆಯರನ್ನು ಕದ್ದು ಬಲವಂತವಾಗಿ ಭಾರತಕ್ಕೆ ಸಾಗಿಸಲಾಗುತ್ತದೆ. ವರದಿಗಳ ಪ್ರಕಾರ ಪ್ರತಿವರ್ಷ ನೇಪಾಳದಿಂದ ಭಾರತಕ್ಕೆ ಸುಮಾರು ಐದು ಸಾವಿರದಿಂದ ಹತ್ತು ಸಾವಿರ ಮಹಿಳೆಯರು ಮತ್ತು ಹುಡುಗಿಯರನ್ನು ಕದ್ದು ಕಳ್ಳ ಸಾಗಣೆ ಮಾಡಲಾಗುತ್ತದೆ.

ಶ್ರೀಲಂಕಾ

ಈ ದೇಶದಿಂದ ವಿಶೇಷವಾಗಿ ಮಕ್ಕಳನ್ನು ಕದ್ದು ವಿಶ್ವದ ಹಲವೆಡೆ ಸಾಗಿಸಲಾಗುತ್ತದೆ. ಇವರನ್ನು ಹೆಚ್ಚಾಗಿ ಮಿಲಿಟರಿ ಕಾರ್ಯಗಳಲ್ಲಿ ಬಳಸಲಾಗುತ್ತದೆ. ಅಂತೆಯೇ ಶ್ರೀಲಂಕಾದ ಮಹಿಳೆಯರನ್ನೂ ಬಲವಂತವಾಗಿ ಕದ್ದೊಯ್ದು ವಿಶ್ವದ ಹಲವೆಡೆ ವೇಶ್ಯಾವಾಟಿಕೆಗಳಲ್ಲಿ ದುಡಿಸಿಕೊಳ್ಳಲಾಗುತ್ತದೆ.