ಭಾರೀ ಬೆಲೆ ಬಾಳುವ ವಜ್ರದ ಉಂಗುರ ನುಂಗಿದ ಟರ್ಕಿಯ ವ್ಯಕ್ತಿ!

By Hemanth Amin

Updated: Saturday, November 3, 2018, 15:50 [IST]

ಕಾನೂನು ಬಾಹಿರವಾಗಿ ಕೆಲಸ ಮಾಡುವಂತಹ ಜನರು ಮಾದಕವಸ್ತು, ಚಿನ್ನ ಹೀಗೆ ಬೇರೆ ಬೇರೆ ವಸ್ತುಗಳನ್ನು ವಿವಿಧ ರೀತಿಯ ಮಾರ್ಗಗಳಿಂದ ಸಾಗಾಟ ಮಾಡುವರು. ಅದರಲ್ಲೂ ಕೆಲವು ಜನರು ವಿದೇಶಗಳಿಂದ ಬರುವಾಗ ಬಂಗಾರ ಕಳ್ಳಸಾಗಾಣೆ ಮಾಡಲು ಬೇರೆ ಬೇರೆ ರೀತಿಯ ವಿಧಾನಗಳನ್ನು ಅನುಸರಿಸುವರು.ಚಿನ್ನವ್ನು ನುಂಗಿ, ಅದನ್ನು ದೇಹದ ಯಾವುದಾದರೂ ಭಾಗದಲ್ಲಿ ಇಟ್ಟುಕೊಂಡು, ಶೂ ಅಡಿಯಲ್ಲಿ, ಬ್ಯಾಗ್ ನಲ್ಲಿ ಇತ್ಯಾದಿಯಾಗಿ ಕಳ್ಳಸಾಗಾಣೆ ಮಾಡಲು ಪ್ರಯತ್ನಿಸುವರು. ಆದರೆ ಸಿಕ್ಕಿಬೀಳುವುದು ಖಚಿತ ಎಂದು ಇವರಿಗೆ ತಿಳಿದಿರುವುದಿಲ್ಲ. ಇಲ್ಲೊಬ್ಬ ವ್ಯಕ್ತಿಯು ವಜ್ರದ ಉಂಗುರವನ್ನು ನುಂಗಿ ಅದನ್ನು ಕದಿಯಲು ಪ್ರಯತ್ನಿಸಿದ್ದಾನೆ. ಇದು ಹೇಗೆ ಎಂದು ನೀವೇ ಓದುತ್ತಾ ಸಾಗಿ.....

ಟರ್ಕಿಯಲ್ಲಿ ಘಟನೆ ನಡೆದಿರುವುದು

ಇಯನ್ ಕ್ಯಾಂಪೆಲ್ ಎನ್ನುವ ವ್ಯಕ್ತಿಯು ಸುಮಾರು 30,000 ಪೌಂಡ್ ಬೆಲೆ ಬಾಳುವಂತಹ ವಜ್ರದ ಉಂಗುರವನ್ನು ಮುಗ್ಲ ಪ್ರಾಂತ್ಯದ ಮರ್ಮರಿಸ್ ಜಿಲ್ಲೆಯಲ್ಲಿ ಜ್ಯುವೆಲ್ಲರಿ ಅಂಗಡಿಯೊಂದರಿಂದ ಕದಿಯಲು ಪ್ರಯತ್ನಿಸಿದ್ದಾನೆ.

ಆತ ಉಂಗುರು ಕಿತ್ತುಕೊಂಡ

ಆ ವ್ಯಕ್ತಿಯು ಮೊದಲು ಉಂಗುರವನ್ನು ಕಿತ್ತುಕೊಂಡ ಬಳಿಕ ತನ್ನ ಕೈಯಲ್ಲಿ ಬಿಗಿಯಾಗಿ ಹಿಡಿದುಕೊಳ್ಳಲು ಪ್ರಯತ್ನಿಸಿದ್ದಾನೆ.

ಆತ ನುಂಗಿದ

ಇಯನ್ ನ ವರ್ತನೆಯಿಂದ ಜ್ಯುವೆಲ್ಲರಿಯಲ್ಲಿನ ಸಿಬ್ಬಂದಿಗೆ ಸಂಶಯ ಬಂದಿದೆ. ಅವರು ಮೊದಲು ಅಂಗಡಿಯ ಬಾಗಿಲು ಮುಚ್ಚಿ, ಆತ ಹೊರಗೆ ಹೋಗದಂತೆ ತಡೆದರು. ಈ ವೇಳೆ ಆತ ಉಂಗುರ ನುಂಗಿದ.

ಪೊಲೀಸರು ಆತನನ್ನು ವಶಕ್ಕೆ ತೆಗೆದುಕೊಂಡರು

ಇಯನ್ ಉಂಗುರು ನುಂಗಿರುವುದನ್ನು ಖಡಾಖಂಡಿತವಾಗಿ ನಿರಾಕರಿಸಿದ್ದಾನೆ. ಆದರೆ ಎಕ್ಸ್ ರೇ ವರದಿಯ ಪ್ರಕಾರ ಆತನ ಹೊಟ್ಟೆಯಲ್ಲಿ ಉಂಗುರ ಪತ್ತೆಯಾಗಿದೆ ಮತ್ತು ಇದರ ಬಳಿಕ ಪೊಲೀಸರು ಆತನನ್ನು ವಶಕ್ಕೆ ತೆಗೆದುಕೊಂಡರು. ನೈಸರ್ಗಿಕ ಕ್ರಿಯೆಯ ಮೂಲಕ ಉಂಗುರ ಮರಳಿ ಪಡೆಯಲು 24 ಗಂಟೆಗಳ ಕಾಲ ಕಾಯಬೇಕಾಯಿತು. ಈ ಸುದ್ದಿ ಬಗ್ಗೆ ನಿಮ್ಮ ಅನಿಸಿಕೆಯೇನು? ಇಂತಹ ವಿಚಿತ್ರ ಸುದ್ದಿಗಳನ್ನು ಓದುತ್ತಲಿರಲು ನೀವು ಇದೇ ವಿಭಾಗದಲ್ಲು ಹುಡುಕಾಡುತ್ತಲಿರಿ.

Comments

English summary

Case Of A Man Who Swallowed Diamond Ring

A man swallowed a diamond ring worth $40,000 from a jewellery store. The 54-year-old man who was a tourist was taken to a hospital by the police. The cops had to wait for more than 24 hours to get the ring back "by natural means." People try some of the most bizarre ways in which they steal or smuggle stuff.