ಕಿಕ್ ಏರಿಸಲು ಸ್ಯಾನಿಟರಿ ಪ್ಯಾಡ್ ಅನ್ನು ಕುದಿಸುವರು!

ರಾಷ್ಟ್ರೀಯ ಮಾದಕದ್ರವ್ಯ ವಿರೋಧಿ ಘಟಕ ಹೇಳಿರುವಂತೆ…

ರಾಷ್ಟ್ರೀಯ ಮಾದಕದ್ರವ್ಯ ವಿರೋಧಿ ಘಟಕವು ಹೇಳಿರುವಂತೆ ಇಂಡೋನೇಶಿಯಾದಲ್ಲಿ ಈ ಹೊಸ ವಿಧಾನವು ತುಂಬಾ ವೇಗವಾಗಿ ಹಬ್ಬುತ್ತಲಿದೆ. ಸ್ಯಾನಿಟರಿ ಪ್ಯಾಡ್ ಬಳಸಿಕೊಂಡು ನಶೆ ಏರಿಸಿಕೊಳ್ಳುವರು. ಸ್ಯಾನಿಟರಿ ಪ್ಯಾಡ್ ನಲ್ಲಿ ಇರುವಂತಹ ಕೆಲವೊಂದು ರಾಸಾಯನಿಕಗಳು ಹಾರುವ ಮತ್ತು ಭ್ರಮಾಲೋಕದ ಭಾವನೆಯನ್ನು ಉಂಟು ಮಾಡುವುದು.

ಹೊಸ ಹಾಗೂ ಬಳಸಿದ ಸ್ಯಾನಿಟರಿ ಪ್ಯಾಡ್‌ಗಳ ಬಳಕೆ

ಇಂಡೋನೇಶಿಯಾದ ಕೆಲವು ಮಂದಿ ಯುವಕರು ತುಂಬಾ ಅಗ್ಗವಾಗಿ ಹಾಗೂ ಕಾನೂನು ಬದ್ಧವಾಗಿ ನಶೆ ಏರಿಸಿಕೊಳ್ಳಲು ಹೊಸ ಹಾಗೂ ಬಳಸಿದ ಸ್ಯಾನಿಟರಿ ಪ್ಯಾಡ್ ಗಳನ್ನು ಬಳಸಿಕೊಳ್ಳುವರು. ಕಸದ ಬುಟ್ಟಿಗಳಿಂದ ಬಳಸಿದ ಸ್ಯಾನಿಟರಿ ಪ್ಯಾಡ್ ಗಳನ್ನು ತೆಗೆದುಕೊಳ್ಳುವರು ಮತ್ತು ಇದನ್ನು ಕುದಿಯುವ ನೀರಿಗೆ ಹಾಕುವರು. ಹೊಸ ಪ್ಯಾಡ್ ಗಳನ್ನು ಕೂಡ ಹೀಗೆ ಮಾಡುವರು.

ಇದನ್ನು ತಯಾರಿಸುವುದು ಹೇಗೆ?

ಹದಿಹರೆಯದ ಯುವಕನೊಬ್ಬ ಇದನ್ನು ತಯಾರಿಸುವ ಬಗ್ಗೆ ತಿಳಿಸಿದ್ದಾನೆ. ಸ್ಯಾನಿಟರಿ ಪ್ಯಾಡ್ ನ್ನು ಮೊದಲು ವ್ರ್ಯಾಪರ್ ನಿಂದ ಹೊರಗೆ ತೆಗೆದು, ಬಳಿಕ ಇದನ್ನು ಸುಮಾರು ಒಂದು ಗಂಟೆ ಕಾಲ ಕುದಿಸಲಾಗುತ್ತದೆ. ಇದರ ಬಳಿಕ ತಣ್ಣಗಾಗಿಸಿಕೊಂಡು ಕುಡಿಯಲಾಗುತ್ತದೆ.

ಇದರ ರುಚಿ ಹೇಗಿರುವುದು?

ಈ ವಿಚಿತ್ರ ಪಾನೀಯದ ರುಚಿಯು ತುಂಬಾ ಕಹಿಯಾಗಿರುವುದು ಎಂದು ಹೇಳಿದ್ದಾರೆ. ಈ ಪಾನೀಯವನ್ನು ಅವರು ಬೆಳಗ್ಗೆ, ಮಧ್ಯಾಹ್ನ ಮತ್ತು ಸಂಜೆ ವೇಳೆ ಕುಡಿದು ನಶೆ ಏರಿಸಿಕೊಂಡಿದ್ದಾರೆ ಎಂದು ಹೇಳಿದ್ದಾರೆ.