ಚೀನಾದವರ ಅವಸ್ಥೆ ನೋಡಿ!-ಹಣಕ್ಕಾಗಿ 'ಎದೆ ಹಾಲನ್ನೇ' ಮಾರುತ್ತಿದ್ದಾರೆ!!

ಚೀನಾದಲ್ಲಿ ತಾಯಿಹಾಲು ಮಾರುವುದು ನಿಷೇಧ

ಚೀನಾ ದೇಶದ ಆರೋಗ್ಯ ಸಚಿವಾಲಯ ಆಹಾರವಸ್ತುವನ್ನಾಗಿ ಉತ್ಪಾದಿಸಿ ಮಾರಬಹುದಾದ ವಸ್ತುಗಳ ಪಟ್ಟಿಯಲ್ಲಿ ತಾಯಿಹಾಲು ಸೇರಿಲ್ಲ. ಆ ಪ್ರಕಾರ ತಾಯಿಹಾಲನ್ನು ಮಾರುವುದೂ ಕೊಳ್ಳುವುದೂ ಕಾನೂನಿಗೆ ವಿರುದ್ಧವಾಗಿದ್ದು ಶಿಕ್ಷಾರ್ಹವಾಗಿದೆ.

ಆದರೆ ತಾಯಿಹಾಲಿಗೆ ದುಬಾರಿ ಬೆಲೆ ಇದೆ

ಸುಮಾರು ಕಾಲು ಲೀಟರ್ ನಷ್ಟು ಶೀತಲೀಕರಿಸಿ ಸಂಗ್ರಹಿಸಿರುವ ತಾಯಿಹಾಲಿಗೆ ಹದಿನೈದು ಯುವಾನ್ (ಸುಮಾರು 142 ರೂ) ನಿಂದ ಅವರತ್ತು ಯುವಾನ್ ವರೆಗೆ (568) ಬೆಲೆ ಇದೆ. ಆದರೆ ಇಂದಿನ ದಿನದ ತಾಯಿಹಾಲಿಗೆ ನೂರೈವತ್ತು ಯುವಾನ್ (1420 ರೂ) ವರೆಗೂ ಬೆಲೆ ಕಟ್ಟಲಾಗುತ್ತದೆ.

ಕಾನೂನಿಗೆ ವಿರುದ್ಧವಾದರೂ ಭಾರೀ ಪ್ರಮಾಣದಲ್ಲಿ ಎಗ್ಗಿಲ್ಲದೇ ನಡೆಯುತ್ತಿದೆ ಈ ವ್ಯವಹಾರ

ಹೇಗಾದರೂ ಮಾಡಿ ಕೊಂಚ ಹಣ ಸಂಪಾದಿಸಿ ಕುಟುಂಬ ನಡೆಸುವಂತಾದರೆ ಸಾಕು ಎಂಬ ಸ್ಥಿತಿಯಲ್ಲಿರುವ ಲಕ್ಷಾಂತರ ತಾಯಂದಿರಿಗೆ ಇದು ಒಂದು ಸುವರ್ಣಾವಕಾಶವಾಗಿದ್ದು ತಮ್ಮ ಹಾಲನ್ನು ಮಾರಿಕೊಳ್ಳುವ ಮೂಲಕ ಏನಿಲ್ಲವೆಂದರೂ ಏಳು ಸಾವಿರದಿಂದ (66,291 ರೂ) ಎಂಟು ಸಾವಿರ ಯುವಾನ್ (75761 ರೂ) ನಷ್ಟು ಪ್ರತಿ ತಿಂಗಳೂ ಸಂಪಾದಿಸಬಹುದು. ಇದೇ ಕಾರಣಕ್ಕೆ ಕಾನೂನಿಗೆ ವಿರುದ್ಧವಾದರೂ ಭಾರೀ ಪ್ರಮಾಣದಲ್ಲಿ ಈ ವ್ಯವಹಾರ ನಡೆಯುತ್ತಿದೆ.

ಅಷ್ಟಕ್ಕೂ ತಾಯಿ ಹಾಲು ಸತತವಾಗಿ ಉತ್ಪತ್ತಿಯಾಗುವುದು ಹೇಗೆ?

ತಮ್ಮ ಹಾಲಿಗೆ ಮಾರುಕಟ್ಟೆಯಲ್ಲಿ ಬೆಲೆ ಇದೆ ಎಂದು ಗೊತ್ತಾದ ತಾಯಂದಿರು ತಮ್ಮ ಹಾಲನ್ನು ಉತ್ಪಾದಿಸಿಕೊಳ್ಳಲು ವಿವಿಧ ಪ್ರಯತ್ನಗಳನ್ನು ನಡೆಸುತ್ತಲೇ ಇರುತ್ತಾರೆ. ಪರಿಣಾಮವಾಗಿ ತಮ್ಮ ಸ್ವಂತ ಮಗುವಿನ ಪಾಲಿನ ಹಾಲನ್ನು ಕಡಿಮೆ ಮಾಡುತ್ತಾರೆ ಹಾಗೂ ಬೇಗನೇ ಹಾಲು ಬಿಡಿಸುತ್ತಾರೆ. ಇನ್ನೂ ಕೆಲವರು ತಾಯಿ ಹಾಲು ಹೆಚ್ಚಿಸುವ ಆಹಾರಗಳನ್ನು ಸೇವಿಸುತ್ತಾರೆ.

ತಾಯಿ ಹಾಲು ಇಷ್ಟೇಕೆ ದುಬಾರಿ?

ಮಗುವಿಗೆ ತಾಯಿಹಾಲಿಗಿಂತ ಅಮೃತಸಮಾನವಾದ ದ್ರವ ಈ ಜಗತ್ತಿನಲ್ಲಿಯೇ ಇಲ್ಲ. ತಾಯಿಹಾಲಿನಲ್ಲಿ ಮಗುವಿನ ಬೆಳವಣಿಗೆಗೆ ಅಗತ್ಯವಾದ ಪ್ರತಿವಿಷ ಅಥವಾ ಆಂಟಿಬಾಡಿಗಳು, ಜೀವಂತ ಕೋಶಗಳು, ಕಿಣ್ವಗಳು, ಹಾರ್ಮೋನುಗಳು, ಕೊಬ್ಬಿನ ಆಮ್ಲ ಮೊದಲಾದವು ಬೇರಾವುದೇ ಆಹಾರದಲ್ಲಿ ಸಿಗಲು ಸಾಧ್ಯವೇ ಇಲ್ಲ. ಆದ್ದರಿಂದ ಮಕ್ಕಳಿಗೆ ಕುಡಿಸಲು ಈ ಹಾಲಿಗೆ ಸದಾ ಬೇಡಿಕೆ ಇರುತ್ತದೆ.

ಆದರೆ ಮಕ್ಕಳಿಗೆ ಅದರ ಸ್ವಂತ ತಾಯಿಯ ಹಾಲು ಸಾಕಾಗದೇ?

ಇಲ್ಲೇ ಇರುವುದು ಈ ಭಾರೀ ವ್ಯವಹಾರದ ಗುಟ್ಟು. ಪ್ರೌಢ ವ್ಯಕ್ತಿಗಳು ತಮ್ಮ ಮಗುವಿದೆ ಎಂದು ಹೇಳಿ ಹಾಲನ್ನು ಕೊಳ್ಳುತ್ತಿದ್ದರೂ ಈ ಹಾಲನ್ನು ಕುಡಿಯಲು ಅವರ ಮನೆಯಲ್ಲಿ ಮಗು ಇರುವುದೇ ಅನುಮಾನ. ಏಕೆಂದರೆ ಮಕ್ಕಳ ಹೆಸರು ಹೇಳಿ ಹಿರಿಯರೇ ಈ ಹಾಲನ್ನು ಕುಡಿಯುವುದೇ ನಿಜವಾದ ಬೇಡಿಕೆಗೆ ಕಾರಣವಾಗಿದೆ. ಕೆಲವರಂತೂ ಇನ್ನೂ ಮುಂದಕ್ಕೆ ಹೋಗಿ ಬಾಡಿಗೆ ತಾಯನ್ನು ಮನೆಗೇ ಕರೆತಂದು ನೇರವಾಗಿ ಹಾಲನ್ನು ಕರೆಸಿಕೊಂಡು ಹಣ ನೀಡುತ್ತಿದ್ದಾರೆ.

ಈ ವ್ಯಾಪಾರ ಇರುವುದು ಚೀನಾದಲ್ಲಿ ಮಾತ್ರ ಅಲ್ಲ

ಚೀನಾದಲ್ಲಿ ಕಾನೂನಿಗೆ ವಿರುದ್ದವಾಗಿ ಈ ವ್ಯಾಪಾರ ನಡೆಯುತ್ತಿದ್ದರೂ ಅತ್ತ ಇಂಗ್ಲೆಂಡಿನಲ್ಲಿ ಕಾನೂನಿನ ಅಧಿಕೃತ ಮುದ್ರೆ ಪಡೆದೇ ಸಂಸ್ಥೆಯೊಂದು ತಾಯಿಹಾಲನ್ನು ಬಳಸಿ ತಯಾರಿಸಿದ ಐಸ್ ಕ್ರೀಂಗಳನ್ನು ಮಕ್ಕಳಿಗಾಗಿ ಮಾರಾಟ ಮಾಡುತ್ತಿದೆ. ಬೇಬೇ ಗಾಗಾ ಡೆಸರ್ಟ್ ಎಂಬ ಹೆಸರಿನ ಈ ಉತ್ಪನ್ನವನ್ನು ಒಂದು ರಸ್ಕ್ ತುಂಡಿನ ಜೊತೆಗೇ ಮಾರಲಾಗುತ್ತದೆ. ಈ ಬಗ್ಗೆ ನಿಮ್ಮ ಅಭಿಪ್ರಾಯವನ್ನು ಕೆಳಗಿನ ಕಮೆಂಟ್ಸ್ ಭಾಗದಲ್ಲಿ ಬರೆದು ನಮಗೆ ತಿಳಿಸಿ.