ಇಂಟರೆಸ್ಟಿಂಗ್-ನೋಟುಗಳ ಹಿಂದಿರುವ ಈ ಚಿತ್ರಗಳ ಮಹತ್ವವೇನು?

ಒಂದು ರೂಪಾಯಿ ನೋಟು

ಈ ಚಿತ್ರ ಭಾರತದಲ್ಲಿ ಆದ ಕೈಗಾರಿಕಾ ಕ್ರಾಂತಿಯನ್ನು ಬಿಂಬಿಸುತ್ತದೆ.

ಎರಡು ರೂಪಾಯಿ ನೋಟು

ಈ ನೋಟಿನ ಹಿಂದೆ ಇರುವ ಉಪಗ್ರಹದ ಚಿತ್ರ ಭಾರತ ಮೊದಲು ಉಡಾಯಿಸಿದ ಆರ್ಯಭಟ ಉಪಗ್ರಹದ್ದಾಗಿದೆ. ವಿಜ್ಞಾನ ಹಾಗೂ ತಂತ್ರಜ್ಞಾನ ವಿಭಾಗದಲ್ಲಿ ಭಾರತ ಸಾಧಿಸಿದ ಸಾಧನೆಯನ್ನು ಈ ಮೂಲಕ ಸಂಭ್ರಮಿಸಲಾಗಿದೆ.

ಐದು ರೂಪಾಯಿ ನೋಟು

ಈ ಚಿತ್ರದಲ್ಲಿ ಕೃಷಿಯಲ್ಲಿ ಟ್ರಾಕ್ಟರ್ ಬಳಸುತ್ತಿರುವುದನ್ನು ತೋರಿಸಲಾಗಿದ್ದು ಕೃಷಿ ಕ್ಷೇತ್ರದಲ್ಲಿ ಭಾರತ ಸಾಧಿಸಿರುವ ಪ್ರಗತಿಯನ್ನು ಬಿಂಬಿಸಲಾಗಿದೆ.

ಹತ್ತು ರೂಪಾಯಿ ನೋಟು

ಖಡ್ಗಮೃಗ, ಆನೆ, ಹುಲಿಗಳ ಚಿತ್ರಗಳ ನಡುವೆ ವಿವಿಧ ಸಸ್ಯ ಮತ್ತು ಹೂವುಗಳನ್ನು ಅತ್ಯದ್ಭುತವಾಗಿ ಮೂಡಿಸುವ ಕಲಾವಿದನ ಕೈಚಳಕದ ಮೂಲಕ ಭಾರತದ ಜೀವವೈವಿಧ್ಯತೆಯನ್ನು ವಿವರಿಸಲಾಗುತ್ತಿದೆ.

ಇಪ್ಪತ್ತು ರೂಪಾಯಿ ನೋಟು

ನಮ್ಮ ದೇಶದ ಬಂಗಾಳ ಕೊಲ್ಲಿಯಲ್ಲಿರುವ ಅಂಡಮಾನ್ ನಿಕೋಬಾರ್ ದ್ವೀಪಗಳ ರಾಜಧಾನಿ ಪೋರ್ಟ್ ಬ್ಲೇರ್ ನಲ್ಲಿರುವ ಮೌಂಟ್ ಹ್ಯಾರಿಯೆಟ್ ದೀಪಸ್ಥಂಭದಿಂದ ನೋಡಿದಾಗ ಕಾಣುವ ತೆಂಗಿನ ಮರಗಳ ಸಮೃದ್ಧತೆ ಹಾಗೂ ಸಮುದ್ರವ ಚಿತ್ರವನ್ನು ಕಲಾತ್ಮಕವಾಗಿ ವಿನ್ಯಾಸದ ಚೌಕಟ್ಟಿನಲ್ಲಿ ಹುದುಗಿಸಿ ಭಾರತದ ತೀರಸೌಂದರ್ಯವನ್ನು ಬಿಂಬಿಸಲಾಗಿದೆ.

ಐವತ್ತು ರೂಪಾಯಿ ನೋಟು

ಈ ಚಿತ್ರದಲ್ಲಿ ನವದೆಹಲಿಯಲ್ಲಿರುವ ಸಂಸತ್ ಭವನ ಕಟ್ಟಡವನ್ನು ಚಿತ್ರಿಸಲಾಗಿದ್ದು ಭಾರತದ ಪ್ರಜಾಪ್ರಭುತ್ವ ವ್ಯವಸ್ಥೆಯನ್ನು ಬಿಂಬಿಸಲಾಗಿದೆ.

ನೂರು ರೂಪಾಯಿ ನೋಟು

ಈ ನೋಟಿನಲ್ಲಿ ಭಾರತದ ಅತ್ಯುನ್ನತ ಪರ್ವತವಾಗಿರುವ ಕಾಂಚನಜುಂಗಾ ಪರ್ವತದ ಹಿಮಾಚ್ಛಾದಿತ ಶಿಖರಗಳನ್ನು ಕಲಾತ್ಮಕ ಚೌಕಟ್ಟಿನೊಳಗೆ ಮೂಡಿಸಲಾಗಿದೆ.

ಹಳೆಯ ಐನೂರು ರೂಪಾಯಿ ನೋಟು

ಪ್ರಸ್ತುತ ಚಲಾವಣೆಯಿಂದ ಹಿಂದೆ ತೆಗೆದುಕೊಂಡಿರುವ ಹಳೆಯ ಐನೂರು ರೂಪಾಯಿ ನೋಟುಗಳಲ್ಲಿ ಸ್ವಾತಂತ್ರ ಸಂಗ್ರಾಮದ ಒಂದು ಅಂಗವಾದ ಉಪ್ಪಿನ ಸತ್ಯಾಗ್ರಹದಲ್ಲಿ ಗಾಂಧೀಜಿಯವ ನೇತೃತ್ವದಲ್ಲಿ ಹೊರಟ ದಂಡಿಯಾತ್ರೆಯನ್ನು ಬಿಂಬಿಸಲಾಗಿದೆ.

ಇಂದು ಚಲಾವಣೆಯಲ್ಲಿರುವ ಹೊಸ ಐನೂರು ರೂಪಾಯಿ ನೋಟು

ಭಾರತದ ಇತಿಹಾಸದ ಹಲವು ಪ್ರಮುಖ ಕ್ಷಣಗಳನ್ನು ದಾಖಲಿಸಿರುವ ಕೆಂಪುಕೋಟೆಯಲ್ಲಿ ಭಾರತದ ಧ್ವಜ ಹಾರಾಡುತ್ತಿರುವುದನ್ನು ಈ ಚಿತ್ರದಲ್ಲಿ ವಿವರಿಸಲಾಗಿದ್ದು ಸ್ವತಂತ್ರ ಭಾರತದ ಸಾಕಾರವನ್ನು ಬಿಂಬಿಸಲಾಗಿದೆ.

ಹಳೆಯ ಸಾವಿರ ರೂಪಾಯಿ ನೋಟು

ಈ ಚಿತ್ರದಲ್ಲಿ ಭಾರತದ ಆರ್ಥಿಕ ಸ್ಥಿತಿ ಹಾಗೂ ಪ್ರಗತಿಯನ್ನು ಬಿಂಬಿಸಲಾಗಿದೆ.

ಹೊಸ ಸಾವಿರ ರೂಪಾಯಿ ನೋಟು

ಕಳೆದ ವರ್ಷ ಭಾರತ ಮಂಗಳಯಾನ ಎಂಬ ಅಭಿಯಾನದ ಮೂಲಕ ಮಂಗಳನ ಬಳಿ ಸಾಗಿದ ಉಪಗ್ರಹದ ಚಿತ್ರವನ್ನು ಪ್ರಟಿಸುವ ಮೂಲಕ ಖಗೋಳವಿಜ್ಞಾನದಲ್ಲಿ ಆಗಿರುವ ಪ್ರಗತಿಯನ್ನು ಬಿಂಬಿಸಲಾಗಿದೆ.