ಅಚ್ಚರಿ ಪಡುವ ಮಾಹಿತಿಗಳು-ಶವವನ್ನು ಹೇಗೆಲ್ಲಾ ಬಳಸಿಕೊಳ್ಳುತ್ತಾರೆ ನೋಡಿ...

ಮರಕ್ಕೆ ಗೊಬ್ಬರವಾಗಿ

Bios Urns ಎಂಬ ಸಂಸ್ಥೆಯ ಮುಖ್ಯ ಕಾರ್ಯವೆಂದರೆ ಶವಗಳನ್ನು ಸಮಾಧಿ ಮಾಡುವುದು 2011ರಲ್ಲಿ ಈ ಸಂಸ್ಥೆ ಶವಗಳನ್ನು ಮರಗಳನ್ನು ಬೆಳೆಸುವ ಮೂಲಕ ಸದುಪಯೋಗಿಸಿಕೊಳ್ಳುತ್ತಾ ಬಂದಿದೆ. ಶವವನ್ನು ನೈಸರ್ಗಿಕವಾಗಿ ಕೊಳೆಯಲು ಬಿಟ್ಟು ಈ ಸ್ಥಳದಲ್ಲಿ ಮರದ ಬೀಜವೊಂದನ್ನು ನೆಡಲಾಗುತ್ತದೆ. ಈ ಬೀಜ ಮಣ್ಣಾಗುತ್ತಿರುವ ಶವವನ್ನೇ ಗೊಬ್ಬರವಾಗಿ ಪಡೆದು ಸೊಂಪಾಗಿ ಬೆಳೆಯುತ್ತದೆ.

ವಜ್ರಗಳ ನಿರ್ಮಾಣ

ಅಸಾಧ್ಯ ಎಂದು ನಮಗೆಲ್ಲಾ ಅನ್ನಿಸುವ ಈ ಕಾರ್ಯವನ್ನು ಅಮೇರಿಕಾದ ಒಂದು ಸಂಸ್ಥೆ ಸಾಧ್ಯವಾಗಿಸಿ ತೋರಿಸಿದೆ. ಮಾನವ ದೇಹ ಶೇಖಡಾ ಎಪ್ಪತ್ತರಷ್ಟು ನೀರಿನಿಂದ ಕೂಡಿದ್ದರೂ ಉಳಿದ ಜೀವಕೋಶಗಳೆಲ್ಲಾ ಇಂಗಾಲ ಆಧಾರಿತ ಕಣದಿಂದ ಮಾಡಲ್ಪಟ್ಟಿದೆ. ವಜ್ರ ಸಹಾ ಇಂಗಾಲದ ಇನ್ನೊಂದು ರೂಪವಾಗಿದೆ. ಪ್ರತಿಶವದಿಂದಲೂ ಈ ಸಂಸ್ಥೆ ಸರಾಸರಿ ಐವತ್ತಕ್ಕೂ ಹೆಚ್ಚು ವಜ್ರಗಳನ್ನು ಉತ್ಪಾದಿಸುತ್ತದೆ. ಹೇಗೆ ಎಂಬ ಗುಟ್ಟನ್ನು ಈ ಸಂಸ್ಥೆ ಬಿಟ್ಟುಕೊಟ್ಟಿಲ್ಲ.

ಸೋಪು ನಿರ್ಮಾಣ

ಈ ಸೋಪನ್ನು ಶವದಿಂದ ತಯಾರಿಸಿದ್ದು ಎಂದರೆ ನಾವೆಂದೂ ಇದರಿಂದ ಸ್ನಾನ ಮಾಡಲಿಕ್ಕಿಲ್ಲ. ಆದರೆ ಮನುಷ್ಯದೇಹದಲ್ಲಿರುವ ಕೊಬ್ಬನ್ನು ಸೋಪಿನ ತಯಾರಿಕೆಗಾಗಿ ಬಳಸಿಕೊಳ್ಳುವ ಕೆಲವಾರು ಸಂಸ್ಥೆಗಳಿವೆ. ಕೊಬ್ಬನ್ನು ಕೆಲವು ರಾಸಾಯನಿಕಗಳ ಜೊತೆಗೆ ಬೆರೆಸಿ ಕರಗಿಸಿ ಸೋಪಿನ ತಯಾರಿಕೆಯಲ್ಲಿ ಬಳಸಲಾಗುತ್ತಿದೆ.

ಲೋಹಗಳನ್ನು ಪಡೆಯಲು

ನಮ್ಮ ದೇಹದ ಜೀವಕೋಶಗಳಲ್ಲಿ ಅಲ್ಪ ಪ್ರಮಾಣದ ತಾಮ್ರ, ಕಬ್ಬಿಣ, ಚಿನ್ನ, ಮ್ಯಾಂಗನೀಸ್ ಮೊದಲಾದ ಖನಿಜಗಳಿವೆ. 2004ರಲ್ಲಿ ಇಂಗ್ಲೆಂಡಿನಲ್ಲಿ ಪ್ರಾರಂಭವಾದ "Crematorium recycling" ಎಂಬ ಹೆಸರಿನ ಒಂದು ಸಂಸ್ಥೆ ಶವಗಳಿಂದ ಈ ಅಲ್ಪಪ್ರಮಾಣದ ಲೋಹವನ್ನೂ ಹೊರತೆಗೆಯಲು ಯಶಸ್ವಿಯಾಗಿದೆ. ಈ ಲೋಹಗಳನ್ನು ವಿಮಾನದ ಇಂಜಿನ್, ರಸ್ತೆದೀಪ ಮೊದಲಾದ ಉಪಯೋಗಗಳಿಗೆ ಬಳಸಲಾಗುತ್ತಿದೆ.

ಶವಗಳನ್ನು ಪುಡಿಯಾಗಿಸುವ ತಂತ್ರ

ಸ್ವೀಡನ್ನಿನ ಒಂದು ಸಂಸ್ಥೆ ಶವಗಳ ಅಂತ್ಯ ಸಂಸ್ಕಾರವನ್ನು ಭಿನ್ನರೂಪದಲ್ಲಿ ಮಾಡುತ್ತಿದೆ. ಶವಾಗಾರದೊಂದಿಗೆ ಹೊಂದಿರುವ ಒಪ್ಪಂದದ ಪ್ರಕಾರ ಮೊದಲು ಶವಗಳನ್ನು ಶೈತ್ಯಾಗಾರದಲ್ಲಿರಿಸಿ ಮಂಜುಗಡ್ಡೆಯಾಗಿಸಲಾಗುತ್ತದೆ. ಬಳಿಕ ಇದನ್ನು ತೀವ್ರವಾಗಿ ಕಂಪಿಸುವ ವೈಬ್ರೇಟರ್ ಒಂದರಲ್ಲಿರಿಸಿದಾಗ ಅಲಗುವಿಕೆಗೆ ಈ ಶವ ಪುಡಿಪುಡಿಯಾಗುತ್ತದೆ. ಬಳಿಕ ಈ ಪುಡಿಯಿಂದ ಲೋಹಗಳನ್ನು ಪ್ರತ್ಯೇಕಿಸಲಾಗುತ್ತದೆ. ಉಳಿದ ಪುಡಿಯನ್ನು ಮೆಕ್ಕೆಜೋಳದ ಹಿಟ್ಟಿನೊಂದಿಗೆ ಬೆರೆಸಿ ಒಂದು ಪಾತ್ರೆಯಲ್ಲಿ ಮುಚ್ಚಿಡಲಾಗುತ್ತದೆ. ಒಂದು ವರ್ಷದ ಬಳಿಕ ಈ ಪುಡಿ ಪೂರ್ಣವಾಗಿ ಮಣ್ಣಾಗಿ ಹೋಗುತ್ತದೆ. ಈ ವಿಧಾನ ಅಂತ್ಯಸಂಸ್ಕಾರದಲ್ಲಿ ಜಗತ್ತಿನಲ್ಲಿಯೇ ಅತ್ಯಂತ ಪರ್ಯಾವರಣ ಸ್ನೇಹಿ ವಿಧಾನ ಎಂದು ಪರಿಗಣಿಸಲಾಗಿದೆ.

ಕಾಡುಪಕ್ಷಿಗಳಿಗೆ ಆಹಾರ

ಟಿಬೆಟ್ ನಲ್ಲಿ ಮೃತ ಶರೀರವನ್ನು ತುಂಡುತುಂಡಾಗಿಸಿ ಗೋಧಿಹಿಟ್ಟು ಮತ್ತು ಬೆಣ್ಣೆಯೊಡನೆ ಬೆರೆಸಲಾಗುತ್ತದೆ. ಬಳಿಕ ಈ ತುಂಡುಗಳನ್ನು ಪರ್ವತದ ಮೇಲೆ ಕೊಂಡೊಯ್ದು ಹದ್ದು ಮೊದಲಾದ ಕಾಡುಪಕ್ಷಿಗಳಿಗೆ ಆಹಾರವಾಗಿ ನೀಡಲಾಗುತ್ತದೆ.

ಕಾರು ಅಪಘಾತದ ಪರೀಕ್ಷೆಗಾಗಿ

ಯಾವುದೇ ಕಾರು ಮಾರುಕಟ್ಟೆಗೆ ಬರುವ ಮೊದಲು ಕೆಲವಾರು ಸುರಕ್ಷಾ ಪರೀಕ್ಷೆಗಳನ್ನು ಎದುರಿಸಿ ತೇರ್ಗಡೆಯಾಗಬೇಕಾಗುತ್ತದೆ. ಈ ಪರೀಕ್ಷೆಗಳಲ್ಲಿ ಮಾನವರು ಕುಳಿತುಕೊಳ್ಳುವಲ್ಲಿ ಮಾನವ ಗಾತ್ರದ ಗೊಂಬೆಗಳನ್ನು ಇರಿಸಿ ಕೃತಕ ಅಪಘಾತ ನಡೆಸಿ ಜಖಂಗೊಂಡ ವಾಹನದ ಕೂಲಂಕಶ ತಪಾಸಣೆ ಹಾಗೂ ಇದರಿಂದ ಕನಿಷ್ಟ ಅಪಾಯವಾಗುವಂತೆ ಬದಲಾವಣೆಗಳನ್ನು ಮಾಡಲಾಗುತ್ತದೆ. ಆದರೆ ಆಘಾತ ಮಾನವ ದೇಹದ ಮೇಲೆ ಎಷ್ಟು ಮಟ್ಟಿಗೆ ಗಹನವಾಗಿ ಆಗುತ್ತದೆ ಎಂಬುದನ್ನು ಈ ಗೊಂಬೆಗಳ ಮೂಲಕ ಪಡೆಯಲು ಸಾಧ್ಯವಿಲ್ಲ. ಜೀವಂತವಿರುವವರನ್ನು ಬಳಸುವಂತೆಯೂ ಇಲ್ಲ. ಹಾಗಾಗಿ ಶವಗಳನ್ನು ಬಳಸಿ ಪರೀಕ್ಷೆ ನಡೆಸಿ ಆಘಾತದ ವಿವರ ಹಾಗೂ ಅಂಕಿಅಂಶಗಳನ್ನು ಸಂಗ್ರಹಿಸಲಾಗುತ್ತದೆ.