ನಿಮ್ಮವರಿಗೆ ಈ ಐದು ರೀತಿಯ ಉಡುಗೊರೆ ಅಪ್ಪಿತಪ್ಪಿಯೂ ನೀಡಬೇಡಿ!

ಮೊನಚಾದ ವಸ್ತುಗಳು

ಕೊಟ್ಟ ಉಡುಗೊರೆ ಉಪಯೋಗಕ್ಕೆ ಬರಬೇಕೆನ್ನುವ ಉದ್ದೇಶದಿಂದ ಕತ್ತಿ, ಚಾಕು, ನೇಲ್ ಕಟರ್ ಹೀಗೆ ಮೊನಚಾದ ವಸ್ತುಗಳನ್ನು ಉಡುಗೊರೆಯಾಗಿ ನೀಡಬಾರದು. ಇಂತಹ ವಸ್ತುಗಳನ್ನು ಉಡುಗೊರೆಯನ್ನಾಗಿ ನೀಡಿದರೆ ಅನಪೇಕ್ಷಿತವಾಗಿ ದುರದೃಷ್ಟವನ್ನು ಹೆಚ್ಚಿಸುವುದು ಎಂದು ಹೇಳಲಾಗುವುದು.

ಕರವಸ್ತ್ರ

ಮೈ ಒರೆಸುವ ಬಟ್ಟೆ, ಕರವಸ್ತ್ರ ಇಂತಹ ವಸ್ತುವನ್ನು ನೀಡಬಾರದು. ಇವು ಅಳು ಹಾಗೂ ಬೆವರನ್ನು ಒರೆಸುವ ವಸ್ತುವಾದ್ದರಿಂದ ಭವಿಷ್ಯದಲ್ಲಿ ದುಃಖದ ಸಂಗತಿಗಳೇ ಹೆಚ್ಚಾಗುವುದು. ಇದನ್ನು ನೀಡಿದ ಹಾಗೂ ಪಡೆದ ವ್ಯಕ್ತಿಗಳಿಗೂ ಹಾನಿಕಾರಕ ಎಂದು ಹೇಳಲಾಗುವುದು.

ಪಾದರಕ್ಷೆ

ವಿವಿಧ ವಿನ್ಯಾಸದ ಪಾದರಕ್ಷೆಗಳು ದುಬಾರಿ ಬೆಲೆಯಲ್ಲಿ ಸಿಗುತ್ತವೆ. ಹಾಗಂತ ಇದನ್ನು ಉಡುಗೊರೆ ನೀಡುವ ಉದ್ದೇಶದಿಂದ ಖರೀದಿಸಬಾರದು. ಏಕೆಂದರೆ ಇದನ್ನು ಉಡುಗೊರೆಯಾಗಿ ನೀಡುವುದರಿಂದ ಪಡೆದವರಿಗೆ ಕೆಟ್ಟದ್ದಾಗುವುದು.

ಗಡಿಯಾರ

ಅಲಾರಾಂ, ಗೋಡೆ ಗಡಿಯಾರ, ಕೈಗಡಿಯಾರಗಳನ್ನು ಉಡುಗೊರೆಯಾಗಿ ನೀಡುವುದು ಸಾಮಾನ್ಯ. ಇದನ್ನು ನೀಡುವುದರಿಂದ ಪಡೆದವರ ಜೀವಿತಾವಧಿಯು ಕಡಿಮೆಯಾಗುತ್ತದೆ ಎನ್ನಲಾಗುವುದು.

ಕಪ್ಪು ಬಟ್ಟೆ

ಕಪ್ಪು ಬಟ್ಟೆಯು ಅಶುಭ, ದುಃಖ, ನೋವಿನ ಸಂಕೇತವಾದ್ದರಿಂದ ಇದನ್ನು ನೀಡಬಾರದು. ಈ ರೀತಿಯ ಉಡುಗೊರೆ ಪಡೆದವರಿಗೆ ಮುಂದಿನ ದಿನದಲ್ಲಿ ಅಶುಭವಾಗುವುದು.