ಮನುಷ್ಯರಂತೆ ಈ ಹುಲಿಗಳೂ ಬೊಜ್ಜನ್ನು ಬೆಳಸಿಕೊಂಡಿವೆ!

ಚೀನಾದ ಸೈಬೀರಿಯಾ ಹುಲಿಗಳ ಪ್ರಾಣಿಸಂಗ್ರಹಾಲಯದಲ್ಲಿ

ಈ ಬೊಜ್ಜಿನ ಹುಲಿಗಳು ಚೀನಾದ ಸೈಬೀರಿಯಾ ಹುಲಿಗಳ ಪ್ರಾಣಿಸಂಗ್ರಹಾಲಯದಲ್ಲಿ ಪತ್ತೆಯಾಗಿದೆ. ವಿಶ್ವದಲ್ಲಿ ಸೈಬೀರಿಯಾದ ಹುಲಿಗಳೀಗೆ ಅತ್ಯಂತ ದೊಡ್ಡ ಪ್ರಾಣಿಸಂಗ್ರಹಾಲಯ ಇದಾಗಿದೆ. ಈ ಪ್ರಾಣಿಸಂಗ್ರಹಾಲಯದಲ್ಲಿ 2016ರಲ್ಲಿ ಸುಮಾರು 90 ಹುಲಿಗಳು ಜನಿಸಿದ್ದವು.

ವೈರಲ್ ಆದ ಫೋಟೋಗಳು

ಚೀನಾದ ಈಶಾನ್ಯ ಭಾಗ ಹರ್ಬಿನ್ ಪ್ರಾಂತ್ಯದಲ್ಲಿ ಇರುವಂತಹ ಸೈಬೀರಿಯನ್ ಹುಲಿಗಳ ಪ್ರಾಣಿಸಂಗ್ರಹಾಲಯದಲ್ಲಿ ಈ ಬೊಜ್ಜು ದೇಹದ ಹುಲಿಗಳು ಪತ್ತೆಯಾಗಿವೆ. ಈ ಹುಲಿಗಳ ಫೋಟೊಗಳು ಈಗ ಕಾಡ್ಗಿಚ್ಚಿನಂತೆ ಪ್ರತಿಯೊಂದು ಕಡೆಯೂ ಹಬ್ಬಿದೆ. ಹುಲಿಗಳ ಬೊಜ್ಜಿನ ಬಗ್ಗೆ ಪ್ರತಿಯೊಬ್ಬರು ಚಿಂತೆ ವ್ಯಕ್ತಪಡಿಸಿದ್ದಾರೆ.

ಹುಲಿಗಳಿಗೆ ಬೊಜ್ಜು ಬರುವುದು ಸ್ವಾಭಾವಿಕ

ಚಳಿಗಾಲದ ಸಮಯದಲ್ಲಿ ಹುಲಿಗಳು ಅತಿಯಾಗಿ ತಿನ್ನುವುದು ಸ್ವಾಭಾವಿಕವಾಗಿದೆ ಎಂದು ಹುಲಿಗಳನ್ನು ನೋಡಿಕೊಳ್ಳುತ್ತಾ ಇರುವವರು ಹೇಳಿದ್ದಾರೆ. ಸೈಬೀರಿಯಾದ ಚಳಿಯನ್ನು ಸಹಿಸಿಕೊಳ್ಳುವ ಸಲುವಾಗಿ ಹುಲಿಗಳು ಈ ರೀತಿ ತಿಂದು ತಮ್ಮ ದೇಹದ ತೂಕವನ್ನು ಹೆಚ್ಚಿಸಿಕೊಳ್ಳುತ್ತವೆ ಎನ್ನುತ್ತಾರೆ.

ಸಾಮಾಜಿಕ ಜಾಲತಾಣಗಳಲ್ಲಿ

ಚೀನಾದ ಸ್ಪ್ರಿಂಗ್ ಹಬ್ಬದ ವೇಳೆ ಹುಲಿಗಳಿಗೆ ಸ್ವಲ್ಪ ಅತಿಯಾಗಿಯೇ ತಿನ್ನಲು ನೀಡಲಾಗಿತ್ತು ಎಂದು ಸಾಮಾಜಿಕ ಜಾಲತಾಣಗಳಲ್ಲಿ ಸುದ್ದಿ ಹರಿದಾಡುತ್ತಿದೆ. ಹುಲಿಗಳ ಆರೋಗ್ಯದ ದೃಷ್ಟಿಯಿಂದ ಅವುಗಳು ಆದಷ್ಟು ಬೇಗನೆ ತಮ್ಮ ಹಿಂದಿನ ತೂಕಕ್ಕೆ ಮರಳಲಿ ಎಂದು ನಾವು ಹಾರೈಸುತ್ತೇವೆ. Image courtesy