ಭಯ ಹುಟ್ಟಿಸುವ ಆ ಅಲ್ಟ್ರಾಸೌಂಡ್ ಸ್ಕ್ಯಾನ್ ಚಿತ್ರಗಳು!!

ಚಿತ್ರ#1 ಅನ್ಯಗ್ರಹದ ಮಗುವೇ ಇದು?

ಈ ಚಿತ್ರದಲ್ಲಿ ಕಾಣುವ ಮಗುವಿನ ಚಿತ್ರ ಯಥಾವತ್ತಾಗಿ ಒಂದು ಅನ್ಯಗ್ರಹ ಜೀವಿಯ ಮುಖದಂತೆ ಕಾಣುತ್ತಿದೆ ಅಲ್ಲವೇ? ಇದು ಎಷ್ಟು ನಿಜವಾಗುತ್ತದೆ ಎಂಬುದನ್ನು ಹೆರಿಗೆಯ ಬಳಿಕವೇ ಖಚಿತಪಡಿಸಬೇಕಷ್ಟೇ. ಈ ಮಗು ಎಲ್ಲರಂತೆ ಮುದ್ದು ಮುಖವನ್ನೇ ಹೊಂದಿರಲಿ ಎಂದು ನಾವೆಲ್ಲಾ ಹಾರೈಸೋಣ. ಈ ಚಿತ್ರವನ್ನು ಯಾವಾಗ ಮಹಿಳೆಯ ಸದಸ್ಯರೊಬ್ಬರು ತೆಗೆದು ಸಾಮಾಜಿಕ ತಾಣದಲ್ಲಿ ಪ್ರಕಟಿಸಿದರೋ, ಆಗಿನಿಂದ ಲಕ್ಷಾಂತರ ಮೊಬೈಲುಗಳಲ್ಲಿ ಇದು ಹರಿದಾಡುತ್ತಿದೆ.

ಚಿತ್ರ#2 ಈ ಮಗು ನಿಮ್ಮನ್ನೇ ದುರುಗುಟ್ಟುತ್ತಿದೆಯೇ?

ಕೆಲವರಿಗೆ ಚಿತ್ರ ತೆಗೆಯುವಾಗ ಕ್ಯಾಮೆರಾ ಕಡೆ ದುರುಗುಟ್ಟಿ ನೋಡುವ ಅಭ್ಯಾಸವಿರುತ್ತದೆ. ಈ ಮಗು ಈ ಕಲೆಯನ್ನು ಹುಟ್ಟುವುದಕ್ಕಿಂತಲೂ ಮೊದಲೇ ಕಲಿತುಕೊಂಡಿದೆಯೇ ಎಂದು ಈ ಚಿತ್ರವನ್ನು ನೋಡಿದಾಗ ಅನ್ನಿಸುತ್ತದೆ. ಅದರಲ್ಲೂ ಮಗುವಿನ ಕಣ್ಣುಗಳು ನಿಮ್ಮನ್ನೇ ದಿಟ್ಟಿಸಿ ನೋಡುತ್ತಿರುವಂತೆ ಕಾಣಿಸುತ್ತದೆ. ಈ ಚಿತ್ರವನ್ನು ಅಂದು ನೇರವಾಗಿ ನೋಡಿದವರಿಗೆ ಒಂದೆರಡು ದಿನವಾದರೂ ಈ ಮಗುವಿನ ಕಣ್ಣುಗಳು ಖಂಡಿತಾ ಕಾಡಿರಬಹುದು.

ಚಿತ್ರ #3 ಅಸಾಧ್ಯ ಗಾತ್ರದ ಮಗು

ತನಗೆ ಇಲ್ಲಿ ಸ್ಥಳಾವಕಾಶ ಸಾಕಾಗುತ್ತಿಲ್ಲ, ನನಗೆ ತಕ್ಷಣ ಹೊರಬರಬೇಕು ಎಂದು ಹೇಳುತ್ತಿರುವಂತಿದೆ ಈ ಚಿತ್ರ. ಈ ಮಗುವಿನ ಗಾತ್ರ ಸಾಮಾನ್ಯಕ್ಕಿಂತಲೂ ತುಂಬಾ ಹೆಚ್ಚಾಗಿದ್ದು ಚಿತ್ರದ ಹೆಚ್ಚಿನ ಭಾಗವನ್ನು ಆವರಿಸಿಕೊಂಡಿರುವ ಕಾರಣ ಈ ಬಗೆಯ ಯೋಚನೆ ನಿಮ್ಮಲ್ಲೂ ಮೂಡಿರಬಹುದು.

ಚಿತ್ರ#4 ಚಿತ್ರಕ್ಕೆ ಭಂಗಿ ನೀಡುತ್ತಿದೆಯೇ?

ಚಿತ್ರ ತೆಗೆಯುವವರು ಬಂದಾಗ ಎಲ್ಲರೂ ಇದಕ್ಕೆ ಸೂಕ್ತ ಭಂಗಿ ನೀಡಲು ಕೊಂಚ ಮುಗುಳ್ನಗುತ್ತಾರಲ್ಲಾ, ಈ ಕಲೆಯನ್ನು ಈ ಮಗು ಗರ್ಭದಲ್ಲಿಯೇ ಕಲಿತು ಕೊಂಡಂತಿದೆ. ಈ ಚಿತ್ರದಲ್ಲಿ ಬಾಯಿಯನ್ನು ಪೂರ್ಣವಾಗಿ ತೆರೆದು ಚಿತ್ರಕ್ಕೆ ಭಂಗಿ ನೀಡುವಂತೆ ಕಾಣುತ್ತಿದೆ. ಈ ಮಗುವಿನ ಚಿತ್ರ ತೆಗೆದಾದ ಬಳಿಕ ಬಾಯಿ ಮುಚ್ಚಿದ್ದರಿಂದ ಇನ್ನೊಂದು ಚಿತ್ರದಲ್ಲಿ ಹಾಗೇ ಮೂಡಿಬಂದಿದೆ.

ಚಿತ್ರ#5 ಈ ಮಗುವಿನ ಅಸ್ಥಿಪಂಜರ ಕಾಣಿಸುತ್ತಿದೆ

ಈ ಚಿತ್ರ ನೋಡಲಿಕ್ಕೆ ಮಗುವಿನಂತೆಯೇ ಇದ್ದರೂ ಇದು ನಿಜವಾದ ಚಿತ್ರವೇ ಅನ್ನುವುದು ಮಾತ್ರ ಅನುಮಾನ. ನಿಮಗೇನೆನಿಸುತ್ತದೆ? ಹುಟ್ಟದ ಮಗುವಿಗೆ ಹಲ್ಲೇ ಇರುವುದಿಲ್ಲ. ಹಾಗಾಗಿ ಇದು ನಿಜವೋ ಅಲ್ಲವೋ ಎಂಬ ನಿಷ್ಕರ್ಷೆಗೂ ಮುನ್ನ ಮುಂದಿನ ಚಿತ್ರಗಳನ್ನು ನೋಡೋಣ...

ಚಿತ್ರ#6 ಈ ಚಿತ್ರದಲ್ಲಿ ಮಗುವೆಲ್ಲಿದೆ?

ಈ ಚಿತ್ರದಲ್ಲಿ ಏನೋ ತೊಂದರೆ ಇರಬಹುದು, ಕೊಂಚ ಖಾಲಿಯಾಗಿರಬಹುದು ಅನ್ನಿಸುತ್ತದೆ. ಆದರೆ ಕೊಂಚ ಗಮನವಿಟ್ಟು ನೋಡಿದರೆ ಮಗುವೊಂದು ತನ್ನ ಬಾಯಿಯನ್ನು ಅಸಾಧ್ಯವಾಗಿ ತೆರೆದಿದ್ದು ಅಂಡಾಕೃತಿಯ ನೀಳವಾದ ಬಾಯಿ ಭಯ ಹುಟ್ಟಿಸುತ್ತದೆ.

ಚಿತ್ರ #7 ಹ್ಯಾಲೋವೀನ್ ಮಗು

ಈ ಚಿತ್ರದಲ್ಲಿ ಕಾಣುವ ಮಗು ತೊಟ್ಟಿಲಲ್ಲಿ ನಿದ್ದೆಯಿಂದ ಈಗತಾನೇ ಎದ್ದು ಮೈಮುರಿದು ಆಕಳಿಸುತ್ತಿರುವಂತಿದೆ. ಎರಡೂ ಕೈಗಳನ್ನು ನೀಳವಾಗಿ ಚಾಚಿರುವ ವಿವರ ಸ್ಪಷ್ಟವಾಗಿ ಮೂಡಿಬಂದಿದ್ದು ಗರ್ಭದಲ್ಲಿ ಮಗುವಿಗೆ ಕೈ ಚಾಚುವಷ್ಟು ಸ್ಥಳವಿರುತ್ತದೆಯೇ ಎಂದು ಅಚ್ಚರಿಯ ಜೊತೆಗೇ ಭಯವನ್ನೂ ಹುಟ್ಟಿಸಬಹುದು.

ಚಿತ್ರ #8 ಠಕ್ಕಮಗುವಿನ ಚಿತ್ರ

ಈ ಚಿತ್ರ ನೋಡಲಿಕ್ಕೆ ಮಗುವೊಂದು ನಿಮ್ಮನ್ನು ಹೆದರಿಸಿ ನೀವು ಹೆದರಿದ ಬಳಿಕ ನಿಮ್ಮನ್ನು ನೋಡಿ ನಗುತ್ತಿರುವಂತಿದೆ. ಆದರೆ ಇದು ಸ್ಕ್ಯಾನ್ ತೆಗೆಯುವ ತಂತ್ರಜ್ಞನ ಕೈಚಳಕದಿಂದ ಮೂಡಿದ ಠಕ್ಕ ಚಿತ್ರವೇ ಹೊರತು ಮಗುವಿನ ನಿಜಚಿತ್ರವಲ್ಲ! ಈ ಚಿತ್ರಗಳು ಭಯ ಹುಟ್ಟಿಸಿದವೇ? ಈ ಬಗ್ಗೆ ನಿಮ್ಮ ಅನಿಸಿಕೆಗಳನ್ನು ಕೆಳಗಿನ ಕಮೆಂಟ್ಸ್ ಭಾಗದಲ್ಲಿ ಬರೆದು ನಮಗೆ ಖಂಡಿತಾ ತಿಳಿಸಿ.