Click it and Unblock the Notifications
Latest Updates
-
Weekly Horoscope: ಮಾರ್ಚ್ 22 ರಿಂದ ಮಾರ್ಚ್ 29ರ ವರೆಗೆ ತುಲಾದಿಂದ ಮೀನ ರಾಶಿವರೆಗಿನ ವಾರ ಭವಿಷ್ಯ! -
Weekly Horoscope: ಮಾರ್ಚ್ 22 ರಿಂದ ಮಾರ್ಚ್ 29ರ ವರೆಗೆ ಮೇಷದಿಂದ ಕನ್ಯಾ ರಾಶಿವರೆಗಿನ ವಾರ ಭವಿಷ್ಯ! -
ಮಳೆಗಾಲಕ್ಕೆ ತಯಾರಾಗಿ: ನಿತ್ಯ ಊಟದೊಂದಿಗೆ ಸವಿಯಲು ರವೆ ಸಂಡಿಗೆ ಮಾಡಿ! -
ಮೀನ ರಾಶಿಯಲ್ಲಿ ಶನಿ-ಮಂಗಳ ಸಂಯೋಗ: ಅಪರೂಪದ ಸಮ್ಮಿಲನವು ತರಲಿದೆ ಬಿಕ್ಕಟ್ಟು, ಆರ್ಥಿಕ ಸಮಸ್ಯೆ! -
ಈ 2 ರಾಶಿಯವರ ಪ್ರೇಮ ಸಂಬಂಧಗಳು ಸಿಹಿ! ಸಣ್ಣಪುಟ್ಟ ಸಮಸ್ಯೆಗಳು ಖಚಿತ -
March 21 Horoscope: ಹೊಸ ಆರಂಭಗಳಲ್ಲಿ ಹಣ ಹೂಡಿಕೆಗೆ ಯೋಗ್ಯ ದಿನ! -
ಒಂದು ಹನಿ ಎಣ್ಣೆ ಇಲ್ಲದೆ ಮಾಡಿ ದಹೀ ಭಲ್ಲಾ! ರುಚಿ, ಆರೋಗ್ಯದಲ್ಲಿ ರಾಜಿ ಇಲ್ಲ.. ತೂಕ ಡಬಲ್ ಇಳಿಯುತ್ತೆ -
ಸುಸ್ತು & ಆಯಾಸದಿಂದ ಬಳಲುತ್ತಿದ್ದೀರಾ? ಈ ರಾಗಿ ಖರ್ಜೂರದ ಲಾಡು ಸೇವಿಸಿ.. ಸಕ್ಕರೆ, ಬೆಲ್ಲ ಬೇಕಿಲ್ಲ.. ಮಾಡೋದು ಹೇಗೆ? -
ಎಂದಾದ್ರೂ ಚೆಟ್ಟಿನಾಡ್ ಚಿಕನ್ ಸವಿದ್ದೀರಾ? ಬಾಯಲ್ಲಿ ನೀರೂರಿರುವ ರುಚಿ.. ಮಸಾಲೆ ರುಬ್ಬದೇ ಮಾಡಿ -
ಕುಂಭ ರಾಶಿಯಲ್ಲಿ ಬುಧ ಮಾರ್ಗಿ: ಈ ರಾಶಿಯವರಿಗೆ ಶುಭಕಾಲ ಆರಂಭ! ಕಷ್ಟಗಳಿಗೆ ಮುಕ್ತಿ.. ಕುಬೇರನ ಕೃಪೆ ಶುರು
ನೈಜೀರಿಯಾದ ಈ ವ್ಯಕ್ತಿಗೆ ಬರೋಬ್ಬರಿ 120 ಪತ್ನಿಯರು ಹಾಗೂ 203 ಮಕ್ಕಳು!
ಅಲ್ಪವಿದ್ಯಾ ಮಹಾಗರ್ವೀ ಎಂಬ ಸಂಸ್ಕೃತದ ಗಾದೆಯೊಂದಿದೆ. ಅದರಂತೆ ಧಾರ್ಮಿಕ ಗ್ರಂಥವನ್ನು ಓದದೇ, ಅರ್ಥಮಾಡಿಕೊಳ್ಳದೇ, ಅದರಂತೆ ನಡೆಯದೇ ತಮ್ಮದೇ ಆದ ಕಾನೂನುಗಳನ್ನು ಹುಟ್ಟುಹಾಕಿದ ಅಲ್ಪಜ್ಞಾನಿಗಳಿಂದಾಗಿ ಇಂದು ಜಗತ್ತಿನಲ್ಲಿ ಎಷ್ಟೋ ಗೊಂದಲಗಳಿವೆ. ವಿಶೇಷವಾಗಿ ಮುಸ್ಲಿಮ್ ಧರ್ಮದಲ್ಲಿ ಹೇಳಿರುವ ತ್ರಿವಳಿ ತಲಾಖ್ ಅಥವಾ ವಿಚ್ಛೇದನದ ಕುರಿತಾಗಿಯೂ ಇದೇ ರೀತಿಯ ನಂಬಿಕೆಗಳು ಬೆಳೆದುಬಂದಿವೆ.
ಇದೇ ರೀತಿ ಮುಸ್ಲಿಂ ಧರ್ಮದಲ್ಲಿ ಅವಕಾಶ ಮಾಡಿಕೊಟ್ಟಿರುವ ಇನ್ನೊಂದು ವ್ಯವಸ್ಥೆ ಎಂದರೆ ಬಹುಪತ್ನಿತ್ವದ್ದು. ಈ ಕಾನೂನು ರಚನೆಯಾಗಿದ್ದು 1400 ವರ್ಷಗಳ ಹಿಂದೆ, ಯುದ್ಧದಲ್ಲಿ ಬಹಳಷ್ಟು ಪುರುಷರು ಮಡಿದಾಗ ಮಹಿಳೆಯರ ಸಂಖ್ಯೆ ಹೆಚ್ಚಿದ್ದು ಇವರಿಗೆ ಸಮನಾದ ಸಾಮಾಜಿಕ ಮಾನ್ಯತೆಯನ್ನು ನೀಡಲೆಂದೇ ಇದು ರೂಪುಗೊಂಡಿತು.
ಆದರೆ ಇದಕ್ಕಿರುವ ಕಟ್ಟುಪಾಡೆಂದರೆ ನಾಲ್ಕು ಪತ್ನಿಯರು. ಆದರೆ ನೈಜೀರಿಯಾದ ಪ್ರವಚನಕಾರರೊಬ್ಬರು ಈ ಅವಕಾಶವನ್ನೇ ಉಪಯೋಗಿಸಿಕೊಂಡು ತನ್ನ ಜೀವಿತಾವಧಿಯಲ್ಲಿ ನೂರಿಪ್ಪತ್ತು ಮದುವೆಯಾಗಿ ಇನ್ನೂರಾಮೂರು ಮಕ್ಕಳ ತಂದೆಯೂ ಆಗಿದ್ದ. ಬನ್ನಿ, ಧರ್ಮವನ್ನು ಸರಿಯಾಗಿ ಉಪದೇಶಿಸುವ ಬದಲು ತನ್ನ ಉಪಯೋಗಕ್ಕೆ ತಿರುಚಿಸಿದ ಈ ವ್ಯಕ್ತಿಯ ಬಗ್ಗೆ ಹೆಚ್ಚಿನ ವಿವರಗಳನ್ನು ಅರಿಯೋಣ...
ಈತ ತನ್ನ ಬಳಿಗೆ ಚಿಕಿತ್ಸೆಗೆಂದು ಬರುತ್ತಿದ್ದ ಮಹಿಳೆಯರನ್ನೇ ವರಿಸುತ್ತಿದ್ದ
ನಾಟಿ ವೈದ್ಯಪದ್ಧತಿಯ ಬಗ್ಗೆ ಅರಿವಿದ್ದ ಕಾರಣ ತಮ್ಮ ಕಾಯಿಲೆಗಳನ್ನು ಹೇಳಿಕೊಂಡು ಹಲವಾರು ಮಹಿಳೆಯರು ಚಿಕಿತ್ಸೆಗಾಗಿ ಈತನ ಬಳಿ ಆಗಮಿಸುತ್ತಿದ್ದರು. ಇವರಲ್ಲಿ ಹಲವರ ಕಾಯಿಲೆಗಳನ್ನು ತನ್ನ ಚಿಕಿತ್ಸೆಯ ಮೂಲಕ ಗುಣಪಡಿಸಿದ ಬಳಿಕ ಇದಕ್ಕೆ ಉಪಕಾರವಾಗಿ ತನ್ನ ಪತ್ನಿಯಾಗುವಂತೆ ಕೇಳಿಕೊಳ್ಳುತ್ತಿದ್ದ. ಈತನ ಪತ್ನಿಯರಲ್ಲೊಬ್ಬರು ಹೀಗೆ ವಿವರಿಸಿದ್ದಾರೆ: "ನನಗಿಂತ ತುಂಬಾ ಹೆಚ್ಚು ವಯಸ್ಸಾಗಿದ್ದ ವ್ಯಕ್ತಿಯನ್ನು ಮದುವೆಯಾಗಲು ಸಾಧ್ಯವಿಲ್ಲವೆಂದು ಹೇಳಿದರೂ ಆತ ಇದು ದೇವರ ಆಜ್ಞೆ, ಇದನ್ನು ಪಾಲಿಸಲೇಬೇಕೆಂದು ಹೇಳಿದ್ದರಿಂದ ಅನಿವಾರ್ಯವಾಗಿ ಮದುವೆಯಾಗಲೇಬೇಕಾಯಿತು"
ಈತನ ವಿರುದ್ಧ ಫತ್ವಾವನ್ನೂ ಹೊರಡಿಸಲಾಗಿತ್ತು
ಇಸ್ಲಾಂ ಧರ್ಮದ ಪ್ರಕಾರ ವ್ಯಕ್ತಿಯೊಬ್ಬ ಗರಿಷ್ಠ ನಾಲ್ಕು ಮದುವೆಯಾಗಬಹುದು, ಅದೂ ಆ ಸಮಯದಲ್ಲಿ ಮಹಿಳೆಯರ ಸಂಖ್ಯೆ ಹೆಚ್ಚಿದ್ದು ಪ್ರತಿಯೊಬ್ಬ ಪತ್ನಿಗೂ ಸಮಾನವಾದ ಹಕ್ಕುಬಾಧ್ಯತೆಗಳನ್ನು, ಜೀವನ ನಡೆಸಲು ಅವಶ್ಯವಿದ್ದಷ್ಟು ಧನಿಕನಾಗಿದ್ದರೆ ಮಾತ್ರ. ಆದರೆ ಇಲ್ಲಿ ಈ ನಿಯಮವನ್ನು ಈತ ಸರಾಸಗಟಾಗಿ ಉಲ್ಲಂಘಿಸಿದ್ದ ಕಾರಣ ವಿದ್ವಾಂಸರು ಈತನ ವಿರುದ್ಧ ಫತ್ವಾ ಅಥವಾ ನಿಷೇಧಾಜ್ಞೆಯನ್ನೂ ಹೊರಡಿಸಿದ್ದರು.
ಕೆಲವನ್ನು ಈತ ವಿಚ್ಚೇದಿಸಿದ್ದಾನೆ ಸಹಾ
120 ಪತ್ನಿಯರಲ್ಲಿ ಈತ ಹತ್ತು ಪತ್ನಿಯರಿಗೆ ವಿಚ್ಛೇದನ ನೀಡಿದ್ದಾನೆ. ಆದರೆ ಉಳಿದ 110 ಪತ್ನಿಯರನ್ನು ಆತ ಪತ್ನಿಯರೆಂದೇ ಪರಿಗಣಿಸಿದ್ದಾನೆ.
ಅವಕಾಶ ಸಿಕ್ಕಿದ್ದರೆ ಇನ್ನೂ ಹೆಚ್ಚು ಮದುವೆಯಾಗುತ್ತಿದ್ದ
ಈ ಬಗ್ಗೆ ನಡೆಸಿದ ಸಂದರ್ಶನವೊಂದರಲ್ಲಿ ಅವಕಾಶ ಸಿಕ್ಕರೆ ಜೀವಿತಾವಧಿಯಲ್ಲಿ ಇನ್ನೂ ಹೆಚ್ಚು ಮದುವೆಯಾಗುವುದಾಗಿ ತಿಳಿಸಿದ್ದ.
ಈತನ ನಂಬಿಕೆಯ ಪ್ರಕಾರ
ಈತ ಸಂದರ್ಶನವೊಂದರಲ್ಲಿ ಹೇಳಿಕೆ ನೀಡಿದ ಪ್ರಕಾರ ಈತ ಯಾರನ್ನೂ ತನ್ನನ್ನು ಮದುವೆಯಾಗುವಂತೆ ಕೇಳಿಕೊಂಡಿರಲಿಲ್ಲ. ಬದಲಿಗೆ ಅವರೇ ತನ್ನ ಬಳಿ ಬರುತ್ತಾರೆ ಹಾಗೂ ಇವರನ್ನು ಮದುವೆಯಾಗುವಂತೆ ದೇವರೇ ನನ್ನಲ್ಲಿ ಕೇಳಿಕೊಳ್ಳುತ್ತಾರೆ ಮತ್ತು ಸರಳವಾಗಿ ಅವರನ್ನು ಮದುವೆಯಾಗುತ್ತೇನೆ, ಅಷ್ಟೇ.
ಕಡೆಗೂ 93 ರ ವಯಸ್ಸಿನಲ್ಲಿ ಈತ ತೀರಿಕೊಂಡ
ವಯೋಸಹಜವಾಗಿ ತನ್ನ 93ನೇ ವಯಸ್ಸಿನಲ್ಲಿ ಈತ ತೀರಿಕೊಂಡಾಗ ಸರಿಯಾಗಿ ನೂರಿಪ್ಪತ್ತು ಪತ್ನಿ ಮತ್ತು 203 ಮಕ್ಕಳನ್ನು ಹೊಂದಿದ್ದ.
Continue with Google